ثمن الخيانة خيانه ... ساعدوني محتاجتلكم!!
مرحبا أخواتي
أنا عضوة جديده متابعة لكم من فترة وأستفدت الكثير من خبراتكم في هالمنتدى الطيب
وقررت اني أكتب وأضع تجربتي بين أيديكم لعل وعسى أجد مايريح قلبي مما أعانيه في هالفترة
أنا متزوجه من 6 سنوات
وزوجي انسان رائع والحمدلله
وبعد ماتعلمت من هالمنتدى الطيب علم الأنماط طلع زوجي جنوبي غربي أنا جنوبيه شرقيه وياليتني عرفت هالشيء قبل لأنه كان بيجنبني أمور كثيرة كنت في غنى عنها .. ورغم التوافق الكبير بينا إلا انه لابد من المطبات والعوائق اللي تمر على كل زوجين ..
المشكله بدت لما اكتشفت خيانة زوجي رسايل عالتلفون مع مجموعه من البنات .وفي بنات أعرفهم زميلاته بالدوام..
طبعا أنصدمت وايد وأظلمت الدنيا بعيوني وتحطم عالمي كله!!
ماتحملت واجهته بللي شفته واعتذرلي وحلفلي بالقران مابيكرر هالشي!!
ومرت الايام عصيبه علي وايد وثقتي فيه معدومه
والمحادثات اللي قريتها والصور تمر على بالي بكل وقت
وصرت معاه جسد بلا روح
بس شكوكي فيه استمرت وللاسف حط لوك على جواله وانقهرت وايد
حاولت مع الايام أتناسى اللي صار بس الجرح لا زال
مرت الأيام وشاءت الاقدار أني ألتقي بشخص كنت على علاقه معاه قبل الزواج وكانت علاقه حب بريئة لا مستقبل لها بحكم الظروف قطعتها بمجرد أن خطبني زوجي لأني أحكمت عقلي على عاطفتي ..
عودته بعد كل هالسنين وأنا في ظل علاقتي المتوتره مع زوجي أعادت لي ذكرى حبنا القديم ..
تواصلنا بالتلفون وأنهرت وأنا أخبره عما حصل مع زوجي
ومرت الايام ونحن على تواصل
تعلقت فيه وايد بس لازلت أكن الحب لزوجي
أدري علاقتي معاه غلط في غلط
ولم أكن أتوقع أن يأتي اليوم اللي أخون زوجي فيه ولو بنظره فمابالك بمكالمه او رساله
ولكن خيانة زوجي لي في المره الأولى فتحت لي مجال لأتجرأ
إلا أن جاء اليوم اللي اكتشفت أن زوجي مازال على عادته رسايل للبنات وصور خليعه هنا تحطمت تماما وعلمت بأنه عقاب من الله لي على مافعلته وندمت كثيرا وبكيت كثيرا وقررت إنهاء العلاقه مع الشخص الاخر والتوبه الى الله وعدم مواجهة زوجي بما عرفت عنه
ولكن بعد فتره واجهت زوجي بخيانته للمره الثانيه لأني ماتحملت أمثل دور اللي مو عارفه شي عن خيانته
لكن صدمني بمعرفته عن علاقتي بالشخص الاخر"!!
وأنا قلتله انك انت السبب
بسبب خيانتك الأولى انا تجرأت وكلمته ولو كان وضعنا غير ماكلمته ولا حتى ألتفت له
ودخلنا في دوامة مشاكل وصراع ولولا ستر الله لحدث الطلاق
ولكن زوجي حنون وماهانت عليه العشره وأشفق علي لأني حامل
والان عزيزاتي أنا في حالة ضيق وهم شديد لا يعلمه إلا الله
زوجي تغير في معاملته لي
وثقته معدومة في
وبأمانه هو انصدم وايد لأن أبد أبد مو متوقع وتحطمت صورتي في عيونه وتغيرت نظرته لي
وأنا حالتي النفسيه تعبانه وايد
وأحاول بكل الطرق أرضي زوجي وأنسيه اللي صار
وأنا ندمانه وايد ولو يرجع الزمن لورا
كنت غيرت أشيا وايد
شنو تنصحوني؟؟ لأنه أحيانا يرجع يذكرني بللي صار وأنا ماأتحمل أقعد أبكي وأتعب وايد
كيف أثبتله أني لازلت أحبه ؟؟
وأنها كانت فترة طيش مني وأن لولا خيانته الأولى ماصار اللي صار
طبعا يابنات من بعد ما كشف خيانتي انا ماكلمته عن اللي شفته من الرسايل وكأني أنا بس الغلطانه في الموضوع وفضلت اني أسكت عشان أحافظ على بيتي من الانهيار!
