عازبه لم تتزوج بعد ! ساعدددوني

[shatha.mf]

السلام عليكم ورحمة الله وبركاته

.
.

انا عضوه جديده وسجلت عشان اتناقش معكم بموضوع
واحتاج مساعدتكم حبيباتي

بالبدايه ترددت كثير اني اصارح نفسي واكون صريحه معكم واكتب المشكله الي صايره بحذافيرها

انا بنت عمري 21 ادرس بالجامعه ومخطوبه بشكل غير رسمي *محجوزه* لولد خالتي

علاقتي معه كانت مغلفه بالبراءه من خطوبته لي الي كانت بس الاب كلم ابوي مكالمه جوال .. وبحكم عمري الصغير وقتها وانا ادرس بالثانوي تعرفت عليه بجمعاتنا وطلعات الاستراحات لين انكسر حاجز الحيا بيني انا وياه بعد ثلاث سنوات ..

.
.

اعاني من ضعف الحيله
انا بنت تربيت ع الحرام والحلال قبل اتربى على العيب والي مايصلح
واخاف الله بنفسي وانسانه حياويه ..
لكن حبي لهالشخص خلاني اتجرأ معه مع الايام
وسحبني للغلط معه .. اني التقي فيه بخفاء وبغير علم اهلي واهله وكأن علاقته معي علاقة *خويي وخويته *

الغلط الاساسي هو من الاهل
لانهم متأكدين بحبنا لبعض وان بيننا مستقبل يربطنا مع بعض باسم زوج وزوجه *ان شاء الله *
ويعرفون اني على تواصل معه بالجوال ..

لكن مع هذا كله ماسترو علينا وجمعونا بالحلال

انا جايتكم اليوم ابي منكم تدلوني على حل يرضي قلبي .. ادعي بالسجود بحرقة قللللب ان الله يجمع بينا بالحلال ويبعد عنا الحرام .. وبنفس الوقت لما اقوم من سجادتي القى نفسي مقدر ارفض له طلب لما يقول ابي اشوفك او ارسلي لي صورتك بالعزيمه اليوم ..


الموضوع بيدين اهله .. مع العلم انه موظف ويدرس
ومعلقينا ومخلينا بهالحرام وانا قلبي يتقطع

ماني قادره امسك مشاعري تجاهه
وهالفتره صايره اشتهي يلمسني ويضمني
والغلط بينا بادي يكبر
كله بسبب فتره الانتظار هذي ..!

ابي منكم تشوفون الموضوع من كذا زاويه وتدلوني على حل اقدر اساهم فيه بموضوع خطوبتي الغير رسميه .. مع العلم ان امي وابوي مو راضين على هالفتره الطويله الي صبرتها وانا محجوزه ..
لكن صعب ان المبادره تكون من اهل البنت بحكم عاداتنا السعوديه !!!!!!!!! .

 

[Amina]

اسألي نفسك تتوقعي لمن يشفي غليله منك بعد بيتمناك زوجة او يقبلك كزوجة ؟؟

لا تضيعي نفسك يا بنت الناس

و ما يصير تقولي ما اقدر اقاوم خافي الله اذا تبيه يوفقك في حياتك

و ما يصير فيك شي تندمي على اليوم لي انولدتي فيه


لي عودة ان شاء الله

 

[shatha.mf]

اسألي نفسك تتوقعي لمن يشفي غليله منك بعد بيتمناك زوجة او يقبلك كزوجة ؟؟

لا تضيعي نفسك يا بنت الناس

و ما يصير تقولي ما اقدر اقاوم خافي الله اذا تبيه يوفقك في حياتك

و ما يصير فيك شي تندمي على اليوم لي انولدتي فيه


لي عودة ان شاء الله

.
.

شاكره لك ردك اختي ..
انا كتبت الموضوع وواضحه نيتي اني مابي اضيع نفسي وعارفه واميز الصح من الغلط ..

بغيت بس حل لسؤالي يساعدني اوصل للحلال

 

[نور1406]

انا من السعوديه وبالعكس اهل الفتاة يقدرون يشترطون ان فترة الحجز ما تكون طويله واهلك يقدرون يكلمون اهل خطيبك ويقولون لهم يحددون موعد الزواج او ان يفسخون الخطوبه وبما انك اساسا من السعوديه وحتى خطيبك لو تزوجتوا راح يذكر طلعاتك الخفيه معاه ويمكن تكون سبب في مشاكل كبيره بينكم في المستقبل

 

[shatha.mf]

انا من السعوديه وبالعكس اهل الفتاة يقدرون يشترطون ان فترة الحجز ما تكون طويله واهلك يقدرون يكلمون اهل خطيبك ويقولون لهم يحددون موعد الزواج او ان يفسخون الخطوبه وبما انك اساسا من السعوديه وحتى خطيبك لو تزوجتوا راح يذكر طلعاتك الخفيه معاه ويمكن تكون سبب في مشاكل كبيره بينكم في المستقبل

اول مره اسمع بهالحركه
اسعدتتتتتتيني والله بمشاركتك وراح اناقش امي بهالشي
.
وبخصوص انه يذكر طلعاتي معه
والله شوفي انا معك بهالشي لكن اولا واخيرا ، يعتمد على معدن الرجال نفسه .. اذا كان متشارك معي بالغلط مايقدر يمسكها زله علي بالمستقبل !

.

وانا ابي الحل والله لاني تايبه وابي استر نفسي

 

[نور1406]

لا تتوقعين ان تقدرين تقنعين الرجال ان كان مشترك بالغلط معاك لان تفكير الرجل يختلف كثييير عن تفكير البنت وغالبا يكون رد الرجال الي قبلت تطلع معاي يمكن تقبل تطلع مع غيري
وعلى فكره اعرف وحده بعد ملكتها صارت بينها وبين زوجها علاقه وبعدين طلقها وقال الي سوت معاي بتسوي مع غيري مع انهم في حكم المتزوجين بس عقلية الرجل وتفكيره مختلفه عنا وخصوصا البنت الي تسوي شي من غير ما يعرفون اهلها صحيح ان بيكون مستانس معاك بس يعتبر تصرفك غلط وعيب ونصيحتي لك اقطعي مكالماتك معاه ورسلي له رساله اذا تبقى تكلمني بعد العقد وان كل الي نسويه حرام وغلط وانا ما ارضى استمر في الغلط لازم تخلين خطيبك ياخذ عنك فكره انك محترمه وبما ان خطيبك ولد خالتك فسهل جدا ان امك تكلم خالتك وتطلب منها ع الاقل العقد ثم الزواج

 

[الله يفرج علينا]

الحل انك انتي تكلمي الولد وتقوليله يانتزوج ياكل واحد يروح لنصيبه وخففي من المكالمات خليه يشتاقلك ولا تخلينه يشوف ظفرك والله كذا ينجن عليك اكثر

 

[صعبة المراس]

اقطعيه وقولي له ما بكلمك الا بعد العقد .. احسمي الامر خليه هو الي يتحرك ويطلب من أهله تعجيل الزواج .

 

[صعبة المراس]

استمرارك معه بهذه الطريقة سيؤدي حتما الى ما لا تحمد عقباه .

 

[تولين21]

حبيبتي جمعك الله مع خطيبك بالحلال قريباً

اذا جعلتيه يتمكن منك سيقل شوقه ورغبته في تعجيل امر الزواج
احسمي الامر من قبلك وارفضي التواصل معه باي طريقه لاجل الله وحده لان ماتفعليه حراااااااام سواء خطبك من والدك ام لم يخطبك

ومسه لجسمك بالحرام له عواقب وخيمع دنيا واخره
كل ماعليك قطع علاقتك به حديثيه باسلوب المحب الخائف من الله الراغبه في الحلال ولا تتهاونين ابداااااا


صدقيني احاكيك من واقع تجربة احد معارفي بعد استمرار علاقتها بخطيبها لمدة سنتين رغم الحب القوووووي بينهم الا انه كان يقول لاخوه انصحك الا تكلمها الا بعد الملكة وفتره قليلة قبل الزواج لانك حتما ستمل


الرجل يحب الشي الغالي الصعب الحصول عليه

وفقك الله واصلح حالك ..

 

[امانيm]

اانا مع اختي تولين اسمعي لاخواتك حبيبتي ولاتثقي بالرحال مهما كان لان طبيعي هالفتره يبين لك افضل ماعنده وانه متفهم وعادي انتو بجكم المخطوبين ويحاول يهون لك الموضوع لكن جواه غير بس علشان انتي ماتقطعي طلعتك معاه وقوليلي وا طالع معك ولوحدكم وكل مايبغاك لبيتيه ليش بيستعجل على الزواج حبيبتي لاتخليه يشبع منك ويمل ويدور غيرك انتبهي لنفسك انتيالخسرانه بالموضوع هو مو خسران شي الله يحميكي ك كل شر

 

[shatha.mf]

.
.
.
.


والله يا اخوات ان كلماتكم هو صوت عقلي الداخلي ومقتنعه فيه تمام القناعه .. لكن انا في حيره من امري ..
والسبب شغلتين ..

الاولى ان خطيبي وقريبي هو بنفس عمري وباقي له ع التخرج سنتين بالضبط .. لكنه متوظف وله دخل شهري ..

الشي الثاني .. اني ابيه بالحلال وادعي باللحااااااح ان ربي يجمعنا بالحلال رغم كل شي حتى لو اعمارنا صغيره ..
والسبب ان طول الفتره الي بنتظرها زياده مهلكه وكل ممنوع مرغوب وبالموت تجاهدين نفسك تبعدين عن انسان تحبينه وتعودتي عليه ..

ابي كل وحده تحط نفسها بموقف حيرتي وترشدني على طريق اختاره لنفسي ويريح قلبي
الله يريحكم دنيا واخره ..