نفسيتي تعبت ارجو الرد

غ

غرور الوايليه

New member
إنضم
2016/10/06
المشاركات
33
صاري 8شهور متزوجه واكتشفت ان زوجي يراسل وحده ع الواتس اب هذا اول مره كشفته وللاسف كان بالاسابيع الاولى من زواجي وتكلمنا بالموضوع وماقدرت امسك اعصابي وبكيت وحلف ع القران انه ماراح يعيدها وصار يبكي ويبي بس رضاي وقال انه يحبها من 7سنوات وهو يكلمها ومو قادر يتركها ويكلمها على الخفيف بعد الزواج ومسح رقمها وكسر الشريحه بس بعدها بسبوع فتشت جوالها ولقيته حافظ رقمها بأسم رجال وماقلت شي بس قلبي يولع كل مامسك تلفونه والقاه مغير الاسم كل فتره ...مع انه معاملته لي فوق الرائعه بس هذا عيبه وماني قادره اتحمل وعندي رقم البنت بس هو مايدري عني
الله يخليكم ابي حل بس لحد يقول لاتفتشين الجوال
 
هلا حبيبتي الله يعينك ويصبر قلبك والله اني اعرف انه شي صعب جدا ومؤلم الى تمري فيه لكن اقول شي يخفف عنك كثيييير من الرجال كذا في البداية يكلمون ويطلطلون ويعامسون ويشوفون افلام وسخه بس انت وريه اهتمامك فيه وحبك له ودلعيه واملئ حياته وناسه نكت مضخكة وتمشيات والله ولاتنسي الدعاء له الله يصلحه ويهديه و استودعيه الله كل صباح ومساء والله يحفظه عن الحرام بإذن الله ويخليكم لبعض
 
بالعكس انا محسسته بالحب ومثل ماقلتي والدلع وهو نفس الشي معاملته معاي بس هذا الشي مخرب عليه مع اني مضايقه من داخل بس مابي احسسه بس خايفه ان تصرفي خطأ ودي اواجهه بس مابي يعرف اني فتحت جواله لان هو واثق فيني حت الرقم السري معلمني عليه ويخليني افتحه وارسل منه
 
اهلين اختي مثل اللي صار معي خليه بيزهق وبيمل لانه بيحس انه مشتت خاصه بالمشاعر وانتوا بالبدايه ان شاء الله تزين اموركم
 
غرور الوايليه قال:
بالعكس انا محسسته بالحب ومثل ماقلتي والدلع وهو نفس الشي معاملته معاي بس هذا الشي مخرب عليه مع اني مضايقه من داخل بس مابي احسسه بس خايفه ان تصرفي خطأ ودي اواجهه بس مابي يعرف اني فتحت جواله لان هو واثق فيني حت الرقم السري معلمني عليه ويخليني افتحه وارسل منه
أنقر للتوسيع...

يالله انتي نفسي
انا زوجي ولله الحمد معاملته معي زينه واحسه يحبني ومو مقصر
بس لما فتشت حواله لقيت يبحث عن خطابه مسيار
ولا اقدر اقوله شي واحترقت وطفيت ولا بيدي شي غير استغبي .. مقدر اواجه
واقوله فتشت جوالك
الله يبرد قلبك وقلبي
المهم
اخاف اذا سويتي شي تنقلب السالفه عليك لو كلمتيها ويتغير معك
 
راح أكلمك بكل صدق كمواقع تجربة عشتها حوالي عشر سنين
اذا كنتي حابة تكملي زواجك من غير مايصل الحال الى اكثر من مراسلة إذن أستعيني بالله واسمعيني
انا عشت نفس تجربتك من احدى عشر سنة اكبر غلطة سويتها بحياتي أني واجهته وثاني غلطة أني خليت الموضوع يمتد الى اهتمامي بنفسي. وفقداني لضحكتي وخليت هذا الموضوع يتحكم بمشاعري
اولا الموضوع مو سهل خاصة انك عروسة ومدام هو معك جيد وتعامله بحب إذن إنتي كسبتي خطوة
نصيحتي لك اذا حابا تطلعي من هذا المشكل وقفي حالا تفتيش واياكي تواجهيه ولا تتكلمي أبدا في هذاالموضوع
مدام كان يحبها من سنين ومتعلق فيها الترك راح يكون صعب لكن راح ينساها اذا كنتي حكيمة وعرفني تمشي معاه
لازم نكون صادقين مع أنفسنا شخص حبيتيه سنين مستحيل تتركيه في لحظة تحتاجي حب يعوضك حبو
وشخص يبني لك أمل جديد ويتعامل معك بثقة وكلام طيب حتى تحسي بالذنب وشوي شوي تبطلي صح كلامي?
يتبع
 
