مساء الخير خواتي ..
امس صارلي مع خطيبي نقاش حار شوي ، هالايام ماشيه على ماقلتو ثقل وهدوء ومااكلمه ولاادق ولا شي واشوفه يرسل قصيد وشعر وشغلات بس امس الظهر ارسلي صورة تلفون جديد بالسناب خاص انو جايه هديه وسألته من وين مارد وانا كان اللي فيني مكفيني دوره وتعبانه ومتوتره من مشاكل البيت وكل شي المهم اني مليت من هالتصرفات وهو قال قبل فيه بنات معجبات يرسلون لي لشغلي حلا وكيك وهدايا ف توقعت ان التلفون منهم ، قلتله ياابن الناس خلاص انا راضيه بالانفصال اذا يرضيك ويريحك وانا ماعاد اتحمل هالتصرفات كلهاا ولاعاد يهمني غير نفسي وبس ولانكثر حكي وزواج مافيه تقدير واحترام مالي لزمه فيه ..
رد قال شفيك بسم الله عليك
قلت مافيني شي بس انا اللي عندي قلته ومافتح كلامي الا اليوم الظهر وقال انا بعد ضايق ومخنوق قلت من شنوو طيب علمني !
قال انو حسابه بالبنك موقف شهرين لانه داخل مشروع والشركه حقت ابوه اللي هو فيها محتاج يسدد رواتب الموظفين ومو قادر وتسلف من كثير رياجيل وهالشي مأثر بنفسيته انه يمد يده وهو مايحب صورته تهتز عند احد ووالده رافض يدفع له اي شي وهذا اللي قاله .
خواتي انا مو عارفه اتصرف بهالمواضيع لانه اول مره يتكلم بمشكله كذا بالعاده يتحفظ ويظهر لي انو بخير ومو ناقصه شي ..
انا شايله عليه حيل لانه مايدق يوعدني يدق ومايدق ويغبني بتصرفاته وهالهداياا اللي مدري من وين تجيه ?
علموني الان كيف اتصرف هل اصر على قراري بالانفصال او ايش اسوي وكيف اتصرف بمشكلته هذي وكيف ايضاً اتصرف بسالفة هالهدايا والبنات حسبي الله عليهم ويبعدهم عنه ?
وان ساعدته بمبلغ مالي بيتعود وانا ماابغاه يتعود والشمالي يحب الحريصه على مالها وحقها
سااااعدوني مالحل !!
