السلام عليكم ورحمة الله
أخوتي أعضاء هذا المكان الطيب .. والي جمعكم فيه يجمعكم بمستقر رحمته ..
في البداية أتمنى من الله إني أكون موفقه في إعطاء الموضوع كامل المصداقية والوضوح ..
وأتمنى منكم أن تبادلوني بالنصح أو الدعاء ..
الموضوع شــــــــــــــائك .. وبشده !!
أنا متفاجئه منه ولم يخطر لي على بال !!
موضوعي واقعه فيه أحد صديقاتي المقربات جدا .. وقد طلبت مني المشوره لكني من قوة الصدمه ماعرفت أرد عليها بشيء ينفعها ! الحقيقة إني ما خليتها تكمل الموضوع من كثر مازفت أخلاقي معاها وخليتها تبكي
أنا ندمااااااااانه وودي لو قدرت أحتويها وأنصحها بس من قوة الصدمه ماقدرت ..
المهم ..
صاحبتي مخطوبه لها مايقارب السنه وتكلم خطيبها كل يوم تقريبا .. المهم ان الخمسه الشهور الأولى من خطوبتهم كانت دايم تقول إنها هي اللي تبادره بالمشاعر والإهتمام وتحاول ترضي الله فيه .. صاحبتي من النوع العاطفي و الرومنسي وكثير تحكم عاطفتها وبهالفتره كانت تجي عندي وتشكي لي من جمود مشاعره وعدم اهتمامه وكم مره حاولت تعاتبه وتبين له انها تبي منه يكون لها زوج ويحسسها بهالشعور وخاصة انها فاقده امها ومحتاجه حنانه وعطفه ..
كانت خايفه من مسألة انه مجبور عليها بس هو حلف انه ما احد جابره وانها تعجبه بس مايعرف يعبر عن اللي بقلبه امكن خجل أو ماعندي أسلوب وكان دايم يقول عن نفسه وحيد وما يحب يندمج مع احد ويديه الثقه بسرعه.. <- والله هذا كلامه لها على قولته مستقل بحياتي ورسمي حتى مع أهلي واللي حولي !!
كان يضحك عليها لما تعبر عن شوقها .. ولما تتكلم عن أمنياتها معاه يقعد يحبطها ويقول نشوف ا ن شا الله تطلعين صادقه وتصيرين كذا بعد الزواج مو تغيري علي << --- معقققققققققققققققد نفسيا لما تحكيني عنه كنت انقهر عليها
وهي صبرت وصارت تداريه واذا قال كلمه لها حسسته انه جاب لها الدنيا كلها وهو للأسف الشديد كان جاااااااامد ايام كثيره ونادر يعبر ويقول ..
وربي مواقفها معاه لما تحكيني تخليني احلف بالله انه مايستاهلها بس وش نسوي هذا هو النصيب !
وصلت معاها انها بعدت عنه بالشهر السادس من خطوبتهم وتعللت بمرض أبوها وتبي تكون قريبه منه
وفي هالفتره تخلى عنها تمر أيام وليالي ما يسأل عنها وإذا حصل وسأل كان مسج جاف مافي عبارات شوق ولا شيء
مرت فترة عليها ماتكلمني عنه .. استغربت بس قلت امكن انشغلت بأمور أبوها ووضعه الصحي ..
لكن ماخطر ببالي إن فيه شيء بحياتها تغييييييييير ..
أنا توقعت انه استقرت عاطفيا معاه وان امورها سالكه على مايرام لأن كنت لما أسألها عنه ترد عليه ماعليه تمام وتحاول تصرف الموضوع او تبين انها خجلانه واحيان تقول بسوطه بدا يتغير وبس ماتعلق أكثر ..
ماحبيت أضغط عليها قلت بنفسي خلاص بدأت تصير في أمور خاصة بينهم واكيد مابتحكيني ..
المهم ..
قصتها اللي بستشيركم فيها .. نقلا بالتفصيل عنها ..
أنا / حبيبتي وش فيك كذا ما كأنك بتكونين عروس بعد كم أسبوع وشفيه مزاجك متعكر عسا ماعكره لك السي سيد
هي / لا والله مافي شي
أنا / عليه هالكلام وربي اني احس فيك أكثر من نفسك
هي / نجلاء .. أبي أعطيك سر كبير بحياتي انتي الوحيده بعد الله راح تعرفينه , والله مستحيه من نفسي قبل ما أكون متخجله منك .. وماني عارفه أتخلص منه ابد ..
أنا / خير ا ن شا الله .. كلي لك بس تكلمي
هي / انتي تعرفين قد ايش عانيت مع خطيبي بالبداية عشان يصير زي ما اتمنى او على الأقل أقتنع في أسلوبه وتعامله معايه ومع أهلي ..
أنا / قولي يختي خوفتيني عليك
هي / طيب مو عارفه من وين ابدأ .. بس مابيدي حيله خلاص وقع الفاس بالراس
راح احكيك بإختصار ..
انا بالفتره اللي تعب أبوي فيها وماحسيته قريب مني يئست اني اعتبره زوجي أو شريك حياتي .. اذا بأصعب الأوقات مالقيته وأنا حتى بوقت الرخاء ماحسيت بأي مشاعر معاه كيف اقدر اتقبل هالانسان ..
