قولو رايكم

[عيون ابوها]

السلام عليكم ................... بنات كيفكم
ابي كل وحده تدخل تقول لي شو رايها وشلون بتتصرف اذا:
اذا شفتي في موبايل زوجك مسج من وحده زميلته في العمل مسج تهنئه في الاعياد والمناسبات
ومسج فيه صورة بوسه.
او انك تروحين السفر مع زوجك ويحرص على انه يجيب لها هديه .
او انه يسجل رقمها في موبايله باسم رجال.
او انه يودي لها حلاوه في القرقاعون.
او انها تسوي له رنه ويتصل لها.​

 

[الدكتورة نبضة قلب]

طبعا علاقة غير سواية

وفيها تمادي​

 

[ضوي القمر]

اكيد في حاجه غلط في العلاقه دي

 

[الـهـيام]

اكيد علاقه مو سويه..

لو كانت مجرد زميله ماسجل رقمها باسم رجال.

 

[دلوعــ حبيبي ـه]

السلام عليكم ................... بنات كيفكم

ابي كل وحده تدخل تقول لي شو رايها وشلون بتتصرف اذا:
اذا شفتي في موبايل زوجك مسج من وحده زميلته في العمل مسج تهنئه في الاعياد والمناسبات
ومسج فيه صورة بوسه.
او انك تروحين السفر مع زوجك ويحرص على انه يجيب لها هديه .
او انه يسجل رقمها في موبايله باسم رجال.
او انه يودي لها حلاوه في القرقاعون.​

او انها تسوي له رنه ويتصل لها.
​

​

اهلين حبيبتي (عيون ابوها )

الحمد الله الحمد الله الحمد الله أن ماعندنا بالسعوديه اختلاط بالعمل وإن شاء الله دووووم :bigsmile:

والحمد الله ماقد صادفني هاالموقف :msn-wink:

أووووووووووف لو يصادفني مثل هالمواقف كاااااااان اموووووت من الغيره :icon28:

ومشكووووووووره حبيبتي :icon26:

:icon26: تحياتـــــي دلوعــ حبيبي ـه :icon26:​

 

[روعهـ]

نظره

موووووعد

هديــــــــــــــــــة =خرررراب بيوووووت

بداية حررررررب

​

 

[عزيزة.نفس]

عيون ابوها
فتحي عيونكي
المسألة فيها ان​

 

[Um.AbdullaH]

​

اذا شفتي في موبايل زوجك مسج من وحده زميلته في العمل مسج تهنئه في الاعياد والمناسبات
"عادي ما بسوي شي"

ومسج فيه صورة بوسه.
بساله اكيد بطريقة مزح وبقول شتبي هذي؟ ليكون مصدقة نفسها؟؟

او انك تروحين السفر مع زوجك ويحرص على انه يجيب لها هديه .
عادي مرة جاب زوجي حق اللي معاه في الدوام هدية... ما قلت اي شي بالعكس اخترت وياه

او انه يسجل رقمها في موبايله باسم رجال.
هالشي طبيعي تدرين ليش؟؟ لانه لما بيقعد مع شباب لازم يفتشون التليفون ويقرون الاسامي والارقام وصارت مع زوجي اكثر من مرة وانحرج منهم، انا حتى رقمي مرات يسجله باسم بياع الدكان هههههههههه

او انه يودي لها حلاوه في القرقاعون.
زوجي يودي حلاوة الدوام للموظفات بس بدون مناسبة،، اصلا هو قسمه اغلبه حريم


او انها تسوي له رنه ويتصل لها.
هذي بخيلة ما تبي تخسر فلوس ههههههههههههههه

يا حبيبتي بقول لج شي، هو يعتمد على نوع المكالمات، نوع المسجات، شلون زوجي يشوف هالشي هل هو مستانس؟ متضايق، لايعة كبده منها؟ خاطره يذبحها... الخ... وبصراحة انا ما اقول لج اني احتر واغار مرات بس ما احاول اطلع هالشي وابي ابين كل شي عادي، لانج لو بينتي لزوجج انج تشكين فيه وحسستيه بهالشي راح يضيع منج أكيد، فلا تخلين كل همج وتفكيرج ليش هو بعيد اكيد يحبها اكيد مستانس عليها، لا... دايما فكري وخلي في بالج انا مافي احلى مني في عيون زوجي، انا اللي دوم اكشخ والبس واتعدل له، انا اللي قايمة بالبيت ومو مقصره معاه في اي شي، واعطيه كل حقوقه من حب وحنان ورعاية ومدلعته اخر دلع من شغل البيت وتنظيفه وترتيب الملابس، وما يرجع البيت الا وانا متعدلة والابتسامة على وجهي، اركض له واقبل راسه واقول له الله يعطيك العافية حبيبي وما قصرت، احسسه برجولته وقيمته واهميته عندي، لا يمكن انه يلتفت لغيري او يفكر في غيري لان مافي مثلي ولا بيحصل احسن مني في حياته، انا اللي اجيب له الهدايا، واسهر معاه، وانام معاه، واصحى معاه، حتى الاكل انا اللي احطه قدامه واوكله بايدي لو اقدر، وانا اللي دوم احرص على راحته ونومه وعبادته وصلاته ودوم ادعيه وادعي له وانصحه،، خلي هالافكار دوم في بالج، خلي شغلج الشاغل هو كيف احتويه، كيف اخليه ما يحب غيري،، وتحملي تفكرين في خوفج من الخيانة او ان يحب غيرج او انج تبينين له شكج فيه، لان هالشي بضيعه منج... والله يخلي لج زوجج​

 

[عيون ابوها]

شكرا حبيباتي على الرد والله يعطيكم العافيه ويسعدكم

 

[أميرة بأخلاقي]

أخيتي ​

الذي يحصل بينها خطــأ حتى لو كانت هناك تبريرات للموضوع ..​

و يجب ان ينقطع زوجك عن هذا الخطــأ

و لا تقدمي على اي خطوة من غير تفكير مسبق و صحيح و عقلاني ..



​

أميـــرة بأخلاقــــي ​

 

[ولايه]

انا من رايي تصارحين زوجك بالموضوع وتخلينه يشرح لك والله يساعدك

 

[عيون ابوها]

الله يعطيكم العافيه على الردود بس عاد 104 عضوات اللي قروا الموضوع وبس عشر ردود

 

[ولايه]

يا تصارين زوجك اوتطنشين

 

[شعشبونة83]

اللله يعينج

 

[om nor]

يلااا انشاء خير
خلي تفكيرك ايجابي
وحاولي تلمحي لزوجك انك متضايقة من
المسجات ومن تصرفاتة

 

[ام العبير]

هذه التصرفات بدايه دمار للزوجه

هذا الزوج متساهل يمكن في البدايه ما يهتم وبعدين باستمرارها تقلب عقله الرجال قلوبهم ضعيفه والنساء كيدهن عظيم

لا تسمحي باستمرار هذه العلاقه ولو بحسن الظن انزعيها من اصولها (لاتكوني مغفله )

تنا قشي مع زوجك واساليه ان كان يسمح لاخته او حتى انتي زوجته بعلاقه مثل هذه

وفهميه انك تغاري منها حتى لو كانت بحسن نيه

الله يكون بعونك

تحياتي للجميع​