لا احب زوجي والسبب ....

[كل السبب مني]

انا عمري ٣٠ سنة اول موضوع لي في هالمنتدى كنت بس ادخل كضيف
انا الحين انخطبت لواحد ما احبه انا مريت بعلاقات كيثرة في حياتي بس قبل سنه حبيت واحد متزوج وابو عيال وسوينا علاقه نفس المتزوجين
المهم بعد سنه من العلاقه تقدملي واحد مهذب انا قلت فرصه عشان اصطلب على ايده وشفت حبيبي مالمح حق زواج
المهم انا ماني قادرة احب زوجي يسمعني كلام حلو احس بغصه
للعلم هو اصغر مني ب٧ سنوات وشافني بدوامي وقالي اياها صريحة انا ابيييج
انا يا صبايا مريت بحياتي بعلاقات كثييرة ومن عمري ٢١ انا مب بنت بس تبت سنتين عقب رديت مع هالاخير والحين انا ان شاء الله في درب التوبة وقطعت علاقتي بحبيبي الاخير وغيرت ارقامي كلهن
المشكلة اني ماحب زوجي اريد احبه بس مقدر كل ماقالي كلمة طيبة اقز منه واذا تغزل احس كبدي لايعه منه
انا اقعد اقارن بينه وبين الاولي وعارفه انه هذا احسن ..هو يحس اني ما احبه انا مقدر اكذب في مشاعري
صبايا انصحوني كيف اقدر احب زوجي وانسى حبيبي
صبايا اللي بتقول توبي الى ربج اني غلطتي رجاءا لاترد لاني باذن الله تايبة وماريد حد يذكرني بس اريد النصيحة كيف احب زوجي الجديد اللي احس نفسي مغصوبة عليه؟

 

[سلفرادو]

الله يعين
عودي عمرك عليه.. بتحبيه
قولي لنفسك هذا زوجي وان شاء تحبيه
الله يثبتك ان شاء الله وينولك اللي في بالك

 

[انثى تنتصر]

ممكن تكون هاذ مناثار المعصيه

احمدي ربك وادعي الله يحببك فيه ويستر عليك الحين لاتفكرين بالحب قد ما تفكرين بالستر

بعدين هل انتي فعلا تستحقين هذا الرجل؟؟؟

يعني يمكن ربي اداكي نعمة حتى يشوف انتي بتتستمري ع درب التوبه وبتستغنين بحلاله عن حرامه

الله يكفر عني وعنك سيائتنا وذنوبنا

 

[نجمه في سما حبك]

الامرة منا تحب اللي يحبها
فكبري عقلك واوزني الامور زين
فكري قد ايش ربي يحبك خلاك توبين هذا من فضل ربي عليك قولي الحمد الله واتعوذي من الشيطان تراه هو اللي زين هذاك في عينك

 

[ملــ الدلع ــكة]

الغالية اشغلي تفكيرج كله بزوجج وانسي الي فات وادعي ربج ان يعطيج نعمة نسيان الماضي وخلي اموركم ععادية حب انتي قولي كلام حب لريلج ومع الوقت مابتحسين الا وانتي عاشقة زوجج

 

[قلب هلو]

شيلي التفكيررررررر بالبماضي نهائيا 00وخلي تفكيرك مستقبلي يبيلك وقت علشان تحبية بس نعمة انة يحبك 00 وقال تعالى (وجعلنا بينهم الفة ومودة )يعني جايية جاية المحبة بس غيري من نفسك تماما اسعدية طيعية اتزيني وكل شي فكري بالاولاد هم الي يغيرو الحياة نصيحة لاتحسسية انك ماتحبية 00اسال اللة لك الثبات والتوفيق 00

 

[كاتياباسل]

لا حول ولاقوة ألا بالله
يعني يوم يقولون لك الخايسين كلام الحب تتلذذين،،،،ومن زوجك تحسين بقرف!!!!!!

المفروض تحمدي ربك ع نعمة هالزوج،،،اللي أرسله الله ينقذك من اللي أنتي فيه

عاملي زوجك بمايرضي الله،،،،ولاتزيدي ذنوبك ذنوب آخرى

 

[اتعبني هواك]

حبيبتي حطي فبالك إن اللي حبيتيه وتقارنين زوجك به ماعبرك ولاطلبك لزواج..
حطي فبالك اللي حبيتيه استغلك طوووول هالفتره واستغل حبك وعاطفتك له..
حطي فبالك انه اخذ كل شي منك وتذكري كيف اهو ردلك هالحب والتقدير اللي انتي كنتي تبادلينه فيه..
تذكري وعوده لك هاذا إذا وعدك بإنه مايبي غيرك ولايشوف غيرك وماراح تكونين لغيره
حبيبتي الله ماشفناه بالعقل رفناه..يعني تعتقدين إنه بيهدم بيته ويشتت عياله حتى لو وضح لك انه مومرتاح مع زوجته ولاماحبها بس انه يخرب حياته وبينهم عيال صعبه ياقلبي..والله بعد هاذاكله موكفو افكر فيه واحد خان زوجته ويبي يتزوجني شلون أضمن حياتي هاذا معه وابوطبيع مايجوز عن طبعه تلاقينه وقت ماقطعتي علاقتك معه راح دورغيرك ماراح يتذكركولايقول اهي حبي الاول والاخير خلاص الخاين يمشي هالشي بدمه..فكري بزوجك ولاتقارنين ذاك الشخص فيه لانه اختارك انتي وحبك انتي لغرض شريف اللي اهو الزواج مويتسلى بعواطفك وحبك..
بادليه بالهداياوالكلام الحلو والمسجات طول الوقت بينكم اهتمي فيه علشان تشوفين منه شي يرضيك وتعرفين غلاه فقلبك ..وكل ماقارنتي بين زوجك واللي عرفتيه استغفري كثيررررر بنية صادقه وادعي ربك انه يمحي هالشخص من حياتك والله يحببك بزوجك الله يسخرك له ويسخره لك إن شالله

 

[كاتياباسل]

وبعديـــــــــن
لي تعليق بسيط،،،أتمنى مايزعلك
أنتي الله يعافيك كل شوي تقولي(حبيبي الأول،،حبيبي الأخير)
كأنك فرحانه بهالأحبه،،،،ممكن تقولي الشخص،،،
مدري بس أحس تسميتهم حبيبي حبيبي وأنتي ع ذمة رجل عييييييب

((وتظل وجهــــــــــــــــــــة نــــــــظر))

 

[hadifa]

لاحول ولا قوة الا بالله

أنت طلبت منا لا نلومك على اللي صار وأنك تبت ولماذا تقولين كلمة حبيبي على الزاني الذي زنى بك ألست على ذمة رجل ؟

الطيبون للطيبات والخبيثون للخبيثات

 

[سلفرادو]

الله يعينك
المشاعر اللي تمرين فيها صعبة تحسين بضياع وتشتت وحزن
بس برجع اقولك عطي زوجك فرصه
ومب كل زواج مبني عالحب (عالمودة والرحمة)
وحبيبك اللي ماتقدري تنسيه امسحي كل ذكرياتكم الصوره والهدايا وكل حاجة تذكرك فيه
ان شاء تجيبين عيال وتلتهين وينسوكي علاقاتك اللي قبل
عطي نفسك فرصه
ولو تبين الصدق كل الرجال نفس بعض
الله يريح بالك وبالي

 

[زوجه مؤدبه]

من استمتع بالحرام حرم لذة الحلال .. توبي الى الله .

 

[كل السبب مني]

شكرا للي نصحتني وللي مانصحتي بعد
سلفرادو مشكورة انتي حاسة فيني انا احس بالغضب والحزن والضياع
بس كلامج صج الحب شيء والزواج شيء ثاني ومب كل المعرسين يحبون بعض
(انثى تنتصر ) شكرا كلامك صح
(نجمه في سما حبك ) شكرا
(ملــ الدلع ــكة ) الله يريحك
قلب هلو شكرا
(اتعبني هواك ) كلامك صح ١٠٠ ب١٠٠
شكرا للجميع

 

[مزوح وتروح]

8
8
8
تزوجتي وانتي مو بنت ؟
طيب كيف كذا ؟ وزوجك مالاحظ ؟
عزيزتي : التوبه مو كلمه نرددها ونقول تبنا !! ياخوفي إنك بينك وبين نفسك بتتذكري (.... ) اللي غلطتي معاهم وتشوفيها لحظات حلوه !! عشان كذا ما انتي متقبله زوجك ولا انتي قادره تستمتعي معاه !!

التوبه من شروطها : الندم >> فهل انتي نادمه على مافعلته؟ وهل استشعرتي عظم الذنب الذي اذنبتيه؟

هل انتي نادمه عالايام اللي كنتي فيها عاصيه لله ؟ هل قررتي تعويض ذلك بالطاعات ؟ ام مازلت حالك كما هي؟ واكتفيتي بتغيير رقم جوالك ؟
ولاتزعلين مني :
انتي استمتعي بالرجال قبل لاتتزوجي !! ولمن تزوجتي ماعاد حسيتي بالفرق !! ويمكن وصلتي لدرجة الملل !!
أسأل الله لك توبةً صادقة .... وحياة سعيدة قائمة على طاعة الله والخوف منه !

 

[كل السبب مني]

وسوالك اذا تزوجت وانا مب بنت
هو ما عرف وماريد اتعمق في الموضوع
يارب ريحلي بالي وتوب علي

 

[عسـэšζـــل]

وسوالك اذا تزوجت وانا مب بنت
هو ما عرف وماريد اتعمق في الموضوع
يارب ريحلي بالي وتوب علي

يعني بالعربي تبغي تورطيه اختي اذا تبتي توبي توبة كامله لان الي تسويه حرام وخدعه انتي المفروض موضوعك تكتتبي زوجي لايحبني يعني على قول المثل رضينا بالهم والهم مارضي فينا سوري على الرد
بس قهرني برودك وتفكيرك جداا​

 

[ورودي]

الطيبون للطيبات والخبيثون للخبيثات
وانتي شكل زوجك طيب عشان كذا مو عاجبك

 

[سبحان الله 2]

استغفرالله العظيم الذي لااله الاهو الحي القيوم واتوب اليه
استغفرالله العظيم الذي لااله الاهو الحي القيوم واتوب اليه
استغفرالله العظيم الذي لااله الاهو الحي القيوم واتوب اليه
استغفرالله العظيم الذي لااله الاهو الحي القيوم واتوب اليه
استغفرالله العظيم الذي لااله الاهو الحي القيوم واتوب اليه ​

استغفرالله العظيم الذي لااله الاهو الحي القيوم واتوب اليه ​

 

[كل السبب مني]

اختي (عسـэšζـــل )
انتي رايج اني افضح عمري واقول لزوجي انت مب اول واحد لمسني
وانا في عز معصيتي كنت ادعي ان ربي يتوب علي (فاذا بليتم فاستترو)
انا تفكيري مب بارد انا قاعده اجاهد نفسي وانتي تعرفين ان جهاد النفس اصعب شيء
انا الحين ادور طريقه احب فيها زوجي
انا ما خدعته لما شافني اول مرة قالي بنسيج اللي في ماخذ بالج وبخليج تحبيني
هو صح مايعرف انه مب اول واحد يلمسني وان شاء الله مايعرف
والله حالتي مايعلم بها الا ربي
انا محتاجة دعاءكم

 

[عسـэšζـــل]

شوفي صحيح انا قسيت عليك بس اقصد ياقلبي انتي حصل بينك وبين زوجك جماع كامل واعذريني على هالكلمة اذا كان كذا انتي تخدعي زوجك وتغشيه بس اذا كان مو كذا عادي استري نفسك بس اذا كنتي مو بنت مصيره راااح يعرف ​