اطنشه او اهتم فيه اكثر

[ام صخر]

زوجي جنوبي غربي وصارلنا متزوجين 16 سنه وعندنا اطفال... كان بينا مشاكل ومو متفاهمين كان خايني من زمان ومن بعدها ما صرت اثق فيه..وكان دايم يكرر انا صار عمري 40 وانا غير سعيد ابي ادور راحتي وقرر السنه الماضيه انه يترك الغرفه وكان يبي الانفصال بس ما يبي العيال يتأثرون فقلتله حطلي بيت بحكم اننا ساكنين في دور فوق اهله لاني في حال تطلقت محد بيرضى اني اكون ساكنه في نفس بيت اهل طليقي.. قال ما عندي امكانيه ..انتي اقعدي مع العيال في البيت وما يصير طلاق وانا بطلع قلتله اذا طلعت مالي قعده في البيت..وصارله الان سنه ينام بغرفه لحاله وعازل نفسه يقعد فيها وياكل فيها ما يقعد معنا بالصاله
حاولت اصلح الوضع معه وقلتله عندنا تراكمات ما حليناها ضروري نحل مشاكلنا صح ونفتح صفحه جديده.. رافض يقول خلاص انا فقدت الامل وحاولت مع العلم انه ما سوى شي
طنشته لمدة 3 شهور خليته بحاله وما كان بينا علاقه ما اهتم ابد ..عاش حياته بالطول والعرض روحات للبحرين وسهرات وكان احيانا ينام برى وكان اسلوب معي جاف
بعدها حاولت ارجع علاقتي وصرت اقعد معه بغرفته واهتم فيه واعبرله عن مشاعري وارسله مسجات حب ( الاشياء اللي يحبها الجنوبي) وصرت كثير اطلب العلاقه يعني كنت ابي اشبعه وكنت دايما انا المبادره ولا مره بادر بس كان يتفاعل معي ..وصار اسلوبه معي افضل والين من اول بس وحاولت اقنعه يرجع للغرفه رفض وكان يقول خلاص خسرتيني!!!..
في المقابل كان الاخ عنده اضافات بنات جديده في الفيسبوك ويطلب يقابلهم وفي وحده فعلا شفت ردها انها موافقه.. وهالبنات جدا فري اوبن مايندد على قولتهم
المشكله اللي اعتقد انها باعده زوجي انه عنده افكار ومعتقدات انا رافضتها ومو متقبلتها وهو عارف هالشي ودايم يقول انا مو تارس عينك ..فقاعد يبحث عن اشخاص يتقبلونه ويفخرون فيه
ومو من طبعه انه يعاملني بهالقسوه والجفاف بس لاحظت هالشي الثلاث سنوات الاخيره
الان انا محتاره كيف اتعامل معه ... التطنيش ما فاد ..والاهتمام برضو ما ارضاني لانه قاعد ياخذ كل اللي يبيه مني وبنفس الوقت مو قاعد يرضيني وقاعد يلعب بذيله وانا ما اقدر اواجهه او اطالبه بشيء لانه كان يبي الانفصال... ساعات افكر بالانفصال بس ظروفي ما تسمح وانا مو موظفه

 

[ام مريم90]

المشكله اللي اعتقد انها باعده زوجي انه عنده افكار ومعتقدات انا رافضتها ومو متقبلتها وهو عارف هالشي ودايم يقول انا مو تارس عينك ..فقاعد يبحث عن اشخاص يتقبلونه ويفخرون فيه

هاد هو الحل مو المشكلة

اللي بشوفو انو جوزك محتاج منك لكلمات التقدير لما بيجيب شي للبيت محتاج منك تقدري هالشي بالكلااااااام لا تستخدمي الصمت شجعتيه دائماً وامدحيه الرجال بدو يحس حالو محل اعجابك بس هو مو شايف هالشي منك

راجعي امورك من هالناحية الحب لغات وانتي يمكن ما بتعرفي شو هي اللغة اللي بيستخدما اقري كتاب لغات الحب الخمس بينفعك

 

[ام صخر]

قريت الكتاب..وصايره استغل اي موقف يسويه علشان اشكره وابينله تقديري حتى لو كان من واجباته بس احس مو كافي بالنسبه له

 

[ام صخر]

اوقات اقول لنفسي ليش يتغير ويصير وفيّ ومخلص وهو في الوضع الحالي عايش بربيع زي ما يقولون ...عنده زوجه قايمه فيه وفي عياله وبنفس الوقت هو حر يسوي اللي يبي وماعنده التزامات

 

[العنوووددد]

الله يعينك اختي حاولي تتفهمي معاه ماقدرتي مالك الا الدعاء صلي واسجدي وابكي وابكي وابكي من قلبك انا بعض الاحيان كدا لما يشد عليا الهم ابكي من قلبي لاان اهلى واقفين ضدي ابكي من قلب

 

[ام صخر]

الله يعينك اختي حاولي تتفهمي معاه ماقدرتي مالك الا الدعاء صلي واسجدي وابكي وابكي وابكي من قلبك انا بعض الاحيان كدا لما يشد عليا الهم ابكي من قلبي لاان اهلى واقفين ضدي ابكي من قلب

الله يفرجها عليك وعليّ وعلى الجميع

 

[رهف 88]

اوقات اقول لنفسي ليش يتغير ويصير وفيّ ومخلص وهو في الوضع الحالي عايش بربيع زي ما يقولون ...عنده زوجه قايمه فيه وفي عياله وبنفس الوقت هو حر يسوي اللي يبي وماعنده التزامات

أختي الجنوبيين بقدر ما هم سيئون جدا جدا اذا لم تفهميهم فهم رائعون ومتعاونون جدا إذا عرفت المدخل الى قلوبهم بل انهم معروفين بالوفاء والإخلاص اذا وجدوا حب حياتهم
أختي لا تعامليه كزوجة قد تنفصل عنه في أي لحظة بل عامليه كعاشقة لا تريد منه سوى الاستمتاع بلحظاتها معه
افهمي لغته كما قالت أم مريم وستتحسن علاقتكما بإذن الله

 

[ام صخر]

كان عندي تصرفات غلط بسبب انها ردة فعل على خيانته..ومااحسنت التصرف الا قبل سنتين صرت اقرى عن العلاقات وتوعيت وحسيت نفسي نضجت وفكري تغير..بس هو قاعد يحكم على النسخه القديمه مني ورافض جدا حتى الحوار في الاسباب والتفاصيل ويقولي انا متخذ قراري وماراح اصلح العلاقه وعندي خطط بمشي عليها

 

[اسس]

انصحج تقرين روايه برود و مطر
و غير عن جي اهتمي ف نفسج مش ((نظافه و ميكب ....الخ هالأشياء لا بد منها )) قصدي اهتمي ف ثقافتج و ف الرياضيه و هواياتج و بنفس الوقت خلج جنونه وياه و خله فيج شوي غمووض عشان تجذبينه

 

[سمسم]

ياخذ وقت ع بال مايتعرف عليك من جديذ
بما انك تغيرتي يعني كملي تغيراتك الاجابيه
وحيرجعلك باذن الله دامك تبين الاستمرارمعه
حاولي وكملي راح يعرف انك انتي تحبينه ومصره تعيشين معه

دايم اشكريه ع اي شي يجيبه او يسويه للبيت وللعيال ولك وزيدي عليه كلامك الحلوة وابتسامه

امدحي فيه قد ايش كريم ومحترم ويقدر ويفهم وكل هالاشياء امدحيه ع كل صغيرة وكبيرة
استغفري وتصدقي وادعي اللع يسخره لك ولعيالك والله يردكم لبعض يارب

 

[ام صخر]

داخل في مرحلة صمت ما يتكلم وما يتناقش ولا يفتح مواضيع معي ابداً .. المشكله حتى لو اسولفله مثلا عن المواقف المضحكه اللي يسوونها العيال يكتفي بابتسامه.. لما يجي للبيت استقبله بحضن واسأله عن يومه وهو ولا يكلف حاله يسأل عن شي..ودايما انا المبادره بالعلاقه .. طول وقته برى وسهرات..واذا كان في البيت ينام بدري..يعني قاعده احاول بس مو قادره وهو مسكر الباب والمشكله مو قادره حتى اتكلم عن تصرفاته واهماله .. جربت اخليه بحاله وما اتودد احسه يعصب واسلوبه يصير جاف واذا توددت ما اشوف فيه تفاعل وتصرفاته مثل ماهي