الفارس الذي احبني.. ((صفحه من مذكراتي))

[um lama]

بس والله يا بنات طول عمري كنت اتمنى اتزوج واحد احبه ،، كنت دايما ارفض الزواج التقليدي ،، بس في نفس الوقت كنت رافضه اكون اي علاقه ،، لان في هالزمن صعب توثقين باي شخص

وخصوصا انا في حياتي ماكنت حبيت اي شخص ،، كنت احسها خطوه كبيره وجريئه

بس الحمدالله الله بعثلي واحد يستاهل اني احبه

على فكره الاشياء الي خلتني وشجعتني اني احب حمد واتعلق فيه

اخلاقه ،، اسلوبه المؤدب ،، حبوب ،، طيب ،، من عايله انعرفها ( اهلي ايعرفون اهله والعكس ) ،، مثقف حاصل على الدكتوراه ،، ووسيم :in_love: ( انا اشوفه قمر ) ،، واهم من كل هذا كان يحترمني وايقدرني وايشوفني في عينه كامله والكامل لله

 

[أحلى عسل]

واااااااااااااااااااااااااااوياأم لمى الله يسعدك قصتك بدايتها روعه بس كمليها لاتتأخري علينا

 

[um lama]

واااااااااااااااااااااااااااوياأم لمى الله يسعدك قصتك بدايتها روعه بس كمليها لاتتأخري علينا

ان شاءالله :nosweat:


نورتي يا قلبي :icon26:

 

[um lama]

قصه زواجي (الجزء الثاني)

( ** الجزء الثاني ** )


حمد سفراته كانت كثيره بحكم شغله ،، في كل مره كان ايسافر فيها كان قلبي يحترق على فراقه ،، وكنت لازم اعمل مناحه على كل سفره :icon1366: ،، فراقه صعب ،، بس هو كان حنون جدا ،، كان ايكلمني هو رايح المطار لاحد ما يوصل ،، وبعد مع ايخلص ختم الجواز ايضا يرجع ايكلمني لحد مايركب الطياره ،، وقبل لا اتطير الطياره كان دايما يبعثلي مسج يكتب فيه ( احبك والله لا يحرمني منج ) .. ( كل سفره كان يتبع نفس الاسلوب وكان يبعث نفس المسج )

واستمر الحال على ماهو عليه وكانت علاقتنا صار لها شهر ونص او اكثر والله ما اذكر ،، في يوم اتصل فيني كان جاد في كلامه صوته متغير ،، سالته حمد شو فيك صوتك مو طبيعي ،، قالي ام لمى اوعديني بثلاث اشياء عشان ارتاح ،، قلتله خير شو في ،، قالي اوعديني وبعدين راح اقولك شو فيني ..

قلته قول على شو اوعدك وانا حاظره ،، قالي اوعديني ان انكون لبعض العمر كله وان ما نفترق ابدا وان مهما صار بيما نظل انحب بعض ومانفترق ،، اذكر وقتها رديت عليه قلتله انا اوعدك بكل الي قلتله لان واثقه من نفسي بس ابيك انت ايضا توعدني ،، ووعدني هو ايضا ..

انا الصراحه استغربت من كلامه لان اول مره كان ايكلمني بها الاسلوب واول مره يطلب هالطلب ،، بس بيني وبين نفسي فرحت ،، لان حسيته بجد متمسك فيني ..

بعد هالموضوع بشهر كان لازم انسافر لان وقت الاجازه الصيفيه ،، كل سنه مثل ها الوقت اكون فرحانه لان بسافر ،، اما في هالسنه كنت حزينه وكئيبه ،، لان في هذه السنه راح اترك قلبي في الوطن وبسافر ،، حتى لو هو بعيد عني بس مجرد التفكير اني في دوله وهو في دوله اخرى كنت اتعبت وابتدي المناحه اليوميه :icon1366: ..

حمد كان جدا حزين لان كنت بسافر لمده شهر ،، وهو في هالوقت ماكان يقدر ايسافر لان ماكان عنده اجازه ،، بس وصاني الوصايا العشره ،، لان بطبعه جدا غيور ،، الصراحه كنت اموت على غيرته :in_love: وها الطبع الي خلاني احبه اكثر واكثر ..

سافرت واول ما وصلت للعاصمه الاوروبيه اتصلت فيه وطمنته اني وصلت ،، طلبت مني ما اغلق تلفوني ابدا ابدا عشان يتصل فيني كل شوي ،، بس لاحظت ان كل ما كان ايكلمني كان صوته متغير ومكالمته ما تتعدى الدقيقتين او 3 دقايق وبعدها يطلع اي حجه وينهي المكالمه ،، انا جدا كنت استغرب من تصرفه ،، لان الي اعرفه ان حمد ايحبني بس تصرفاته الغريبه كانت اتوترني ،، بس ظلمته لان بعدين عرفت سبب تصرفاته ..

بعد مرور شهر رجعنا ارض الوطن وكانت المفاجأه حمد مع المستقبلين في المطار ،، راح المطار بس عشان ايشوفني من بعيد واول ما شافني ابتسملي من بعيد وبعدها راح واخذ قلبي معاه ،، ما تتصورون كيف كانت فرحتي لما شفته في المطار ..

خلصنا الاجراءات في المطار وبعدها رحنا البيت ،، اول ما وصلت غرفتي اتصلت فيه وشكرته على المفاجأه ،، لان بالفعل كانت احلى مفاجأه حصلت لي ..

بس انا في نفس الوقت كان موضوع يشغل بالي الي هو طريقه مكالماته الغريبه لما كنت مسافره ،، فسالته حمد ليش لما كنت اتكلمني كنت اتحاول تنهي المكالمه بسرعه ،، في البدايه اتردد وحاول ايغير الموضوع بس بعد الحاحي قال السبب ..

اول ماعرفت السبب طبعا :icon1366:بكيت من التأثر ،، تبون اتعرفون سبب تصرفاته؟؟

السبب انه لما كان ايكلمني ويسمع صوتي وانا مسافره كان لا اردايا يتأثر لاني بعيده عنه والسبب ان صوته كان يتغير لان حبيبي كانت عيونه اتدمع من الشوق والوله ،، فباي طريقه كان ايحاول ينهي المكالمه عشان ما يبكي امامي وبعد ما يرتاح يرجع يتصل وعلى هالمنوال ..

والله حبيته اكثر واكثر واكثر ،، والله كان يستاهل حبي ،، كنت دايما ادعي ربي ان يجمعنا بالحلال ويرزقني منه الذريه الصالحه ..

بعد رجوعي من السفر بدى ايفاتحني بموضوع الزواج ،، بدى ايقولي انه خلاص ناوي يخطبني ،، وما يقدر ايعيش من غيري ،، وفراقي اخر مره لما سافرت جدا تعبه ،، بس قالي بعد خلال فتره بسيطه يعني بعد رمضان بيفاتح اهله بموضوعي ..

اهله صعبين شوي ،، طبعا ما ايعرفون زواج عن حب ولا يعترفون فيه ،، كل حياتهم زواج تقليدي وبس ،، كنت جدا خايفه ،، بس في نفس الوقت كنت متوكله على ربي توكل تام ..

حمد كان دايما ايأكدلي انه ايحبني ومستحيل يتنازل عني ،، لدرجه كان ايخليني اكلم اولاد اخوانه في التلفون وكان وايقولهم هذه زوجه عمكم كلموها :in_love:

كانت حياته الحمدالله معاه كلها سعاده في سعاده ..

بس حصل شي لم يكن في الحسبان وهالشي غير مسار حياتي وقلب حياتي وجعل حياتي جحيم في جحيم ..


انتظروني في الحلقه القادمه

لان بتكون بدايه مأساتي

والله ليومنا هذا كل ما اذكر الي حصل معاي ابكي بحرقه

 

[هيتّ لك]

أيه ياأم لامى هنبدأ نبكى ولا أيه............تعبنا من كتر البكاء .......داأحنا بندخل عندك علشان نفرفش شوووووووووووويه.........هههههههههههههه بهزر معاك ....الله لايوريكى سوء أبدأ....ويسعدك
ربنا يستر فى الجاى........أعتقد أن أهل حمد هيعارضو الزواج صح؟؟
أو هيكونوا عايزينه يتجوز واحده قريبته ؟؟صح؟؟

 

[مشتاقه لكـ]

آآآآآآآآآآآآه كفانا بكاء في قصة شجون قلبي ...
قلبي كل يوم كان مع ورد...
وألحين بيتقطع وياج يا أم لما ...
أم لما أحبــــــــــــــــــــــــــــــــــــــــــج

 

[دلوعة فلسطين]

آآآآآآه

بدايــــة حلوة وبتجنن

بس
دايما لازم يكون يعني في جزء محزن

يلا ..هاد ملح الحياة

الله يوفقك يا رب ويسرلك امورك ..ويرزقك من حيث لا تحتسبين
وتخلصيلنا الاجزاء بسرعة
ههههههه
بمزح خدي راحتك

