الفارس الذي احبني.. ((صفحه من مذكراتي))

[um lama]

:icon26::icon30:يا حبيبتي ياام لمئ
عسئ الهم ما ييج و لا تنقهرين يا عمري
والله ما كنا ندري ان فية شي راح يخليج حزينة بس ان شاء الله راح ئيي
قسم او بارت يكون بلنسبة لج مفرح:icon26::icon30:
صج هدوني هدوني رجائن لحد يمسكني خليني اروح لخالتج و اذبحها:icon1366::icon1366:
ليش تحرم احلئ قلوب عن بعض :icon28::icon28:
بس الحمدلله و شكر طلعتم من نصيب بعض :clap::clap::clap:
يا رب يديم عليكم الخير و سعادة طول العمر يا رب :icon26::icon26::icon26::icon26:

ام لمئ ننتظر باقي (ترئ انا لزقة ):nosweat::nosweat:خخخخخخخخخخخخخخخخ
:sadwalk::sadwalk::sadwalk::showoff::showoff::showoff:

والله احلى لزقه على قلبي انتي :sly:

هههههه تدرين انا بعد ودي اذبحها معاج :clap:


بس الواحد شو ايقول غير الله كريم :icon30:


ان شاءالله اليوم بنزل جزء وبكره الحلقه الاخيره اوكي؟؟ :smoke1:


تامرين امر انتي


نورتي يا قلبي :icon26:

 

[um lama]

ليه كده ياحمد ....تزعل أم لامى حبيبتنا
أكيد ياأم لامى هو كان عايز يبعد عنك شويه ويشوف هيقدر ولا لأ بس أكيد ماقدر ...مين يقدر ينسى أم لامى
وأكيد هو كان بيعملك بجفاء علشان تكرهينه أنتى وتقوليله مش عيزاك
بس أنتى كنتى أصيله وأستحملتيه ...كتير شهرين او اكثر وهو جاف معاكى
وانتى برضه بتحبيه وبتعمليه معامله مايحلم فيها
لاكن اكيد هو عرف قيمتك فى هالفتره الى تركك فيها

أنا منتظره الفصل الرابع علشان أفرح شوى

سحوبه حبيبه قلبي انتي

كلامك مليون بالميه صح ( ماراح اقول التفاصيل الحين )

بس والله يا سحاب حمد احتقرني بطريقه مو طبيعيه وذلني ذل مو طبيعي وانا طول هالمده كنت متحمله وصابره وكله عشان الحب ،، لان الي ايحب لازم ايضحي واينازل شوي عشان حبيبه

اه بس الحمدالله على كل حال ( حمد قدر كل ها الاشياء ،، راح اذكرها ان شاءالله في الجزء القادم )

نورتي يا قلبي :icon26:

 

[um lama]

ما بعرف شو بدي احكي

بس اني ادعيلك

يا رب يخليكم لبعض
ويوفقكم ...ويقربكم لبعض اكتر واكتر

يــــــــــــــــــــــــــا رب آمين

متـــــــابعة

اللهم امين :cupidarrow:

حبيبتي انتي والله :in_love:


نورتي يا قلبي :icon26:

 

[um lama]

قصه زواجي (الجزء الرابع)

( ** الجزء الرابع ** )

انتهت علاقتي بحمد ،، يعني خلاص حمد ماعاد بحياتي ،، بعد ما ملىء حياتي لمده سنتين ونص خلاص اختفى ،، ختمها بنهايه ابدا مو حلوه ،، نهايه عذبتني ..

بعد ذاك اليوم ،، اليوم الي افترقنا فيه انا وحمد ،، عاهدت نفسي اني خلاص مابرجع اتصل فيه ،، لان كنت واثقه او كنت عايشه على امل ان حمد بيحن ويرجع يتصل ويتأسفلي وايقولي خلاص انا متمسك فيج ..

مر اسبوع وثلاث وشهر واثنين وثلاث واربع حمد لا حس ولا خبر ،، وانا الي كنت متاكده انه بيتصل بعد شهر اقل شي ،، بس للاسف ما افتكر فيني ،، شكله طلعني من حياته للابد ..

كنت اتطقس اخباره من فتره لفتره عن طريق احدى صديقاتي ،، اسمها فاطمه ،، فاطمه كانت مقربه من احدى بنات عايله حمد ،، فكنت دايما اسأل فاطمه اذا حمد اتزوج او لا ،، فدايما كانت اتقولي لا ،، ومره جابتلي خبر ان حمد رافض الزواج ،، والعائله كلها بتدت تتكلم في هالموضوع ،، لحظتها عشت على امل ان حمد يتصل او يسال عني ..

بس طبعا لا حياه لمن تنادي ،، بعد مرور اربع شهور من فراقي انا وحمد ،، وصلني خبر عن طريق فاطمه ان جد حمد اتوفى ،، وقتها اتضايقت وفكرت اتصل فيه اعزيه بس اترددت ،، اقنعتي فاطمه ان اتصل فيه واعزيه ،، مهما ايكون هذا كان حبيبي في يوم ،، اتوكلت على الله واتصلت ..

حمد اتفاجأ باتصالي ،، سلمت عليه وعزيته بجده ،، وحاولت اهديه ،، لان حمد كان وايد متعلق في جده وكان ايموت عليه ،، ولاول مره اسمع يبكي وبصوت مسموع ،، قلبي عورني عليه ،، حاولت اهديه ماقدرت ،، وبعد جهد قدرت اخليه يهدى شوي ،، وانهيت المكالمه ،، طبعا المكالمه كانت عاديه وجافه مافيها ولا نص كلمه حلوه ..

ثاني يوم بعد رجعت اتصل فيه عشان اعرف اخباره وهل للحين متضايق ،، بس الحمدالله كان بخير وكان يضحك شوي ،، وايضا هالمكالمه كانت جافه مثل الي قبلها ..

وايضا هالمره دست على كرامتي ورجعت اتصل فيه مثل قبل عل وعسى حمد ايحن ويندم ويرجعلي ،، بس لا حياه لمن تنادي ،، اذكر بعد ما مات جده باسبوعين اتصلت فيه كالعاده لان هو ماكان يتصل فيني ابدا ،، كلمني من غير نفس واسلوبه ابدا ماكان حلو ،، وقتها اذكر قلتله حمد انا للحين احبك ،، قالي خلاص يا ام لمى الي بينا انتهى ،، ورجاء لا ترجعين تتصلين فيني ،، قلتله اهون عليك اتقولي هالكلام ؟؟ ،، سكت وسكر التلفون ..

رجعت اتصل فيه بس ماكان ايرد ،، استمريت على الاتصالات لمده اسبوع في اليومين تقريبا مرتين حمد ابدا ماكان ايرد عليه ،، بعدها قلت يابنت وين كرامتج ،، حمد خلاص باع وللاسف وانا الي كنت شاريه ..

خلاص ما عدت اتصل في حمد ،، لان كنت على يقين ان حمد خلاص طلعني من حياته للابد ،، ومن بعد هاليوم ام لمى خلاص اتغيرت ،، صارت جسد من غير روح ،، الدنيا اسودت في وجهي ،، كرهت الدنيا ،، كرهت حياتي ،، كنت اتمنى الموت في اي لحظه بس عشان حمد لما ايعرف اني مت ويندم ،، كان هذا تفكيري ،، تفكير سطحي صح؟؟ ..

طول الوقت كنت كئيبه ،، وابكي ،، وما اكل ،، والله يا بنات كان وزني لما تركني حمد 56 بس بعد شهرين او اكثر صار وزني 46 ،، متخلين كيف صار شكلي ..؟؟

كأني شبح ،، الكل قام يسالني ليش صرت بها الشكل ،، ليش انا كئيبه ،، ليش انا كارهه حياتي ،، والله الي اقولكم الحين شوي ،، مو عارفه كيف اشرح لكم كيف كانت حياتي في هالفتره ..

بنات استغفرالله على هالكلام وصلت لمرحله اني خلاص يأست ان ارجع طبيعيه وان حمد يرجعلي وان اقدر اكمل حياتي من غيره ،، يأست من كل شي ،، استفغر الله على هالكلام ،، بس والله هاذ الي صار معاي ،، يارب سامحني ،، كنت جاهله ماكنت اعرف ان رحمه الله اكبر واشمل ..

في هالفتره حاولت اتقرب من ربي ،، وبالفعل بديت اتقرب من ربي ،، اقرى القرءان ،، واصلي على مطلع الفجر ،، وكنت ادعي ربي في صلاه اصليها ،، وكنت دايما اردد في ادعيتي (( اذا كان حمد كان خير لي ويستاهل حبي ويستاهلني يارب رجعلي حمد وايسر اموري معاه واذا حمد كان شر لي ومايستاهلني ولا انا استاهله الله ايبعدني عنه وايعوضني بواحد احسن منه )) ،، قبل كنت ادعي يارب رجعلي حمد بس فكرت قلت اذا حمد خير لي الله بيرجعلي حمد بطريقه ما تخطر على بالي ،، المهم استمريت على الادعيه وعلى التقرب من ربي ..

اذكر وقتها كنت رايحه ازور وحده من صديقاتي ،، كانت هناك وحده اول مره اشوفها ،، فاتقدمت لعندي وقالتي احس انك مو طبيعيه فيك شي ؟؟ ،، استغربت من سؤالها قلت لا ،، قالت والله شكلج مهمومه مع اني ماعرفك ،، ابتسمت باتسامه من غير نفس ،، وفي الاخير قالتي لو شلتي هموم الدنيا على راسك بس الي الله كاتبنه راح ايصير ،، اذكر قالتي مثل ( لو جريت جري الوحوش غير رزقك ما تحوش ) ،، شكلها حست بالي فيني ،، والله في هاذيك الفتره حتى العمي كان بيحس بالي فيني ..

صار شي لم يكن بالحسبان ،، كان يوم ميلادي ،، حمد كان متعود يتصل فيني وايهنيني ،، هالمره كنت متضايقه خلاص حمد ماراح يتصل هالمره لان خلاص ما يبيني ،، المهم على الساعه 12 بالضبط وصلتني رساله صوتيه وكانت عباره عن اغنيه لعيد ميلاد والمرسل حمد ،، ماصدقت ان ايكون حمد هو المرسل ،، بعثت له مسج كتبت فيه ،، (( معقوله مستخسر فيني اتصال عشان اتهنيني؟؟ )) ،، بس كالعاده طنشني ،، وقتها قلت خلاص انا في حياه حمد OUT ..

بعد عيلاد ميلادي بفتره طويله ،، حمد بعثلي مسج اخر كاتب فيه ،، انا حاليا في باريس وبالضبط في المكان الي كنت اشوفك فيه دايما ،، وانا كالعاده بايعه كرامتي رجعت اتصلت فيه ،، سالته انت وين قال انا عند قوس النصر ،، ماطولت معاه وانهيت المكالمه ،، ومن بعدها هو خلاص طنشني ..

(( بس كنت اسأل دايما صديقتي فاطمه عنه ،، اتقول لازال حمد اعزب وما اتزوج ،، كلامها كان جدا ايريحني ،، اي خبر عنه تسوى عندي الدنيا ومافيها ))

المهم بعدها بفتره سافرنا كالعاده عشان انصيف ،، وهالمره رحنا جنوب شرق اسيا ،، المهم وانا بالطياره عاهدت نفسي انسى حمد وابتدي اعيش حياتي وارجع افرفش مثل قبل ،، وكنت حاطه في بالي اذا حمد من نصيبي باذن الله بيرجعلي ،، واذا مارجع لي فاذا هو اساسا مو من نصيبي ،، مثل ما ايقولون كنت اكذب على نفسي ،، بس في الواقع حمد كان محفور في قلبي ونسيانه صعب ..

المهم وصلنا لماليزيا ،، بديت اتناسى موضوع حمد ( اكذب على نفسي طبعا ) ،، كنا متعودين كل يوم بالليل بعد ما انخلص من السوق ان نجلس على الكوفي شوب ،، انا وبابا وماما واخواتي ،، كل يوم نجلس على نفس الكوفي شوب ،، كان واحد كل يوم يجلس هناك ،، سبحان الله كان يشبه حمد بشكل كبير ،، وهالشاب شكله انعجب فيني ،، فكان كل مكان وراي ،، قلت ياربي انا سافرت عشان انسى حب حياتي واروح لدوله بعيده والاقي واحد معجب فيني يشبه حبيبي ؟؟ ،، يمكن هذا كان اختبار من الله يبي ايعرف قدره تحملي ..

والله يا بنات هالشباب طلع عيوني من مكان لمكان وراي ،، حتى لما اكون مع اهلي اشوفه وراي ،، ومرات لما اكون لوحدي يجلس ايراقبني لحد ما اوصل عند اهلي ،، كان سبب تعاستي في ماليزيا هالمخلوق ،، بس الله يعلم كان محترم ..

