قصة شعيبية

  • بادئ الموضوع بادئ الموضوع جيانة
  • تاريخ البدء تاريخ البدء
]تسلمي جيــــــــــونه يالـــــــــــــــــــيـــــــــــــت يكون الــــــجــــزء طــــويـــل,,,,
 
ياليت ما تخلص القصة بس كل بداية له نهاية والحمد لله

ياتري في قصة حلو راح تنزلينها بعد هي عشان اجهز نفسي لضحك اكثر

وتسلمي ع الابداء يا قمر انتي
 
رااااااااااااااااائع اختي جيانه وانا عن نفسي كنت استنى متى تطلين علينا بشي جديد صحيح اني اكتشفته متاخر بس ان شالله اكمله ..............
 
وردة تركواز قال:
ام يوسف فجعتيني بالصووووورة


جيانة ماشاء الله عليكي القصة من رائع الى اروع

متابعين معاك
أنقر للتوسيع...


ههههههههههههههه معذوره ياقمة الرقه يكفي انك مشرفة قسم الاناقة وش اتوقع منك الا قلب رهيف وصورة طفل بريئ مثل دي ممكن تخليك تقولي وااااااااو:31: :31: :31:
 
كملي كملي الله يسعدك ومايرد لك دعووووة
 
مرحباً...الحلقة الأخيرة!!​
بالنسبة للقماري اللي يسألوني وش جبت؟
جبت بنوتة وأكيد اني ماسميتها شعيبية!
----
المهم رحت أنا والبنات على الشاطيء..
وغطسنا رجيلاتنا...إلا ويجينا ذاك الصوت تقولون بنز يفحط!!
أثاريه صوت يقظانة تفحط اااا أقصد تغني بصوتها العذب اللي ينافس أم كلثوم وتقول:
قاعدة على الشط
قاعدة أتمشـــــــط
جاني الـــــــــــواوي
قال لي قــــــــــومي
مانـــــــي مانـــــــي!!
أنا(باستهبال):الله الله وش هالزين كله..لك مستقبل يابنت..ماغير اسكتي ترى صوتك فتنة!!
إلا مشبب العلة مادرينا شلون إلا وهو ناقز وسطنا ويصيح علينا:ماشاء الله!وش قلة الحيا اللي فيكم هاه؟؟اشتغلتم مطربات وعارضات سيقان؟!!استتروا!
التفت للبنات وهمست:وش عارضات سيقان هذي؟أول مرة أسمع بها!!
غيفة(أخت مشبب):يعني عارضات أزياء!
أنا:وبعديـــــــن مع العيلة النشبة هذول؟!صككوا علينا بالسيارات وسكتنا...بس حتى البحر حرام نمشي جنبه؟!!والله حاله!
وكان فيه كشك يبيع آيسكريم على مقربة منَّا...وهفني الشوق للآيسكريم وجيت مدرعمة أنا والبنات نبي نشتري آيسكريم!!إلا ويوقف لنا مشبب مثل مسمار جحا ويقول:وين رايحات؟!!
البنات:نشتري عسكريم!!
مشبب:ماعندنا بنات ياكلن عسكريم!
أنا:حتى الآيسكريم من الممنوعات عندك؟!
مشبب:أكيد..انتي رايحة تكلمين رجال وهذا مايصير!!
أنا:هذا إنت رجّال وأنا واقفة أكلمك!!
مشبب:إيه طبيعي..هذا لأنك ماتستحين!!
وعاد أنا طرطعت وبغيت أنفجر في وجهه لكن مسكت أعصابي وقلت لنفسي يابنت كلها كم ساعة وبيسافرون تجملي لآخر لحظة!!وأروح اتصل بزياد وأطلع حرتي فيه!!
أنا:آلو زياد..هالمشبب وش يبي كل ساعة قاط وجهه علينا؟!!
زياد:عاد يبي يحرسكم وتحسون إن وراكم رجَّال!!
أنا(بعصبية):رجَّال على نفسه ياحبيبي!
---وراح زياد وسحب مشبب يلعب معاهم كورة...وبعد هنيهات<<حلوة هنيهات!
ركب مشبب الدتسن حقه وقام يفحط على البحر ينقال يستعرض كأن أحد عاد بيعجب فيه!!!الحمد لله والشكر! والتموا الناس وقاموا الشباب يصفرون ويصفقون!!واجتمعت خليقة الله حولنا وقام عمي صنت(أبومشبب)يستطلع الوضع إلا والدورية جاية تبي تسحب مشبب!!!
عمي صنت:خير يالعسكري ليش ماسك اولدي؟؟؟
العسكري:لأن هذي منطقة عوائل ومو مخصصة للتفحيط..وفيها أطفال..تدري لو غلط ولدك واقترب أكثر كان بيروح فيها أرواح ناس؟!!!
وإحنا مو سامعين شي بس نشاهد الموقف من بعيد..
إلا نضرة أخت مشبب تقول:يمه بيمسكون أخوي واعليا ماسوى شي!
أنا(بسخرية):ايه مرة مسكين أخوك ماسوى شي!!!ألا ليتهم ياخذونه ويفكونا منه وهو مشتغل علينا جاسوس...
ووصل الخبر لجدتي شعيبية وقالت:نادوا زياد يشيلني بسيارته للعسكري!!
أنا:ياساتر استر..حتى العسكري مابتخليه جدتكم في حاله؟!
وراحت جدتي شعيبية وطلعت راسها من شباك السيارة وقالت:وشفيك ياعسكري قاضب ولدنا؟!
العسكري:قاعد يفحط في منطقة عوائل..ياخالة..
جدتي:حرام تمسكه تراه مسكين مايحيط بشي ن حوله..وأما العقل لك عليه وإنحن جايين من الديرة للمدينة عشان نعالجه الله يعافيه ولايبتلي مسلم!
العسكري:إنتي من صدقك ياخالة؟!
جدتي:ايه من صدقي...ياورع يامشبب تعااااال..
ورفعت أصابعها قدامه وقالت هذي كم؟!!!
قام مشبب يستهبل ويشقلب عيونه في الهوا ويقول اثنين!!
قالت جدتي:وش جينا نسوي هنا ياولد؟؟
قام مشبب يستخبل وقال:نشرب ماي البحر ياميمتي!!
قال العسكري:الحمدلله والشكر..الله يشفيه لكم..خلاص بنتجاوز عنه وانتبهوا له مرة ثانية لايأذي أحد ويأذي نفسه !
راح العسكري من هنا وعمي صنت فصخ عقاله من هنا وشحط به مشبب لين قر عقله!!
وانقلب الاستعراض البهيج اللي سواه مشبب إلى فضيحة علنية ضحكت عليها لين شبعت!!
وصار مفتشل ولاعاد قرَّب جهتنا...
وإحنا البنات انبسطنا سواليف ولعب بالطين على الشاطيء وبنينا قلعة وزيناها بالأصداف...وصِدنا سمكة قرش وسوينا بها فيليه سمك!<<<يقطع البكش وسنينه!!
وقمنا نلعب لعبة شد الحبل بنات عمي وعددهم تسعة وأنا معاهم عشرة وانقسمنا فريقين...خمسة في طرف والخمسة الثانيات في الطرف الثاني..
اعترضت أنا وقلت:لا لا ماأنصفتوا أنا أحتج!اللعبة كذا مافيها تكافؤ!
