ســـــياحـــة قـطـر ولأ الـكـويــت !!

[أحــلام امــرأة]

السلام عليكم ..

محتارة بين قطر والكويت !!

مخططين للسفر 5 أيام الشهر الجاي ..

ولا مرة زرتهم ،، لكني محتارة بينهم ..

من راحتهم وأيهم الأحلى للسياحة .. :fish:

لااتخيبوني ..

تحياتي ..

أحلام امرأة ​

 

[فريال]

انا قطرية و زرت كل دول الخليج الا الكويت للأسف ما حصلت لي فرصة ان ازورها..
بس عن نفسي ارحب فيج في قطر و اقول حياج الله اي وقت..
الدرا دارج..
و اسمحي لنا عالقصور..

 

[أحــلام امــرأة]

أهلا فريال

انا قطرية و زرت كل دول الخليج الا الكويت للأسف ما حصلت لي فرصة ان ازورها..
بس عن نفسي ارحب فيج في قطر و اقول حياج الله اي وقت..
الدرا دارج..
و اسمحي لنا عالقصور..

شكرا عزيزتي على ردك ..

والنعم والله بأهل قطر .. تسلمين ماقصرتي ..

أنا من الإمارات ،، وزوجي هالمرة مايبى يبعد بعيد

دوله خليجية .. لكن الكويت أو قطر .. ما أدري ..

أريد أعرض الدوله عليه وكون مطمئنه إن الرحلة بتكون حلوة ..


والله يكتب لنا اللي فيه الخير ..

خبريني عن أماكن بقطر تنصحيني أزورها .. ( إن كانت سفرتنا لقطر )

مطاعم - مراكز تسوق - منتزهات .. الخ


والله يجزيك خير حبيبتي ..

 

[وهـج]

السلام عليكم .. ​

محتارة بين قطر والكويت !!​

مخططين للسفر 5 أيام الشهر الجاي .. ​

ولا مرة زرتهم ،، لكني محتارة بينهم ..​

من راحتهم وأيهم الأحلى للسياحة .. :fish:​

لااتخيبوني ..​

تحياتي ..​

أحلام امرأة ​

وعليكم السلام

اذا انتي رايحه مع زوجج ما انصحج تروحين الكويت
مري على قطر ... ونرحب فيج عندنا​

 

[الفردوس]

موضوع كامل عن السياحه في مدينة قطر في قسم المدن السياحيه

 

[أحــلام امــرأة]

وهـج

وعليكم السلام

اذا انتي رايحه مع زوجج ما انصحج تروحين الكويت
مري على قطر ... ونرحب فيج عندنا

غريبة :questionmark:

ليش المناظر هناك ماتساعد يكون زوجي هناك :smoke1:

يعني انتي زرتيها وتنصحيني بهالشي !!

سبق وعرض علي أخوي الصغير الذهاب لقطر بدل الكويت ..

لكني قلت أتأكد من بنات المنتدى ..


شكرا حبيبتي .. جزاك الله خير ..
​

 

[أحــلام امــرأة]

الفردوس ..

شكرا عزيزتي لا حرمتِ الأجر ​

 

[قوارير]

هلا والله فيج في قطر
شوفي انا عن نفسي سافرت كل دول الخليج طبعا الاولى دبي من غير منازع
باقولك اول عن قطر دام انها بلادي
اماكن سياحية عندك المتحف وحديقة الحيوان وعلاء الدين مو ذاك الزود
المجمعات ستي سنتر (حلو) فيلاجيو(حلو) اللاند مارك(حلو)
حياة بلازا(حليو) المول(حليو)بوينت سنتر(حليو)
الكورنيش حلو وانا احب فيه مطعم باهمبار اكله خليجي بحت وموقعة حلو على البحر وانا اموت على البحر
الفنادق
فندق شرق (روعة) الشيراتون_الفور سيزن -انتر كونتيننتال -الريتز
هاذي اهم الاماكن الي عندنا واذابقيتي شيء معين لا تستحين احنا في الخدمة
اما عن الكويت رحتلها العام في الربيع كان عندهم مهرجان بس ما شفنا شي
لكن الصراحة وايد عجبتني احلى شي عندهم ان اغلب الاماكن السياحية والمطاعم من مولات والعاب ترفيهيه كلها على البحر (أموت على البحر) مجمعاتهم حلوة ومطاعمهم بعد
بس تعرفين ليش تقولج لا تروحين مع ريلج لان اغلب البنات هناك الله يهديهم متبرجين صج وايد متحجبين لكن للاسف مكياج كامل كنهم رايحين عرس
انتي اول فوليلي ايش تحبين في البلد الي تسافرين لها وان بانصحج وين تروحين
اتمنى اني اكون افدتج

 

[وهـج]

وهـج​

غريبة :questionmark:​

ليش المناظر هناك ماتساعد يكون زوجي هناك :smoke1:​

يعني انتي زرتيها وتنصحيني بهالشي !!​

سبق وعرض علي أخوي الصغير الذهاب لقطر بدل الكويت ..​

لكني قلت أتأكد من بنات المنتدى ..​

شكرا حبيبتي .. جزاك الله خير ..​

لاني قلت لزوجي ابي اروح الكويت ​

بضحكه يقول عشان يأخذوني بنات الكويت .. حتى اخواني يقولون هالشي
والبنات غير اللبس والمكياج والدلع ​

 

[تفاحه حمره]

حبوبه اذا تبين شوبنغ روحي الكويت لانه اغراضهم احلى

هني عندنا بقطر نفسكم بالضبط كل المحلات اللي عندكم عندنا

 

[أشرقي]

:icon26:حبيبتي حياج الله بديرتج الثانية الكويت:clap: وكل ديرة فيها الزين والشين:msn-wink:


وبراي تييين مع زوجج أحسن من انه يروح بروحه صح:nosweat:



واذا بغيتي أي شي احنا حاضرين:icon30:​

 

[أحــلام امــرأة]

هلا والله فيج في قطر

شوفي انا عن نفسي سافرت كل دول الخليج طبعا الاولى دبي من غير منازع
باقولك اول عن قطر دام انها بلادي
اماكن سياحية عندك المتحف وحديقة الحيوان وعلاء الدين مو ذاك الزود
المجمعات ستي سنتر (حلو) فيلاجيو(حلو) اللاند مارك(حلو)
حياة بلازا(حليو) المول(حليو)بوينت سنتر(حليو)
الكورنيش حلو وانا احب فيه مطعم باهمبار اكله خليجي بحت وموقعة حلو على البحر وانا اموت على البحر
الفنادق
فندق شرق (روعة) الشيراتون_الفور سيزن -انتر كونتيننتال -الريتز
هاذي اهم الاماكن الي عندنا واذابقيتي شيء معين لا تستحين احنا في الخدمة
اما عن الكويت رحتلها العام في الربيع كان عندهم مهرجان بس ما شفنا شي
لكن الصراحة وايد عجبتني احلى شي عندهم ان اغلب الاماكن السياحية والمطاعم من مولات والعاب ترفيهيه كلها على البحر (أموت على البحر) مجمعاتهم حلوة ومطاعمهم بعد

مشكورة ياعمري .. ماقصرتي ..

بس تعرفين ليش تقولج لا تروحين مع ريلج لان اغلب البنات هناك الله يهديهم متبرجين صج وايد متحجبين لكن للاسف مكياج كامل كنهم رايحين عرس

هذا اللي كنت ابى اتأكد منه ،، لأن أخوي قالي مثل هالكلام..
أحاول أتحاشى الاماكن اللي تكون الحريم فيها على يمينج وعلى يسارج لفت أنظار ( عرس وومعاريس ) وخاصة لو زوجي كان معاي ..

في حريم عادي عندها زوجها يطالع..

لكن أنا لأ .. ليش أعرّض زوجي لهالمناظر ..

والزوج على فكره حاسته البصريه جدا قويه .. وغصبا عنه إلا اطيح عينه عليهن..

إذا في بديل لمكان حلو ونظيف كان بها ،، مافي .. شو نسوي عاد مالبيد حيلة !!

وعلى فكرة .. عندنا بدبي مناظر وكأنج تقولين نحن برا مش في الامارات

بس الواحد يحاول يتجنب قد مايقدر ..