المهم بعد ماليزيا كنا بنروح تايلاند ،، فالحمدالله افتكيت من شبيه حمد ،، بس كنت خايفه ان ايكون هناك ،، بالله عليكم انا مسافره عشان انسى حمد واشوف واحد يشبهه هناك ،، فدعيت ربي اني ماشوف الشاب الي كان في ماليزيا ،، وصلنا تايلاند وبعد وصلنا بيوم رحنا كالعاده نتسوق ،، والله اني ما اكذب عليكم شفت واحد ثاني غير الشاب الي كان في ماليزيا ،، والشاب الثاني كان طبق الاصل والخالق الناطق حمد ،، بس هذا شوي اطول من حمد وامتن ..

للاسف هذا ايضا قام ايلاحقني من مكان لمكان ،، وكنت في اليوم اشوفه اقلها 3 مرات ،، يعني طول اليوم هالشاب امامي ،، متخيلين؟؟

ليش حظي جذي؟؟ ،، ليش كل الي يشبهون حمد ينطولي في كل مكان؟؟ ،، وقتها كنت بموت خلاص ،، الله كاتب اني ما انسى حمد ابدا ابدا ..

اسبوعين قضيتها في ماليزيا شبيه حمد امامي ،، واسبوعين قضيتها في تايلاند وهالمخلوق العجيب الي يشبه حمد كل مكان وراي ،، انا بجد انهرت ..

خلصت الاجازه ورجعنا لارض الوطن ،، وحب حمد زاد في قلبي اكثر واكثر ،، حاولت انساه حاولت اكرهه ،، بس مافي فايده ،، حبه كان ايزيد في قلبي ،، سبحان الله مادري ليش ..

الي مرت بظروفي المفروض تكرهه حمد من زمان ،، بس انا والله ماقدرت

بعد مارجعت من السفر بفتره يعني اسبوعين ،، فتحت الانترنيت عشان اشوف ايميلي ،، والمفاجأه شفت رساله من حمد ،، يسال عن اخباري ويطمئن علي ،، اذكر رديت عليه برساله قصيره جدا كتبت فيها انا بخير ،، فقط لا غير ،، قام حمد ايطرشلي ايميل ورى الثاني ،، واذكر انا رديت على ايميل من ايملاته كتبت فيه ( كنت اظن انك تستحق حبي لكن للاسف طلعت ما تستاهل ولا شي ،، وخساره هالحب وخساره الوقت الي ضعيته في حب واحد مايستاهل ،، وقلتله اذا انت مو قد الوعد لا توعد الناس ،، واتقولي لا اتخليني وانا احبج وانا وانا وانا ،، وكتبت عن وعده بالزواج ، والله كتبت اشياء كثيره ،، كنت مكبوته طلعت الي في خاطري كله ،، كان ايميل طويل ،، وفي الاخير كتبتله انا اكرهك ) ..

حمد رجع ايطرش ايميلات بس انا هالمره ما قمت ارد على ايميلاته ،، شكله كلمه اكرهك اثرت فيه ،، بس هالمره حاولت اكون قويه ،، والحمدالله قدرت ..

من بعدها خلاص حمد ماقام ايطرش اي ايميل ،، ولا صرت اعرف اي شي عنه ..

بس بعد شهرين كان عيد ميلاد حمد ،، وصديقتي فاطمه اتعرف متى عيد ميلاده ،، اذكر وقتها اتصلت فيها قلتلها عيد ميلاد حمد بعد يومين ،، يستاهل ابعثله مسج ولا لا ،، صديقتي فاطمه رومانسيه زياده عن اللزوم ،، قالتي حرام مهما كان هذا كان حبيبك في يوم ،، مسج واحد ما راح ايأثر ،، وهو بعثلك مسج في عيد ميلادك ،، فبادليه بالمثل ،، شوي اقتنعت بكلامها ..

لا تنسون للحين انا احب حمد ،، بس ليله عيد ميلاده انا اترددت ابعث له مسج ،، والساعه 12 بالضبط مابعثت مسج ..

كنت متعمده ما ابعثله اي مسج ،، عشان ايحس بجد اني اكرهه ..

بس بعدين صار شي لم يكن بالحسبان ..



