اخر اخباري مع زوجي للي فاكريني فديتهم

[فاديه]

السلام عليكم

اخباركم حبيباااتي ان شاء الله بخيير

مدري اذا تذكروني ولا لا :4:

اللي تبي تعرف مشكلتي تدخل ع ملفي ورااح تعرف كل شيء ..الله لا يعييدها من الاياام

لكن الحيين ابيكم تقولون وش اسوي فيه لاني تعبت من جد ولا حصلت حل


زوجي لاني رااضيه افهمه وهو مو راضي يفهمني من بعد هذيك المشكله زادت المشااكل بيننا

وفي الاخير قررت ارسل له رسااله لكن لا رد علي ولا علق ولا حتى كلمني ولا حتى تعدل


انتم شوفوا رسالتي واحكموا لانو باقي ع الجنون شعره من جد مو قادره اتحمل اكثر من كذا

السلام عليكم
عندي كلالام كثير ورااح اختصره بهالرسااله
تصدق اصعب شيء انك تعيش مع واحد ماتحبه
هذا انت عايش معاي بس بجسمك لكن قلبك مو معاي ولا لي
اقسم بربي شعور صعب صعب وكمان كريه لكن حظي وش اسووي فيه
صحيح اني عنيده وراسي ياابس لكن والله بالاسلوب الحلوو راح تخليني اموت فيك
واسمع كلامك غصبا عني
لاني راح اخجل منك ومااقدر ارد لك طلب لكن على اسلوبك هذا مدري وش اقول
انا زوجتك يعني حلالك صح ولا لا
ليه تحرمني من حقوقي كزوجه ؟ انا مااتكلم عن فلوس ولا اكل
انا اتكلم عن اساسيات في الحيااه محرومه من الحب وهذا اهم شيء في الحياه الزوجيييه
اذا انت ماعطيتني حب وحنان من يعطييني ؟؟؟؟
انا انسااااااااانه قبل اكون زوجه ولا ام ولا وحده من الناااس
عندي مطالبي وحقوقي
للاسف انا عنيده وانت ماعرفت تكسبني لصفك ونفرتني منك
ولا مره سالت نفسك ليه تعاملني كذااا؟
ليه تعاملني ع اني تحفه في البيت

نفسي تعاملني مثل بنتك وربي بعض الايام احسدها
وين احصل احد يحبني ويهتم فيني مثلها قولي وين ؟؟؟
اقرا مواضيع المتزوجات ومواقفهم مع ازواجهم وربي ابكي قهر ليه حظي انا زفت من يوم ربي خلقني ليه ليه

يعني ماجاء في بالك ان نفسيتي الزفت واخلاقي المقفله انت سببهها؟؟؟؟
اقسم بالله كل شي صار في حياتنا انت السبب واتحدااك تقدر تنكر هذا الشي
انا ماابي ارجع للماضي لاني لو تذكرته رااح احرق الدنيا

تتذكر لما كنت تتغدا وتبوسني وتشكرني ع الغدااء؟؟ تذكر لما كنت تشتري لي هداايا؟؟
تذكر لما كنت تجي من الدوام وتبوسني؟؟
تذكر لما كنت تدخل معي المطبخ وتساعدني؟؟
تذكر لما كنت تطلع تمشيني وتسفرني؟؟
تذكر لما كنت تكلمني ع الجوال وتتغزل فيني وتطيب خاطري؟؟؟ وترسل لي رسايل حب؟؟
تذكر لما كنا نركب السياره وتضم يدي وتحطها ع فخذك وتضحك وتسولف معي؟؟
وين هالاشياء كلها في حياااتي الحييييييييييين؟؟
اشياااء كثيره في حيااتي تغيرت للاسوء بسببببك انت ولو بتذكرها رااح احن للماضي واشتاق له
من جد كانت اجمل سنين حيااتي قبل 4 سنواات من هالوقت
الناس اعتزلتهم بسببك انت اي بسببك انت وش اقول وانا قلبي كله حسره وضيم
وش اقول لو قامت كل وحده ومدحت زوجها قداامي ؟؟ وش احس فيه غير القهر والنكد؟

