طلبتكم ..
السلام عليكم حبيباتي
حاولت كثير أعرف زوجي من أي نمط من أنماط الشخصية بس ما عرفت
كل ما أقرأ عن شخصية أحس فيه اشياء تنطبق عليه واشياء لا ما تنطبق
عشان كذا راح اقول صفاته والي تقدر تفيدني الله يجزاها كل خييييييييييير
يالله نبدأ:
هو كان متفوق في دراسته وحاصل على شهادة عالية من جامعه عريقه جدا
سمعته في شغله ممتازة واسمه قاعد يكبر قي وقت قصير (على كلامه: ان زملائه في الشغل والي يتعاملون معه يقولون له دايما انه ذكي جدا وناجح بالنسبة للي في عمره)
بين الناس هو متحدث جيد ولبق وفيه حس فكاهي وأقاربي حبوه بسرعه
هو جدا بار بأمه رغم انه يعصب عليها احيانا لكنه اكثر اخوانه اهتمام بها
هو يزورها شبه يوميا ويكلمها يوميا , يحرص على مواعيدها في المستشفى
يحرص انه يوديها للمستشفى بنفسه حتى لو أحد اخوانه كان مرافقها
أمه شكلها معودته يشتغل في البيت ومحملتة المسؤوليه رغم ان ترتيبه وسط بين اخوانه
يدخل مع امه المطبخ , يقدم لها الطعام بنفسه
اولاد اخته الصغار لما يكونون موجودين يدخلهم الحمام ويلبسهم جزمهم رغم وجود أمهم والخادمه
ولكن ما عنده مشكله يسوي كذا
دايما يحرص انه يلم شمل اهله في جمعات عائلية لأنهم مقصرين في هذا الشئ
اثناء جمعاتنا مع خواته تلقونه يحضنهم كثير ويقبلهم ويحاول يسوي جوي مرح
معاي: والله احس اني محتارة كيف اوصفه معايا
بس هو يحب التعابير الجسدية , القبلات , الاحتضان
يعني لما اجلس بحضنه عند التلفزيون مثلا ينبسط وما يمانع , يحب الاحتضان اثناء النوم
حتى لما نكون عند اهلي واجلس بعيد عنه , يطلب مني اجلس جنبه ( وانا استحي اجلس جنبه قدام اهلي)
يحس اني احب بابا اكثر منه رغم ان اهتمامي في بابا جدا عادي
بشكل عام احسه محب لي ومهتم
يتكلم كلام حب مو بشكل كبير , بشكل معتدل. لما أكون تعبانه يراعي اني ما اطبخ ولا اسوي شئ
صريح في الي يحبه والي يكرهه, دايما يصحى قبلي من النوم ويجلس ساعه يصحي فيني
ولما نتزاعل مع بعض يقول انه يكره ان هو الي يصحيني كل يوم ويبغاني اقوم من حالي
هو يبغاني مثلا اشيل معاه مسؤولية البيت مثلا اسدد الفواتير وأضع ميزانية وأنا رافضه هذا الشئ
لأني متعوده ان بابا كان يسوي كل شئ حتى اغراض البيت هو يجيبها مو ماما
زوجي يحب كرة القدم ويمارسها
اصدقاءه قليل ونادرا جدا انه يخرج مع صاحب له , يعني نهايات الاسبوع يا يجلس يشتغل أو ماعنده شئ يسويه لا معاي
يحب جلسة البيت كثير , بحكم ان دوامه طويل ومشاغله كثيره فهو يستمتع بالجلوس قدام التلفزيون
مزاجه في الصباح يكون رايق
اول لما تصير بيننا مشكلة وابكي, كان يصرخ علي ويقول لاتبكين وان هذي دموع تماسيح
بعدين صرت اقول له انتا قاسي وما تهمك تدموعي
وصار بعدها يهتم لما ابكي
كان يقول لي انه منظم جدا ونظيف في البيت وبعد الزواج اكتشفت انه شوي فوضوي خصوصا في غرفة نومنا وسيارته رغم ان سيارته دايما نظيفه ولكن مليانه اوراق
هو بحكم عمله سفره كثير, وفي احيان كثير ما عنده مانع ياخذني معاه
هو ما يجيب هدايا من سفره لي لا لما طلبه شئ معين واشدد في طلبي وقتها يجيب لي
لكن هو من نفسه ما يجيب
هو لما يتكلم يحط عينه بعين الي يكلمه حتى لو حرمه غريبه
لما يشوف امرأه في أي مكان وخصوصا السفر لازم يقزها قز, ورغم اني نهرته عن هذا التصرف كثير الا انه ما يهتم
هو غيور , يحرص على غطاء وجهي كثيرا, مؤخرا اصبح
يرفض اقابل صديقاتي في السوق أو البيت أو اي مكان رغم اني بطبعي مقله جدا في خروجي معاهم
وفيه موقف دايما يتكرر بيننا: انه اكثر من مره ضبط في الكمبيوتر مواقع جنسيه هو داخلها
ولما ازعل واسوي سالفه احسه ينحرج ويتجنب الكلام الصريح عن الموضوع ويرجع يعتذر واحيانا يبكي معي ويحلف مايكررها وللاسف تتكرر مع اننا انا ووياه منفتحين في علاقتنا الجنسيه مع بعض
هو من اول يوم يوم زواج قال لي بتزوج ثانيه والى الحين وهو يردد هذا الكلام
هذي باختصار اهم صفاته واتمنى الرد منكم
