أم حـــمد
New member
- إنضم
- 2008/02/28
- المشاركات
- 45
السلام عليكم ورحمة الله وبركاته
بداية أشكر جميع الأخوات والاستشاريات على كل النصايح الي يقدمونها وجزاكم الله كل خير..
ببدأ بمشكلتي يمكن تحسونها تافهة وتحصل في كل البيوت بس والله اني حاسة ان نفسيتي تعبانه وما اقدر اصبر أكثر عن جذيه .. حاسه بظلم والله احس اني اعطي من كل قلبي بس موب محصلة السعادة .. سكت عن حقي وايد وطوفت وايد .. ضغط على اعصابي.. قلت يلا مب مشكلة هذا طبع زوجي واهو عصبي وانا لازم اتحمل.. اوكي بتحمل لين متى؟ ليش انا اتحمل ؟ ليش اخلي نفسيتي تتعب ؟ليش اهم شي انه ياخذ حقه بالكامل ولا بعد مب عايبنه..! وأنا وين حقي؟ ليش المطلوب اني اسكت عشان بس اهو زوجي ؟
انا متزوجه من ست سنوات ونص وعندي ثلاث عيال .. ريلي ما عنده شي غير انه ينتقد وبس ولا عايبنه شي وحت اذا عيبه ما يكلف نفسه انه يشكر أو يعلق حتى .. كله يصارخ على وعلى أتفه الأسباب ويسويها مشكلة عوده .. يحملني مسؤولية كل شي حتى لو انا مالي ذنب فيه بقعد يصارخ على .. اذا طلع ونسا شي بيصارخ على ويقول انتي بهدلتي حياتي وانت ما تهتمين وانت وانت ..(مع العلم انا اكون مذكرتنه وعاطيتنه هالشي بس يرجع ويحطه مكان ويطلع وينساه)..أو يدخل علينا انا وعيالي وهو يتكلم في التلفون وشي طبيعي ان العيال بيكونون يلعبون أو يتكلمون بيصارخ على وبيقول سكتي عيالج وانتي ما تهتمين وانت (مدمره) البيت وما تتصرفين صح (من المفروض يطلع أنا والعيال ولا اهو .. يعني مثلا وين يبيني احبس العيال) وعاد خلني اتكلم أو ادافع عن نفسي او اتكلم بتكبر السالفه أكثر وأكثر.. هذيلا بس مثالين من الأشياء التافهه الي يكبرها ويسويها مشكلة .. والله يا بنات اني دايما اكون مظلومة وما اكون مسويه شي اوكي اذا هو تضايق ما يقدر يتكلم بهدوء لازم يعني يصارخ ويجرحني بكلام لين ما يشوف دمعتي وبعدين يرتاح .. والله تعبت من كثر اللوم بسبب وبدون سبب.. حتى اذا رجع البيت وهو متضايق من شي .. يطلع الحرة فيني وفي العيال .. يقعد يصارخ على اي شي حتى لو العيال تقربو منه ويقول بعصبية بلطلع من البيت ولا برد غير الفجر(اوكي نحن الحين شو ذنبنا تكلمنا بهالعصبية)
والله يا بنات اني احاول من كل قلبي اني اخدمة وافرح اني اشوفه بأحسن المراكز وأشجعه وأحاول قد ما اقدر اني ما أضايقه أو أزعلة .. بس ما يبين بعينه .. مع العلم اهو ما يقعد ويانا وايد ودايما مشغول ولا يطلعنا وكلة انا والعيال محبوسين في البيت حتى اذا وصيته على شي للبيت يعصب ويتضايق ويأجل كل شي ولازم اقعد اطلب منه اكثر من مرة عشان يجيبه واحيانا اذا طلبت منه يوديني السوق عادي اقعد اترياه شهرين لين ما يفضى لي..واليوم يا بنات عنده شغل وصحييته من وقت عشان ما يتأخر وطبعا كالعادة قعد يتكلم في التلفون ويأخر نفسه وفي النهاية طلعت انا الغلطانه لأن طلب شي ويبتله اياه في عشر ثواني وقال اخرتيني وعاد الاسطوانه المعتاده انت بهدلتي حياتي وانت وانت ..والي مضايقني ان يقعد يهدد والله بتندمين والله بينعم علي وبراوويج .. (والله حرام عليك انا شو سويت).. ولا يوم طلع اتصلت فيه وحاولت اهديه واقوله لا اتعصب ولا اتكبر المسائل والله بكل هدوء .. رجع يلومني اكثر ويبين لي اني غلطانه.
والله اني احبه واقدرة واحترمه ولا احب ارفع صوتي عليه بس اهو العكس يصارخ على جدام العيال والخدامة ولا يحترمني..
والله مقهورة يا بنات احس يسوي هالاشياء عشان يكون له سبب انه يعرس لان اكثر من مره يقول انه في خاطره ياخذ الثانيه بس ما يباني اخليه (لانه يدري انه اذا تزوج علي انا بتركه)
مره قلت له ليش يا فلان انته دوم معصب شو تباني اعافك .. قال والله احسن.
مع العلم انه في الليل يكون هادي ورومانسي وانا طبعا ما اقصر وياه من ليالي رومنسيه وغيره (حتى لو كنت زعلانه منه في النهار ما ابين له)..
بعطيكم نبذه عن زوجي يمكن تساعدوني وترشدوني كيف اتصرف وياه .. زوجي شمالي شرقي وتربى بعيد عن امه وابوه ولا حس بحنانهم ويحاول انه يعتمد على نفسه وانه ما يحتاج لأي احد.
سامحوني يا بنات اني طولت عليكم
اختكم أم حمد
بداية أشكر جميع الأخوات والاستشاريات على كل النصايح الي يقدمونها وجزاكم الله كل خير..
ببدأ بمشكلتي يمكن تحسونها تافهة وتحصل في كل البيوت بس والله اني حاسة ان نفسيتي تعبانه وما اقدر اصبر أكثر عن جذيه .. حاسه بظلم والله احس اني اعطي من كل قلبي بس موب محصلة السعادة .. سكت عن حقي وايد وطوفت وايد .. ضغط على اعصابي.. قلت يلا مب مشكلة هذا طبع زوجي واهو عصبي وانا لازم اتحمل.. اوكي بتحمل لين متى؟ ليش انا اتحمل ؟ ليش اخلي نفسيتي تتعب ؟ليش اهم شي انه ياخذ حقه بالكامل ولا بعد مب عايبنه..! وأنا وين حقي؟ ليش المطلوب اني اسكت عشان بس اهو زوجي ؟
انا متزوجه من ست سنوات ونص وعندي ثلاث عيال .. ريلي ما عنده شي غير انه ينتقد وبس ولا عايبنه شي وحت اذا عيبه ما يكلف نفسه انه يشكر أو يعلق حتى .. كله يصارخ على وعلى أتفه الأسباب ويسويها مشكلة عوده .. يحملني مسؤولية كل شي حتى لو انا مالي ذنب فيه بقعد يصارخ على .. اذا طلع ونسا شي بيصارخ على ويقول انتي بهدلتي حياتي وانت ما تهتمين وانت وانت ..(مع العلم انا اكون مذكرتنه وعاطيتنه هالشي بس يرجع ويحطه مكان ويطلع وينساه)..أو يدخل علينا انا وعيالي وهو يتكلم في التلفون وشي طبيعي ان العيال بيكونون يلعبون أو يتكلمون بيصارخ على وبيقول سكتي عيالج وانتي ما تهتمين وانت (مدمره) البيت وما تتصرفين صح (من المفروض يطلع أنا والعيال ولا اهو .. يعني مثلا وين يبيني احبس العيال) وعاد خلني اتكلم أو ادافع عن نفسي او اتكلم بتكبر السالفه أكثر وأكثر.. هذيلا بس مثالين من الأشياء التافهه الي يكبرها ويسويها مشكلة .. والله يا بنات اني دايما اكون مظلومة وما اكون مسويه شي اوكي اذا هو تضايق ما يقدر يتكلم بهدوء لازم يعني يصارخ ويجرحني بكلام لين ما يشوف دمعتي وبعدين يرتاح .. والله تعبت من كثر اللوم بسبب وبدون سبب.. حتى اذا رجع البيت وهو متضايق من شي .. يطلع الحرة فيني وفي العيال .. يقعد يصارخ على اي شي حتى لو العيال تقربو منه ويقول بعصبية بلطلع من البيت ولا برد غير الفجر(اوكي نحن الحين شو ذنبنا تكلمنا بهالعصبية)
والله يا بنات اني احاول من كل قلبي اني اخدمة وافرح اني اشوفه بأحسن المراكز وأشجعه وأحاول قد ما اقدر اني ما أضايقه أو أزعلة .. بس ما يبين بعينه .. مع العلم اهو ما يقعد ويانا وايد ودايما مشغول ولا يطلعنا وكلة انا والعيال محبوسين في البيت حتى اذا وصيته على شي للبيت يعصب ويتضايق ويأجل كل شي ولازم اقعد اطلب منه اكثر من مرة عشان يجيبه واحيانا اذا طلبت منه يوديني السوق عادي اقعد اترياه شهرين لين ما يفضى لي..واليوم يا بنات عنده شغل وصحييته من وقت عشان ما يتأخر وطبعا كالعادة قعد يتكلم في التلفون ويأخر نفسه وفي النهاية طلعت انا الغلطانه لأن طلب شي ويبتله اياه في عشر ثواني وقال اخرتيني وعاد الاسطوانه المعتاده انت بهدلتي حياتي وانت وانت ..والي مضايقني ان يقعد يهدد والله بتندمين والله بينعم علي وبراوويج .. (والله حرام عليك انا شو سويت).. ولا يوم طلع اتصلت فيه وحاولت اهديه واقوله لا اتعصب ولا اتكبر المسائل والله بكل هدوء .. رجع يلومني اكثر ويبين لي اني غلطانه.
والله اني احبه واقدرة واحترمه ولا احب ارفع صوتي عليه بس اهو العكس يصارخ على جدام العيال والخدامة ولا يحترمني..
والله مقهورة يا بنات احس يسوي هالاشياء عشان يكون له سبب انه يعرس لان اكثر من مره يقول انه في خاطره ياخذ الثانيه بس ما يباني اخليه (لانه يدري انه اذا تزوج علي انا بتركه)
مره قلت له ليش يا فلان انته دوم معصب شو تباني اعافك .. قال والله احسن.
مع العلم انه في الليل يكون هادي ورومانسي وانا طبعا ما اقصر وياه من ليالي رومنسيه وغيره (حتى لو كنت زعلانه منه في النهار ما ابين له)..
بعطيكم نبذه عن زوجي يمكن تساعدوني وترشدوني كيف اتصرف وياه .. زوجي شمالي شرقي وتربى بعيد عن امه وابوه ولا حس بحنانهم ويحاول انه يعتمد على نفسه وانه ما يحتاج لأي احد.
سامحوني يا بنات اني طولت عليكم
اختكم أم حمد
