ليه يقول لها ومايقول لأمي ؟؟؟ إمرأ لاتنسى

[خياليه]

ابوي متزوج على امي

والزوجه الثانيه مو من نفس البلد

فتزوجها وجابها تعيش مع امي بنفس البيت


فلما ابوي يودي الثانيه تزور أهلها او مرات لما يسافر ابوي بغض النضر عن سبب السفر


امي تسأله مثلا متى بتسافر يقول لها : الله اعلم ويكون هو معطي خبر للناس انه بيسافر في اليوم الفلاني

متى بترجع يقول : الله اعلم


يعني مايعطيها جواب لأي شي ويكون هو في الاصل مخطط لكل شي

وتكون الزوجه الثانيه عندها علم

بس ليه امي مايخبرها لما تسأله ؟؟؟؟؟؟؟؟؟


اعتقد ان ابوي شمالي من الشخصيات الصعبه !؟؟؟؟!!!

 

[خياليه]

هههههههههههههههههههههههه

اشدعوه حد يرد علي عاد

وامرأه لا تنسى لو تقدر تعطيني اجابه او اي حد من الاستشاريات

 

[ميوسه]

عزيزتي
ان شاء الله راح ترد عليك


بس اقري قصة ام الوليد بقسم القصص والحكايات من ملف الاستشارات

واستفيدي منها

 

[زخـــــات المطر]

يمكن ما يبغاها تتضايق او تزعل او تشيل هم سفرته فيخليها مفاجاه احسن لها

 

[غلطة حياتي]

مراااااااااااااحب...
ان شاء الله حد من الاستشاريات يجاوبج...

 

[عزيزة.نفس]

هههههههههههههههههههههههه
اشدعوه حد يرد علي عاد
وامرأه لا تنسى لو تقدر تعطيني اجابه او اي حد من الاستشاريات

هههههههههههههههههههه
ماشالله على روحكي الحلوة وان شالله امكي بعد تكون كذا
واشدعوه ما حد يرد عليكي بس انتي حددتي امرأة لا تنسى
امرأة لا تنسى استقالت
وهذانا ردينا
ارد او لا ؟؟؟؟؟؟؟؟؟
اخاف ما يعجبكي ردي
عالعموم بارد لأني مثل امكي
وش رايكي تعرفينها عالمنتدى وعلى رابطة زوجات اوليات في قسم الزوج والزواج
الا هي كم عمرها ؟؟؟؟؟؟؟؟؟؟؟؟؟

 

[خياليه]

هي تعرف المنتدى

ولكن سؤال الاجابه موموجود من خلال بحثي في المنتدى

وامي كبيره في السن مو صغيره

عادي اي وحده تقدر تعطيني السبب او عندها فكره تقول لي ليش

وبعدين ابوي ماله بسوالف المفاجات والحركات هذي

 

[الوسمى]

اتحملي انتي في امك ولا تخلينها اتحط مثل هذي الافكار في راسها
والواد الله يسامحه اذا كان قاصد يضايقها بس ما اظن اهم شيء
انتي داري عليها ومثل ماقلتي اهيه كبيره في السن تراها تحتاج لك
ولكلامك الطيب معها اكثر من اي شيء كان الله يحفظ لك الوالده وخليك لها قولي آميين​

 

[خياليه]

آآآآآآآآآآآمين يارب

بارك الله فيك اختي مقهوره وصبوره وماعاش من يقهرك

لا حول ولا قوة الا بالله

 

[أم شذى]

وبعدين ابوي ماله بسوالف المفاجات والحركات هذي

عزيزتي المنتدى أكبر من كذا،، لا يتحدث عن المفاجات او الحركات الرومانسية فقط،، ليست هي المحور،،

وانما اهم مايميز المنتدى كيفية فهم شخصية الزوج والتعامل معه،، ومواجهة المشكلات،،


لماذا لا يخبرها؟
ربما لأنه يتوقع منها رد فعل سيء،، يعني مثل تغضب أو تسأله اسئلة اخرى

او ربما لأنه لا يهتم،، يرى ان علاقته بها لا توجب عليه اخبارها،،
بينما علاقته بالثانية جيدة يهتم بأمرها ويأخذ ويعطي معها في الحديث،، لذلك يخبرها.

وفقك الله وإياها،،

 

[توووفي]

شوفي حبيبتي اذا كانت سفرته لدولة زوجته الثانيه مايبغى يقول لان مايبغى يوجع راسه
لانه يخاف ان امك تسوي سالفه وهوشه بس
اما اذا كان دوله ثانيه ماادري بس فيه اكثر من احتمال يمكن يقول تبيني اسفرها وهو يبغى يروح لحاله او تقوله ليش تسافر مالها داعي وهو مايحب احد يعطيه اوامر يعني الرجال عندهم لو سالفه بسيطه مره حللها وخلها كبر الجبل كذا تفكيرهم اتمنى اني ساعدتك

 

[الثقه عنواني]

كل اللي أقدر أقوله الله يصبر قلب أمج
والله يحنن قلب أبوج عليها ويساعدها
ولا تنسون الدعاء لها دايما وأبدا

 

[خياليه]

اماقصرتوا خواتي

جزاكم الله الف خير