~أغلى الغاليات~
New member
- إنضم
- 2009/01/12
- المشاركات
- 1,330
السلام عليكم ورحمه الله وبركاته..
امس صار نقاش بيني وبين زوجي الجنوبي على موضوع وظيفتي..خل اشرح وضعي .. وظيفتي الحاليه دوامها طويل بالنسبه لباقي الوزارات..ومن سنه تقريبا الشغل اللي كنت ماسكته حولوه لشخص اجنبي فضليت بدون شغل ..يعني حاليا اقضي 8 ساعات من دوامي بدون ما اسوي اي شي وهذا الموضوع مضايقني جدا..طبعا تكلمت مع المسوول لكن مافي ردت فعل ولا اي شي جديد..من محاسن هالوظيفه ان البيئه جدا ممتازه في حال لو بغيت اطور نفسي يعني لو اطلب كورس مستعدين يودوني..البنات اللي معاي كل وحده في حالها ومافي اي مكائد او كلام يطلع من ورى ظهري..الراتب اكثر بشكل بسيط من كل الوزارات..الوظيفه اللي قدمت عليها في وزراه ثانيه الدوام ست ساعات لكن البيئه تعبانه ومافي تطوير..الراتب تقريبا اقل بشكل بسيط الاداره اللي بروح لها ببرز فيها بشكل كبير لان اللي موجودين اقل مني خبره..احتمال امسك شي وحتى التقييم يعطونج ممتاز بدون ما تبذلين جهد كبير ..والاهم ان بيكون عندي شغل..الحين شرحت لكم مميزات ومساوئ كل وظيفه نجي لزوجي..من قبل كم شهر كان زوجي يدفعني للتطور ويحفزني عشان اكمل دراستي ويساعدني وحاب اني اوصل لمنصب..في الفتره الاخيره لاحظت زوجي بدا يتغير..وتفكيره يتغير..زوجي بدا من فتره يهتم بجسمه وبشكله ستايله تغير..يروح الرياضه يوميا حسيته انتقل لمستواى ثاني من شخصيته صار ناضج اكثر بدا يتحمل مسوولياته بشكل افضل ويفكر بالمستقبل (طبعا ) تغيره طبيعي ما في شي يمين ولا يسار ومب هاي مشكلتي..بالامس كان يقولي روحي الوظيفه الثانيه اللي دوامها اقل عشان ما تصيرين مراه كادحه وبعد عشان يكون لج وقت لنفسج وتقدرين تطورين نفسج وتدلعينها وتروحين الرياضه( طبعا موضوع الرياضه يبيني اروحه لان هو يروح ويحب نروح مع بعض) وتدخلين كورسات بس دلع ..حسيت انه غير صورته للي يبيني اكون عليه ..حسيته يبيني انتقل معاه للمرحله اللي راح لها..لكن الواقع يخليني افكر بالاهم..وهو شنو الشي اللي بيساعدني عشان اوصل لطموحي واي الوظيفتين انسب لي..وهالشي مخليني مب عارفه وين الافضل لي..وخصوصا ان راتبي اكثر من راتبه وهو راتبه ما يقدر يخلينا نكون في بيت مستقل عن اهله او يوفر لنا الكماليات اللي صارت من الاساسيات هذي الايام ..كسياره وسايق وقريب بنتي بتدخل الروضه..فهاي كلها تكاليف اكثر..فموضوع اني ارتاح هالفتره واصير بس افكر بكورسات الدلع والرياضه شي ما يدخل راسي لان الحين وقت تاسيس مستقبلنا..والحين مب عارفه اقعد في وظيفتي اللي ممكن تطورني او اروح للوظيفه اللي ما فيها تطوير واعتمد على نفسي من هالناحيه..ووجهة نظر زوجي هل هي صحيحه ولا انا على حق بان هالوقت مب وقت راحه ..