البنات:شلون مافهمناك ياشعيبية؟؟
أنا:ايش اللي تخلون خمسة هنا وخمسة هناك؟..مافي عدل!يقظانة لحالها عن فريق!!!
يقظانة:تضحكين فيني يالسحلية؟!مايخالف أنا راضية!!اوقفوا كلكم وامسكوا الحبل من هالطرف وأنا بأوقف لحالي وأمسكه من الطرف الثاني وخل نشوف مين منَّا بيفوز!!
أنا:هلا هلا ياالثقة...هالحين بتفوزين وانتي بروحك؟!
يقظانة(وهي تطق على صدرها وتتكلم مثل المحششين):قدها وقدود لايغرك!!
أنا:أجل عندي شرط!اللي يخسر نقطه في البحر..(قلتها وأنا واثقة إن يقظانة بتخسر فقلت فرصة نقطها في البحر وأفش غلي فيها!!)
يقظانة:تم!!
وقمنا نشد الحبل الفريق الأول يقظانة والثاني أنا ومعي 8من بنات عمي!!ونشد ونشد لين تعبنا وشدة وحدة وطيحتنا يقظانة كلنا بالأرض!!!الله أكبر عليها فيها عافية مُصارع....ولاحت في وجهها بشاير النصر
وقالت:يلا ننفذ الاتفاق يابنات..
وأقبلت شالتني وكان الوقت بعد المغرب ورمتني بعباتي بوسط البحر لابارك الله في ابليسها والبنات يضحكون وأنا أصيح غرقت كلي أنا وعباتي ومامعاي غيار!!
وخرجت من البحر وأنا زعلانة وأدعي عليها!!
صهباء:هههه تستاهلين..من حفر حفرةً لأخيه وقع فيها...
كلمت زياد وقال لي:الرجال عاجبتهم القعدة ترى بنتعشى في البحر!!
أنا:اييييش؟ياويلكم من الله...أنا غرقانة لـ شوشتي وباقي أقعد لين تالي الليل ويذبحني البرد؟!!
زياد:وش أسوي بك؟دبري عمرك!!
وقفل الخط بوجهي وأنا قعدت بحسرتي!!
وريفان تقول:أحسن..وش لعب البزران هذا؟مادام شرطتي هالشرط في اللعبة تحملي النتيجة!
ماحد حن علي إلا الشغالة...
الشغالة(بلهجة اندونيسية مُعرَبَة):شؤيبية؟!(الترجمة شعيبية!!!)
أنا:مِس شعيبيةلو سمحتي!
الشغالة:خود ملابس أنا أشان مافي برد!!
أنا:ماشاء الله وانتي تقعدين عارية؟!
الشغالة:لا أنا فيه إلبس بيجاما تهتو جلابية أنا..انتي بس خود جلابية وأنا لابس بيجاما تهتو الأباية!
أنا:والله فكرة..ولو إني مادريت إن الزمن بيحدني أستلف ملابسك لكن يلا كل شي جايز!!
المهم لبست جلابيتها ونشرت عباتي على السيارة لين ماجفت شوي ولبستها والبنات يضحكون علي أنا وملابسي...ومدري ليه من يوم لبست ملابس الشغالة حسيت إني تقمصت شخصيتها وكل شوي أبرقِط في الكلام مثلها..
أمي تناديني وأقول:نأم!
واتصل بي زياد يقول خذوا العشا من ورا السيارة وقلت له:هادِر مستر!حاضر مستر!
مدري اشفيني شوي وأقول لهم عطوني الراتب!!
