خطيبي شخص اصغر مني بـــ..

[الغزالة البيضاء]

كيفكم يابنات الله يسعدكم مع ازواجكم ويهديهم لكم
مشكلتي هو ان خطيبي اصغر مني ب 4 سنوات وللحين يدرس اخر سنه
ثانوية عامه انا بالجامعة وابوي وافق عليه بحكم انه ولد عمي
بس انا مرره خايفة من فرق العمر شاب 18 سنه صحيح هو يعتمد عليه
لكن اعتبره صغير هو شكله ومظهره يعطيه هيبه طول وعرض
عكسي تماما انا شكلي اصغر من عمري "كثير يقولوا اني باقي ثانويه "
وكمان امه هي اللي اختارتني مااعرف رأي الولد بالظبط اش بيكون
والغريب هو يبي الزواج اول مايخلص دراسه ويقدم على وظيفه ابوه متكفل
بمصاريفه هو عنده شقه وسيارة وعنده كمان شخصيه
ومن كلام سمعته هو عنده مقاطع وصور جنسيه <<وهذا زاد الطين بله
بس ابويه وجدي يمدحون فيه ويقولوا فلان ماشاء الله رجال كريم وطيب
في اشياء بينا مشتركة كهوايات الكمبيوتر الرسم القرأة الميول الرياضية

وهو كان يسأل عن مواصفاتي لما جلسنا بالاجازة عندهم الشعر واللون
كمان هي حلوة بالنقاب ولا بدون نقاب هي خافت علي لما سويت حادث ولا لا
وكمان المكياج سال تحط ولا لا ؟هذا السوال ابي اعرف اش قصده فيه
انا مااحط ميك اب الا كحل وروج نادر وماسكرا
اتمنى اعرف اش قصده بالاسئلة هاذي
اسفه طولت عليكم بس حبيت افضفض محتاجه اتكلم عن اللي بجواتي


محتاجه احد يشور علي

 

[ice creeem]

استخيري والله يكتب لك الخيره

 

[زهور المايا]

حبيبتي استخيري وانشاء الله ترررررتحين

 

[قلب تولع بغاليه]

حبيبه قلبي
اهم شي بيكون شاب متدين يكون قد المسووليه

وبالنسبه للاسئله فالاحظ انا انه اغلب الشباب بيسالوا مهما تكلمت ماراح افيدك بشي يالغلا

مافي الا شي واحد تسوينه والله معك

مالك الا الدعاء والاستخاره اذا كان في خير الله بيسره لك واذا كان فيه شر الله بيرده عنه

والله يوفقك يارب

 

[أنا كدا]

عادي حبيبتي اللي بعمره غالبيتهم يكون عندهم مقاطع من هالنوع..ايش تقولين عن اللي بالثلاثين وعنده هالمقاطع؟؟
وادا الزواج بعد تخرجه من الجامعه بيكون عمره مؤهل للزواج وحكايه انو هوا اصغر منك عاادي جداا غيرك تزوجو اصغر منهم ب10 سنوات مش 4 سنوات..ومبسوطين
وخديها مني تتزوجين واحد كتكوت تكونين اول حب له ولاتتزوجين واحد شايب بلغ من الخبره مايكفي ..والتجارب والسفرات الخ لحد ماشبع قال زوجوني..
صدقيني احسن من الكبير بكثيييير...وطبعا استخيري قبل كل شي

 

[دلوعة مجودي]

بصراحه احسه صعبه تتزوجي من واحد اصغر منج لانه بيجي يوم وبيتزوج عليج استخيري والله يكتبلج اللي فيه الخير

 

[danno..}]

استخيري ياقلبي..

محد بينفعكـ في هالموضوع كثر الاستخارة وسؤال ربي

ربي يوفقكـ و يرزقكـ كل مافيهـ صالح وخيرهـ ~

 

[ملكوت]

اهم شي الاستخاره
الله يكتب لك الي فيه الخير

 

[الغزالة البيضاء]

استخرت وارتحت ب على فكرة ابوي رد عليهم بالموافقه
بس قال لامي الخبر وهي قالت لي
تخيلوا ماسالوا موافقه ولا لا طبعا امي قالت احسن خوذي
صغير ولا يزوجك ابوك شايب ولا متزوج طبعا انا بصراحه مافكرت ارفض
اولا لسبب ابوي عطاهم كلمه ثانيا امي موافقه ومرتاحه
ثالثا انه ولد عمي وعمي طيب وكمان مرة عمي
بس مدري اخاف انه يكون مايبيني او اهله بس تكلموا

 

[الغزالة البيضاء]

عادي حبيبتي اللي بعمره غالبيتهم يكون عندهم مقاطع من هالنوع..ايش تقولين عن اللي بالثلاثين وعنده هالمقاطع؟؟
وادا الزواج بعد تخرجه من الجامعه بيكون عمره مؤهل للزواج وحكايه انو هوا اصغر منك عاادي جداا غيرك تزوجو اصغر منهم ب10 سنوات مش 4 سنوات..ومبسوطين
وخديها مني تتزوجين واحد كتكوت تكونين اول حب له ولاتتزوجين واحد شايب بلغ من الخبره مايكفي ..والتجارب والسفرات الخ لحد ماشبع قال زوجوني..
صدقيني احسن من الكبير بكثيييير...وطبعا استخيري قبل كل شي

صحيح كلامك بس هو يبي هالصيفيه بعد مايخلص ثانوي
يعني عمره 18 وانا 22 هذا اللي خايفه منه
ومريحيني قرايبنا مو مفكرين بالعمر بالعكس يقولون صغيره توها عالزواج

 

[رائحة الندى]

الله يكون بعوونك ويوفقك ..