كل الناس يسالوني ليه متغيره عن اول بكثيييييييييير واولهم اهلك
يقولون الحزن باين بوجهك وتغيرتي كثير مو الاولى اللي نعرفها
ليه تسوي فيني كذا ؟؟
لا تقول اني السبب انا جزء بسيط من السبب انت السبب كله
شوف تعاملك معاي شوف كلامك ونظراتك معاي
اقلها لما نركب السياره عينك علي وبس تناافخ وتضرب الدركسوون
مدري وش رااح تستفييد من هالشيء ؟؟
اللي اعرفه انو الواحد لما يركب مع زوجته يضم يدينها ويسولف ويتغزل فيها
لكن للاسف هذا الشي محرم علي

ولا لما تكلمني ع الجوال كانك تكلم هندي اسألك بالله لو تكلم بنت من بنات الحرام راح يكون
اسلوبك معاها كذا
ولا رااح تنعم صوتك وتعطيها احلى الكلام واحلى الدعوااات
طبعا الخيار الثاني رااح يكون لها
وانا لي الخيار الاول لانني وببساطه شديده ركن من اركان البيت
وانت اصلا من متى اهمك في شيء؟
اقسم برب العزه والجلاله في قلبي ضييييييييييييييييييم وقههههههههههههههر مااحد حااس فيه
مافي شيء بالغصب ياانك تعاملني زين ياانك.... >>انت كملها

انا ابي حنااااااااااااااان +حـــب+زوج يرااعيني ويفهمني=احصله عندك ولا لا
انا ناقصه حب افهمني لو مره وحده المفروض من بعد هالسنين اللي عايشين فيها
مع بعض اننا نكون
وصلنا حد الثماله والعشق بيينا
لكن العكس هو اللي صاير بيننا
شوف انت حياتنا مثل حياة هالناس ولا لا
شوف انت تعطيني انا وبنتي حقوقنا ولا لا
شوف انت متى تجلس معانا كله كم ساعه تنحسب واغلبها في الملحق الله واعلم ع ايش جالس !!
لو ابي اعرف وش تسوي اقسم بربي مايعجزني شيء ومثل ماعرفت المراات الاولى رااح اكشفك
يعني مو بهالصعويه اللي في بالك
لكن انا مخليتك ع كيفك لانك استهونت بالحلف قدام الكعبه يا....تتذكر حلفك ولا لا؟؟

انت اخليت بحلفك وسويت اللي براسك وانا عارفه هالشي وساكته ابي اشوف النهاايه معاك

ولا تنسى انك دعيييييييييييييت ع بنتك واختك لا تنسى لا تنسى
لاني انا من الاول مااهمك جات ع الحين يعني
لكن مااقول غير حسبي الله ونعم الوكيل على اللي دمرت بيتي
ودمرت سعاادتي وحسبي الله على من ساعدها
اللهم اني مظلوووووووومه فانتصر لي يارب
انا سكت وبلعت الضيم ومشيت حيااتي لكن انت ماتغيرت
ياتصلح حيااتك معي ولا بشوف لي حل ثاني ماعاد
فيني اصبر ع هالعيشه خلاص تعبت تعبت تعبت
هذا الكلام اللي عندي وراح اقفل جوالي هاليومين لاني ماابي شيء منك لي ربك اشكيه وهو
راح ياخذ بحقي من كل اللي ظلموني وحسبي الله ونعم الوووووكيل
تعبت ابكي ودمعي دم !!
تعبت اساير الاوهام تعبت احلم !!
أيا الايام .. وين ألجئ ؟؟ .. ووين أرحل ؟؟
أخبي دمعه ببسمه واقول انا قلبي كبير ..
وأنا عابس وأنا محزون وقلبي مرير !!
تعبت أكتم وتعب مني انا الكتمان!!
مليت الاسى والهم والاحزان!!
لمن اشكي ؟؟ لمن أحكي ؟؟ ..عجزت لا ينطق لساني...
أنا مابي من الدنيا سوى نور(ن) ينورني
وسوى ملفى يريحني..
وانا مابي من الدنيا سوى حب يرافقني
وسوى قلب صادق يوفي..
وانا مابي من هالناس سوى المحبه والاخلاص..
وانا كنزي هو وفاي وانا ما همني الافلاس..
وانا مابي من الدنيا سوى راحه فكر وايمان..
يكفيني ... يكفيني ... يعوضني ... عن الكنوز يكفيني..

يارب :8:

 

[ام اسارين]

صدق ماعرف قصتك بس تاثرت باللي كتبتي ياحياتي انتي الله يجمع بينكم بخير وبعض الرجال تأثرفيه مثل الرساله وبعضهم ماكانوشاف شئ اصلح الله مابينكم

 

[دلوعةزوجي]

فرج الله همك بس واضح انك تعاني من خيانته مو من فترة بسيطه

عزيزتي ما ادري وش اقولك بس الله يبعد عنك وعن زوجك واولادك بنات واولاد الحرام​

 

[تشكرات]

الصراحــــــــــه ( رسالتــــــك مؤثّره جدّآ ) ..أتمنى من الله أن يكون

لها بالغ الأثر في نفسيّة زوجك ...