المهم أمي وجدتي وزوجات أعمامي(جذوة وحصيفة وهدبة ومزينة وثويبة ورعثاء وشهباء) كانوا قاعدات سوى يسولفون في عالم آخر ويسبون في بنات هذا الزمن!!!وهذي سالفة كل جيل يجي يسب الجيل اللي بعده وبعد الطلعة الخنفشارية هذي ردينا البيت الكل دخل ينام وأنا دخلت لدورة المياه أتحمم لأني أحس ريحتي صايرة سمك وبحر وفيكس أندونيسي!!
----
وماصحيت إلا الظهر..لقيتهم سافروا وماودعوني...وهل دمعي من عيوني!!
وأصبحت كسيفة البال...
ياحليلهم مابغوا يزعجوني فسافروا الفجر من غير مايصحوني أوادعهم وأخذوا معاهم جدتي شعيبية...ولقيت على الكومادينة جنب السرير ورقة كاتبين لي فيها ذكرى وآآه من الورقة آآه تقطع القلب من كثر الأخطاء الإملائية اللي فيها!!!
شعبيا(واويل قلبي ويلاه..حتى اسمي مايعرفون يكتبونه!!!)نوحوبيكي جدن(يعني نُحبُك جداً!! بس لأنها طالعة من القلب زودوا فيها هالحروف!!)
ولان ننسكي أبدن ل أنكي بينت عمنا خلف الحبوبهـ المريحهـ(الترجمة:لن ننساكي أبداً لأنك بنت عمنا الحبوبة المرحة!!)
وطبعاً الأخت يقظانة لأنها الوحيدة بالعيلة اللي كملت تعليمها لين ثاني متوسط لذلك تعتبر أوفرهم حظاً وأقلهم أخطاءً كتبت(لاتنسيني ياشعيبيا من ذيكرياتكي وإلا بأفقع وجهك!!!)!!يمه بسم الله علينا حتى خطها يخرع مثلها!!!!
وقعدت أبكي ونزلت لريفان وزياد وهم يتغدون والحزن شاقني نصين..
قالت ريفان:سبحان مغير الأحوال كل هذا من فرقاهم؟!!
زياد:لا والله إلا من فرقا مشبب!!
وهنا انطلقت على زياد أعضه!!!
---------
مرت الأيام وانتهت العطلة الصيفية وأقبلت الدراسة وأصبحت في الصف الثالث الثانوي شديت حيلي للآخر وجبت نسبة عالية عشان أدخل للجامعة فرحوا فيني أهلي وسووا لي حفلة على مستوى في استراحة تهبل.عزمت فيها كل الحبايب والصديقات وانزفيت أنا وشلتي بالثانوي..والحقيقة كانت هالحفلة فاتحة خير على ريفان لأن وحدة من أمهات زميلاتي خطبتها لأخوها اللي يصير بنفس الوقت خال زميلتي..وخلال شهر تمت الشوفة والخطبة وبعدها الملكة العريس كان طيب أرمل سابق ماعنده أطفال وظيفته طيبة اسمه(عبدالكريم)...
وعلى نهاية الإجازة كان العرس وتجدد اللقاء ببنات عمي اللي ماحضروا كلهم البعض منهم بس...
بعدها بدأت الدراسة وأصبحت طالبة جامعية وكونت علاقات جديدة ودخلت قسم اللغة الانجليزية وصرت أغرِّد في الإنجلش لدرجة إن هواشاتي كلها مع زياد أسبه وأشتمه بالإنجليزي..!!!
أقول له:يو آر دونكي!
يقول لي:يو آر مونكي!
أقول له: يو آر كريزي بوي!
يقول لي:يو آر ستيوبت قيرل!!
أعجبكم أنا أجل ايش؟!!
-------
انتظروني في أحداث أخرى استكمل بعد ساعات...



 
الجزء الأخير​
مرت الأيام ومامن جديدٍ يُذكر كل سنة نروح مرة للديرة لزيارة جدتي وأعمامي ..
وكانت جدتي كل ماشافت أبوي تضحك وتقول:جيت تدور لبنتك عريس ياخلف؟!!
وأرد عليها بإجابتي المعهودة:لا لا عيال المدن بعدهم ماانقرضوا!!
000
الحلو بالأمر إن غيفة طلعت قد كلمتها وكملت دراستها وأخذت الكفاءة!أما الباقيات قعدوا في البيت كل وحدة تنتظر النصيب يجي!!
العجيب في الموضوع إني وأنا بثاني جامعة انعزمت على زواج بالديرة..تهقون زواج مين؟!!!!
زواج يقظانة على مشبب!!ايه نعم..طاح الأعمى على المتكسر!
ورحت أحضر لأن خاطري أضحك..ماضحكت من زمان..لكن فاجئوني أخوات مشبب بسؤال...
قالوا:شعيبية؟احلفي إنك مو زعلانة على زواج مشبب بيقظانة؟؟
أنا:هههههههههههههههه
ههههههههه أي زعل؟إلا هذا يوم سعدي..الله يهنيهم لايقين على بعض!نفس الطول والعرض والحجم والارتفاع والعقلية والصوت بعد!!
وعاد لو تشوفون يقظانة وهي بفستان العرس بتتشقق من الحيا!!كيف ذي؟؟ماتركب!!وكأنها مع المكياج لاح في معالمها شيء من الأنوثة!
-----
المهم مرت السنوات وريفان صار عندها بنتين(جنى+لنا)...وضي توظفت في رياض أطفال وجابت ولد سمته(رائد)...
رند جابت ولد سمته(يزَن)...واشتغلت ادارية في إحدى المدارس الخاصة...
وبآخر سنة لي بالجامعة كانت مدرسة التحفيظ اللي تشتغل أمي فيها ادارية مسويين حفلة تكريم لطالبات التحفيظ وجهت لي أمي دعوة ورحت وحضرت الحفل وشافتني وحدة من المعلمات وخطبتني لولد أختها...
شفته بيوم الشوفة واسمه(باسل) وفرحت وقلت بنفسي أخيراً ابتسم لي الحظ!!
وثاني يوم اتصلت أمه تسأل أمي عن رأيي في العريس قالت لها أمي:الحمدلله البنت مرتاحة...
أم باسل:حتى باسل مرة أعجبته العروس ونبيكم تحددون يوم نتفق فيه على المهر والشبكة وخلافها..
أمي:ابشري بأكلم زوجي ويصير خير
أم باسل:بس الصراحة ولدي باسل عنده شرط!!!!!
أمي(باستغراب):وشهو الشرط؟!
أم باسل:إن بنتكم تغير اسمها!!
حاولت أمي توعدها خير..وأنهت المكالمة ونقلت لي التفاصيل!!
ولأول مرة يابنات حسيت إني معتزة بإسمي ومتمسكة فيه!!
وقلت:يخسى إلا هو..هذا اسمي ومابأغيره طول عمري!
أمي:غريبة!!مو طول عمرك متعقدة من اسمك؟!
أنا:غيرت رأيي... هالحين عاجبني اسمي موووت!!
أمي:ايه بس الناس شرَّايين والعريس لو تطلبينه القمر جابه لك!
أنا:ياشيخة لو يكتب السعودية بإسمي ماقبلت فيه!!أجل إيش؟؟هاللي مارضى بإسمي اليوم..أجل مابيرضى فيني بكرة!!من أولها يبي يتحكم ولد أمه؟!
إلا تفاجئت إن أبوي كان يسمع كلامنا وتوجه لي وعيونه فيها نظرة غريبة ومسكني من كتفي واخترعت! ظنيته بيطقني لكنه قال:
كفو ياشعيبية كفو...اسمك هو اللي مزينك ومعطيك رزة...ويحق لك تفتخرين فيه!
وتفركشت الخطبة!!
وتخرجت من الجامعة وقعدت بالبيت..وزياد تخرج قبلي وتوظف بأرامكو..
خطبت له أخت زميلتي بالجامعة..إحنا يوم كنَّا بآخر سنة هي كانت أولى جامعة..وحددوا زواجهم بعد سنتين وكان اسمها(رُبَى)...بعد زواجهم راحوا لأمريكا لأن زياد بيكمل ماجستير..
مرت الأيام وخطبني ولد خالي أخو أماني تتذكرونها؟!!!
وكان اسمه(ثامر) يشتغل مترجم بالسفارة ووافقت وأنا مغمضة!!!أهل أمي حبوبين جداً...
