<<اجمل المواقف المضحكة التي مرت بأيامنا ... شاركونا مواقفكم الجميلة والمضحكة>>

[ام بشرالقعقاع]

أحبتي.....
حديثكم هو بلسما
كلماتكم هي للنجم قلما
و بصدقكم قد سما
الامل و الكدر تهدما​

 

[دمعة بريئه]

جميل عندما يتذكر الإنسان أغلى أوقاته مع من أحب
فكم أحبكم يامن أسعدتم أوقاتي بوجودكم​

 

[ام بشرالقعقاع]

كل القلوب الى الحبيب تميل**ومعي لهذا شاهد ودليل
اما الدليل اذا ذكرت محمدا *** صارت دموع العارفين تسيل
هذا رسول الله نبراس الهدى**هذا لكل العالمين رسول

صلواعليه​

 

[أساورمن ذهب]

كيفكن حلوات واخباركن ...أما صار مواقف بس من امبارح لليوم شغلات عجب ولادي 3 البكرية 8سنوات والولد 7سنوات والزغيرة عندي 4سنوات هدول بيموتوا بشي اسموا بسس وحيوانات ازغيرة مع العلم انهم بيكونوا مرعوبين بس يالله المه كانت عنا بسه كل يوم بيطعموها أشكال وألوان وضلت الأخت ملزقة فينا وأخدت ع الوضع وصارت تفوت عالدار بدون احم ولا دستور ومشت الايام والليالي الملاح فجأة امبارح ابوهم شاف صيصان ازغار بيبعهم واحد المهم شرالهم واحد ولونوا زهري أنا أول مرة بشوف هيك بصراحة بس شو شنوا هجوووووووووم بس شافوه بس من بعيد لبعيد خايفين من ها الصوص الفصعون ...متلي بس أنا ع الساكت المه مرت الساعة ماخلوا ولا نوع أكل الا وقدموه الوا وراح نقلوه من كرتون لسله لطشت وأخدوا صحون الدار كل شوي صحن وخلوا أبوهم يعرفوا ع الدار ولو لازم يعرف الاخ وين بدوا يسكن وفكروا انهم لازم يدفوه راحوا أخدوا بشكير جديد أأجديد ولفوه...كأنوا أموا حضناه وهو بدوا يشرب الحبيب الغالي بالغلط نط ع الفنجان وتبلل ..وهاتي المناحة اللي صارت بس عشان نشاطوا قل وصار يرجف راحوا يبكوا لابوهم بيرجف لازم نتصرف!!اولها طنش وحكالهم راح يموت بعدين راحوا اخدوا مصاحف اللي بالدار وسجادة صلاة وسمعت اللي بقرأ سورة الشمس واللي سورة الناس ودموعهم في عينيهم ولكم مالكم شو فيه قال بندعى عشان يرجعلنا منيح !!!طبعا أصيبوا بانهيااار ماتخيلتوا لدرجة انا عيني دمعت فراح ابوهم جاب سشوار !!وسشورلوا شعراتوا الزغار!!اه عشان يسكت الشباب المنهارين
هوا تعب ياعنيا عشان أكل كتير فصار بطنوا كبير وكسل مابعرف هادا التحليل اللي صار ونمنا امبارح وحزنا مابيوصف انا واياهم!!!بس الصبح صار يصوصوا ورجع الوضع طبيعي تمام التمام والحزن أبدل بفرح وصاروا يتجرؤا ع مسكوا ولعبوا وانبسطوا وتوته توته ....لالا نسيت أحكي لمن وسخ إهيء إهيء قال شطفولوا قال احنا بدل اموا وابني بدوا يرقد عليه!!!!واليوم بيحكيلي ياماما بدنا نعلموا لغتنا!!ياريتنا تعرفنا عليه وهو بيضة!!