متـــــــــــــــــابعة

 

[محمد انتة عمري]

الله يبعد عنك كل شر يا رب
صج ايام مولمة بس الحمدلله و شكر حبيب القلب صار من نصيبج
الحمدلله
مافي شي ئيي اختي ام لمئ من غير عذاب بذات اذا كان الحب و سعادة
يارب يدوم عليكم الحب و يبعد عنكم عيون الحساد و يسعدكم يا رب
كملي و كلنا اذان صاغية

 

[um lama]

أيه ياأم لامى هنبدأ نبكى ولا أيه............تعبنا من كتر البكاء .......داأحنا بندخل عندك علشان نفرفش شوووووووووووويه.........هههههههههههههه بهزر معاك ....الله لايوريكى سوء أبدأ....ويسعدك
ربنا يستر فى الجاى........أعتقد أن أهل حمد هيعارضو الزواج صح؟؟
أو هيكونوا عايزينه يتجوز واحده قريبته ؟؟صح؟؟

هلا حبيبتي سحوبه

ماعليكي صح القصه بدايتها حلوه وبعدين لا :dunno: بس النهايه وااو ولا احلى منها :clap:


اهل حمد قصتهم قصه

راح اتعرفون بالجزء الثالث من القصه :crazy:


نورتي يا قلبي :icon26:

 

[um lama]

آآآآآآآآآآآآه كفانا بكاء في قصة شجون قلبي ...
قلبي كل يوم كان مع ورد...
وألحين بيتقطع وياج يا أم لما ...
أم لما أحبــــــــــــــــــــــــــــــــــــــــــج

حبيبه قلبي وانا اموت فيج والله

صح ورد عذبتنا بقصتها نهايتها كانت حلوه :cupidarrow:

صح وانا بعد ناويه اعذبكم شوي بس ايضا نهايتها بتكون حلوه ان شاءالله :blushing:

نورتي يا قلبي :icon26:

 

[um lama]

آآآآآآه

بدايــــة حلوة وبتجنن

بس
دايما لازم يكون يعني في جزء محزن

يلا ..هاد ملح الحياة

الله يوفقك يا رب ويسرلك امورك ..ويرزقك من حيث لا تحتسبين
وتخلصيلنا الاجزاء بسرعة
ههههههه
بمزح خدي راحتك

متـــــــــــــــــابعة

هههههههههه حبيبتي والله

وانا ايضا ابي اخلص القصه بسرعه لان ها الجزء الحزين ماحب اذكره ابدا ابدا :icon1366:

بس سبحان الله يمكن الي صار معاي حكمه من الله عشان انحس بقيمه بعضنا :in_love:


نورتي يا قلبي :icon26:

 

[um lama]

الله يبعد عنك كل شر يا رب
صج ايام مولمة بس الحمدلله و شكر حبيب القلب صار من نصيبج
الحمدلله
مافي شي ئيي اختي ام لمئ من غير عذاب بذات اذا كان الحب و سعادة
يارب يدوم عليكم الحب و يبعد عنكم عيون الحساد و يسعدكم يا رب
كملي و كلنا اذان صاغية

حبيبتي والله

اللهم امين :1eye:

ان شاءالله راح اكمل قريب :icon31:


نورتي يا قلبي :icon26:

 

[um lama]

قصه زواجي (الجزء الثالث)

( ** الجزء الثالث** )

مثل ما قلتلكم صار شي لم يكن في الحسبان ،، اذا تذكرون لما قلتلكم اهل حمد ما يعترفون بشي اسمه زواج عن حب ،، فحمد مو عارف كيف يفتح الموضوع مع اهله ،، كل مره كان ايأجل الموضوع عشان يوصل لفكره يقدر يقنع فيها اهله انه ايحب وحده وناوي يتزوجها ..

مع مرور الوقت اتصل فيني حمد على الساعه وحده بالليل كان متضايق ،، سالته قلت حمد شو فيك صوتك مو طبيعي ،، قال والله امي جايبه صور خمس بنات من العايله وتبيني اختار وحده منهم زوجه لي ،، انصدمت قلته وانت شو رديت عليها ،، قالي انا قلتلها مابي وحده منهم وما افكر حاليا اني اتزوج ،، ولما بفكر في هاالموضوع راح اقولكم ،، فانا اذكر وقتها قلتله ليش ما قلت لامك انك اتحب وحده وناوي اتزوجها ،، قالي امي اذا عرفت في هالوقت بذات اني احب وحده راح ترفض الفكره وبتزوجني وحده من الي في الصور بالغصب ،، لان المسأله راح بتكون عناد في عناد ،، مادري والله يا بنات حسيت ان امه شخصيتها قويه شوي ..

طبعا من بعد هالموضوع بديت اتوتر وضاق خلقي وبديت اتنرفز واعصب بسرعه ،، صح حمد كان رافض الموضوع ونهى الموضوع بس انا ظليت اخاف واحاتي لحد ما يخطبني ..

بعد هالموضوع باسبوع اتصل فيني حمد وقالي كلام صعقني ( والله اكتب هالكلام وقلبي ايدق بصوره مو طبيعيه ) ،، قالي ان امه راحت مع بناتها بيت وحده من هالبنات وخطبت لحمد رسمي من وراه :tears:

متخيلين ؟؟

خطبت حبيب قلبي وعمري وروحي وحياتي لوحده ثانيه لا ايعرفها وعمره شافها ولا هي اتعرفه ومن وراه ومن غير رضاه ..

حمد طبعا ما سكت قلب الدنيا ،، وحاول ينهي الموضوع باي طريقه وامه لا حياه لمن تنادي ،، راح كلم جده ( الله يرحمه ) ،، وجده حاول يوقف معاه بس الام مو راضيه ..

حمد ما استسلم لملم اغراضه واختفي لمده اسبوع ،، اختفى ولا احد صار ايعرف اي شي عنه ولا انا ،، اسبوع انا ماعرف ولا شي عن حمد ،، غلق كل تلفوناته ،، كنت مثل المجنونه اتصلت على كل مستشفيات الدوله ،، وكل الفنادق بس حمد اسمه مو موجود ،، وقتها انا انهرت ،، مليون فكره دخلت في راسي ،، يمكن صار له شي ،، او يمكن خضع لكلام امه او يمكن ويمكن ويمكن .. الخ

بعد اسبوع اتصل فيني حمد وقالي ان كان زعلان من اهله وراح لدوله مجاوره لمده اسبوع عشان يضغط على اهله ،، بس طبعا لا حياه لمن تنادي ،، امه مو راضيه تنهي الموضوع ،، وهو بنفس الوقت مو قادر ايصارح اهله ان ايحبني ..

علاقتنا هالفتره اتوترت ،، لان كنت دايما اسأله شو سويت مع اهلك ومتى ناوي تنهي الموضوع ،، وكانوا اهله يضعطون عليه ،، صار جدا عصبي ولاول مره من ما عرفته عصب عليه ،، انا حياتي كانت جحيم في جحيم ..

حمد تعبان من ناحيه وانا منهاره من الناحيه الثانيه ،، بس لازال حمد متمسك فيني وبين الفتره والثانيه ايقولي ماراح اتخلى عنج وانا احبج ..

وبعد هالموضوع بفتره عملت قصه في البيت وزنيت على اهلي قلت لازم اروح اعتمر ،، عملت الهوايل والبلاوي في البيت بس عشان انروح نعتمر ،، كان هدفي من العمره اروح ادعي ان الله ايفرج همي وينهي هالازمه على خير وايصير حمد من نصيبي ..

بعد الحاح مني رضوا اهلي ان انروح نعتمر ،، وقتها ما صدقت ،، سبحان الامور اتيسرت ورحنا اعتمرنا ،، وقتها كنت اول مره في حياتي اعتمر ،، اول ماوصلت على الحرم اول دعاء دعيته لما شفت الكعبه ان الله ايسر اموري مع حمد ويجعله الزوج الصالح لي ويرزقني منه الذريه الصالحه وينهي ازمه خطوبته على خير ،، ( لان وقتها سمعت معلومه ان بمجرد ما اتشوفين الكعبه وتدعين اي دعاء باذن الله يكون هالدعاء مستجاب ) ،، وهذا كان سبب رئيسي لاصراري اني اروح اعتمر وادعي من كل قلبي ..

اذكر وقتها كنت ادعي وانا ابكي فقالت لي اختي ام لمى بكائج مو طبيعي صاير لج شي ،، قلت في قلبي لو اتعرفين الي فيني والله كنتي بتعذريني ،، بس جاوبتها بلا ،، بس انا متأثره لان اول مره في حياتي اشوف الكعبه ..

الحمدالله اعتمرنا ورجعنا ،، ولازال موضوع حمد مع اهله ما انتهى ،، كانت علاقتنا فوق الممتازه ،، هو ماكان يتكلم بموضوع اهله ابدا ،، وانا ايضا ما كنت اساله ،، ما كنت ابي اضايقه اكثر ..

وبعد ما رجعت من العمره بثلاث شهور سافرنا الاجازه الصيفيه لباريس ،، صح اني كنت مسافره لعاصمه الحب بس ماكنت فرحانه ابدا ،، كنت مهمومه وكئيبه وكارهه نفسي موت ،، بعد اسبوع من مكوثنا في باريس ،، حمد عمل لي مفاجأه الا وهي انه جاء عندي لباريس بس عشان ايفرحني ،، حبيبي والله كان يدري اني مضايقه ،، والله فرحني ونساني همومي ،، بس المفاجأه الاحلى ان رجع معاي لارض الوطن بنفس الطياره ،، سبع ساعات وانا مانزلت عيوني من عليه ،، بس طبعا اهلي ما كانوا ايعرفون :bleh:

كنت كل يوم احبه اكثر من اليوم الي قبله بس في نفس الوقت ماكنت مرتاحه عشان موضوع اهله ،، بس احاول ما ابين له ..

بعد ما رجعت من السفر بحوالي شهرين او اكثر ،، حسيت ان حمد اتغيرت معاملته معاي صاير جاف شوي ،، كان يبي الزله مني عشان يزعل وما ايكلمني ،، قبل كان يتمنى رضاي ،، والحين اذا زعلت ما يفتكر ،، حتى مسجات الحب وقف وماقام ايطرشلي اي مسج ،، صار ما يتصل فيني وايد ،، انا الي كنت اتصل اكثر ..

حمد ماعاد حمد الي حبيته ،، حمد اتغير ،، والسبب اهله ،، ومن كثر زن امه عليه شكله بدى ايطاوعها ،، شكله رضى على موضوع خطبته ..

سالته قلت حمد شو فيك متغير ،، قالي خلاص انا قررت اتزوج ،، وانا ساكته ما ارد ودموعي تنزل اربع اربع ،، الحين عرفت سبب تغيره علي ..

واصل كلامه قام ايقول كلام ابدا ما اقنعني ،، بعدها قلتله حمد وانا ؟؟

قالي بتحصلين احسن مني ،، وانا ما استهالج وايضا قال كلام ابدا ما اقنعني ..

نسى حبنا ونسى كل شي عشان يرضي اهله وياخذ وحده ما ايعرفها ولا عمره شافها ،، بس مع هذا انا ما قطعته استمرت اتصالاتنا واستمر على جفاه ،، ولاخر لحظه اقول لا حمد يستاهل اني انزل كرامتي عشانه ،، واساسا مافي كرامه بين المحبين ..

استمر على جفاه معاي تقريبا شهرين ،، في هالشهرين ذليت نفسي بما فيه الكفايه ،، لحد في يوم ما انفجرت ..

اتصلت وكلمته عادي ، قلتله حمد الحين لازم اتقرر اني اكون في حياتك او انسحب ،، قالي بكل هدوء انا قراري قلتلج اياه من اشهر ..

صدمني حمد ،، كان قاسي ..

اخر كلام قلتله خساره هالحب الي حبيتك اياه وخساره هالوقت الي ضيعته معاك ،، رد علي بكلام اقسى ..

قالي انا ما جبرتج انج اتحبيني .. ( حمد عمره ما كلمني بها الاسلوب ،، شكله كان يبيني اكرهه بس مو عارف كيف )

اغلقت التلفون بوجهه ،، وانتهت علاقتي بحمد ..

انتهت علاقتي باغلى انسان عندي في هالدنيا ،، جرح كرامتي ،، ونسى كل الحب الي كان بينا ..


في الجزء القادم راح اكتب كيف كانت حياتي من غيره

في هالجزء لخصت احداث كثيره لان جد مو حابه اذكر الماضي المؤلم ،، سامحوني

 

[um lama]

والله العظيم يا بنات نفسيتي تعبت وانا اكتب هالجزء

والله الدموع في عيوني اربع اربع والعبره خانقتني

اه ذكرتوني يام والله العظيم ما كنت ابي اذكرها ابدا

بحاول انهي القصه في جزئين ( الرابع والخامس )

والله عشان خاطركم اتذكرت الماضي الاليم

احبكم من كل قلبي

 

[um lama]

بنات اتذكرت شي مهم ..