وأماني طارت من الفرحة يوم درت إني موافقة ومسكتها من إذنها وقلت:شوفي ياأماني وافقت على أخوك محبةً فيك...بس لو بكرة تسوين لي شغل حموات..لاتلومين إلا نفسك!!مغامراتنا وأسرارنا اللي كنَّا نسويها ادفنيها لاتفشلينا عند أخوك!!
أماني:يمه منك!!شكلك نسرة!!الله يعين ثامر!!
ومرت الأيام وتزوجت عقبالكم ياصبايا!!
ورحنا الصين شهر عسل كل الناس هناك يشبهون بعض ياسبحان الله!!!وقعدت أحاول أتعلم آكل رز بالخشبتين لكن امعصي!!هذا المستحيل بعينه!وعقبها ماليزيا..
ويوم رجعت لبيتي ورحت أسلم على أهلي سألتهم عن أخبار جدتي وقالولي:أخبار جدتك ماتسر!!كأنها بدت تخرف!!
وبيني وبينكم هي موب صغيرة على مشارف التسعين..لذلك طقتني النخوة وعرضت على ثامر إننا نسافرللديرة وأزور جدتي وخصوصاً إنها ماحضرت زواجي بسبب مرضها..
ويوم دخلت عليها لقيتها مسيكينة على الكرسي المتحرك وحضنتها وسلمت عليها ويوم جلست قالت لي:مين انتي؟!!
فتحت فمي بدهشة وقلت:أنا شعيبية ياجدة!
جدتي:شعيبية بنت من؟!
أنا:بنت خلف..
جدتي:خلف ولدي؟!!
أنا:ايه خلف ولدك..
جدتي:غريبة!!ماعلمني إنه عنده بنت!
أنا:لاإله إلا الله نسيتيني ياجدة؟!نسيتي شعيبية إلا قفاها ياما ذاق من عصاتك؟إسألي عصاتك وهي تجاوبك!
طالعت فيني عمتي جذوة(أم مشبب) وقالت:جدتك خلاص ياشعيبية ماهي على خُبرك...مرات تعرفنا ومرات تضاربنا وتقول مين انتم؟؟
والحقيقة انكسر خاطري يوم شفتها الله يرحمنا إن صرنا إلى ماصاروا إليه من بعد القوة ضعف ويرجع الواحد كأنه طفل صغير يعتمد على الغير في كل أموره...مين يصدق إن هذي هي جدتي شعيبية؟!!
مين يصدق إن هذي هي جدتي اللي كان ينضرب فيها المثل في القوة والشدة؟
وأما يقظانة دخلت علينا ومعاها 3بزارين ماشاء الله..
أنا:ماشاء الله يايقظانة كلك حركات!ماعندك وقت يابنت كل سنة ياحامل ياوالد!
يقظانة(بصوتها الأجش):الأولاد عزوة عزوة!وش فهمك انتي بس؟!!
إلا فتحت الباب لزوجات أعمامي إنهم يتلقفون ويسألون!!
عمتي حصيفة:هالكرشة بداخلها شي؟!
أنا:تو الناس ماصار لي شهر مِن تزوجت!
حصيفة:وإذا شهر؟ والله يابنت فلان بن فلان حملت من أول ليلة!!
أنا:عاد أنا غير!!وبعدين زوجي ظروف عمله تحتم عليه يسافر كل يوم لدولة..خل نستقر بالأول وعقبها يحلها حلاَّل!!!
عمتي جذوة:لايكون تبلعين شي؟!
أنا:لاما أبلع شي..بس هالحين بأبلع لساني وأسكت وفكونا من ذي السيرة الله يرضى عليكم!
00000
وبالليل يوم جينا ننام قعد ثامر يحكي لي عن انطباعاته عن أعمامي وأولادهم وبنص الحديث قال:تصدقين فيه واحد من عيال عمك ينقال له مشبب..كان يناظرني نظرات غريبة!!
أنا:وشفيها نظراته يعني؟؟
ثامر:مدري حسيت كأنها نظرات شفقة!!وسألني سؤال غريب!
أنا:هاه؟علمني وش قال؟؟
ثامر:قال لي:ماشاء الله عليك ياأخ ثامر والله إنك مزيون...بس هل إنت مبسوط مع زوجتك؟!!!!
فرديت عليه وقلت له:فيه أحد يتزوج وحدة أميرة مثل بنت عمك ومايكون مبسوط يامشبب؟!لكنه طالع فيني بنص عين وقال:سبحان الله...الله يكتب لك الجنة إن شاء الله!!!
طبعاً زوجي كان يتكلم ببراءة وموب فاهم وش الطبخة لكن أنا فهمت قصد مشبب!!مازال مصدق إني أنا اللي في الصورة إياها!!!متذكرين؟؟؟؟؟هههههههههههه أحسن!!!!!
-----
مرت الأيام والشهور وحملت وكانت الدكتورة مانعتني من الحركة...وتصادف ذلك مع الخبر الصاعقة!!!
ألا وهو....