انتظروني غدا في الحلقه الاخيره

بنات ابي تعليقاتكم على هالجزء ،، لان تعليقاتكم جدا اتهمني :sly:

بانتظاركم :icon26:

 

[بحارالاحلام]

اصعب شي ان الحبيب يطنشك هذا العذاب شكلك تعبتي كثير في حبك لحمد جعل الله يدوم المحبه بينكما

 

[الزوجة الوفيه]

يمكن أول مره أكتبلك
بس أنا متابعه يومياتك منذ إنشائها
بس هذي الجزئيه بالذات نرفزتني
نزلت من كرامتك بزياااااااااااااااده
لهذي الدرجه كرامتك هانت عليك
أعرف إنك تحبيه
بس كان لازم تحبي نفسك أكثر
حبيبتي أم لمى::a200:
أنا نفسي أنصحك نصيحه أخت لك في الله
أختي الحبيبه هناك الكثير من المخالفات الشرعيه
في يومياتك
لكن ماحبيت أكتبلك شيء
لأنك قلت إنك إلتزمت
لكن أختي موضوع عيد الميلاد
شيء خطير منتشر بينكم وبكثره
لماذا؟
أليس في ذلك تقليد الكفار تقليد أعمى
ألم يحرموه المشايخ حفظهم الله
إن للمسلمين عيدان فقط هذا ما أخبرنا به الرسول الكريم
عيد الفطر وعيد الأضحى
وغير ذلك إنما هو بدعه
((إن كل بدعه ضلاله وكل ضلاله في النار))
ألا تخافي أخيه من الله حين يقول لك
ألم أنهاك عن إتباع وتقليد الكفار
حبيبتي إنما أحبه لي أحبه لكي عزيزتي
أنت أختي في الله
ولا أرضى عليك أن تقعي بما أمرنا رسولنا الكريم بإجتنابه
تقبلي من ذلك أخيتي
فإني والله لم أنصحك
إلالخوفي عليك
أسأل الله أن يريك الحق حقا ويرزقك اتباعه
ويريك الباطل باطلا ويرزقك اجتنابه
مع خالص التحيه:icon26:

 

[um lama]

اصعب شي ان الحبيب يطنشك هذا العذاب شكلك تعبتي كثير في حبك لحمد جعل الله يدوم المحبه بينكما

بحار الاحلام


حبيبتي اول مره اشوف مشاركتك في يومياتي ،، والله مرورك جدا فرحني :cupidarrow:

والله كلمه تعب شوي يا قلبي

بس الحمدالله على كل حال

تسلمين حبيتي على هالدعوه

نورتي يا قلبي :icon26:

 

[um lama]

يمكن أول مره أكتبلك
بس أنا متابعه يومياتك منذ إنشائها
بس هذي الجزئيه بالذات نرفزتني
نزلت من كرامتك بزياااااااااااااااده
لهذي الدرجه كرامتك هانت عليك
أعرف إنك تحبيه
بس كان لازم تحبي نفسك أكثر
حبيبتي أم لمى::a200:
أنا نفسي أنصحك نصيحه أخت لك في الله
أختي الحبيبه هناك الكثير من المخالفات الشرعيه
في يومياتك
لكن ماحبيت أكتبلك شيء
لأنك قلت إنك إلتزمت
لكن أختي موضوع عيد الميلاد
شيء خطير منتشر بينكم وبكثره
لماذا؟
أليس في ذلك تقليد الكفار تقليد أعمى
ألم يحرموه المشايخ حفظهم الله
إن للمسلمين عيدان فقط هذا ما أخبرنا به الرسول الكريم
عيد الفطر وعيد الأضحى
وغير ذلك إنما هو بدعه
((إن كل بدعه ضلاله وكل ضلاله في النار))
ألا تخافي أخيه من الله حين يقول لك
ألم أنهاك عن إتباع وتقليد الكفار
حبيبتي إنما أحبه لي أحبه لكي عزيزتي
أنت أختي في الله
ولا أرضى عليك أن تقعي بما أمرنا رسولنا الكريم بإجتنابه
تقبلي من ذلك أخيتي
فإني والله لم أنصحك
إلالخوفي عليك
أسأل الله أن يريك الحق حقا ويرزقك اتباعه
ويريك الباطل باطلا ويرزقك اجتنابه
مع خالص التحيه:icon26:

الزوجه الوفيه

مجرد اني اشوف مشاركتك في الموضوع شرف لي بحد ذاته والله

انا معاج في كل كلمه قلتيها

وانا عارفه ان يومياتي فيها اشياء كثيره مخالفه للشرع ،، بس مثل ما قلتي الحمدالله حاليا انا ملتزمه ،، واسالك اللهم الثبات

