[FONT="]اختي العزيزة ابيك عمري.. اهنيج على هذا المجهود الكبير واتمنى يكون عندج حل لمشكلتي[/FONT]
[FONT="]حبيبتي كان لي تجربه مريرة بزواجي الاول لاني كنت خفيفة ولزقة وحنانه ( طبعا الفضل يرجعلج لاني عرفت شنو الخطا كان)[/FONT]
[FONT="]وانا في زواجي الثاني من رجل متزوج ولديه اولاد (بنت وولد 17 سنه و15 سنه) والام طفشت من ظلم الاب وشكوكه لها وراحت بلدها وتركت البيت ولها اتصال بالاطفال عن طريق النت.....(هذة المعلومات عرفتها بعد الزواج طبعا لان بعدها عرفت كثيرة كانت خداع)[/FONT]
[FONT="]المشكلة انه انهم يطلب مني اعيش معاهم واعاملهم مثل اولادي... وكان ماعندي مانع ولكن الى صار انه يطلبون مني الي يبغونه وبعد ما ياخذون تبتدي حركات العناد والمراهقة والبنت تفكرني صاحبتها.. لازقة فيني كلما حا ابوها قالي شي تسال وتبي تعرف .[/FONT]
[FONT="]والاب حدث ولا حرج ... الغى كياني بالمرة... ومن تزوجنا صاير حراسة دايمة على... اذا بخرج يا هو يوديني يا بنته معي... وبالاخير يبي يسافر وانا انتبه الاولاد( على فكرة انا عندي بنت معي من زواج سابق) وطبعا بنتي في موقع الغيرة ان جابلها ابوها شي قامت القيامة مو بالقول ولكن بالفعل كان حد مات لهم. [/FONT]
[FONT="]طبعا انا متزوجته على حب ولكن صار خلط بالامور المادية كيف؟؟؟؟[/FONT]
[FONT="]قام يجي يتشكى انه له ظرف مادي صعب وموعارف يتصرف ويستمر مسلسل الشكوى حتى اخذ سلفة من البنك ويتمر مسلسل القروض حتى وصل الى اقصى معدل وكان هذا قبل الزواج. بعدين طرت على بالي فكرة حلوة كبزنس وطبعا بديت فيها... ولها مدخول جيد جدا وراس مالها قليل ... قام هو يتدخل ويربط ويحل وكانه مشروعه ... وقفته عند حده وفهمته ان هذا الشي من تعبي ان انته مالك شي فيه... زعل ... بس المدخول الشهري كبير اكثر من راتبي(او ما بقى منه)... لين مليت من تدخلاته وبطلت المشروع من اصله .. والين الحين يسالني متى بتبلشين مرة ثانية (خاصة ان الطلبات كثيرة)[/FONT]
[FONT="]ولما جاء الزواج بعد الملكة طلب مني اعطيه المهر وراح يرجعه لي لما تنزل السلفة... ووافقت ... واجر شقة واثث من مهري... ولما جات السلفة ما علمني وبذرها كلها.... زعلت كثير وتزاعلنا... لين حسيت بخنقة وما تحملت البيت ... نفس الوقت عرفت اني حامل وبدا عندي الوحام... رحت عند اهلي بهل حجة ... زعل وتضايق.... وقام قال لابوي كلام كثير انه هو مو زوجي الاولي عشان تقدر تاخذ مني نفقة... كان النفقة صدقة منه لي... وكلام كثير زعل ابوي وانا ما ارضي عليه الصراحة.... عشان جذي قلت حق ابوي بالاول تعاملو معاه برسمية يحترمكم.. ولا تتكلمون بمشاكلكم جدامه عشان باجر لا يعاير.... وصراحه اهو فيه العبر.... طنشته يومين .. وكان شرطي ارجع البيت بروحي من غير اعياله ويردلي المهر( عياله ما لهم احد غيره بس حدهم شايفين حالهم .. دوم يقولون احنا حلوين وشطار لازم كل شي ايينا بسهالة .. واذا شافو شي بيد احد دون يحسدون ويدعون انه ما يتهنه فيه .) ويشتريلي غرفة نوم جديدة ولكن الظروف خلتني اطرشله مسج لاني دخلت المستشفى لعملية تنظيفات لن الله ما كتب الحمل يكمل ... هو رجع يدق ويتكلم وطلب يزورني بالبيت قتله ابوي زعلان من كلامك وموراضي تدخل البيت وانا امطوله اهني تدري نفاس ... (انا اشوي الظروف في بيت اهلي صعبة الن امي فيها وسواس النظافة والطهارة فالممنوعات كثيرة واحنا نحترم رايها بالرغم من ان ساعات تزودها.. تسال اساله ونرد عليها وهي تجذبنا وهو يدري بهل الشي.. ) فيستغل الموضوع هذا لما اقول بروح حق ردادة يقولي جيبيه البيت .. اقوله امي ما ترضى.. يرد عيل واعديها عندنا بالشقة وتعالي (عشان اكون طماشة حق عيالة) ... وانا ما رديت وطوفت .. وكل شوي ايي بفكرة ويبيني ارجع البيت ....[/FONT]
[FONT="]اختي العزيزة هذي نبذة (كل هل قررقة ) اتمنى اتردين على خاصة انه انا في فترة نفاس وبيت اهلي .... طبعا انا لا ادق... واذا دق ما اتكلم وايد ...او اسوي نفسي اسمع اغاني... عاد قالي ليش ما تدقين اكثر من مرة ... رديت امحنيه ايديني .... على فكرة انا عنيدة جدا وهو ببعد واعصب بسرعة وممكن اقول كلام واااااايد جارح وهو بعد... يعني بالمفيد لا في احترام بينا والميانة اقل من الزيروووو....وهو غرام قلبه ان يحرجني جدام الناس... وهو عارف ان هذا الشي يضايقني.. وانا من النوع الكتوم مشاكلي ما اقولها لاحد... عشان جذي سوا روحه ذكي وراح لابوي قاله الكلام الفاضي... ولما جا ابوي قالي انا قتله كل شي.. وعاتبته قتله انت تضيعون كرامتنا... لما تطيحون الميانه معاه....قالي معاج حق [/FONT]
[FONT="]اختي العزيزة هذي نبذة (كل هل قررقة ) اتمنى اتردين على خاصة انه انا في فترة نفاس وبيت اهلي... اشلون ارد حقي من القروض والمهر... واخليه ينفذ طلباتي... انا مو مادية ولا عمري طلبت كنت انا الي اعطي على طول وانا طالبة حقي لاغير وابي اغير طبعه انه يلزق عياله فيني واكون شاكرتلج حبيبتي ( على فكرة عندي توكيل عام منه)
[/FONT]