 

[وديان الغلا]

حبيبتي العمر مو مشكله انا اعرف وحده اكبر من زوجها بثمان سنوات ومبسوطه الله يوفقك

 

[الغزالة البيضاء]

حبيبتي العمر مو مشكله انا اعرف وحده اكبر من زوجها بثمان سنوات ومبسوطه الله يوفقك

صحيح بس خوفي من يقول انتي كبيرة ويششوف نفسه علي
بس والله من شافني يقول 16 15 كنت اكره يقولون صغيره
بس اللحين ارتحت لما عرفت ان المرأه اللي يبان عمرها اصغر احسن
وهذا شئ تعلمته من المنتدى

 

[ندى3]

استخيري اول واذا بغيتي رايي لاتوافقين لان فيه مشكلتين الاوله انه ولد عمك ولو ماصلحتي انتي وياه راح تصير مشاكل للعايله قطاعه وغيره والتفتي وشوفي حولك الكل يشكي ثانياا الولد صغير يعني طايش وبتتعبي معاه انواع المراهقه لان الرجال مايعقل الا من بعد الخمسه والعشرين لو انك انتي اللي اصغر منه بثلاث سنين كان اهون لان الحرمه تكبر قبل الرجال افضل شي تاخذي واحد اكبر منك بخمس سنين واذا صار عشر سنين افضل والله يوفقك

 

[المهره الاصيله]

اختي ادام امك وابوكي مرتاحين له خلاص هم ادر منك بمصلحتك

 

[دلع قلبه]

استخيري وفكري بعقل اكثر
شاب في ال18 من عمره هل حقيقة قد المسؤوليه!!!؟؟؟؟؟
لو كان ملتزم كان ممكن نقول يبغى يعف نفسه لكن عنده مقاطع!!!!!
مازلت اراه طائش وحسب كلامك اعتمادة الكلي سيكون على والده مما سيولد لديه شعور بلامبالاة!!
زواجه في هذا السن سيكون تجربة مغامره بالنسبه له ان صلحت ولا بدل البنت عشر!!!!
تريثي اكثر مازلتي صغيره على الارتباط بشاب مراهق!!
استخيري ايضا,,

 

[ملامحي وفا]

اختي الغاليه .... العمر ابد مايفرق بالعكس بعضهم يقول ابي وحده اكبيره تكون عاقله وفاهمه .... انا مثلك خطيبي اصغر مني ب3سنوات وعادي اهم شي اخلاقه واسلوبه ويكون قد المسؤوليه وقد العيال بعدين واذا عن المقاطع عادي الاغلبيه كذا خصوصا العزابي بس انتي انشاء الله بطريقتك تقدرين تبعدينه عن هالطريق من بعد هدايه الله اللهم اهدي شباب المسلمين ......

 

[مصدومه من الناس]

اللهم ان كان فيه خيره لها وفقها ويها وان كان غيركذا ابعده عنهاوالخيره فيما اختارها الله واستخيري قبل كل شي والعمر موشرط لنجاح الزواج والله يوفقك يارب

 

[m.t]

اولا ربي يتمم لك على خير
ثانيا الاستخاره ثم الاستخاره ثم الاستخاره
ثالثا الاخلااااااق فوق كل شي
وغير كذا كها امووور عاديه لها حل ياعمري وبالعكس اذا مايبيك مو مجبور عليك يعمري كان ماجاك بس اكييد انه يبغاك
​

 

[princess dodo]

اختي انا حبيت اعطيكي رايي ممكن اني متاخره شوي انا زوجي اصغر مني بسنه وكان عمرنا وقت اللي تزوجناانا ٢١ وهو ٢٠ صدقيني اننا واجهنا بعض المشاكل ولكن نحب بعضنا والحمد لله ومسالة انني اكبر منه لا اشعر فيها لا هو حتى يشعرني حتى انني اعرف الكثير من اقاربي جاء نصيبهم بنفس الشكل وهاهم لازالو سعداء وموضوع انه يسال عن مواصفاتك فهو شاب ويريد ان يعرف شكل زوجته كما ان كل شاب لديه الرغبه بالاطلاع على مقطع هنا وهناك خاصه في هالسن,,,بتصور من محاسن ان تتزوج المراه رجل اصغر منها بسنه واكثر انه يثق برايها حتى لو اختلفتم قليلا ..شيء اخر يشعر بالجاذبيه نحوها كانثى ناضجه وواعيه وجميله ...والاهم انك ستشعرين بروح شبابيه عاليه وانك لا زلت صغيره...ويكفي ان اهله سعداء بك ممايشجعك على دعم حياتكم الزوجيه لو حصلت اي مشاكل لا سمح الله...ولا تخافي استعيني بالله فانه من فدرلك نصيبك والله يجعله خير وسعاده...