واه فداك ادبي نت:a025: اشتقت لكم
والله انك صادقه يابنت ناس
من جد الاستغفار له فوائد
تخيلي لما خلصت الثانوي ربي ما كتب لي ادخل الجامعه رغم معدلي حلو من جد صدمه صحباتي دخلن وانا لا الكل مستغرب اني ما دخلت رغم معدل حلو بس قسمه وانا راضيه
كنت في بدايه بكي وحالتي حااااله
لان طموحي الجامعه واكمل دراستي
وربي اعلم بنيتي
جلسة سنه البيت
الحمد لله في هسنه دخلت تحفيظ
وكنت دايم الاستغفار دااااايم
حتى لما الاستاذه تسمع الحفظ للبنات كنت استغفر
كنت اقوم الليل وابكي وادعي
وربي يابنت الخير جاني والحمد لله
توظفت براتب حلوووو
وسنه ذي قبلوني بالجامعه
والحمد لله ذي كله من فضل قيام الليل والاستغفار والله يابنت تحسون براااااحه
لا تيئسون
اصلا ثقتي بلله كبيره
وانشاء الله يجيني ازوج الصالح اللي يسعدني يااارب
بنات ادري اني طولت
بس حبيت اقول لكم مو كل من طق الباب وخطبك لا توفقون بسرعه وتقولون عمري رااااااح
اليوم انصدمت صدمه تخيلو في واحده من صحباتي
الله يفك ازرها
اول ماجاها واحد وافقت رغم ما تعرفه
هو الولد ماعليه
تدرون وش الصدمه
ابو الولد يتحرش بها
وهو عمره 60 صدمه يتعمد يجيها وزوجها مو فيه:a115: ويسوي لها حركات ولا نظرته لها استغفر الله
قطعت قلبي مو عارفه وش تسوي
رغم انها ماتلبس عند اهل زوجها الا اكمام طويله شي يقطع القلب
محتاره تقول لمين زوجها صعبه صعبه والمشكله زوجها عصبي وشكاك
الله يكون بعونها:frown:
بنات والله اني اعتبركم مثل خواتي من شان كذا اقول لكم لا تستعجلوووون
والله في بنت جاء عمرها 35وماتزوجت
تقول ليش استعجل يعني مو من طق بابها وافقت بسرعه المهم ربي عوضها صبرها اخذت واحد والله يابنات اصغر منها بس طلته كانها طلت وزير هيبه وهي كمان مو باين انها 35
الله يسعدهم
ترى كثرة التفكير تشيب الشعر:31:
هههه
اذ احد خطبك استخيري مره وثنين وثلاث
لا تستعجلين بردك لو تجلسي شهر مارديتي لا تقولي الحين يمل ويروح
اذ ربي كاتبه لك بتاخذيه
الله يوفقكم ويسعدكم ويرزقكم قريب
اسفه على الاطاله
بس والله حبيت انبهكم لي امور نجهلها الله يكتب لكم الخير يااااارب:c016:
