راوية الورد
New member
- إنضم
- 2009/01/03
- المشاركات
- 2,148
مرحبا بلقيسيات
اسعد الله اوقاتكن بكل خير
هذا الحلا لذيذ جدا والله بدون مبالغة كل من ذاقه اخذ طريقته مني :22:
حتى وحده والله سالتني من وين جبته ع بالها جاهز :31:
وفوق هذا سهل جدا ...
نجي للمقادير والطريقة ..
الطبقة الأولى :
المقادير :
كيك ساريتا بنكهة الشكولاته ( العدد حسب حجم الصينية )
2 كريمة كراميل
4 ملاعق حليب جاف
كوبين ونصف ماء ساخن
الطريقة :
قطعي الكيك شرايح سميكة عشان يعطي شكل احلى
يعني القطعه يكون سمكها 2 سم تقريبا
رصيه بالصينيه بشكل متلاصق يعني مايكون بينه مسافات
بعد كذا جيبي قدر حطي فيه الكريمة والحليب والماء واغليه ع النار
اذا غلي صبيه على الكيك في الصينية حاولي تمرين على جميع القطع وانتي تصبين
اتركيه على جنب عشان تجمد الكريمة وروحي سوي الطبقة الثانية
الطبقة الثانية :
المقادير:
6 جبنة كيري او المراعي اللي تجي مربعات مثل الكيري
علبة حليب نستلة
علبة قشطة
ظرفين دريم ويب
الطريقة :
اخلطي كل المقادير بالخلاط بعدين صبيها على الطبقة الاولى
ودخليها الثلاجه تجمد ماتاخذ وقت طويل ثلث ساعه حدها
الطبقة الثالثة ( التوفي ) :
ملاحظة : اللي تتقن التوفي خلاص تسويه بطريقتها
بس حبيت اكتب الطريقة للبنات اللي مايتقنونه
المقادير:
كوب سكر
ملعقة زيت
علبة قشطة
الطريقة:
حطي كوب السكر مع ملعقة الزيت في صينية وحطيها على نار هادئة حتى يذوب السكر
اذا لاحظتي السكر بدا يذوب حركي شوي من فتره لفتره عشان مايحترق
اذا ذاب السكر بشكل نهائي حطي علبة القشطة جنبك وتكون مفتوحة طبعا
وجيبي ملعقة وخذي من القشطة بس مقدار بسيط في الملعقه
وحطيها على السكر
واسحبي في الحال الصينيه من فوق النار على جنب
وحركي بسرعه وباستمرار
حتى تمتزج القشطة تماما
بعدها رجعي الصينيه على النار
وخذي مقدار ثاني من القشطة ونفس الشئ اضيفيه
واسحبي الصينيه على جنب وحركي
وهكذا الين تخلص القشطه
لانك اذا صبيتي القشطة دفعة وحده راح تتكتل وماتمتزح ويجمد معاك التوفي
وخلاص طفي النار
اذا خلصت القشطة وحسيتي التوفي ثقيل مره ممكن تضيفي حليب سايل شوي
او قشطة شوي وحركها دون ماتولعين الفرن مره ثانيه عادي
بعد كذا جيبي الصينية من الثلاجة وصبي التوفي عليها
اخر طبقة الزينة :
ملاحظة : حابة اقول لاتستهينوا بالزينة لانها تعطي لذه بالذات اللوز المحمص
جيبي لوز وحمصية بربع ملعقة زيت بعدها كسريه لاتطحنينه ناعم الافضل يكون كبار شوي
ورشي الوجه
وجيبي هيرشي سايل وصبي بشكل عشوائي على الوجه
وممكن تجيبي كمان بسكوت فلك اللي لونه اصفر وترشين الوجه
انا ماكان معاي وقت ماسويت الحلا
بكذا اكون انتهيت من الطريقة اتمنى اني وفقت بشرح الطريقة لاني مااعرف اشرح زين
وبالهناء والعااااااااااااااااااااااااااااااااافيه :32:
التعديل الأخير بواسطة المشرف:
