ودي انسي بس مو قادره

[برد ودفي]

بنات بدخل بالموضوع عشاني متضايقه ومالي خلق حتي نفسي بنات انا قبل فتره لقيت مع زوجي جوال وقلتله حقك الجوال قال لا هذا لوحد من العيال طالعة انا وياه مشوار وخذت ولدي حطيته ورا في السياره شفت الجوال حاطه تحت المرتبه اخذته وسكت لما وصلنا البيت فتحته لقيت كله اسما بنات ورسايل بس فيه ثنتين اهم اكثر شي والله اقرا الرسايل ومصدومه وجسمي يرجف قالت خالص المره بواجه ورحت قالتله كذا وتهوشت انا وياه جلست بالغرفه من مغرب الخميس اللي بالليل الجمعه وانا والله بس ابكي جي لما وتسف وقال نزوه قالت طيب دق عليها وحاكها عندي دقيت عليها وحكيتها انا بالبدايه وبعدين زوجي كلمها والحين الجوال معي وزجي حالف علي المصحف انه اذا عادها يفقد سمعه وينشل ومن الخميس وهو يتاسف ويترجاني اسامحه بكي كم مره يقول والله احبك بس رفقا السوا وبليس اغوني بس اتسلي وزينه الشيطان لي وحلف انه ماشفتها ولا اعرف شي عنها بس مجرد تسليه وسوالف عاد انا قالت خلا ص بسامحك بس كان اهون انك تطلقني وتقول مابيك ولا تخوني حلف انه مارح تشوف اللي الي يرضيك بس يابنت مادري احس ماقدر ارجع زي اول احس مصدومه ومادري احس انه صغر بعين انا ماودي بالاحساس هذا بس مادري والله عجزت اناظر اعيونه احس احساسي متجمد وش اسوي ودي انسي اللي صار ومادري كيف احس الموقفه قدام اعيوني مايروح​

 

[رازيا]

تعوذي من الشيطان الرجيم وزوجك اعتذر وحلف على المصحف ومن حلف بالله فصدقوه
اعطيه فرصة ثانية وانسي اللي صار

 

[ملامح الطفوله]

حبيبتي تعوذي من الشيطان
واعطي زوجك فرصه ثاانيه
مادام هو اعتذر منك واعترف بغلطه سامحيه بس قولي له لو كررها رااح يكون تصرف ثااني
اهم شي الحيين زوجك وبيتك لا تخربيه علشااان ماتخليه لغيرك
حافظي على زوجك واكسبيه
وربي يسخره لك

 

[سنكرس]

حبيبتي :
كل المشاعر اللي تمرّين فيها والحزن والقهر والصدمة شئ طبيعي ، بعدين مع الوقت بتنسين بالتدريج وبتبرد حرّتك
وتصير هذي الأحداث مجرّد ذكريات ، لكن الحمد لله إن زوجك اعترف واعتذر وعاهدك على التوبة هذا الشئ يدل على أن فيه خير ويحبّك ومايبغى يخسرك ولا يزعلك .
الحين ياقلبي حاولي تكونين مسترخية ومبتسمة ووسعي صدرك وترى الدنيا وأنا اختك ماتسوى عند الله جناح بعوضة .

 

[يالوردي]

تعوذي من الشيطان وانشاءالله مع الوقت بتنسين

 

[تشكرات]

حبيبتي :
كل المشاعر اللي تمرّين فيها والحزن والقهر والصدمة شئ طبيعي ، بعدين مع الوقت بتنسين بالتدريج وبتبرد حرّتك
وتصير هذي الأحداث مجرّد ذكريات ، لكن الحمد لله إن زوجك اعترف واعتذر وعاهدك على التوبة هذا الشئ يدل على أن فيه خير ويحبّك ومايبغى يخسرك ولا يزعلك .
الحين ياقلبي حاولي تكونين مسترخية ومبتسمة ووسعي صدرك وترى الدنيا وأنا اختك ماتسوى عند الله جناح بعوضة .

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

صح كلام الأخت سنكرس بارك الله فيها ......

أهم شئ يا اختي صاحبة المشكله ...أنك تشغلي زوجك بك ....

اتعرفي على نمطه وابدعـي .....صحيح أن هذه الفتره صعبه عليك

( لكن حاولي وأربطي على قلبك ........

والنسيان يأتــي مع الأيّام ( فسبحان الله الذي لا يسهــــو ) .....

اشغلي زوجك دائمآ وأتفننّي باغراؤه ولفت انتباهه ....

ربي يقويك ويربط على قلبك ...

 

[Pink Dreams]

الله يسخره لك ويبعد عنه رفقاء السوء ياسميع ياعليم ويصرف عنه بنات الحرام يااااااااارب
عنه وعن كل المسلمين والمسلمات

هدي ياقلبي
وتعوذي من ابليس وادعي ربك واستغفري
كثير مرو بنفس تجربتك
ونسيو والحمد لله
لنتي دائما استودعيه الله لا تنسي
في كل وقت

والله يسخركم لبعض

 

[غامدية الهيلا]

انسي الي صار وسامحيه احمدي ربك انه تاسف لكي والله غير ه ماهمه اعرف ناس زي اسلوب زوجك يقول لزوجته تبغين تقعدين ولا روحي مع السلامة مدام بكئ واعتذر اصبري الله يهديه لكي وحاولي الاهتممام في هذا الوقت لانه محتاجك اكثر

 

[مابقى لي اسم]

ياختي النفس آمره بالسؤ ..
وزوجك اعتذر لك وحلف لك ووعدك انه مايرجع لها لاتصالات

لان دورك .... تعوذي من الشيطان

وهتمي بنفسك وزوجك وصلحي امرك معاه

وجميعنا مرينا في مواقف فعلا تكرهيه ماتثقي فيه
عيونك ماتبغى تشوفه بس اذا هو اعتذر منك
وقدر لك وضعك وحس بغلطته وطلب رضاك لازم تضغطي على نفسك ..
وتكوني قريبه منه أكثر وترجعي له افضل من قبل حتى مااتتراكم الفجووات وتزيد المشاكل والجفا بينكم


ولا تتركي زوجك يضيع منك مره ثانيه ..صدمه استفيدي منها ..وربنا معاك

​

 

[اغادير-]

تعوذي من الشيطان الرجيم وزوجك اعتذر وحلف على المصحف ومن حلف بالله فصدقوه
اعطيه فرصة ثانية وانسي اللي صار

مع الاخت رزايا وبعدين لاحظت اغلب الرجال اذا انكشفوا قالوا الجوال لصديقي او الصور او او والله شي عجيب

 

[كل العناد]

احمدي ربك غيره مايتاسف ويكابر

 

[الساعه الرمليه]

حبيبتي أنتي ألحين مصدومه ومو قادره تفكرين
تعوذي من الشيطان ولو زوجك مو حاس بغلطته ويحبك ويحترمك ما أعتذر ولا دعى على نفسه . غيرك كثير وأزواجهم يتمادون ويهينوهم ولا يفكرون في مشاعرهم وأنتي ما شاء الله زوجك عرف خطاه وأن أصحاب السوء والشيطان زينوا له عمله وتاب منه . لا تخسرينه مدامه يستاهل فرصه ثانيه.

 

[زوجه مغتربه]

اعطي زوجك فرصه ثانيه واهتمي بنفسك واذا عادها لا تسكتين خليه يوديك بيت اهلك بنفسه ....

 

[saniaend]

استعيذي بالله من الشيطان الرجيم وانسي او تناسي وسامحي

 

[برد ودفي]

الله يجزاكن خير والله انك بردتن علي قلبي ولاكنت ثايره مثل البركان هونتنه علي الله يهون عليكن كل كربه ويعطيكن العافيه ويسخر لكن ازواجكن ويجعلكن اجمل النسا في عيونهم الف شكر

 

[تكابر]

مراحب.....اخيتي الاتعلمين ان ديننا دين تسامح.....ونحن بشر خطائون وخير الخطائون التوابون...كيف لانستطيع ان ننسى ونسامح ونحن بشر وخالقنا جل وغلا يغفر لنا كبائر ذنوبنا......اعلم اخيه انه خانكي والخيانه صعبه لكن المسامح كريم ووكلي امركي لخالقكي فهو مدبر امركي.....اجتهدي بقيام الليل واكثري مع الالحاح بالدعاءلهدايته وتسخيره لكي.......... اعانكي الله ووفقكي لما فيه خير لكي.........​

 

[ميوره الاموره1]

كلهم خووووونه انا حاسه فيكي منتي قادره تنسي تحسي بجرح عميق وخصوصا من اعز واغلى الناس
استغفر الله استغفر الله يارب سامحني
زي ماقالوا الاخوات سامحيه اعطي له فرصه ثانيه

 

[مدام نسكافه]

اه مأدري ايش اقولك الله يثبتك ويفرج همك بارب العالمين

 

[الامل الراقي]

بصراحه زوجك ماقصر وش تبين اكثر
ادري ان الخيانه أمرهاموهين عليك بس الله غفور رحيم
ونصيحة حاولي تعدلين مكامن الخلل في حياتكم علشان مايردلهاالشيء,,