وعن موضوع العيد ميلاد ،، انا معاج هالشي منتشر عدنا بكثره ،، بس الحمدالله من بعد ما التزمت بعدنا عن هالاشياء ،، ممكن انقول يوم ميلاد فقط ،، بس كلمه عيد ميلاد شطبناها ،، الحمدالله عمري ما احتفلت بها اليوم

نصيحتج يا قلبي في العين وعلى الراس :in_love:

حبيبه قلبي والله ابدا ما زعلت من كلامج واشكرج على نصيحتج

اما عن الكرامه ،، صح يا قلبي انا وايد نزلت من كرامتي ،، لان كنت اقول في بالي لازم واحد منى يرخي الحيل ،، بس للاسف انا رخيت الحبل بزياده

والله لا اتلوموني ،، انا حبيت حمد من كل قلبي

بس الحمدالله انا حاليا شخصيتي اتغيرت ،، مو وايد بس والله اتغيرت عن قبل :sly:

الزوجه الوفيه تابعيني غدا في الحلقه الاخيره من قصه زواجي

وتعليقج جدا ايهمني :nosweat:

نورتي يا قلبي :icon26:

 

[مشتاقه لكـ]

حبيــــــــــــــــــــــــــــــــبتي أم لمــــا....
المفروض ما كنتي تتصلين فيه ولا تكلمينه ولا تعطينه ويه...
بس يمكن كل الظروف حدتج تسوين جيه عشان ماتبتعدين عنه ...
يعني كل ماتبدين تنهينه من حياتج ... يظهر شي يذكرج فيه مرة ثانية ..
هذا إذا انتي أصلا نسيتيه
أتوقع ان حمد يحبج بس مايريد يعذبج معاه ومع أهله ..
لو كان لعوب كان كمل وياج ولا خبرج شو يستوي معاه ومع أهله
ابتعد عنج عشان تشوفين نصيبج ...
اعجبت بشخصيته ... وكرهتها في نفس الوقت

.... غريب انت يا حمد .....


مشتـــــاقه لكـــــــــــ

 

[22ASMA22]

حبيبتي والله يا ام لمى

شكلك والله طيوبه وبنت حلال
واهلك ناس طيبه
لان الطيب ما يتوقع الا الطيب من الناس

تقبلي مروري

:a200:
​

 

[um lama]

حبيــــــــــــــــــــــــــــــــبتي أم لمــــا....
المفروض ما كنتي تتصلين فيه ولا تكلمينه ولا تعطينه ويه...
بس يمكن كل الظروف حدتج تسوين جيه عشان ماتبتعدين عنه ...
يعني كل ماتبدين تنهينه من حياتج ... يظهر شي يذكرج فيه مرة ثانية ..
هذا إذا انتي أصلا نسيتيه
أتوقع ان حمد يحبج بس مايريد يعذبج معاه ومع أهله ..
لو كان لعوب كان كمل وياج ولا خبرج شو يستوي معاه ومع أهله
ابتعد عنج عشان تشوفين نصيبج ...
اعجبت بشخصيته ... وكرهتها في نفس الوقت

.... غريب انت يا حمد .....


مشتـــــاقه لكـــــــــــ

:icon1366: :icon1366: :icon1366: :icon1366: :icon1366:

عرفتوا ليش ماكنت ابي اكتب قصه زواجي ؟؟


لان كنت متوقعه هالكلام ،، صح انا رخصت بعمري وايد


والله ثم والله ثم والله حمد يستاهل كل هالحب :cupidarrow:


ياربي اموت عليه وعمري ما كرهته :blushing:

:icon1366:


بديت اتخبل :clap:


حبيبتي يا مشتاقه تدرين عمري ما فكرت بكلامج ،، كلامج مليون بالميه صح ،، اتوقع ما كان يبي ايعذبني ،، بس مايدري بها الطريقه عذب نفسه قبل لا ايعذبني :no:


حبيبتي يا مشتاقه احبج واحب مرورج وتعليقاتج والله


نورتي يا قلبي :cupidarrow:

 

[um lama]

حبيبتي والله يا ام لمى​

شكلك والله طيوبه وبنت حلال
واهلك ناس طيبه
لان الطيب ما يتوقع الا الطيب من الناس​

تقبلي مروري​

:a200:​

يا قلبي والله

اتصور هذي اول مشاركه لج صح

كلامج والله فرحني ،، انا طيبه بزياده عن اللزوم ،، ولها السبب حمد ظل متمسك فيني :blushing:


نورتي يا قلبي :blush-anim-cl:

 

[um lama]

بنات صح انا وايد نزلت بكرامتي ووايد رخيت الحبل ،، بها هالاشياء هي الي خلتني اكبر في عين حمد وهلاشياء هي الي خلت حمد يرجعلي في يوم ..

راح اقولكم التفاصيل في الجزء الاخير اليوم


نسيت اقولكم عن الحلم ،، حلمت بحلم بعد ما افترقنا انا حمد بعده اشهر ،، الحلم كان طويل نوعا ما ،، ففضلت هالمره ايضا اروح اسال مفسر او مفسره للاحلام ..

ما راح اقول الحلم ،، لانه طويل ،، بس تفسير الحلم كان ان الشخص الي في الحلم اهله غاصبينه ان يتزوج وحده من غير رضاه وهذا الزواج ما راح ايتم ،، وان بيرجع للي يبيها وبيتزوجها ،، وحياتهم بتكون جدا سعيده والله اعلم ..

بمجرد ما عرفت تفسير الحلم والله يا بنات بكيت بحرقه من الفرح ،، لان في هالفتره كنت كثيره الدعاء ،، والحمدالله جتني رؤويه اتبشرني ،، لك الحمد يارب ..

انتظروني اليوم في الحلقه الاخيره من قصتي ..

احبكم يا بنات ..

 

[محمد انتة عمري]

قطعتي قلبي يشهد الله لما قلتي مر شهرين و ثلاث و مافي خبر عن حمد:icon1366::icon1366:
لا تقولين نزلتي من كرامتج لا والله بس انتي طيبة و حبيتي حمد من كل قلبج :tears::tears:
ما عليج اذا في بعض البنات يكتبون ردود تجرح ترئ والله هم ما يقصدون مسالمين وايد البنات:surrender::surrender::msn-wink::msn-wink:
كسر خاطري حمد بوفات يدة الله يرحمة
بس عجبتيني والله صج انج ام لمئ :blush-anim-cl::blush-anim-cl:
يا رب البارت الاخير يكون فرح بفرح مع اني اتمنئ ما تخلص قصتج :icon1366::icon1366:
والله حبيتج يا ام لمئ الله يشهد علئ كلامي
ليش ما ادري يمكن لان وايد من شخصيتج قريبة لشخصيتي:clap::clap:
ما راح اقول كملي :blush-anim-cl::blush-anim-cl:
راح اقول بييب فراشي و اسكن بلمنتدئ حتئ تكمل ام احلئ لمئ باقي القصة :tears:

 

[دلوعة فلسطين]

مساء الخير

مش حابة اعلق كتير على كل الللي صار
لانو شي وانتهى

بس انو اللي بكون عايش جوا الجو..مش متل اللي بس بقرأ الموضوع متلا

يعني انتي لما تكوني تحبي حد..مش متل ما تحكي لصاحبتك عن هل حد

يعني مشاعرك غير عن مشاعرها..:detective2:

( اللي بوكل العصي مش متل اللي بعدهم :sly

وصلت الفكرة ولا لاء!! :cupidarrow:


انتظـــــــــــــــر بفارغ الصبـــــــــر النهاية

صحيح دايما بنسى احكيلك سلمي على لمى

احكيلها شو بتحب نوع شوكولا اجيبلها :blush-anim-cl:

 

[عزتي اسلامي]

اختي الغاليه ام لمى تابعت يومياتك من البدايه
اعجبني فيها مواقفك المضحكه
صرااحه وسعتي صدري الله يسعدك
وقلت اخيرا وجدت يوميات مفرفشه وحلوه
تابعتها بفرح وشغف
ولن هذه هي الدنيا ان اضحكت
يوما ابكتك ايام
احزنتني قصتك مع حمد
عشت لحظات الحب وتابعت تفاصيله المشوقه
تحمست كنت انتظر بفارغ الصبر نبأ زواجك بحمد
المني الفراق فما اصعبه:frown:
اتمنى ان يكون ختامها مسك
ونبارك لك :a122:​

 

[um lama]

