يارب اشفينا و ياسمينا شكرا ع سؤالكوا عني حبيباتي
انا روحت للدكتورة النهاردة و كشفت عليا و دخلت صباعين جوايا و وجعوني طبعا بس في الدخول بس و قالتلي ان مش عندي تشنج ولا حاجة انا بس مزودة الخوف و قالتلي ان حالات التشنج مش بيقدروا يجوا جمبها اصلا قولتلها مانا كنت كدة قبل ما أتمرن قالتلي ولا يقدروا حتي يتمرنوا .. أنا مش عارفة هي بتقولي كدة عشان تطمني و تلغي الفكرة من دماغي و اعيش عادي ولا انا ايه ؟ انا عارفة اني الحمد لله حالتي مش وحشة اوي بس برضه ازاي بحس بجدار و زوجي بيحس بيه كل ما نيجي نعمل حاجة !!
اه و قالتلي حاجة كمان لما سألتها عن الغشاء اذا لسا مازال موجود ولا لأ قالتلي انه موجود بس متزاح شوية و انه من النوع اللي بيسموه مطاطي !! و انه مش هينفض غير ساعة الولادة ان شاء الله
طبعا انتوا عارفين انه وحش و صعب بس الحمد لله ع كل شيء
و قالتلي اني امارس حياتي عادي و طبعا قالت لزوجي انت ماتقلقش عليها بزيادة و اجمد عليها و انا بقيت احس ان دة الحل فعلا , لأن انا مش هاجي غير كدة بتوجع في الاول و بعد كدة بكون احسن
المهم دلوقتي انا عايزة فعلا اجرب مش عارفة اكمل تمارين ولا اجرب ع طول ؟ و مش عايزة اجرب عطوول عشان مش افشل و كتر الفشل بيكون غلط ع الرجل و بيسببله ضعف و فكرت في اني اجرب البنج لتاني مرة بس احطه قبلها بمدة كافية بحيث اكون اتخدرت بمدة كويسة بس برضه قلقانة من حاجتين من اني اتعود عليه و من ان العضو يتأثر تاني بالبنج و يرتخي زي ما حصل المرة اللي فاتت
معلش طولت عليكوا بس محتارة و عارفة ان حيرتي وصلالكوا و ان مفيش غيركوا هيساعدني