الله يهديهم ويهدينا ..

انتي اول فوليلي ايش تحبين في البلد الي تسافرين لها وان بانصحج وين تروحين
اتمنى اني اكون افدتج

مطاعم عائلية ( بارتشنات) .. أماكن فيها طبيعة ومناظر حلوة ..

نبى أشياء غريبه وغير عن اللي عندنا بالامارات ... مادري كيف قطر !!

 

[أحــلام امــرأة]

لاني قلت لزوجي ابي اروح الكويت ​

بضحكه يقول عشان يأخذوني بنات الكويت .. حتى اخواني يقولون هالشي
والبنات غير اللبس والمكياج والدلع

​

شكرا حبيبتي عالتوضيح ..

بشكل عام ما أخص دولة معينة( من واقع اللي اشوفه عندنا الحين )

في بنات الله يهديهم كشختها ولبسها في المول لفت انظار للرجال .. مصرّه إلا يطالع فيها .. شو نقول عنهم:bigsmile:

ومايهمها كان بروحه ولأ زوجته معاه وكانها تقول طالع فيني انا قدامك ..:1eye:

الله يغفرلهم ويصلح حالنا وحالهم..

وكأن البقية مايعرفون لا لبس ولا كشخة ولا دلع :shutup:

وين الحشمة وين الحيا ..!!

الحمدلله والشكر ..

 

[أحــلام امــرأة]

حبوبه اذا تبين شوبنغ روحي الكويت لانه اغراضهم احلى

هني عندنا بقطر نفسكم بالضبط كل المحلات اللي عندكم عندنا

والله هذا اللي ودي أروح له ،، سمعت وايد إن الشوبنج عندهم حلو واشياءهم غير ،،
وخاصه إنه عندي مناسبه بالصيف :dunno:​

لكن مادري لين الحين ماقررنا ..

جزاك الله خير على ردج ..

​

 

[أحــلام امــرأة]

:icon26:حبيبتي حياج الله بديرتج الثانية الكويت:clap: وكل ديرة فيها الزين والشين:msn-wink:



وبراي تييين مع زوجج أحسن من انه يروح بروحه صح:nosweat:




واذا بغيتي أي شي احنا حاضرين:icon30:
​

صادقة والله كل مكان فيه الشين وفيه الزين ..

حتى نحنا عندنا بعض البنات عليهم حركات وعجايب ،، لكن مادري يمكن أقل عن مستوى اللي عندكم بالكويت

رحنا تايلاند ومارتحنا فيها رغم إن فيها اشيا حلوة .. والسبه مافي حشمه .. !!

قلت لزوجي شورايك بجزر المالديف :detective2:


رد علي : اتعرفين شو معناة جزيرة:sly:

قلت له : جزيرة بعد شو ..:smoke1:

قالي حريم وتفصيخ وسدحات عالبحر والشواطي :shutup:

قلت له خلنا عيل نروح موريشيوس ..:nosweat:

وبراي تييين مع زوجج أحسن من انه يروح بروحه صح:nosweat:

صح كلامج ،، بس يروح بروحه ليش!!:sly:

تسلمين حبيبتي ماقصرتي ..

:bye1:


​

 

[قوارير]

شوفي اختي
مطاعم عندنا بس بارتشينات لا انسي ماانتي بلايقتها لافي قطر ولا الكويت ما في الا السعودية
فيه بس محدودة
مناظر طبيعية مثل ايش ما عندنا الاالبر والبحر
اقولج السفر عموما حلو في اي مكان كفاية تشوفين مكان اول مرة تشوفينه مطاعم وفنادق وتمشي
ان اشوف كل الي يجي الدوحة يستانس فيها
يمكن لان احنا فيها محليينها:msn-wink: هههههههههههههههههههههه(اضحك)
انتي استخيري ووكلي امرك لله وان شاء الله يكتب لج الي فيه الخير

 

[ೋ دلع قطــر ೋ]

حياتي انتي استخيري...

وبعدين خططي لرحلتج..
يعني اذا بتجون قطر اعتقد بتنستانسون في الخمس ايام هذي...
بس لازم تسوون جدول يشمل الاماكن السياحية..