قبل ما انا وحمد ننفضل عن بعض حلمت حلم كان تفسير الحلم ان انا وحمد بنفترق بس بعد الفراق بنرجع ،، طبعا انا محد فسر لي الحلم لان انا اعرف افسر الاحلام ..

انا ما اعرت الحلم اي اهتمام لان في هذاك الوقت كان في بالي ان حمد مستحيل ايفرط فيني ،، بس ماصار يومين الا وها الحلم اتحقق وافترقنا ..

ومن وقتها اكتشفت ان احلامي باذن الله تحقق ..

وفي مرحله فراقنا ايضا حلمت حلم عن حمد واتحقق ،، بس ماراح اقولكم الحلم الحين ،، راح اكتبه بالجزء القادم

 

[مشتاقه لكـ]

حبيبي أم لما ........:icon26:
ليش جيه سوا ... اللي أعرفه ان البنية هي اللي ترضخ لأهلها ...
والريال يتم عند كلمته إذا حب ...وخاصة حب مثل حب حمد لا يمكن
ينهدم ...
حبيبي أم لما سوري ذكرناج بذكريات أليمة ... :sadwalk:
بس بعدنا نبي نعرف البقية ....
وياليت لو بالتفاصيل المملة ... يا حبي حق التفاصيل

مشتاقـه لكــــــــــــــــــ:icon26::icon26:

 

[محمد انتة عمري]

:icon26::icon30:يا حبيبتي ياام لمئ
عسئ الهم ما ييج و لا تنقهرين يا عمري
والله ما كنا ندري ان فية شي راح يخليج حزينة بس ان شاء الله راح ئيي
قسم او بارت يكون بلنسبة لج مفرح:icon26::icon30:
صج هدوني هدوني رجائن لحد يمسكني خليني اروح لخالتج و اذبحها:icon1366::icon1366:
ليش تحرم احلئ قلوب عن بعض :icon28::icon28:
بس الحمدلله و شكر طلعتم من نصيب بعض :clap::clap::clap:
يا رب يديم عليكم الخير و سعادة طول العمر يا رب :icon26::icon26::icon26::icon26:

ام لمئ ننتظر باقي (ترئ انا لزقة ):nosweat::nosweat:خخخخخخخخخخخخخخخخ
:sadwalk::sadwalk::sadwalk::showoff::showoff::showoff:

 

[هيتّ لك]

ليه كده ياحمد ....تزعل أم لامى حبيبتنا
أكيد ياأم لامى هو كان عايز يبعد عنك شويه ويشوف هيقدر ولا لأ بس أكيد ماقدر ...مين يقدر ينسى أم لامى
وأكيد هو كان بيعملك بجفاء علشان تكرهينه أنتى وتقوليله مش عيزاك
بس أنتى كنتى أصيله وأستحملتيه ...كتير شهرين او اكثر وهو جاف معاكى
وانتى برضه بتحبيه وبتعمليه معامله مايحلم فيها
لاكن اكيد هو عرف قيمتك فى هالفتره الى تركك فيها

أنا منتظره الفصل الرابع علشان أفرح شوى

 

[دلوعة فلسطين]

ما بعرف شو بدي احكي

بس اني ادعيلك

يا رب يخليكم لبعض
ويوفقكم ...ويقربكم لبعض اكتر واكتر

يــــــــــــــــــــــــــا رب آمين

متـــــــابعة

 

[um lama]

حبيبي أم لما ........:icon26:
ليش جيه سوا ... اللي أعرفه ان البنية هي اللي ترضخ لأهلها ...
والريال يتم عند كلمته إذا حب ...وخاصة حب مثل حب حمد لا يمكن
ينهدم ...
حبيبي أم لما سوري ذكرناج بذكريات أليمة ... :sadwalk:
بس بعدنا نبي نعرف البقية ....
وياليت لو بالتفاصيل المملة ... يا حبي حق التفاصيل

مشتاقـه لكــــــــــــــــــ:icon26::icon26:

هههههه حبيبتي والله

المشكله التفاصيل في الجزء الاخير مؤلمه جدا والله

سمعت كلام من حمد ما اتوقعت ان في يوم ممكن ينطقه

بعد كل هالحب باعني برخص :no:

ان شاءالله في الجزئين القادمين راح اكتب التفاصيل

واذا اتذكرت اي شي مهم بكتبه حتى لو القصه خلصت اوكي؟؟ :idea:

حبيبتي انتي والله

نورتي يا قلبي :icon26: