السلام عليكم ورحمة الله وبركاته
بدخل في الموضوع لاني حدي مقهوره ... انا متملكه من سنتين .. وزواجي باقي عليه شهر تقريبا وخطيبي كويس بس فيه صفة وهي انه ما يحب يعطيني اذا احتجت ولا حتى يسدد جوالي تخيلي له 3 شهور ما سدده وطوال فترة الملكة مشغلي هالاسطوانه ظروفي صعبه ظروفي صعبه ...حتى من غير مناسبه ومن غير ما اطلبه وعلى فكره انا ما اطالب الا بحقوقي وهذا شي لازم عندنا كل بنات الجماعه كذا ملزوم الخطيب بخطيبته والا محد قاله يخطب
المهم المهر عطانياه بس بدون فلوس الذهب ...
وطبعا عذره ظروفي ... ومشيتها له
لكن تخيلوا سافر قبل اسبوعين برا يتمشى الاخ ويغير جو هنا وين راحت الظروف ...
ولاهمه احسه ما يستحي وهو يقول بسافر وطوال الوقت يتذمر ظروفي صعبه من جد مايستحي على وجهه
وانا معيشني في ازمه احاول اقتصد في كل شئ وخايفه تخلص فلوسي .. من عقب العز الي كنت فيه يوم كنت اخذ مصروفي من ابوي كنت معروفه بين الكل بالاناقه والدلع واللبس الكشخه والغالي ... لكن بعد ما ملكت صرت استحي اخذ مصروف من ابوي حتى ابوي متوقع ان خطيبي يعطيني ويلبيلي كل طلباتي ... آآآآآآآآآآآآه ياقلبي وطلبته مبلغ وقلتله ابيه ضروري لان ناقصني اغراض ضروريه ... قال بالفم المليان والله ما اقدر ياقلبي اهلي بياثثون بتيهم وتعرفين الظروف ... اااخ يانااس
قلتله وانا تعرف عروس وناقصني اشياء وتعرف لازم هالاشياء ...( وطبعا ماسكه نفسي والا ودي انفجر عليه لانه مايفهم ) قال داري بس ما اوعدك .. قلتله حاول ما ابيها الحين لو بعد اسبوع عادي قال بحاول بس ما اوعدك
قلت لا لازم معليش وغيرت الموضوع
احس كرهته من جد تخيلو قبل شوي كلمني يقول بسافر جده ودي اغير جو ...
خلاااااااااااااااااااص انفقعت مرااااااااااااارتي منه
كذااااااااااااااااااااب معاه فلووووس بس ما يبي يعطيني مدري وش فيه متعقد والا مريض فهميني بالله
المهم هو كان ناوي يزورني الاسبوع الجاي بس طبعا قال باجلها عشان بسافر جده (الي يسمعه يقول باريس)
عاد اعطيته وجه وسمحتله المره الاولى يسافر مدري كيف سمحتله بس المهم قلتله لا ما ابي تسافر .. قال لازم ودي اغير جو .. قلتله توك ما امدك
وسكت بعدين قلت هاه غيرت رائك بتجلس؟ قال لا
قلت اذا لا ما عاد فيه زياره اختار ياانا يالسفره لجده ... خلاااااااااااااااص رفع ضغطي طولت بالي وجربت اسايسه حسيته خذا فكره اني بزره ويلعب علي بكلمتي
صبرت على قل عطاياه وما استفدت شئ الا زادت الحاله واعجبه الوضع
وخلااااااااااااص من جد ماسكه نفسي وش معناها انه يبخل علي وما يعطيني وماغير يعطي اهله واهله ما شاء الله ماغير يشفطون منه والا ويسافر ويبسط نفسه والمشكله يسوي نفسه برئ وما هو فاهم شئ ... ويعنني ما اقصد
والادهى والامر انه يقول خذي من ابوك والا من امك ..
ومحسسني ان مالي حق .. وان ماله شغل فيني
فهموني كيف اسوي معااااااااااااه على فكره شرقي شمالي وحامت كبدي منه
سكرت منه وانا العبره خانقتني وانا اول ماكلمته كنت مستانسه ... سبحان الله ذبذباته سلبيه وعنده القدره انه يقلب مودي فوق تحت .. ما ودي اقول حسبي الله عليه
لانه يظل غالي بالنسبه لي حتى لو اقول كرهته اقولها عشان ابرد قلبي ...
لا حول ولا قوة الا بالله ...
والهم الي ذابحني كيف بعيش معاه بكره وهو يحط الفلوس هنا وهنا وانا يحرمني او يقول ماعندي هالانسان من جد ما يقدرني وش ابي فيه انا ..؟ ... اقسم بالله اعرف نفسي بوصل لمرحله بطلب الطلاق ... لاني ما اتحمل الشح والقحط في الحياة ... ولو ظروفه صعبه كان من عيوني قدرته بس اعرف انه ما عليه ماشيه معاه ...
بالله قوليلي وش تنصحيني حتى احيانا تجيني لحظات ودي يطلقني قبل ما اتورط معاه
لانه الحب لحاله ما يوكل عيش ... وبعدين الي مايلبيلي طلباتي من دون سبب هذا بصراحه ما اعتبره يحبني ولا يقدرني ... حتى لو قالي وحلفلي ...
ياحالمه وربي اكتب ومقهوررره ودموعي بعيوني اخاف اتورط معاه واندم والحيره ذابحتني
كان فيه دكتوره نفسيه لما كنت بالجامعه تقول انتبهوا تتزوجوا بخيل لان البخل في الطب النفسي ماله علاج ابدا
فكيف السواة بالله
هل اصارحه ..؟ مع اني ما احب لاني اعرف ما ارح يبرد قلبي بالاجابه ويمكن انقهر اكثر...
وش الحل
ادعولي ان الله يسخره لي ويجعله تقيا نقيا غنيا كريما حليما مخموم القلب ...
هل لمشكلتي حل و كيف اتجاوز هالازمه ؟؟؟ ...نفسيتي تعبااانه وما عاد اكل .. ونحفت والشهيه مسدوده باسبابه
لا حول ولا قوة الا بالله