انا عن نفسي اموووت على قطر بالشتا... ^_^ << اكيد احب بلادي..


شوفي ياقلبي .. انا بنصحج الاماكن اللي تروحينها..





اول شي كورنيش الدوحة

والجو الحين رووووعة حق الكورنيش... ^_^




عندج بعد منتجع شرق وهو قريب من الكورنيش... وبنيانه روووعه ومطاعمه حلوة

فيلاجيو الوحيد في المنطقة...وشكله بعد رووووعه... وحلو للتمشي اكثر من التسوق لان المحلات الي فيه غاليه عالفاضي ^_^

بس فيه بعد محلات عادية مثل زارا و كليرز وغيرهم ^_^

منتجع سيلين (شاليهات )

يعني في اماكن كثييييييييرة ممكن تستمتعين فيها لان خمس ايام اعتقد بتكفيج تشوفين اغلب معالم قطر..


وان شالله تستمتعين في الدولة الي بتختارينها.... واجازة سعيدة باذن الله :icon26:

 

[ೋ دلع قطــر ೋ]

اووووووووووه نسيت احلى مكان عندنا


سوق واقف ^_^

 

[أحــلام امــرأة]

شوفي اختي
مطاعم عندنا بس بارتشينات لا انسي ماانتي بلايقتها لافي قطر ولا الكويت ما في الا السعودية
فيه بس محدودة
مناظر طبيعية مثل ايش ما عندنا الاالبر والبحر
اقولج السفر عموما حلو في اي مكان كفاية تشوفين مكان اول مرة تشوفينه مطاعم وفنادق وتمشي
ان اشوف كل الي يجي الدوحة يستانس فيها
يمكن لان احنا فيها محليينها:msn-wink: هههههههههههههههههههههه(اضحك)
انتي استخيري ووكلي امرك لله وان شاء الله يكتب لج الي فيه الخير

أهلا قوارير ..

أكيد انتوا محلينها .. :detective2:



لكن على طاري البارتشنات كيف ماعندكم .. اتوقعت قطر مثل الامارات .. فيها ولو إنها أقلية ..

ماقولج مانروح مطاعم عادية.. نروح بس الواحد يستانس وياخذ راحته أكثر في البارتشنات زحمة فاضي مب مشكله ..

شكرا ياعمري على اهتمامج ،، الله يسر لنا أمورنا ..​

 

[أحــلام امــرأة]

حياتي انتي استخيري...

وبعدين خططي لرحلتج..
يعني اذا بتجون قطر اعتقد بتنستانسون في الخمس ايام هذي...
بس لازم تسوون جدول يشمل الاماكن السياحية..

انا عن نفسي اموووت على قطر بالشتا... ^_^ << اكيد احب بلادي..


شوفي ياقلبي .. انا بنصحج الاماكن اللي تروحينها..





اول شي كورنيش الدوحة

والجو الحين رووووعة حق الكورنيش... ^_^




عندج بعد منتجع شرق وهو قريب من الكورنيش... وبنيانه روووعه ومطاعمه حلوة

فيلاجيو الوحيد في المنطقة...وشكله بعد رووووعه... وحلو للتمشي اكثر من التسوق لان المحلات الي فيه غاليه عالفاضي ^_^

بس فيه بعد محلات عادية مثل زارا و كليرز وغيرهم ^_^

منتجع سيلين (شاليهات )

يعني في اماكن كثييييييييرة ممكن تستمتعين فيها لان خمس ايام اعتقد بتكفيج تشوفين اغلب معالم قطر..


وان شالله تستمتعين في الدولة الي بتختارينها.... واجازة سعيدة باذن الله :icon26:

مرحبا دلع قطر ..

ماقصرتي حبوبه يزاج الله خير ..

الأماكن مع الصور روعه ..

بحطهم في بالي ( أقصد بكتبهم بورقه ) إذا ربي كتب لي السفر لقطر إن شاالله أزورهم ..

وخاصه المنتجع .. أحب هالمناظر وأحب الهدوء مع البحر ..

شكرا حياتي


:bye1:​