جزاكي الله خيرا اختي ( هذا رأيي )
الكلمات تعجز عن شكرك
ابغى اطرح عليكي مشكلتي لعل وعسى ان جد عندك حلا لما انا فيه
انا متزوجه منذ حوالي تسعه سنين وعندي اربعة اطفال زوجي شمالي شرقي بحت وانا جنوبيه . تعبني زوجي في نواحي كثيره بس انا حاولت أتأقلم على ما يريده هو لأنه تغييره صعب جدا.
المشلكه انو لمن يزعل او يضايق مني او من بعض تصرفاتي أو حتى لمن يكون هو المخطئ وما يقتنع بغلطه يصمت ولا يتكلم معايه ولا يجي لسانه على لساني . الحجر ممكن ينطق بس هوا ما ينطق . ويطنشني ولا يعبرني ولا يعتبر لي وجود . اذا يبغى حاجه يطلبها من الشغاله او من اولاده . المهم يفضل على دا الوضع الى ما شاء الله مو مشكله عنده اسبوع شهر سنه . الى ان أأتي اليه واعتذر منه . وضعي هدا من بداية زواجي الى الان مو مشكله عندي اعتذر لمن أكون انا الغلطانه بس لمن يقهرني ويكون هوا الغلطان يعز عليه اني انا اللي اعتذر وأبدأ بالكلام . الوضع هدا من بدايه الزواج الى الان لمن يزعل ينبكم وينكتم ألين أنا اللي أبدأ بالكلام و أعتذر . حتى لمن أبدأ وأعتذر يقول لي من قال لك اني زعلان انا ماني زعلان انتي تعرفيني انا ما أزعل نفسي أبدا ولا احد يقدر يزعلني مما يزيد من قهري و غضبي.
أنا طفشت خلاص حاسه نفسي اني بدأت أكرهه ما أبغى زي كدا كل مره يصمت انا اللي ابدأ بالكلام واللي يقهر اكتر انو يرجع يقول لي انا ماني زعلان انتي تعرفيني انا ما ازعل .
خلاص كرهت نفسي أنا ما أبغى زي كدا .حاسه انو ما عندي كرامه .
حتى أول ما كان يمر على زعلنا يومين الا و أبدأ أنا بالكلام دحين صار يعدي علينا أسابيع ما نكلم بعض واحنا في بيت واحد.
وضعي صار محرج جدا أمام الشغاله والاطفال و أهل زوجي كمان لأنهم ساكنين تحتنا.
زهقت من هدا الوضع انا
قلت له كم مره لاتطنشني كدا راضيني كلمني
لاحياة لمن تنادي
أرجوكي ردي علي
وشكرا