قطعتي قلبي يشهد الله لما قلتي مر شهرين و ثلاث و مافي خبر عن حمد:icon1366::icon1366:
لا تقولين نزلتي من كرامتج لا والله بس انتي طيبة و حبيتي حمد من كل قلبج :tears::tears:
ما عليج اذا في بعض البنات يكتبون ردود تجرح ترئ والله هم ما يقصدون مسالمين وايد البنات:surrender::surrender::msn-wink::msn-wink:
كسر خاطري حمد بوفات يدة الله يرحمة
بس عجبتيني والله صج انج ام لمئ :blush-anim-cl::blush-anim-cl:
يا رب البارت الاخير يكون فرح بفرح مع اني اتمنئ ما تخلص قصتج :icon1366::icon1366:
والله حبيتج يا ام لمئ الله يشهد علئ كلامي
ليش ما ادري يمكن لان وايد من شخصيتج قريبة لشخصيتي:clap::clap:
ما راح اقول كملي :blush-anim-cl::blush-anim-cl:
راح اقول بييب فراشي و اسكن بلمنتدئ حتئ تكمل ام احلئ لمئ باقي القصة :tears:

:cupidarrow: حبيبتي والله

ادري يا قلبي البنات ما يقصدون انهم يجرحوني ،، بس هم مندمجين في القصه ومن هول الصدمه ما ايعرفون شو يكتبون :tears:

والله يا قلبي حمد اخذ عمري وحياتي وروحي ،، كنت احبه حب مب طبيعي :icon31:


حبيبتي والله ،، اذا انت شخصيتج مثل شخصيتي ،، اذا انتي عسوله مثلي :bleh:


اذا ما ودج اخلص القصه اليوم ،، مو مشكله ماراح اكملها :flex:

ههههه شريره صح

لا اتحاتين ان شاءالله اليوم راح اختم القصه ،، وان شاءالله النهايه اتعجبكم :surrender:


نورتي يا قلبي :cupidarrow:

 

[um lama]

مساء الخير

مش حابة اعلق كتير على كل الللي صار
لانو شي وانتهى

بس انو اللي بكون عايش جوا الجو..مش متل اللي بس بقرأ الموضوع متلا

يعني انتي لما تكوني تحبي حد..مش متل ما تحكي لصاحبتك عن هل حد

يعني مشاعرك غير عن مشاعرها..:detective2:

( اللي بوكل العصي مش متل اللي بعدهم :sly

وصلت الفكرة ولا لاء!! :cupidarrow:


انتظـــــــــــــــر بفارغ الصبـــــــــر النهاية

صحيح دايما بنسى احكيلك سلمي على لمى

احكيلها شو بتحب نوع شوكولا اجيبلها :blush-anim-cl:

ايوه يا جميل يا عيني على التعليق :blushing:

وصلت الفكره يا قلبي :blush-anim-cl:

ممممم انا احب كل الحلويات وخصوصا نوتيلا :clap: ،، بنتي مو مشكله بعطيها كندر :msn-wink:

سلامج وصل يا قلبي وعطيتها بسومه بعد وقلتها هذي من دلوعه فلسطين حبيبه قلبي :cupidarrow:

نورتي حبيبتي :blush-anim-cl:

 

[saaraa]

um lama

متابعة يوممياتج من البداية :cupidarrow:

ماشالله تعجبني شخصيتج :cupidarrow:

عسى الله يوفقج وين ما تروحيين :cupidarrow:

 

[um lama]

اختي الغاليه ام لمى تابعت يومياتك من البدايه

اعجبني فيها مواقفك المضحكه
صرااحه وسعتي صدري الله يسعدك
وقلت اخيرا وجدت يوميات مفرفشه وحلوه
تابعتها بفرح وشغف
ولن هذه هي الدنيا ان اضحكت
يوما ابكتك ايام
احزنتني قصتك مع حمد
عشت لحظات الحب وتابعت تفاصيله المشوقه
تحمست كنت انتظر بفارغ الصبر نبأ زواجك بحمد
المني الفراق فما اصعبه:frown:
اتمنى ان يكون ختامها مسك

ونبارك لك :a122:​

عزتي اسلامي :cupidarrow:

اولا اشكرج يا قلبي على المشاركه لان اتصور هذه اول مشاركه لج في الموضوع ،، والله نور الموضوع يا قلبي ..

والله يا عزتي انا ماكنت ناويه ازعلكم ،، انا شاركت باليوميات عشان افرفشكم شوي ،، بس حبيبات قلبي كانوا مصرين على قصه زواجي ،، وانا كنت متردده لان قصتي كانت مأساه ،، ماكنت حابه ازعلكم :icon1366:

بس مو مشكله حبيبتي ،، يوم نضحك ويوم نبكي :no: ،، مثل ما شاركتوني بافراحي يالله شاركوني شوي باحزاني :clap:

والله احبكم يا بنات :blush-anim-cl:

نورتي يا قلبي :blushing: