ابي كرامتي ترجعلي ..

[غريبة الديار]

السلاااام عليكم أخواتي في الله
قبل اكتب موضوعي شوفوا هالرابط فيه بداية المشكلة
http://www.niswh.com/vb/showthread.php?t=366602&

زوجي قال ماأبيك وطلع فيني ألف عيب وعيب وقال ماتناسبيني ولانصلح لبعض، وقال للأبوي : ماحسيت بطعم السعادة معاها وتعبتني
وانا بتزوج غيرها ..
والله يابنات احرجني مع ابوي قال حتى بالفراش تعاند ومدري وشو ....
قسم بالله ظلمني كذاااب يطلع نفسه المثالي اللي ماغلط وانه متحملني وخلاص كرهني
زوجي (( شمالي شرقي ))
بعد ماهدأ الرجال اكيييد كلم اهله يبيهم يتدخلون بالموضوع
وكلموني ابوه وامه و قالوا: وش السالفة وماتوقعنا بتوصل بينكم للطلاق
قلت لهم : المشكلة بولدكم هو اللي قرر وانا ماعمري جبت طاري الطلاق
وكنت راضية اعيش معاه وهو ( عقيم ) بس قالي انه كرهني ولااناسبه ،
قالت امه : كذاااب هو يحبك ويقول انك انتي مااتصلتي عليه قلت هو الغلطان وهذا قراره
طلعوا. الخطأ فيني ومدحوا بولدهم واني مابلقى زيه وانتي تغيري واسمعي كلامه يقهرووووون ..
وش هالكبرياء ليه مايعتذر ويترجى بعد ..
المهم يابنات انا غبيييييه رحت اليوم الثاني اتصل عليه والله تندمت
طبعاً رد عادي احسه منحرج من نفسه وقالي انه مريض وسألني عن الدوام ولا اعتذر ولاجاب طاري المشكلة وبس ..
انا ألحين مابي ارجعله ابي اقلب المشكلة عليه وازعل واقوله ماأبيك انا قلت اطلعي من البيت ولا راح ارجع مرة ثانية
ابوي قالي لاتدقين عليه ولاترسلين والله لو يدري بيزعل انا قلت ان زوجي هو اللي دق ، بس رجع لي عقلي وحسيت اني رخيصة قدامه
وماانكر ان بيننا حب بس كرامتي اهم لو رجعتله بهالسهولة بيرميني مرة ثانية لأنه قالي كلام يجرح وقت المشكلة ( قال لو مارميتك ألحين برميك بعدين )
شفتوا كيف قووووية وتخوف
تكفوووون ابي شوركم اهم شيء كرامتي ترجعلي ؛ (

 

[انامتفائله]

الله يرده لك عاجلاغيراجل يااختي يمكن حاس بالذنب لانه عقيم ومايبغى يحرمك الحياه ويحاول يكرهك فيه عشان تكرهينه وتطلقين حاولي تفهمينه انك تبغين تعيشين معه اذاانك ماتبغين اطفال والله يااختي حاسه فيه خيرومايبغى يضلمك والله ياواحدعقيم تزوج الثانيه وطلقهاوتزوج الثالثه فالسروكل مره يطلع العيب في زوجاته
بس انامعك يااختي حاولي تردين كرامتك عشان يتوب ومعديعيدهابس والله موعارفه كيف ان شاءالله الاخوات يفيدونك ويفيدوني لاني تعرضت لموقف مشابه

 

[المحجبه1]

الله يرد لك زوجك ردا جميلا
والله ماادري كيف انصحك

 

[ام وليد دبي]

الله المستعان

 

[lamo]

اختي استخيري كانه خيرلك ترجعين

والله يكتبلك مافيه الخير

 

[رندا كووول]

ياحبيبتي زوجك يحاول يكرهك ف نفسه لانه عقيم وحب تشوفي الحياة مع غيره وتنجبي الذريه
بس اعتقد ماقدر يبعد عنك وكلم اهله ترجعوا لبعض .
-------------------
طبعاً رد عادي احسه منحرج من نفسه وقالي انه مريض وسألني عن الدوام ولا اعتذر ولاجاب طاري المشكلة وبس ..
زوجك قال انه مريض<<هذا اعتذار
سألك عن الدوام يتطمن عليك<<<هذا اعتذار
هرب من المشكله الاساسيه <<ايضا اعتذار
الشمالي مايعتذر صراحتاً ولكن يلمح بالاعتذار ...مجرد رده ع مكالمتك ايضا اعتذار .
---------------------------
اذا كنتي تحبيه فعلا وبينكم موده ورحمه ارجعي ولا تنتظري اعتذاره ..حضور والدته للبيت او اتصالها يكفي لحل المشكله والاحتفاظ بكرامتك .
..وحاولي تحلي مشكلة الانجاب بتربية يتيم ترضعه احدى قريباتكم ..
--------------------------
واستخيري .ربي يكتب لك الخير.

 

[رندا كووول]

ياحبيبتي زوجك يحاول يكرهك ف نفسه لانه عقيم وحب تشوفي الحياة مع غيره وتنجبي الذريه
بس اعتقد ماقدر يبعد عنك وكلم اهله ترجعوا لبعض .
-------------------

اقصد يحاول يخليك انتي تكرهيه

 

[غريبة الديار]

الله يجزاكم خير ماقصرتوا معاي
طيب عندي استفسار تتوقعون كبرت بعينه لأني تنازلت وسامحته وضحيت عشانه ولا كرهني لأنه حس بحاجتي له وبإنكساري ؟؟؟
انا شايلة بقلبي عليييه ومجروووحة جرحي للحين مابرى
متى الوقت المناسب عشان اناقشه بالموضوع واحط حد لكل شيء بكل رقي لايجرحني ولااجرحه
لازم نتصافى لو رجعت له بنفسيتي ألحين وبدون حماسه لي عند اتفه مشكلة بثور ولابتحمل ..

 

[انامتفائله]

حسب ماقريت فالمنتدى الشمالي الشرقي ماتنفع معه التضحيات وزوجي شمالي شرقي يكره البكي وانابعت ذهبي كله عشان نصرف ع البيت لان اخته كانت ابتطلق عندنا هي وعيالها والبيت كان ازعاج وجاءلقى البيت محووس العاب اطفال ولنافتره من جوالبيت كل مارتبته رجع وهي ماتكلم عيالها وع طول بيت اهليوبصراحه ندمت اني بعته لانه مابين بعينه

 

[المــهــا]

ربي ييسر امري وامرك بكل خير والمسلمين


سبحان الله وبحمده سبحان الله العظيم

 

[شتلة ورد]

كلام الاخت الفاضلة رندا كوووول
عين الصواب وعجبني كثير
خذي بشورها وان شاء الله ماراح تندمين
ربي يوفقك

 

[بنى بنى 3]

طبعا مع كلام راندااكول
اقريه تانى
ربنا يصلح الاحوال

 

[قطوووووطة]

الله يجزاكم خير ماقصرتوا معاي
طيب عندي استفسار تتوقعون كبرت بعينه لأني تنازلت وسامحته وضحيت عشانه ولا كرهني لأنه حس بحاجتي له وبإنكساري ؟؟؟
انا شايلة بقلبي عليييه ومجروووحة جرحي للحين مابرى
متى الوقت المناسب عشان اناقشه بالموضوع واحط حد لكل شيء بكل رقي لايجرحني ولااجرحه
لازم نتصافى لو رجعت له بنفسيتي ألحين وبدون حماسه لي عند اتفه مشكلة بثور ولابتحمل ..

رايي من راي رندا كووول

لما ترجعين له خليج هاديه بس وضحي له انج ماخذه على خاطرج منه
قوليله كنت اتوقع انك تحبني كثر حبي لك >> قوليها بعتاب مو بانكاسر ولا بعصبيه وحقد
وقوليله بعد الحركات اللي سويتها كنت قبل اتوقعها من أي شخص بسوييها لزوجته إلا انت
كنت عندي غير عن الناس كلها >> الكلام هذا يخلي الشمالي يندم لانه يحب يكون أفضل واحد ومايحب يخيب ظن أحد فيه

وخلاص اسكتي
ترا كثرة الكلام موحلوه وترخصين بعين الرجال
وهو أكيد راح يرد عليج ويناقش ويبرر تصرفاته
خليج ساااكته وطالعيه بنظرات عتاب >> انتبهي مو نظررات حقد ولا عصبيه لانها بتنقلب ضدج

ترا السكوت + نظرات العتاب اللي تحسس الشمالي انه خيب أملج فيه >> هذي تذبح الشمالي من الندم والحسره ههههههههههه

وان شاءالله راح يراضيج بالأفعال ويحاول يسكر الموضوع انتي ارضي وقتها وانسي المشكله

وبعدها عامليه ولا كأن شي صار
إذا صرتي كل شوي تعيدين ذكر المشكله وتعاتبين أو إذا حس انج حاقده ترا راح ينفر منج بالاخير ويحس انج وحده نكديه

 

[غريبة الديار]

مساء الخيرررر
طلع كلام الأخت رندا كوول صحيح ماشاء الله عليك لأنه كلمني وصوته فيه حزن ومنكسر
اشوا كنت بسوي مشكلة وارسل رسالة عتاب '(.
قطوووطة حبيبتي انتي شكراً لك كثييييير اعجبني كلامك انا بعيده عنه بحكم عمله بس يرجع اسوي اللي قلتي
الله يبارك لكم بعلمكم ويزيدكم حكمه ..
وباقي الأخوات اللي ردوا الله يفرج همكم و يجزاكم خير على وقفتكم معاي