مع نفوووله اكلة البيتزا مش معقوووله

[نفوووله]

بسم الله الرحمن الرحيم..
السلام عليكم ورحمة الله وبركاته..
وجودي بهالمنتدى صار له اكثر من سنتين.. ولكن ولاول مره اطرح موضوع بقسم الأطباق الرئيسيه والاكل..
مو لشي.. بس لاني طالبه جامعيه.. وخبرتي بالمطبخ والطبخ جدا متواضعه وعلى قدي..
حبيت اليوم اشرح لكم طريقة اكله بسيطه جدا وطعمها روعه لعشاق البيتزا..

المقادير...
روتي سليس (الخبز المقطع الى شرائح)
مشروم مقطع
فليفله (الفلفل الاخضر البارد)
سجق مسلوق (نقانق) ومقطع الى شرائح
كاتشاب او صلصة البيتزا الجاهزه (حسب الذوق)
جبن سليس (شرائح)

طريقة العمل.. :34:
اولا ..
نقطع المشروم والفليفله والسجق الى شرائح كما في الصورة التاليه..

ثانيا..
ندهن الروتي بطبقه خفيفه من الكاتشاب او صلصة البيتزا حسب اختياركم..

ثالثا..
نبدي نصفف المشروم والفليفه والسجق فوق صلصة الروتي بهذه الطريقه..

......................

...............................

رابعا...
نحط الجبن فوق كل واحد فيهم بهالطريقه..

خامسا وأخيرا...
ندخل القطع داخل الفرن..
ماراح اقولكم درجة الحراره والمده لاني ما اعرف بهالسوالف.. :31:
بس ان تدخلونه لمده قصيره جدا 5 دقايق بالكثير..
عن نفسي انتظر بس الى ان يسيح الجبن واطلعه..
وبجذي راح يتماسك الروتي والجبن السايح يمسك الخليط كله مع بعض..
وبالنهايه راح يكون هذا هو الشكل..

وبالهناء والشفااااااااااااااء..

طبعا ادري انكم محترفات بالطبخ ماشاء الله عليكم فتقدرون بروحكم تستبدلون الخضار والاشياء اللي استخدمتها او انكم تضيفون بعض الاضافات من لمسة يدكم الخاصه.. :22:

دمتم بحفظ الرحمن..

محبتكم: نفوووله...​

 

[أخترتك A لدروبي]

روعه يانفووووووووووووووووووله

تسلم يدك

 

[هدوء أميرة]

ماشاءالله ذوق وفن وحس رائع دمتي بود بروعة مواضيعك​

 

[فيض الحنين]

وووااااووو
نفووولة

بدايه رائعه منك

ان شاء الله اذا جيتك ابيك تصلحينه لي

وان شاء الله راح اصلحه واذوقها

بس عندي استفسارات <<بدت خخخخ

النقانق
تطبخ برا ثم احطه على التوست..؟

​

 

[نفوووله]

روعه يانفووووووووووووووووووله

تسلم يدك

ربي يسلمج ويسعدك.. :32:

 

[نفوووله]

ماشاءالله ذوق وفن وحس رائع دمتي بود بروعة مواضيعك​

ماعليج زود يالغاليه..
:32:

 

[نفوووله]

وووااااووو

نفووولة​

بدايه رائعه منك ​

ان شاء الله اذا جيتك ابيك تصلحينه لي ​

وان شاء الله راح اصلحه واذوقها ​

بس عندي استفسارات <<بدت خخخخ​

النقانق
تطبخ برا ثم احطه على التوست..؟​

شنو اصلح؟؟
فرنكم خربان لاسمح الله؟؟ :31:
بخصوص النقانق تنسلق بعدين تقطع الى شرائح وبعدين توزعينه على الخلطه مثل ماهو موضح بالصور..
اي استفسار بعد؟؟ تدللي :icon26:

 

[حين ميسرة]

رووووووووووووعة تسلم الايادي حبيبتي

 

[همسة حزينة]

يسلموووو

 

[فيض الحنين]

ايوة
ربي يعطيك العافيه ...

اذا يصلح تجين بخرب كل الاجهزة بالبيت ​

 

[نفوووله]

رووووووووووووعة تسلم الايادي حبيبتي

يسلمج ربي يالغاليه
اسعدني مرورج :24:​

 

[نفوووله]

يسلموووو

يسلمج ربي :22:​

 

[نفوووله]

ايوة

ربي يعطيك العافيه ...​

اذا يصلح تجين بخرب كل الاجهزة بالبيت ​

خير!!
​

 

[دددددودي]

تسلم يدك سهله وخفيفه

 

[سهام اليل]

ررروعه ماشاءالله

 

[نفوووله]

تسلم يدك سهله وخفيفه

بالضبط.. :22:
ربي يسلمج غاليتي..

 

[نفوووله]

ررروعه ماشاءالله

مرورج الاروع عزيزتي..
شرفتيني..​

 

[moon mode]

يسلموووووووووووووووووووووو

 

[وصية رسول الله]

الله يعطيــــــك العافيه
و
تســــــــلم إيدينك

 

[نفوووله]

يسلموووووووووووووووووووووو

يسلمج ربي غاليتي :24: