لسلام عليكم
بالبداية احب ابارك حق كل البنات الي تعالجوا و تشافوا مبرووووك والفال للبقيه
انا حابه اشاركم قصتي و تجربتي مع التشنج بعدي ما تشافيت منه بس بمرحلة الشفاء ان شاءالله
متزوجه لي فترة طويله و في اول ليلة تم فض البكاره بس بعد عناء و صراخ و بكي و من بعدها تشنجت مرت الايام و الشهور علي هالحال كل الي حولي و تزوجو بعدي حملوا بالطفل الاول و الثاني و انا بعد مثل ما انا .. بنات انا بعد فترة ماقمت احس بخوف لا عادي و انا اطلب هالشي من زوجي بس وقت الدخول ما يصير شي كأنه في جدار و طوفه و ما عندي خوف ان زوجي يلمس المنطقه بس المنطقه تكون متشنجه لاإرادي مو بكيفي .. و تمر الايام علي هالحاله الي ما سمعت خبر حمل زوجة حماي بالطفل الثاني و زواجهم كان بعد زواجي
واااايد تضايقت علي نفسي وايد و علي زوجي الي متحمل هالشي و ساكت .. بعدها بديت ابحث بالنت و الحمدالله عرفت شنو المشكله بس ماعرفت اي دكتوره تعالج هالمرض بالكويت فقررت اني اروح لمستشفى خاص عند دكتوره نساء ورحت و ياليتني ما رحت اول شي قامت تزفني و تقولي انتي ليش جذي و شلون ريلج مستحمل و راح يطلقج و قالتلي بكشف عليج حاولت بس ما قدرت كنت اصرخ وما اخليها و طلعت منها متضايقه حيل و قلت خلاص باجر بروح لدكتوره ثانيه و رجعت البيت و كلمت زوجي بالموضوع و عن هالمرض و الحمدالله كان متفهم هالشي و اليوم الي بعده رحت لدكتوره بمستشفي حكومي و كانت عكس الاولى ارتحت وايد وانا اكلمها و اشرح لها و طلبت مني انها تكشف حاولت بس ما قدرت كنت انقز و ماكنت مسترخيه .. قالت لي خلاص احولج لعيادة العلاج الطبيعي داخل المستشفي وايد انصدمت ان هالمرض علاجه موجود بالكويت .. خذيت موعد مع الدكتوره و بلشنا بالجلسات طبعا مختلفه الجلسات شوي
اول جلسه شرحت لها عن مشكلتي و كل الي صار معاي و بدت الدكتوره تفهمني المشكله و تشرح لي بالصور و الكلام و الحمدالله وايد ارتحت و كانت تكلمني عن حالات مرت عليها اصعب من حالتي بكثيييير .. بس ما بلشت بالموسعات الا بعد شهر و نص تقريبا لان الموسعات طلبتهم من برا مو متوفرين بالكويت و بهالفتره طلبت مني ادخل صبعي و الحمدالله قدرت مع مساج من زوجي لهالمنطقه و طبعاً طول هالفترة ممنوع الجماع مع زوجي او المحاولات بس جماع السطحي
و الحمدالله بلشت بالموسع الاول و بعدها بيومين جتني الدوره فوقفت و بلشت من خلصت الدوره
صارلي اسبوع الحين و اليوم بلشت بالموسع الثالث قاعده اخذ راحتي بكل موسع 3 ايام تقريبا و ان شاءالله باقي الموسع الرابع و الخامس[/COLOR]
دعواتكم بالتسهيل ان شاءالله
و احب اقول لكل بنت ما تعالجت و تشافت تفائلي ترا الموضوع وايد بسيط ان شاءالله
و اسفه علي الإطاله