اعرف اني لخبطت كل شي بس ارجوكم حاولو تقرون الموضوع مره او مرتين عشان تساعدوني في اتخاذ القرار الانسب..وجزاكم الله كل خير
امس صار نقاش بيني وبين زوجي الجنوبي على موضوع وظيفتي..خل اشرح وضعي .. وظيفتي الحاليه دوامها طويل بالنسبه لباقي الوزارات..ومن سنه تقريبا الشغل اللي كنت ماسكته حولوه لشخص اجنبي فضليت بدون شغل ..يعني حاليا اقضي 8 ساعات من دوامي بدون ما اسوي اي شي وهذا الموضوع مضايقني جدا..طبعا تكلمت مع المسوول لكن مافي ردت فعل ولا اي شي جديد..من محاسن هالوظيفه ان البيئه جدا ممتازه في حال لو بغيت اطور نفسي يعني لو اطلب كورس مستعدين يودوني..البنات اللي معاي كل وحده في حالها ومافي اي مكائد او كلام يطلع من ورى ظهري..الراتب اكثر بشكل بسيط من كل الوزارات..الوظيفه اللي قدمت عليها في وزراه ثانيه الدوام ست ساعات لكن البيئه تعبانه ومافي تطوير..الراتب تقريبا اقل بشكل بسيط الاداره اللي بروح لها ببرز فيها بشكل كبير لان اللي موجودين اقل مني خبره..احتمال امسك شي وحتى التقييم يعطونج ممتاز بدون ما تبذلين جهد كبير ..والاهم ان بيكون عندي شغل..الحين شرحت لكم مميزات ومساوئ كل وظيفه نجي لزوجي..من قبل كم شهر كان زوجي يدفعني للتطور ويحفزني عشان اكمل دراستي ويساعدني وحاب اني اوصل لمنصب..في الفتره الاخيره لاحظت زوجي بدا يتغير..وتفكيره يتغير..زوجي بدا من فتره يهتم بجسمه وبشكله ستايله تغير..يروح الرياضه يوميا حسيته انتقل لمستواى ثاني من شخصيته صار ناضج اكثر بدا يتحمل مسوولياته بشكل افضل ويفكر بالمستقبل (طبعا ) تغيره طبيعي ما في شي يمين ولا يسار ومب هاي مشكلتي..بالامس كان يقولي روحي الوظيفه الثانيه اللي دوامها اقل عشان ما تصيرين مراه كادحه وبعد عشان يكون لج وقت لنفسج وتقدرين تطورين نفسج وتدلعينها وتروحين الرياضه( طبعا موضوع الرياضه يبيني اروحه لان هو يروح ويحب نروح مع بعض) وتدخلين كورسات بس دلع ..حسيت انه غير صورته للي يبيني اكون عليه ..حسيته يبيني انتقل معاه للمرحله اللي راح لها..لكن الواقع يخليني افكر بالاهم..وهو شنو الشي اللي بيساعدني عشان اوصل لطموحي واي الوظيفتين انسب لي..وهالشي مخليني مب عارفه وين الافضل لي..وخصوصا ان راتبي اكثر من راتبه وهو راتبه ما يقدر يخلينا نكون في بيت مستقل عن اهله او يوفر لنا الكماليات اللي صارت من الاساسيات هذي الايام ..كسياره وسايق وقريب بنتي بتدخل الروضه..فهاي كلها تكاليف اكثر..فموضوع اني ارتاح هالفتره واصير بس افكر بكورسات الدلع والرياضه شي ما يدخل راسي لان الحين وقت تاسيس مستقبلنا..والحين مب عارفه اقعد في وظيفتي اللي ممكن تطورني او اروح للوظيفه اللي ما فيها تطوير واعتمد على نفسي من هالناحيه..ووجهة نظر زوجي هل هي صحيحه ولا انا على حق بان هالوقت مب وقت راحه ..
اعرف اني لخبطت كل شي بس ارجوكم حاولو تقرون الموضوع مره او مرتين عشان تساعدوني في اتخاذ القرار الانسب..وجزاكم الله كل خير