ولكن حبيبتي المهم بعد كذا ( الخطـــــــــــوه القادمــــــــــــه ) ..

يعني لازم تكون الخطوه القادمه ( تثبت هذه الخطوه وتدعمها ) ..

وتكون على قدر كافي من ( الحزم ..والصرامــــــــــــه ..) ....

حتى لا ( يهتـــــــــــــز موقفك أمام زوجك ...) ..

والله يكتب لك الخيــــــــــــر يارب ..

 

[جروح الامس20011]

الله يفرج همك ويكتب لكى الخير

 

[بصمة مخملية]

الله ييسر أمرك ياأختي" فادية "..ويفرج همك ..ويرد إليك زوجك ردا جميلا ..
ويجعله مايشوف في الدنيا غيرك ..رسالتك موزونة ومؤثرة وأتوقع إنها راح- تٌأتي أُكلها -عند زوجك بإذن الله ..
..أهم شي طبعا بعد الدعاء إنك زي ماقلتي تقفلي جوالك ..ولاتتوقعي تغييره راح يكون بين يوم وليلة
..ترى أحيانا الواحد تاخذه العزة بالإثم ..وخصوصا لو تأثر فعلا بالكلام ..
يعني رييييييحي بالك كم يوم .. وزي ماقالت أختي تشكرات أهم شي الخطوة اللي بعدها ..
...........الله يوفقك وييسرلك أمرك ويحفظ بنتك يااارب ....

....لا إله إلا أنت ربي سبحانك إني كنت من الظالمين...

 

[غااااااايه]

ليه حظي انا زفت من يوم ربي خلقني ليه ليه؟؟؟؟ استغفر الله العلي العظيم، ليه تقولين كذا ياختي؟؟وين الايمان بقدرة ،وين الايمان بعدل الله في تقسيم الأرزاق؟؟ياحبيبتي في ناس وحريم يمرون بظروف أصعب من ظروفك. صحيح الخيانه صعبه على الحرمه،بس الانسان المؤمن، مايخلي اي شخص او ظروف تزعزع ايمانه،ويقينه بفرج الله// قوي ايمانك،ولاتخلي الزوج همك الاول والاخير في هذه الحياة.أنا قريت مواضيعك السابقه. وتوقعت انه الموضوع بيكون كذه... ولا وحضراتهم مصورين فيديو يعني مأرشفين ، ومأرخين فعلتهم السودا. والله عجب!!!مادم هو اعتذلك بكل الطرق، حاولي تنسين لأن العذاب النفسي اللي تعانيه مب في صالحك أبد.وهو طنشيه، وحاولي تركزي على جوانبه الايجابيه ، لاتخلي الشيطان يلقى فيك منفذ ،يكرهك من خلاله لزوجك. وضعي رضى ربك ، والأجر على صبرك نصب عينيك. الدعاء ثم الدعاء ،يريح النفس ويشعرك بقربك من الله،ويزيل همك .باذن واحد احد.وبالنسبه لأخوك وخالتك .حاولي تكلميهم ،وتقوليلهم ، تراكم بهاذي الطريقه ،تفضحوني،وتخربون بيتي.ولاتهتمين بكلام الناس ونظراتهم.أقرئي حبيبتي ،تصفحي الانترنت، زوري جاراتك،وصديقاتك// عشان تخرجين من هذا الجو . وتنسين السالفه عن بكرة ابيها.الله يوفقك.

 

[فووفيه]

الله يصلحكم و يهديكم اختي انا حاسه فيك و رسالتك اثرت فيني و اقول لك تقربي من الله اكثر و فضفضي لربك فسجودك ربي هو القادر على الإصلاح بينكم و طولي بالك و عيشي حياتك و ابسطي نفسك دايما احنا نتنكد و الرجال اكل نايم خارج و لا هو داري عننا

 

[فاديه]

شاكره لكم جميييييع مروركم

يارب يسمع منكم

بالنسبه اني اطنشه ولا افكر فيه عملتها لكن مهما صار هالشيء الزوجه تبي من زوجها يسولف لها ويضحك مو يكون جماد عندها:8:

بالنسبه لنا يمر يوم كامل او اسبوع مايكون بيينا الا السلام وبس متخيلين كيف الكأأبه

حتى ع الاكل هدوووء ياكل وهو ساكت ويقوم بعدها لا شكرا ولا يعطيك العافيه ولا شيء

واذا اتصل عليه احد تسمعون ضحكه من اخر الدنيا سبحان الله

حتى يكون مبتسم واذا دخل البيت يعبس شووي وحواجبه تتلصق من كثر الضيق الله لا يبلانا:25:


اتوقع انو مافي حب مو عارفه بالضبط حالته الله يشفيه

الله يسخرهم بس

 

[فاديه]

.....