 

[الواضحة]

ههههههههههههه
والله رهيييييييبين ولادك ياعمري الله يحفظهم
طيب وين اراضيه هلأ؟؟؟؟
طمنينا

 

[أساورمن ذهب]

بتاريخ يوم الأربعاء 8-6 .....انقلب البيت الى حزن وعزاء....................
بعد ماعاش معنا الأستاذ صوص حبيب قلبنا ونور عنينا ...وطعمناه أشهى المأكولات (حتى صرنا نلقطلوا فراش) وبلش يطلعلوا جناح .. وكبر ..أسبوعين في الحضن وتحت عينينا أأأه بعد العصر كنا بنمشيه بالحوش مشان مايزهق وياخدلوا جولة وعلى بعد أقل من متر .....هجمت بسه سيئة الأخلاق وعديمة الرحمة والشفقة على حبيبنا الغالي طبعا الأساتذة اللي عندي بيستنوا يخلصوا امتحاناتهم النهائية عشان يطلعوه يشم هوا برا برا بس للأسف ...انقلب البيت بكاء مرير والله العظيم إني أنا بكيت من كلامهم ابني بيبكي وبيقول ياريتني متت بدل الصوص!!!!!!!!!وبنتي البكر ضلت تبكي لما صارت الساعة عشرة بالليل ورموا عيونها لا والخميس أخر امتحان لاتركيز ولا شي!!وبيسبوا ع هالبس اللي لو قدامهم لفتفتوا عضموا بس ...شو اعمل صبرتهم الف مرة بس ع الفاضي بحكيلهم سنة الحياة وهم بيبكوا ماسكتوا جننوني والزغيرة بتسرخ وبترجف بدها تبادل جميع ألعابها (الثمينة)للبس مقابل الصوص حكتلها ياماما فات بتموا وبمعدتوا وهاتي شو بدوا يفهمها!!!كانت مشكلة عويصة ماقدرت لهلأ أحلها يعني مر يومين وهادا التالت وابدا بتزكروه وبيحزنوا وبيحكولك ياماما فرد من العائلة كيف ننساه!!! الله يصبرهم والله مصابهم بفقدهم أليييم
ادعولنا الله يهدي بالنا يارب والله انا أمهم بس أشوف حزنهم ببكي وأول يوم بكيييت أنا من كتر مابكوا تصوروا صلوا عليه صلاة الغائب!!!وقرؤا قران ودعولوا بالرحمة وربي يجمعهم معاه بالجنة دموعهم بتنزل وبيقولولي بدنا نطلب من الله عز وجل يعيش معنا بالجنة
الحمد لله على كل حااال

 

[بنات عمر]

هههههههههههههههه
والله يا ذهب اولادك عندهم رأفه بالحيوان
وعندهم نهفات اللي بدها
(تبادل جميع ألعابها (الثمينة)للبس مقابل الصوص)
واللي
(صلوا عليه صلاة الغائب!)
(وقرؤا قران ودعولوا بالرحمة وربي يجمعهم معاه بالجنة )
الله يخليلك اياهم ويجمعكوا مع صوصكو في الجنه
هههههههههه
اولاد اما من الاخر

 

[شوقي للقياهم]

بتاريخ يوم الأربعاء 8-6 .....انقلب البيت الى حزن وعزاء....................
بعد ماعاش معنا الأستاذ صوص حبيب قلبنا ونور عنينا ...وطعمناه أشهى المأكولات (حتى صرنا نلقطلوا فراش) وبلش يطلعلوا جناح .. وكبر ..أسبوعين في الحضن وتحت عينينا أأأه بعد العصر كنا بنمشيه بالحوش مشان مايزهق وياخدلوا جولة وعلى بعد أقل من متر .....هجمت بسه سيئة الأخلاق وعديمة الرحمة والشفقة على حبيبنا الغالي طبعا الأساتذة اللي عندي بيستنوا يخلصوا امتحاناتهم النهائية عشان يطلعوه يشم هوا برا برا بس للأسف ...انقلب البيت بكاء مرير والله العظيم إني أنا بكيت من كلامهم ابني بيبكي وبيقول ياريتني متت بدل الصوص!!!!!!!!!وبنتي البكر ضلت تبكي لما صارت الساعة عشرة بالليل ورموا عيونها لا والخميس أخر امتحان لاتركيز ولا شي!!وبيسبوا ع هالبس اللي لو قدامهم لفتفتوا عضموا بس ...شو اعمل صبرتهم الف مرة بس ع الفاضي بحكيلهم سنة الحياة وهم بيبكوا ماسكتوا جننوني والزغيرة بتسرخ وبترجف بدها تبادل جميع ألعابها (الثمينة)للبس مقابل الصوص حكتلها ياماما فات بتموا وبمعدتوا وهاتي شو بدوا يفهمها!!!كانت مشكلة عويصة ماقدرت لهلأ أحلها يعني مر يومين وهادا التالت وابدا بتزكروه وبيحزنوا وبيحكولك ياماما فرد من العائلة كيف ننساه!!! الله يصبرهم والله مصابهم بفقدهم أليييم
ادعولنا الله يهدي بالنا يارب والله انا أمهم بس أشوف حزنهم ببكي وأول يوم بكيييت أنا من كتر مابكوا تصوروا صلوا عليه صلاة الغائب!!!وقرؤا قران ودعولوا بالرحمة وربي يجمعهم معاه بالجنة دموعهم بتنزل وبيقولولي بدنا نطلب من الله عز وجل يعيش معنا بالجنة
الحمد لله على كل حااال

عظم الله أجوركم في صوصكو المتصوصن ..
لعاد خلفتي شو بدها تعمل لو البسس الـ11 اللي عندنا ماتن ؟؟
يا سواد والله يمكن نفتح خيمة عزا خصوصاً من ورا السليلة!!!

 

[روفيدا]

الله يسعدكم من زماااااااااااااان ماضحكت

 

[أساورمن ذهب]

عظم الله أجوركم في صوصكو المتصوصن ..
لعاد خلفتي شو بدها تعمل لو البسس الـ11 اللي عندنا ماتن ؟؟
يا سواد والله يمكن نفتح خيمة عزا خصوصاً من ورا السليلة!!!

الله يحفظك من كل شر والله مامزحت او ضحكت بشي والله العظيم لليوم بيبكوا ع الصوص وبيدعوا ع البس وبيحكوا لأبوهم جيب كلب يأكل البس (بدهم يفشوا غلهم) مساكين قال كل مابيمسكوا شي بتذكروا لولو هاد اسم الدلع تبع الصوص غلبوني وبكوني معاهم الله يهديهم بحاول أنسيهم مافي فايدة يوم العرس الأربعا بيكون كمل أسبوع كامل متوفي ومش راضيين يسكتوا الله يهديهم!!!!

 

[سما المعالي]

عظم الله اجر ولادك يا اسورة ..
هدول حيوانات بتموت وبنعيط عليها هيك
كيف البشر بتموت باليوم ميات ..
الله يحسن ختامنا جميعا يارب..

 

[أساورمن ذهب]

وينكم ليش هادا الموضوع في الصفحة رقم 5!!!
لسه ولادي بيحكوا بالصوص حبيب ألبهن .....متى راح ينسوا !!!الله يرحموا بيحكولي يارب يجمعنا معاه بالجنة وراح نبوسوا كل شوي ونعطيه كل شي ونعوضوا عن الألم اللي لاقاه أأأه ..شو أنا نفسيتي متحطمة عشانهم قلبنا الفرح والضحك لحزن!!! والله يوميا بيضلهن يوجعوا قلبي وينفتح الجرح...الله يصبرهم ويصبرني كمان ....

 

[ام بشرالقعقاع]

وين مواقفكم العسل
يا عسولات؟؟؟؟؟؟

​