تجربتي مع الشمالي الشرقي فادت ولكن إنصحوني (الجزء الثاني)

[اميره هاشميه]

الله يكتب لك الي فيه الخيير يارب
وعليك بصلاه الاستخاره

قلبي معك ,,,
دعواتي لك....................

 

[بحرانية مظلومة]

تبون تعرفون التفاصيل ....
سمعوا هالفلم الهندي ...
أنا خلص بستجن وأشك إن زوجي فعلا عنده إنفصام بالشخصية ...
وصل الظهر وجايب معاه غداء ... أكلنا وخلصنا وبعدين بدا بالكلام ...
قال شوفي يابنت الناس أنا بعد تفكير بوافق على كل شروطك ...
ببيت ليلة بالإسبوع وبجي 3 أيام بالإسبوع وبعطيش نفقة وأولاد ويلي تبينه ...
أنا إنبسطت وإتناقشنا بأدق التفاصيل ... حطينا النقط على الحروف .. متى بيجي متى بيمشي ... مبلغ النفقة .. كل شي بالتفصيل الممل ...
بعد ماخلصنا كلام قلتله أنا بدي يكون الشاهد على كلامك الله ... وتحط إيدك على القرأن عشان أرتاح نفسيا ....
إضايق وتغيرت ألوانه .. صرت أكلمه مايرد ... بعد عدت محاولات قال إنه إضايق من موضوع القرأن .. وبعد عدت محاولات قال إنه خايف من نفسه وخايف إنه يخذلني ....
قلتله ليش !! خلي عندك ثقة برب العالميين ومادامك بديت تعطيني حقوقي ونحاول نمشي حياتنا صح فرب العالمين بيوقف معك لكن لو بالمستقبل صار إنفصال بكون هالشي مكتوب بس بنكون على الأقل حاولنا ...
حسيته ما إقتنع بالكلام وحسيت في شي ثاني مخبيه ...
حاولت أخليه يتكلم ... قلتله فضفض ... قولي ويش صاير ... من شو خايف !!
وجائت المفاجأة ... بل الصدمة ...
قالي إنه من يومين خبر زوجته وقالها مثل ما إنتي زوجتي هي بعد زوجتي وأنا ملزوم فيها ولازم أعطيها حقوقها ... وهاد واقع لاوم تتقبلينه وقالها غنه ببات عندي وإنه بيجيني 3 أيام بالإسبوع ...
والنتيجة !!!! قالتله طلقني !!! بيكفي إني 3 سنين متحملة إنك متزوج علي لكن إنك تعطيها حقوقها فبعد فمسامحة طلقني والله يهنيكم ببعض ...
يعني بإسلوب غير مباشر يا انا يا هي ...
طبعا هو صارله يومين يحاول يقنع فيها حسب ماقالي بس هي مو راضية ... فقال لها أوكي روحي قولي لأهلك غني بطلقش ... بس هي ماسوت هالشي ...
أنا قلتله ماسألت نفسك ليش الحين؟ بدل مو هي تشجعك على العدل لأنها المفروض متدينة وبتخاف الله !!!
قلتله غنها قاعدة تلعب لعبة مو شريفة ولو هي تبي جد تطلق كانت من زمان خبرت أهلها .. ويش منتظرة ؟؟؟
قلتله روح قولها إذا تبي تطلق تخبر أهلها غنك متزوج عليها واقص يدي لو سوت هالشي .... قلتله انا حرمة وافهم بسوالف الحريم وزوجتك حصلت فرصة وإستغلتها ...
قلتله إذا إنت للحين مو مقرر شي لكن ليش جيت وقعدت تتناقش بشروطي؟ على اي أساس تكلمنا بالتفاصيل؟ ليش ماقلتلي من البداية أسف ومع السلامة ..
قلتله إنت نفس يلي يعطي طفل حلاوة وفرح فيها ولما جاء بياكلها خذيتها منه ... قلتله امشي عنك لاني مو محصلة حقوقي اسهل علي بواجد من اني امشي لانك بتختار بينا..
طبعا هو ماقدر يقولي شي ... فقلتله لو سمحت الحين تقرر إذا كنا هنواصل حسب يلي اتفقنا عليه او بنطلق ...
ومرة ثانية قالي خليها لبكرا احسن
قلتله مافي شي اسمه بكرا انا بدي الجواب الحين
فقعد يترجى اني اعطيه فرصة لبكرا
واخر شي راح ...

تشوفون يلي قاعد يصير طبيعي؟؟ ما ادري ويش فيه !! انفصام .. متخبط .. طايش ... مايدري ويش يبي .... ويش فيه ياناس فهموني...

ويش تتوقعون بيقولي بكرا !!!!!!!!!!

 

[بحرانية مظلومة]

بموت .......... مقهورة ..........ز خاطري أطرشله مسج أقوله ... مو أنا يلي بتنحط بموقف إنك تختار بينها وبين احد ثاني .. انا بنسحب بروحي أحسن

 

[بحرانية مظلومة]

أحس نفسي منكسرة... وكأني أنتظر حكم بالإعدام ...أبغي اطرش مسج ... بس ويش أكتب فيها؟؟
أقوله .. على فكرة أنا مو خايفة ولا فارق معاي ويش بكون قرارك لأن مو أنا يلي تقعد تختار بينها وبين غيرها ... وحبك أثبته لي اليوم بشكل كافي..

أو ويش أقول ؟؟

 

[الورد والياسمين]

ياقلبي الله يفرج همك

جربي اعطيه فرصه لبكره ترى باين انه يحبك لكن عنده ضغوط

انتي قولي له اول شي اخبر اهلك وزوجتك مصيرها ترضى

 

[بحرانية مظلومة]

ياقلبي الله يفرج همك

جربي اعطيه فرصه لبكره ترى باين انه يحبك لكن عنده ضغوط

انتي قولي له اول شي اخبر اهلك وزوجتك مصيرها ترضى

بتصدقي كأنك معي ...
من شوي بعتله مسج
قلتله ... إذا إنت عندك ثقة بالله مثل ماقلت لي .. مفروض يكون عندك ثقة انك قاعد ترضي الله لما بتعطيني حقوقي .. فكر بهالشي عشان الله يساعدك ويثبتك ... توكل واترك الباقي على الله يتكفل بعباده وخلي عندك ثقة إنه بيلين قلبها طالما إنه راضي عنك لأنك قاعد تسوي الصح... الله يهديك ...

 

[الورد والياسمين]

والله قلبي معاك كل ماادخل المنتدى ادور عليك لكن

انت ثقي انه راح يسوى اللي تبغيه باذن الله وانه الحين

بس مضغوط من زوجته لانها الحين بتشتغل عندها نار الغيره

وبتضغط عليه وبتهدده لكن انت قولي طيب وانتظري لانه اذا

انتي ضغطتي وهي ضغطت بيتعب ويمكن مايتصرف صح

انت تمسكي بكلامك وبحقوقك وقومي صلي الليل وادعي ربك

وربي ماراح يضيعك وبتتسهل لك وكلنا معاك وماراح ننساك

 

[القلب المهجور]

الله يفرج لك ويكتب لك الخير وين ماكان
أحس انه يخاف من زوجته وهي ضاغطه عليه
وعشان كذا هو متردد
يعني يبغاك وخايف من زوجته

 

[بحرانية مظلومة]

يابنات أمس الليل بات عندي ..... أنا فرحانة ...
شكرا لكل وحدة دعت لي ... إنشالله تكمل على خير مايرجع يضعف لو زوجته إتمسكت برأيها ...

 

[الورد والياسمين]

يابنات أمس الليل بات عندي ..... أنا فرحانة ...
شكرا لكل وحدة دعت لي ... إنشالله تكمل على خير مايرجع يضعف لو زوجته إتمسكت برأيها ...

مبروك ياحياتي عسى ايامك كلها هناء وسرور وربي يوفقكم وزوجته الله يكفيك شرها

والله فرحت لك من اعماق قلبي

 

[بحرانية مظلومة]

مبروك ياحياتي عسى ايامك كلها هناء وسرور وربي يوفقكم وزوجته الله يكفيك شرها

والله فرحت لك من اعماق قلبي

يا فرحة ماتمت ....
والله أحس إني محسودة ...
الورد والياسمين ... أدري بتقولين فيلم هندي .... بس والله يلي قاعد يصير بحياتي مايتصدق ... مو طبيعي ...
أبي أسألك سؤال ... واحد ولأول مرة من 3 سنين جاء وبات عندي وحصل بينا يلي بيحصل بين أي زوجين ... مع العلم إن زوجي مايسوي هالشي إلا عن حب ونفس مرتاحة ... شلون بتفهمين هالشي؟؟ مو يعني طاح الحطب وإتصالحنا !!!
اليوم الصبح الساعة 6 طلع من عندي ... إتصلت فيه الظهر أسلم بس مارد .. قلت يمكن نايم أو مشغول ...
شوي إلا مطرشلي مسج يقولي فيها إن زوجته خبرت أهلها اليوم إنها تبي تطلق ....
كمان شوي طرشلي مسج إن عديله كلمه يستفسر ليش تبي تطلق
اتصلت فيه بعد مارد
طرشتله مسج قلتله إستهدي بالله ورد علي عشان اقدر افهم السالفة ... بس هو مارد ..
العصر حاولت اتصل فرد علي ... كان ولده وياه مطلعه ... قلتله ويش السالفة يقولي انها خلاص خبرت اهلها يعني الموضوع جد ... قلتله خبرتهم ليش تبي تطلق ... فقالي لأ وإنها سائلته هل تبيني أقولهم السبب الحقيقي ولا بتخترع لهم سبب؟؟
قلتله صدقني مابتقولهم إنك متزوج لأن كل يلي قاعدة تسويه لعبة ...
فعصب علي وقالي إنك ماتعرفينها وهي مايهمها لا اولاد ولا شي وإنها قالتله انا مو مستعدة أشاركك مع وحدة ثانية ولا مستعدة اواصل حياتي بهم وغم بيكفي تحملت 3 سنين ... يعني بمعنى أخر يا انا يا هي ...
وطبعا قالي مافي داعي نواصل هالحوار قدام الطفل ما أبيه يتعقد تعالي وشوفي وجهه كيف صار وسكر التلفون بوجهي ....
انا خليته يهدأ وبعدين باليل اتصلت فيه اتفاهم معاه ...
والصدمة الصدمة الصدمة ....
كلمته عادي ولا كأن في شي أطمن عليه بس هو إسلوبه كان حده زفت بالكلام وبأخر المكالمة قلتله لا إضايق روحك كل مشكلة ولها حل وإحنا تونا متصالحين أمس ...
فقال لي ...
متصالحين !! مين قالك هالكلام !! أنا للحين ما وافقت على شي ...
قلتله نعم !! ماوافقت !! والنقاش تبع أمس والبيات والجنس يلي صار بينا؟؟
يقولي عادي أنا للحين زوجك ومن حقي هالشي وإحنا مو متهاوشيين عشان مانسوي هالشي !!!
قلتله مو متهاوشين!! إحنا يلي بينا أكبر من الهواش إحنا موصلة بينا للطلاق والجنس يلي صار بينا كان مصالحة بطريقة غير مباشرة ...
لتكون مفكرني لعبة بينكم إنتو الإثنين !!!!
فسكر بوجهي وبطل يرد على التلفون ....

ما أدري ويش مفروض فيني أسوي الحين؟؟؟
أنتظره لغاية مايقرر هو يتصل فيني بعد مايصلح أموره مع زوجته!! وكرامتي؟؟ ليش انا كورة بينهم؟؟
ولا أقوله الأفضل إننا ننهي كل شي ؟؟

بضيع يابنات ....

 

[الورد والياسمين]

يا فرحة ماتمت ....
والله أحس إني محسودة ...
الورد والياسمين ... أدري بتقولين فيلم هندي .... بس والله يلي قاعد يصير بحياتي مايتصدق ... مو طبيعي ...
أبي أسألك سؤال ... واحد ولأول مرة من 3 سنين جاء وبات عندي وحصل بينا يلي بيحصل بين أي زوجين ... مع العلم إن زوجي مايسوي هالشي إلا عن حب ونفس مرتاحة ... شلون بتفهمين هالشي؟؟ مو يعني طاح الحطب وإتصالحنا !!!
اليوم الصبح الساعة 6 طلع من عندي ... إتصلت فيه الظهر أسلم بس مارد .. قلت يمكن نايم أو مشغول ...
شوي إلا مطرشلي مسج يقولي فيها إن زوجته خبرت أهلها اليوم إنها تبي تطلق ....
كمان شوي طرشلي مسج إن عديله كلمه يستفسر ليش تبي تطلق
اتصلت فيه بعد مارد
طرشتله مسج قلتله إستهدي بالله ورد علي عشان اقدر افهم السالفة ... بس هو مارد ..
العصر حاولت اتصل فرد علي ... كان ولده وياه مطلعه ... قلتله ويش السالفة يقولي انها خلاص خبرت اهلها يعني الموضوع جد ... قلتله خبرتهم ليش تبي تطلق ... فقالي لأ وإنها سائلته هل تبيني أقولهم السبب الحقيقي ولا بتخترع لهم سبب؟؟
قلتله صدقني مابتقولهم إنك متزوج لأن كل يلي قاعدة تسويه لعبة ...
فعصب علي وقالي إنك ماتعرفينها وهي مايهمها لا اولاد ولا شي وإنها قالتله انا مو مستعدة أشاركك مع وحدة ثانية ولا مستعدة اواصل حياتي بهم وغم بيكفي تحملت 3 سنين ... يعني بمعنى أخر يا انا يا هي ...
وطبعا قالي مافي داعي نواصل هالحوار قدام الطفل ما أبيه يتعقد تعالي وشوفي وجهه كيف صار وسكر التلفون بوجهي ....
انا خليته يهدأ وبعدين باليل اتصلت فيه اتفاهم معاه ...
والصدمة الصدمة الصدمة ....
كلمته عادي ولا كأن في شي أطمن عليه بس هو إسلوبه كان حده زفت بالكلام وبأخر المكالمة قلتله لا إضايق روحك كل مشكلة ولها حل وإحنا تونا متصالحين أمس ...
فقال لي ...
متصالحين !! مين قالك هالكلام !! أنا للحين ما وافقت على شي ...
قلتله نعم !! ماوافقت !! والنقاش تبع أمس والبيات والجنس يلي صار بينا؟؟
يقولي عادي أنا للحين زوجك ومن حقي هالشي وإحنا مو متهاوشيين عشان مانسوي هالشي !!!
قلتله مو متهاوشين!! إحنا يلي بينا أكبر من الهواش إحنا موصلة بينا للطلاق والجنس يلي صار بينا كان مصالحة بطريقة غير مباشرة ...
لتكون مفكرني لعبة بينكم إنتو الإثنين !!!!
فسكر بوجهي وبطل يرد على التلفون ....

ما أدري ويش مفروض فيني أسوي الحين؟؟؟
أنتظره لغاية مايقرر هو يتصل فيني بعد مايصلح أموره مع زوجته!! وكرامتي؟؟ ليش انا كورة بينهم؟؟
ولا أقوله الأفضل إننا ننهي كل شي ؟؟

بضيع يابنات ....

ياقلبي الله يفرج همك قومي افرشي سجادتك وصلي وادعي ربك وزوجك طنشيه واستخيري وشوفي عاد بيدق والا بيطنش انت لاتضغطي عليه والله حزنت من قلبي وربي اني ماانساك من الدعاء

 

[بحرانية مظلومة]

ياقلبي الله يفرج همك قومي افرشي سجادتك وصلي وادعي ربك وزوجك طنشيه واستخيري وشوفي عاد بيدق والا بيطنش انت لاتضغطي عليه والله حزنت من قلبي وربي اني ماانساك من الدعاء

المشكلة إني كنت أنا بموقف القوة وقاعد ينتظر إني اوافق أرجعله ....

والحين قلب الموضوع وصار هو بموقف القوة وأنتظر منه يختار بينا ويرجع لي !!!!

يعني معقول وصلت فيني إني أقعد انتظر يقنع زوجته ترضى عننا وإلا بيطلقني عشان لايخسرها هي والأطفال !!!

وكرامتي؟ ومشاعري؟

 

[الورد والياسمين]

المشكلة إني كنت أنا بموقف القوة وقاعد ينتظر إني اوافق أرجعله ....

والحين قلب الموضوع وصار هو بموقف القوة وأنتظر منه يختار بينا ويرجع لي !!!!

يعني معقول وصلت فيني إني أقعد انتظر يقنع زوجته ترضى عننا وإلا بيطلقني عشان لايخسرها هي والأطفال !!!

وكرامتي؟ ومشاعري؟

ادري ياقلبي انها صعبه لكن انتي غلطتى لمن تكلميه وهو متعصب طنشي لكن هو بيدري انه بس تهديد من زوجته وان شاء الله يرجع سوي نفسك مشغوله وطنشيه واذا كلمك قولي له عادي خلينا ع موعدنا لاتبيني له انك ضعيفه وهو بيشوف الانسب وبيتفاهم مع زوجته لان ها لومن جد تبغى الطلاق كان قالت انه متزوج

 

[الورد والياسمين]

يارب افرج هم اختي بحرانيه واهدي زوجها والن قلبه لها وحننه عليها واكفيها شر وكيد ضرتها اللهم من اراد بها سؤء فاشغله في نفسه ورد كيده في نحره واجعل تدبيره تدميرا عليه ياحي ياقيوم

 

[أنا أنسانه]

االه يفرج همك ياارب ،، ويسخره لك ياحي ياقيوم

 

[الورد والياسمين]

ياقلبي ضرتك الحين هدفها ان زوجك يطلقك لكن لا تحققي لها هدفها انتي صبرتي كثير وزوجك اذا طلب منك فرصه اخيره اعطيه جربي خليه لمن يهدى

 

[روتـــانا]

ما اعرف اش اقولك زوجك يبغاله دكتور نفسي ..

انا احس اتشتت معاكم مني عارفتله راس من رجل ..

هوا احسه بيلف ويدور .. بس بما انه خبر زوجته يعني من جد وافق على شروطك ..

واذا فكرنا وقلنا روحي بيت اهله وخبريهم .. حتطلعي من الموضوع بخساير وممكن يطلقك .. وتكسب زوجته ..

وبما انه متمسك فيك ومو راضي يطلق ..

يعني مافي الا حل واحد ..

انك تهدأي وتصبري وتمسكي سجادتك وتدعي وتستخيري في البقاء معه .. ولو تتصلي عليه ابدااااااااااااااااااا ..

الين هوا يرجع يكلمك .. ولو كلمك لا تاخدي وتعطيه معاه في الكلام .. بس اطلبي انك تنهي الموضوع بشروطك او يطلقك .. وقوليله انا لو اتطلقت ماني خسرانه شي وطالما انا متمسكه بديني وعندي وظيفتي ربي بيكون معي ..

وطمنينا عليك اول بأول ..

 

[روتـــانا]

ما اعرف اش اقولك زوجك يبغاله دكتور نفسي ..

انا احس اتشتت معاكم مني عارفتله راس من رجل ..

هوا احسه بيلف ويدور .. بس بما انه خبر زوجته يعني من جد وافق على شروطك ..

واذا فكرنا وقلنا روحي بيت اهله وخبريهم .. حتطلعي من الموضوع بخساير وممكن يطلقك .. وتكسب زوجته ..

وبما انه متمسك فيك ومو راضي يطلق ..

يعني مافي الا حل واحد ..

انك تهدأي وتصبري وتمسكي سجادتك وتدعي وتستخيري في البقاء معه .. ولو تتصلي عليه ابدااااااااااااااااااا ..

الين هوا يرجع يكلمك .. ولو كلمك لا تاخدي وتعطيه معاه في الكلام .. بس اطلبي انك تنهي الموضوع بشروطك او يطلقك .. وقوليله انا لو اتطلقت ماني خسرانه شي وطالما انا متمسكه بديني وعندي وظيفتي ربي بيكون معي ..

وطمنينا عليك اول بأول ..

اقصد ..

ولاااااااااااااا تتصلي عليه ابداااااااااااااااااا

 

[بحرانية مظلومة]

ونجحت ضرتي ....
أرسل لي مسج من السابعة صباحا يقول لي فيها أننا من الأفضل أن ننفصل لأن المشاكل لن تنتهي ... يقول لي أن الله لايضيع عبده وأرجوكي سامحيني!!!

ماذا حصل فجأة !! لا أعلم ...
أعطاني حقوقي ولكني لم أتهنى فيها يوم ....
هل مسكته من يده بالأطفال !!!
أم أنه جبان لايستحق وكنت بين يديه مجرد لعبة ...
لم أعد اعلم شيئا ...
أكتب لكم ودموعي تنهمر ...
لم يكن قد ولا كلمة من كلامه ووعوده ...
أن يطلقني بسبب المشاكل التي بيننا أسهل كثيرا علي من ان يطلقني لأنها طلبت منه ذلك ....
الم يحسب حساب هذا اليوم؟؟ هل كان باق علي لأنها ساكتة!! قال في نفسه لأتمتع بها أطول فترة ممكنة وإذا بدأت المشاكل أطلقها !!!
لا يمكن أن يكون رجلا بضمير ....
إنه ليس رجلا أصلا ... ولايخاف الله ....
أنا أكرهه بل أكره نفسي بل أكره كل شيء ....