 

[الوفيه لكن]

اختي راجعي نفسك بكل امانه خليك من زوجك مانزل بلاء الا لمعصيه ومارفع الابتوبه هذا ابتلاء والحمد الله


اذكري الله كثيرا وحافظي عا لصلاه واتذكري لو كنت ظلمتي احد حتى لو خادمت انا بس اذكرك يالغاليه احنا نغفل لا كن ربي يحصيها علينا ظروري نذكر بعضنا


وصدقيني قد ماتحبي نفسك زوجك راح يجي ويحبك تري بعض الرجال يشوفوها اشياء سخيفه واحنا نحسها شي عضيم بالنسبه لنا كالنساء

كنت اجهز كاسه لرجوله بالماء والملح ومرات والله انقعه له بالورد والافندر تخيلي ويصرخ وخليني
واحط الشموع والرغوه بالحمام ويطنشني دائما
بعدها دخلت المنتدى وجلست شهر اقرى الشي الف مره الان فهمت وتغير ت تماما بفضل الله للاحسن طنشت مشاعري الجياشه نحوه لكن حقوقه وبس
وانا اهم شي خاطري اي شي ابيه اطلبه وسويه
وصرت ادلع نفسي المغرب احطله كاست شاي بدل الترمس المليان والحلا والدلع بطلت كاسه وبس واجهز الحمام حقي واقوله بتاخر معليش خاطري بحمام مغربي ونا كذابه اتنقع بمويه وبس هههههههههههههههههه وابخر ملابسي قدامه عناد واعطرها باحلا عطور
واكلم وحده تجي للبيت وهو موجود يسمعني عشان تسولي مساج بالبيت وبعد ماتسكر الحرمه الخط اجلس ادلع واقول لاتجيبي الكريم الي قبل ريحته موحلوووووووووووه ابي رائحت الفواكه اوشي جديد منعش عشان ارتاح اكثر ياقمر هههههههههههههه
وكل شي حقي انا وبس اذا يبي شي اهو بيتكلم لان الرجال مايستحو لما يبغى حاجه يسويها والحمد الله تحركت مشاعره الباره وعرف مين انا اتمنى لك التوفيق بس زوجك شمالي وظروري تكوني قويه وتحبي نفسك كثييييييييييييييير
وخليه على بالك مو تاج راسك

 

[رهہ‘َِـِوفهہ]

ياختي حنى مثلك بس تحملي وربي يفرجه لكي ان شاءالله

 

[احب اكون مبسوطة]

الله يكون في عونك ويصبرك

 

[استغفرالله@]

وربي نفس حركات زوجي وزج اختي الرجال فيهم شي مادري وشو ريحي بالك وفكري بنفسك وحاولي تتناسينه واقراي سورة البقره وشوفي بعدها بتجيك راحه غريبه الله يشرح صدرك ويهدي زوجك يارب

 

[رندا كووول]

خليك قريبه من الله ..واستغفري بنية الاصلاح وراح يرجعلك من غير رسائل ولا توسلات .الله يسخره لكم

 

[**تهاني**]

حبيبتي اقري سورة البقره يوميا لمدة 40 ليله -واستغفري باليوم الف مره-وكثري من الصدقه والله ماتتخيلين فوايدها -وخلاص افتحي صفحه جديده انسي او تناسي بمعنى اصح مو معقول بتعيشي طول عمرك حبيسة موقف مهما كانت مرارته -الدنيا مو بس زوج -الدنيا عالم لا متناهي-ومن مبدا ان الله لايغير مابقوم حتى يغيرو ما بانفسهم >>جهزي طاوله بقاتوه وعصير بعد ماينامون عيالك واسهري انتي وياه ولاتجيبين طاري الماسي اللي راحت خلااااص اكليه بيدك وامسكي يديه وناظري بعيونه وتغزلي فيه ومايحتاج اعلمك بالباقي خليه يحس انك سامحتيه يااختي لاتنسين ان العفو من شيم الكرام واكيد انك كريمه -اطوي صفحة الماضي هذي صفحه راحت ولن تعود باذن الله-والله في رجال يخونونهم زوجاتهم ويرجعون لهم كيف انتي حرمه وتدرين الرجل غير عن الحرمه اتمني لك ولي التوفيق باذن الله دعوااااتك وانا متاكده انك بعد 40 ليله بتصيرين انسانه ثانيه وبيتك بيصير بيت ثاني كله دفء وسعاده

 

[تغيرت للافضل]

قسما بالله دمعت عيوني وانا اقرا رسالتك :4:

يمكن لاني اعاني مثلك مااقول غير ربي يفرج

همي وهمك اخيتي اذا مافادت حاولي تشغلين

نفسك عنه شيليه من بالك وربي ترتاحين

ولااستخيري تجلسين معاه ولا لا دعواتي لك

 

[دموعي شي معتاده]

الله يفرج همك

 

[ياربي انصرني]

حبيبتي اقري سورة البقره يوميا لمدة 40 ليله -واستغفري باليوم الف مره-وكثري من الصدقه والله ماتتخيلين فوايدها -وخلاص افتحي صفحه جديده انسي او تناسي بمعنى اصح مو معقول بتعيشي طول عمرك حبيسة موقف مهما كانت مرارته -الدنيا مو بس زوج -الدنيا عالم لا متناهي-ومن مبدا ان الله لايغير مابقوم حتى يغيرو ما بانفسهم >>جهزي طاوله بقاتوه وعصير بعد ماينامون عيالك واسهري انتي وياه ولاتجيبين طاري الماسي اللي راحت خلااااص اكليه بيدك وامسكي يديه وناظري بعيونه وتغزلي فيه ومايحتاج اعلمك بالباقي خليه يحس انك سامحتيه يااختي لاتنسين ان العفو من شيم الكرام واكيد انك كريمه -اطوي صفحة الماضي هذي صفحه راحت ولن تعود باذن الله-والله في رجال يخونونهم زوجاتهم ويرجعون لهم كيف انتي حرمه وتدرين الرجل غير عن الحرمه اتمني لك ولي التوفيق باذن الله دعوااااتك وانا متاكده انك بعد 40 ليله بتصيرين انسانه ثانيه وبيتك بيصير بيت ثاني كله دفء وسعاده

تذكير مهم للاخواااات

لم يرد عن النبي صلى الله عليه وسلم ان تقرأ البقره 40 يوم

وقد شدد مفتي العام المملكه الشيخ عبد العزيز ال الشيخ على هذا

وسورة البقره تقرأ لفضلها العظيم الذي ورد عن النبي صلى الله عليه وسلم في الاحاديث الوارده00

وارجوا ان تقرأون الفتوى

السؤال : ما حكم قراءة سورة البقرة والاستغفار بنية الزواج ؟ فقـد انتشر في هذا الزمان ، فكثير من الأخوات تقسم بالله أنها لم تتزوج إلا بعد أن قرأت ســورة البقرة لمـدة شهر أو أربعين يومـا وكذلك الاستغفار ألفا أو بعدد محدد بنية الزواج وأنا أخاف مـن البدعة ودخولي في هذا الأمر ، أرجو من فضيلتكم أن توضحوا هذا الأمر لي وما صحته ؟​

الجواب : الحمد لله..​

الزواج أمــر مقدّر مقسوم للعبد كسائر رزقـــه ، ولن تموت نفس حتى تستكمل رزقهــا وأجلها ، كما قال النبي صلى الله عليه وســـلم ( إن روح القدس نفث في روعي أن نفسا لن تموت حتــى تستكمل أجلها ، و تستوعب رزقها ،فاتقوا الله، وأجملوا في الطلب ، ولا يحملن أحدكم استبطاء الرزق أن يطلبه بمعصية الله ، فــإن الله تعـالـى لا ينال ما عنده إلا بطاعته ) رواه أبو نعيم فـي الحلية من حديث أبي أمامة ،وصححه الألباني في صحيح الجامع برقم (2085) .​

فـلا ينبغــي القلق إذا تأخر الزواج ، لكـن يشرع للفتى والفتـاة أن يتخــذ الأسبـاب لتحصيل هــذا الرزق ، ومن ذلك الدعاء فتسأل الله تعالى أن يرزقها الزوج الصالح .والاستغفار سبب من أسباب سعة الرزق ، فـقـد حكى الله تعالى عن نوح علـيه السلام أنــه قـال لقــومه ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا . يُرْسِلْ السَّمَاءَ عَلَيْكُمْ مِدْرَارًا . وَيُمْدِدْكُــمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُــمْ أَنْهَارًا ) نوح /10- 12 .​

والدعاء سلاح عظيم لمــن أحســن استخـدامه ، فادعي الله وأنت موقنة بإجابة الدعاء ، وتحري أسباب القبول ، مـن طيــب المطعم والمشرب ، واختيار الأوقات الفاضلة ،
واحذري مــن تعجل الإجابة ، فقد قال النبي صلى الله عليه وسلم : ( يستجاب لأحدكم ما لم يعجل ، يقول : دعوت فلم يستجــب لي )​

رواه البخــاري ( 5865 ) ومسلم(2735) من حديث أبي هريرة رضي الله عنه .​

واعلمي أن الدعاء مدخر للعبد نافع له في جميع الأحوال ، كمــا في الحديث الــذي رواه الترمذي
(3859) عَـنْ أَبِي هُرَيْرَةَ رضي الله عنه قَــالَ :
قَـالَ رَسُولُ اللَّهِ صَلَّى اللَّهُ عَلَيْهِ وَسَلَّــمَ ( مَا مِنْ رَجُلٍ يَدْعُو اللَّهَ بِدُعَاءٍ إِلَّا اسْتُجِيبَ لَـهُ ، فَإِمَّا أَنْ يُعَجَّلَ لَهُ فِي الدُّنْيَا ،وَإِمَّا أَنْ يُدَّخَرَ لَهُ فِي الْآخِرَةِ وَإِمَّا أَنْ يُكَفَّرَ عَنْهُ مِنْ ذُنُوبِهِ بِقَدْرِ مَا دَعَا ،مَا لَمْ يَـدْعُ بِإِثْمٍ ، أَوْ قَطِيعَةِ رَحِمٍ ، أَوْ يَسْتَعْجِلْ ،قَالُوا: يَـا رَسُولَ اللَّهِ ، وَكَيْفَ يَسْتَعْجِلُ ؟ قَالَ : يَقُولُ : دَعَــوْتُ رَبِّـي فَمَــا اسْتَجَــابَ لِــي ) ​

وصححــه الألباني في صحيح الترمذي برقم (2852) .​

وقــراءة القـرآن لهـا أثر عظيم فــي علاج الهــم والقلق ، وجـلــب السعادة والطمأنينة ، وكــذلك الاستغفار . والإكثار من الطاعات بصفة عامة ، من أسباب تحصيل السعادة ، كما قال تعـــالى : ( مَـنْ عَمِلَ صَالِحاً مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ ) النحل/97 .​

وقـــال تعالى ( وَمَنْ يَتَّقِ اللَّهَ يَجْعَلْ لَهُ مَخْرَجاً . وَيَرْزُقْهُ مِــنْ حَيْــثُ لا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَـدْ جَعَـلَ اللَّهُ لِكُلِّ شَيْءٍ قَدْراً ) الطلاق/2،3 .

فمن أكثرت مـن هـذه الطاعات ، وحافظت عــلى صلاتها وذكرها واستغفارها ودعائها وقراءتهـا للقرآن ، رُجي لها التوفيق والسعادة ، وتحقيـق مرادها ومطلوبها ، لكـن لا يشرع التعبد بتحديد عدد معين أو زمن معين لــم يـرد في الشريعة ، فإن ذلك من البدع ، وهي من أسباب رد العمــل وحرمان صاحبه من الأجر ، كما قال صـلى الله عليـه وسلـم ( مَنْ عَمِلَ عَمَلًا لَيْسَ عَلَيْهِ أَمْرُنَا فَهُوَ رَدٌّ ) رواه مسلم (1718) .​

ولم يرد فــي الشرع المطهر – فيمــا نعلم – أن قــراءة ســورة البقـرة بخصوصها أو الاستغفار بعدد معين سبب لحصول الزواج ، وإنمـا طاعة الله تعالى واتباع رسوله صـلـى الله عليه وسلـم عــلى سبيل العموم هـما سبيل السعادة وتيسير الأمور في الدنيا والآخرة . نسأل الله تعالى أن ييسر لك أمرك ، ويرزقك الزوج الصالح .

والله أعلم .
موقع الإسلام سؤال وجواب​