لو رفضته راح يرجعون كلهم عليه [ أهلها شديدين جدااا ] وبيقولون ان العيب مني وخاصة ان فترة خطوبتنا كملت السبع شهور وصعبه فجأه أجي أقول اني كارهته ومابيه !!
وهي بهذيك الفتره استعدت للزواج ورتبت حالها .. بس فاجئتنا انه طلبت منه يأجل الزواج ..
وكلنا قلنا لها ليه .. رجعت ترد انه هو طلب منها لانه مو مستعد ماليا وهي كمان مومستعده نفسيا..
والخبر غييييييييييير .. هي في بالها تبيه يراجع نفسه في قرار الارتباط فيها ويتركها ..
هذيك الفتره تعرفت صاحبتي على واحد دخل حياتها عن طريق احد المنتديات اللي تستشيرهم فيها عن حالتها مع خطيبها
كان يحسسها ان اللي هي فيه مجرد فراغ عاطفي ولازم تعوضه بشيء ثاني .. وماتوقعت على كلامها انها بتعوضه بشيء غلط ..
صارت على محادثات مع هذاك الشاب امكن لانه فتح لها قلبه .. واستمرت تفضفض له كثييير
ومن كلامها حسيت انها من جد حبته !!
اللي أعظم من هالأمور انها صارت تكلمه جوال وتشوفه كاميرا وعاشت معاه باقي فترة الخطوبه اللي هي سته شهور وكأنه هو اللي خطيبها .. أوهمت أهلها بإن الاتصالات اللي تجيها والانشغال الفكري اللي عايشته انه مع خطيبها وحتى الهدايا اللي كان يرسلها لها هالشاب كانت تقول لها من خطيبها وهي كذلك تعطيه وعادي الوضع مع اهلها على بالهم ترسلها لخطيبها ..
أنا / لاتكملي انتي صدق انهبلتي وش ضمنك انه الحب مايأثر فيك كذا
هي / لكن هوه عوضني وحسسني في انوثتي منجد ماحسيت بهالشيء مع خطيبي ولا مره
تراني وعدته اني ما اخليه ابد مهما كان حتى لو تزوجت لان عارفه اني مابعيش فترة الزواج الا اخس فترات حياتي فعلى الاقل يكون قريب مني واحس ان فيه انسان يعبر لي واعبر له عن اللي بقلبي
وبدأت تذكر لي مواقف من هالشاب وكأنه خطيبها .. عاشت معاه فترة حالمه وكلها حب واهتمام وعطف وحنان
أنا عني ماقدرت اخليها تكمل لان بكيت على حالها وانا ادري بمرارة المواقف اللي مرت فيها .۔
وشلون هالحين تتخلى عنه , صارت حتى هي فتنه له .. لان هالشاب ماكان يبي يعرفها بس تقول انه لما حست باهتمامه في موضوعها دخلته في مزاجها وحبته ..
أنا / طيب وخطيبك وينه هالفتره عنك !!
هي / تغيرت في تعاملي معاه وتغليت عليه .. ولما بدا يتكلم ويعبر صرت أقارن بينه وبين هالشاب وأكره أي كلمه منه وأحسه غبي مايعرف يحتويني ولا يحسسني بصدق مشاعره ..
بكت كثيييييييييييير وقالت زين لي الشيطان وضعي مع الشاب وكرهني في خطيبي ..والأدهى والأمرّ .. اني حلفت أنتقم منه وأخليه مثل ماكنت احتاجه بأول أيام الخطوبه وهو جامد معايه أصير اخس منه وابرد مشاعري تجاهه واتجاهله واقهره بهالشيء ..وبالفعل هي كانت كذا تحس انها ردت كرامتها ..
القصه تعور بالقلب /// ربي لايوريكم قهر ///
وبعد ماكملت تسع شهور مع خطيبها اعترفت له انها خلاص بدأت تبرد مشاعرها تجاهه وانه حتى لو ماتزوجت ولو وده يأجل سنه كمان مافكرت في هالشيء .. يعني أدته بالساااااخن وبكل سخريه تقول له انك مو الانسان اللي يقدر الشيء قدمته له عاتبته بأسلوب غير كل مره موضحه فيها انها مستغنيه عنه ..لانها كل مره كانت تعاتبه توضح له انه اهم شيء بحياتها .. والله لما حكتني رحمته ليه سوت معاه كذا ؟؟؟ لدرجة لو أحد مكانه كان طلقها ..
تفاجئت انه متمسك فيها ويكن لها مشاعر كثيره بس نوع من الرجال غريب ماينعرف زين !! طلع مايبي يبين شيء ويشوف ان الكلام مو زي الفعل ..
تقول
تبي تعرف الغلط منه ولا منها ؟؟ هي ما تدري هالحين اشلون تتصرف .. ولا انا عرفت انصحها .. بس دعيت لها بالستر لاني خايفه عليها ..
ومن يبدل نعمة الله من بعدما جاءته فإن الله شديد العقاب ) 