وهو..

انزلوا شوي بعد
0000

ايه..


بعد تحت

بس هنا
وفاة جدتي شعيبية!!!
بعد معاناة مع المرض وخاصة إنها أصبحت مُقعدة في أيامها الأخيرة..
ماأخفي عليكم بكيت من قلب وقعدت أتذكر كل كلمة قلتها عنها أو تصرف غير مهذب سويته معاها وأتندم...ألا ليت الزمن يرجع ورا وأحب راسها وأخدمها بعيوني لكن كلمة ياليت ماتعمر بيت!
وحسيت نفسي مثل المربوطة مو قادرة أسافر لأجل أعزي وبنفس الوقت كل تفكيري فيها أدعي لها وأبكي عليها...
وبعد أسبوع تفاجئت بجرس الباب يدق ورحت أفتح لقيتهم أبوي وأمي...
وكان الحزن واضح عليهم...عزيتهم وانخرطنا في بكاء جماعي!!
وقعد أبوي يذكر لي مواقفها الطيبة مع الجماعة وذكريات طفولته بحلوها ومرها...
وقال لي:شعيبية؟جدتك قبل لاتموت بدت تتذكر أحداث قديمة بحياتها ووصتني وصية..تدرين وش هي؟؟
أنا:لا مادري..
أبوي:قالت ياخلف خِذ عصاتي وعطها لبنتك شعيبية!
هنا انفجرت من البكا وقلت بنفسي:سامحيني...سامحيني ياجدة
----
يابنات لازم تعرفون إن الاختلاف بيننا وبين كبار السن وارد..لأنهم عاشوا حياة مختلفة عننا كليةً...ذاقوا طعم الفقر وحياة الشقا وقسوة البيئة والمحيط وكل هذا انعكس في تصرفاتهم...
المفروض إننا نتعلم من صبرهم وقوتهم وتحملهم...
نتعلم من احترامهم لأزواجهم حتى لو الزوج غلطان
نتعلم من شدتهم في تربيتهم لأولادهم تربية صالحة وتعليمهم معنى المسئولية..
لازم نتحملهم مهما أخطوا علينا وكان أسلوبهم جاف
لازم نحترمهم ونحترم سنهم ومانستخف فيهم..
نصيحة مني:كل وحدة جدتها عايشة تروح وتحب راسها وتقول لها:ياجدة انتي بركة ادعي لنا عسى الله يوفقنا...
----------
تمت القصة بحمدالله

ملحوظة:لمزيد من المتعة والفرفشة مع قصص أخرى..يُرجى الرجوع لملفي الشخصي..
أختكم:
جيانة​
 
بكية في اخر القصصه ..
أذكر جدتي الله يرحمها ,, كانت علاقتي من أحسن ما يكون ... كنت مميزه عندها من ضمن كل أحفادها
كانت دائما تدعي لي ,,
رحلت عن الدنيا قبل سنتين
والله أني أفتقدها دائما وأذكرها دائما

تسلمي جيونه الله يعطيكي ألف عافية
 
بارك الله فيكي وجزاكي عنا كل خير في الوصايا الجميلة
قصتك كانها حقيقية وكلامك الجميل مع النصيحة رزين وطبعا الجدات والاجداد نعمة
من بعد الاهل . الله يرحمهم ويطول بعمر امي ان شاء الله .
 
اه اه اه اه اه القصه تزين ياجيونه

الله يعطيكي العافيه على القصه الروعه

جلست ابكي


هههههههههههههههههه

مشبب عاده فاكر صورتك هههههههههههههههههه​
 
والله بكيت من قلبي على اخر جزء بالقصه

كنت حامل وبأخر شهر لما وصلنا خبر ان جدتي خلاص طاحت وماعادت تفرق بين الناس وتهلوس والله حسيت نفسي مربوطه نفسي اروح واودعها واتسامح منها وبنفس الوقت ظروفي الصحيه ماتسمح
لغاية ماولدت وبعدها باسبوع تقريبا جانا خبر وفاتها اااااه ياربي لك الحمدولك الشكر اللهم لااعتراض

كان نفسي احظنها وابوس رجلينها واقول لها سااامحيني ياجدتي سامحيني ياللي ربيتيني وصبرتي عليا انا واخواتي
بس مابيدي لها الان غير الدعااء
اللهم اغفر لها وارحمها ووسع نزلها واجمعنا بها في جنة قطوفها دانيه

جزاك الله خير الجزاء عزيزتي وبإنتظار ابداعاتك القادمه
 
الحمد لله على سلامتك ومبروك على البيبي الله يرزقك بره والقصه ممتعه ياخفت ظلك ويازين كلامك والله يخلي لك اهلك واحبابك0000
 
جيانة على قدر كم كنت مشتاقة للنهاية

على قدرها كم حزنت لنهاية قصتك

فعلا انت رائعة لكل ما للكلمة من معنى


لقد عشت مع شعيبه و التبع حقونها حتى حسيت اني لي دور مهم في حياتهم


الله يعطيكي العافية

و رجائي لك ان لا يقف قلمك اللهاث عن امتاعنا


و شكرا
 
nana9379 قال:
بكية في اخر القصصه ..
أذكر جدتي الله يرحمها ,, كانت علاقتي من أحسن ما يكون ... كنت مميزه عندها من ضمن كل أحفادها
كانت دائما تدعي لي ,,
رحلت عن الدنيا قبل سنتين
والله أني أفتقدها دائما وأذكرها دائما

تسلمي جيونه الله يعطيكي ألف عافية
أنقر للتوسيع...
الله يرحمها رحمة واسعة...
أسعدني مرورك الحلو
 
مبدعة ماشاء الله لاحول ولا قوة إلا بالله..
الله يحفظك يالحبيبة لأهلك وأحبابك..
أصلح الله لك الذرية ياغالية..
ومبروووووووك البنوته..
والحمدلله على سلامتك..
أنبتها الله لكِ نباتاً حسنا..
بوركت يمينك..​
 
umm yusuf قال:
والله بكيت من قلبي على اخر جزء بالقصه

كنت حامل وبأخر شهر لما وصلنا خبر ان جدتي خلاص طاحت وماعادت تفرق بين الناس وتهلوس والله حسيت نفسي مربوطه نفسي اروح واودعها واتسامح منها وبنفس الوقت ظروفي الصحيه ماتسمح
لغاية ماولدت وبعدها باسبوع تقريبا جانا خبر وفاتها اااااه ياربي لك الحمدولك الشكر اللهم لااعتراض

كان نفسي احظنها وابوس رجلينها واقول لها سااامحيني ياجدتي سامحيني ياللي ربيتيني وصبرتي عليا انا واخواتي
بس مابيدي لها الان غير الدعااء
اللهم اغفر لها وارحمها ووسع نزلها واجمعنا بها في جنة قطوفها دانيه

جزاك الله خير الجزاء عزيزتي وبإنتظار ابداعاتك القادمه
أنقر للتوسيع...
حزنتيني ياأم يوسف...
الله يرحم جدتك ويغفر لها يارب ويجعلها من أهل الجنة..
وبانتظار ردودك دايماً ياعسل
 
جيانة قال:
حزنتيني ياأم يوسف...
الله يرحم جدتك ويغفر لها يارب ويجعلها من أهل الجنة..
وبانتظار ردودك دايماً ياعسل
أنقر للتوسيع...

امين يااارب
جزاك ربي كل الخير ياعزيزتي

والله ثم والله احبك في الله واسأل الله ان يجمعني فيك في الدنيا والاخرة في الجنة ان شاء


 
يجب تسجيل الدخول أو التسجيل كي تتمكن من الرد هنا.
عودة
أعلى أسفل