أرجوكم بنات محتاجه نصايحكم وخاصه خبيرات الأنماط لاتخذلوني أنا في حاجه لكل نصيحه ومالي غيركم
أنا عضوة جديده متابعة لكم من فترة وأستفدت الكثير من خبراتكم في هالمنتدى الطيب
وقررت اني أكتب وأضع تجربتي بين أيديكم لعل وعسى أجد مايريح قلبي مما أعانيه في هالفترة
أنا متزوجه من 6 سنوات
وزوجي انسان رائع والحمدلله
وبعد ماتعلمت من هالمنتدى الطيب علم الأنماط طلع زوجي جنوبي غربي أنا جنوبيه شرقيه وياليتني عرفت هالشيء قبل لأنه كان بيجنبني أمور كثيرة كنت في غنى عنها .. ورغم التوافق الكبير بينا إلا انه لابد من المطبات والعوائق اللي تمر على كل زوجين ..
المشكله بدت لما اكتشفت خيانة زوجي رسايل عالتلفون مع مجموعه من البنات .وفي بنات أعرفهم زميلاته بالدوام..
طبعا أنصدمت وايد وأظلمت الدنيا بعيوني وتحطم عالمي كله!!
ماتحملت واجهته بللي شفته واعتذرلي وحلفلي بالقران مابيكرر هالشي!!
ومرت الايام عصيبه علي وايد وثقتي فيه معدومه
والمحادثات اللي قريتها والصور تمر على بالي بكل وقت
وصرت معاه جسد بلا روح
بس شكوكي فيه استمرت وللاسف حط لوك على جواله وانقهرت وايد
حاولت مع الايام أتناسى اللي صار بس الجرح لا زال
مرت الأيام وشاءت الاقدار أني ألتقي بشخص كنت على علاقه معاه قبل الزواج وكانت علاقه حب بريئة لا مستقبل لها بحكم الظروف قطعتها بمجرد أن خطبني زوجي لأني أحكمت عقلي على عاطفتي ..
عودته بعد كل هالسنين وأنا في ظل علاقتي المتوتره مع زوجي أعادت لي ذكرى حبنا القديم ..
تواصلنا بالتلفون وأنهرت وأنا أخبره عما حصل مع زوجي
ومرت الايام ونحن على تواصل
تعلقت فيه وايد بس لازلت أكن الحب لزوجي
أدري علاقتي معاه غلط في غلط
ولم أكن أتوقع أن يأتي اليوم اللي أخون زوجي فيه ولو بنظره فمابالك بمكالمه او رساله
ولكن خيانة زوجي لي في المره الأولى فتحت لي مجال لأتجرأ
إلا أن جاء اليوم اللي اكتشفت أن زوجي مازال على عادته رسايل للبنات وصور خليعه هنا تحطمت تماما وعلمت بأنه عقاب من الله لي على مافعلته وندمت كثيرا وبكيت كثيرا وقررت إنهاء العلاقه مع الشخص الاخر والتوبه الى الله وعدم مواجهة زوجي بما عرفت عنه
ولكن بعد فتره واجهت زوجي بخيانته للمره الثانيه لأني ماتحملت أمثل دور اللي مو عارفه شي عن خيانته
لكن صدمني بمعرفته عن علاقتي بالشخص الاخر"!!
وأنا قلتله انك انت السبب
بسبب خيانتك الأولى انا تجرأت وكلمته ولو كان وضعنا غير ماكلمته ولا حتى ألتفت له
ودخلنا في دوامة مشاكل وصراع ولولا ستر الله لحدث الطلاق
ولكن زوجي حنون وماهانت عليه العشره وأشفق علي لأني حامل
والان عزيزاتي أنا في حالة ضيق وهم شديد لا يعلمه إلا الله
زوجي تغير في معاملته لي
وثقته معدومة في
وبأمانه هو انصدم وايد لأن أبد أبد مو متوقع وتحطمت صورتي في عيونه وتغيرت نظرته لي
وأنا حالتي النفسيه تعبانه وايد
وأحاول بكل الطرق أرضي زوجي وأنسيه اللي صار
وأنا ندمانه وايد ولو يرجع الزمن لورا
كنت غيرت أشيا وايد
شنو تنصحوني؟؟ لأنه أحيانا يرجع يذكرني بللي صار وأنا ماأتحمل أقعد أبكي وأتعب وايد
كيف أثبتله أني لازلت أحبه ؟؟
وأنها كانت فترة طيش مني وأن لولا خيانته الأولى ماصار اللي صار
طبعا يابنات من بعد ما كشف خيانتي انا ماكلمته عن اللي شفته من الرسايل وكأني أنا بس الغلطانه في الموضوع وفضلت اني أسكت عشان أحافظ على بيتي من الانهيار!
أرجوكم بنات محتاجه نصايحكم وخاصه خبيرات الأنماط لاتخذلوني أنا في حاجه لكل نصيحه ومالي غيركم
اسم الموضوع : ثمن الخيانة خيانه ... ساعدوني محتاجتلكم!!
|
المصدر : الزوج والزواج