اذا واجهتيه راح تخسري
راح يفقد الحب معك والثقة بينكم وراح يحن لها أكثر كل ما فكرتيه او كلمتيه او حتى التعتي عنو عاطفيا لأنك مجروحة
احين حل يا اختي انك تعيشي معاه وتعويضه وتبني معاه ذكريات حلوة
انسي تماما ان يكلمها او يراسلها عارفة ان صعب لكن صدقيني هذا الطريق اللي راح تربحي اكثر ماتخسري
واجهيه قوليلو انك تعرفي وان نذل وخداع وكذاب وووووووو واحرميه حبك وعاطفته وراح يروح لها او لغيرها لأنك ببساطة لم تعودي المنفذة بالنسبة له بل أصبحتي المعذبة ومصدر الالم ويجب ان يهرب منكي ليرتاح
لا تعملي حالك ولا تركي حياتك وضحكتك وصحباتك حسسيه بالثقة وأعطيه فرصة ينساها ويندم ويرجعلك
 
هل تشتكين من برود زوجك بينما هو عرضة للافتتان من غير ?
موضوع للاخت الناصحة الأمينة
قمة في الروعة كان هذا الموضوع سبب لعودة حياتي الى النور بعد الله عز وجل
قرأته عشرات المرات خاصة الردود والنقاشات
ارجوكي اقرئيه وتمعني تفهمي كلامها وطبقي وراح تشوفي ما يسرك عزيزتي
نصيحة اخيرة صدقيني (ادفع بالتي هي أحسن فإذا الذي بينك وبينه عداوة كأنه ولي حميم)
تعاملي معه بالحسنى لكن لا تجعليه محور حياتك فهو قبل كل شيئ عصى ربه

 
ربي يسعدكم جميعاً على الردود وجبركم لخاطري ...وانا اقرا الردود دمعتي على خدي وما اقدر اتحسب عليه لان حبيته?
 
استنى الجنة قال:
هلا حبيبتي الله يعينك ويصبر قلبك والله اني اعرف انه شي صعب جدا ومؤلم الى تمري فيه لكن اقول شي يخفف عنك كثيييير من الرجال كذا في البداية يكلمون ويطلطلون ويعامسون ويشوفون افلام وسخه بس انت وريه اهتمامك فيه وحبك له ودلعيه واملئ حياته وناسه نكت مضخكة وتمشيات والله ولاتنسي الدعاء له الله يصلحه ويهديه و استودعيه الله كل صباح ومساء والله يحفظه عن الحرام بإذن الله ويخليكم لبعض
أنقر للتوسيع...
كلامها حلو
 
غرور الوايليه قال:
بالعكس انا محسسته بالحب ومثل ماقلتي والدلع وهو نفس الشي معاملته معاي بس هذا الشي مخرب عليه مع اني مضايقه من داخل بس مابي احسسه بس خايفه ان تصرفي خطأ ودي اواجهه بس مابي يعرف اني فتحت جواله لان هو واثق فيني حت الرقم السري معلمني عليه ويخليني افتحه وارسل منه
أنقر للتوسيع...
نصيحه من اختك لا تصارحينه ابد مراح تسفيدي شي وممكن رده فعله ما تكون زي المره الاولى ممكن تكون عكس وتخرب علاقتكم ويكون بينكم حاجز اسألي مجربه
 
مشكورات حبايب قلبي ربي يهون كل همومكم ويحقق اللي ابالكم وان شاء الله باخذ بنصايحكم ...واخليها جمره على قلبي
..طيب بسألكم هي البنت اللي بدوله ثانيه وخايفه اروح لها معاه ويتقابلون لان مو كل الوقت معاه انا لان خواتي بنفس الدوله وارح زياره لهم وهو اخاف يخلو له الوضع ...ممكن تنصحوني
 
بليز ردو علي بالنسبه للسفر مثل ماذكرت☝لان بسافر الاسبوع القادم عادي اخليه يروح ولا اروح بروحي لان هو قال انتي روحي مع اهلك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل