¨°o.O ديوانية الأنس للمتزوجات عشرين سنة فأكثر O.o°¨

[$دمعه غلا$]

السلام عليكم وكيف الحال بعد المصارعه الي امس بس للاسف الي اشوفه ان الموضوع قلب جد وتهم ترمى هنا وهناك والمساله مزوح تجي وتروح هذا وانا مشيت على الطاير لي عوده -- شكلها اعجبتها المصارعه الي امس

 

[الناصحه الامينه]

اكيد كل مايكتب يدل على شخصيه الانسان وفديتك سوالفكن تهبل وتقبلي كلامي كااخت او كاابنه فالاخت والام لامكان بقلبهن لزعل ​

حياك الله صموته
ولامكان للزعل بقلبي ولاأعرفه ابدا
تاكدي من ذلك
اللي يزعل اول من يغلط عليه هي نفسه

وانتي اختي وبنتي بعد
ولو ماتعنيني ويهمني تستفيدين
ماكلفت نفسي بالرد عليك
اعرف
شماليه
وجافه
لكن صدقيني راضيه جدا عن مبدأي
الله ينور قلبك ويصلح لك ابنائك ويرضي عنك والديك ويجعل بيتك عامرا بالطاعات والطمانينه والرضا​

 

[$دمعه غلا$]

بس ماهي غريبه شوي صموته
انك ماتجينا الا بالسنه حسنه
وفي حالات نادره جدا

وعلى كثر مشاركاتي وردودي
مانتبهتي الالهالعباره !!!!!!!!!!!

كني اشم ريحة اتهام ان( بعض الظن اثم) وعلى نياتكم ترزقون

 

[$دمعه غلا$]

واذا رايتي اني اخطات عليك فيفترض ان تحملي الخطا لمن اقحمك في مزح ووسوالف كنا نوسع بها صدورنا[/CENTER]

اقحمتها لثقتي التامه بان الطرفين عندهم من العقل مايستوعب المقصود من الكلام يعني تقدرون تميزون بين الجد والمزح

 

[الناصحه الامينه]

اهلين دمووعه
وعليكم السلاااام ورحمة الله وبركاته


كيف الغوغو تبعك اليوم
ان شاء الله اليوم مافيه لادله ولابراد
شفتي فايدة يوم ويوم

فلوله
ندوا
مويه
همسات
بتطولون تتفرجون تحت ؟؟

يالله لاقررتوا تسولفون نادوني
البارح طرحنا مواضيع مدميه انا ونصورة ونقيه ومعنا نصوبه وسحوبه
وهم اللي صمدوا لاخر والباقين شردوا
كنهم في قصف​

 

[$دمعه غلا$]

تمام نصوحه اقول ياليته يحول النظام اسبوع هناك ويوم هنا انا راضيه الحمدلله اليوم فاضيتلكم اي هوشه اي موضوع اي حاقه انا مستعده

 

[$دمعه غلا$]

عندي كلمتين عن الشمالي والجنوبي بمناسبة المصارعه الي امس لو سمحتولي ادلي فيها بس شويتين اشوف سعودي الي هو دلع سعد جاءمن المدرسه اشوفله بلعه ولاشي وارجع بس الله الله بالردود هههههههههههه متاثره بالي يكتبون مواضيع

 

[الناصحه الامينه]

تمام نصوحه اقول ياليته يحول النظام اسبوع هناك ويوم هنا انا راضيه الحمدلله اليوم فاضيتلكم اي هوشه اي موضوع اي حاقه انا مستعده

اكيد هالحين الاسبوع حلو
دام ان فيه فكه من التيوس والفطاير والقهوة

ولد خالي انكسر وقعد شهرين وهو كل يوم يجيبون له الجماعه ذبايح غدا وعشاء
زوجته تقول كرهت اللحم من كثر ماجابوا
ومن خلص الشهرين وتروح كثرهم عند اهلها​

 

[$دمعه غلا$]

هههههههههههه ياحليلها عاد تبي فترة نقاهه لاوالله العام الماضي الله لايعيد الشر تعب زوجي شوي وجلس في المستشفي مايقارب 3اسابيع والله ان تحول البيت لقصر افراح المهم انه حلف على الجماعه والي يجي انهم مايكلفون نفسهم وتورط صار يطرد العشاء بالغدا لمدة اسبوعين بس والله ايامها كان ماعندي مشكله لان شغالتي بعدها ماسافرت وانا من فرحتى انه طلع بالسلامه كل الي يسويه على قلبي مثل العسل بس هو طيب

 

[ندى الفيافي]

هلا ومرحبا
اليوم حاضره من بدري
وفاضيه بسولف سوالف زينه مو دق وصيد في المويه العكره ههههه
معليش نصوح فتحت وانشغلت شوي مع البزوره وابوهم كلن يبي اعبيله اكل كني متفضيه في وماتوظفت عشان اعمل صنوف الطعام على الغداء والاكل
خليها على الله بس ههههههه

 

[ندى الفيافي]

اف وين العالم راحت ولا ماعاد تجمعها الا الهوشات والخناقات
تبونا نسدح وحده الحين
ويتجمعون عليها ومن الزحمة كل وحده تقول وخروا تاها تقرب لي خخخخخ

 

[فله14]

السلاااااااااااااااااام عليكم
نصوحه انا معكم قلبا وقالبا ولكني كنت اكتب لك رساله خاصة وصندوقك مليااااااااااااااان
فارجوك احذفي منه شوي عشان تدخل رسالتي
وبااااااااااااااااااااااااااااااس

 

[فله14]

تدرون وين رحت اليوم
حزرو فزرو بانتظار الاجابة الصحيحه ؟؟

 

[$دمعه غلا$]

ندو حبيبتي عيب هالكلام لالالاماحسبتك كذا اصلا انتي وش وضيفتك في الحياه غير كرف للابو وعياله لامن جد طلعتي منتى سنعه وانا احسبك مره سنعه لاتجيبين سيرة الكرف لان بصراحه ازعل من المره الي تبي تحط رجل على رجل وكلش على الشغاله حريم بس مادور هوشه

 

[فله14]

رحت اشهر قصر افراح في منطقتي من 9 ونصف صباحا
الي 12ونص ظهرا
ورجعت البيت وانا نفسي مااطلع يوه ليتني جلست مدري فيه غداء اولا
ماتذكرت الا الان 00
المهم حزرو فزرو اش كان فيه القصر ولماذا دعوننا ؟؟

 

[ندى الفيافي]

هلا فله وش اخبارك واخبار جيزان
تصدقون فله كثير بنات يحسبون من جيزان عشان اسم فيافي يولون به جبال بجيزان اسمها فيفا او فيافي .......
شكلي بجي اشوفها ههههه""""""

 

[$دمعه غلا$]

فلوله والله مدري وين رحتى بس شكلك مبسوطه اكيد مشوار حلو امممممممم يمكن رحتى لوحده من بناتك ولا عيالك ولا صديقه قديمه ولا حتى جديده

 

[$دمعه غلا$]

هاه فلوله وش فيه لاتشوقينا

 

[ندى الفيافي]

محاضره او اجتماع او حفله مدرسيه واحتفال باليوم الوطني
او مجلس نسائي يستغلون العيال بالمدارس
خخخخ
ماخليت حل لي ولصاحباتي الغايبات الا جبته

 

[فله14]

ندو غاليتي اسمها فيفا
شوفي جزء صغير وجميل من فيفا في توقيعي ياليت تجين واطلعك فيفا واعزمك في اعلى جبل فيها
وتشوفين الخضار والضباب والجمااااااااااااااااااااال وسبحان الخالق 00
والله تتعجبين كيف الاهالي قاموا ببناء تلك العمائر الجميله في سفوح الجبال العاليه 00
تعالي وباااااااااااااااااااس 00