زوجي والشيشه

[ام تويتي]

زوجي دايم طالع مع زملاه مهملني بس ما يقصر في اغراض البيت ولكن الشيشه بتخرب بيتي لاني وصلت حدي من الطفش منه - لانه دايم يتهمني بعدم الاهتمام في نفسي لكن كل ما قولت اهتم خرج وخلاني انا ولبسي الحلو ومكياجي لان زملاه يدقون عليه واطفش لوحدي ويجي وانا نايمه وينام ويقوم وهم مواعدينه يطلع معهم بالله وش اسي عشان يقعد في البيت ولا اخليه واروح بيت اهلي وبلاش ذا الزوج الي مامنه فايده

 

[Salsabila]

السلام عليكم ورحمه الله وبركاته
اول شي حابه اقولك هو ليه ماتسويله شيشه في البيت وقليله وش رايك نسهر معي اليوم
واهتمي هو اش يحب مواضيع تتكلمي فيها او افلام تتفرجي معاه
او تتكلمي ع الشيشه ع النكهات تعليله من دي الجيهه

 

[مترو]

اول شي اعرفي ان كل الازواج خرجون برا البيت اكثر من ما يقعدون في بيتهم .........

لو تشوفي اللي حوالينك و هنا بالمنتدى تلقين ازواجهم يطلعون و يسهرون هذا اذا ما يسافرون بعد ..

زوجك اجتماعي و يمكن هذا طبعه ( كثرة الخروج ) من قبل ما تتزوجون ..

اول شي لا تنشبين فيه و تلحين في طلبك له بالجلوس بالبيت .. بلعكس خليك عادي و لا تبينين له انك متضايقه اذا طلع لان الرجال اذا تزوج و خصوصا بالبدايه يخاف انه الزوجه تقيد حريته و يبدأ لا شعوري بالهروب برا البيت و كأنه يناضل على انه ما يجلس بالبيت ؟؟؟

انتي خليك عادي و ادرسي اهتمامته وش اللي يحب ..
و عيشي حياتك و انتي على سنقه عشره البسي و اكشخي و اتعطري و خلي دايم عندك مفاجأه يعني بعد الغداء جيبي قهوتك و الحلا .. بعده بيوم سوي شاهي و فطاير و يوم مكسرات و ضبطي لنفسك جلسه حلوه عند التلفزيون و تابعي برامج مفرفشه و مسلسلات ..

خليه يشوفك مبسوطه و مبتسمه و بشوشه بدونه .. هو شوي شوي يبي يجي يجلس معك يشوف وش هالوناسه اللي انتي فيها ؟؟

ممكن ما يتفاعل معك بسرعه او حتى يطلع و يطنشك عادي لا تتنرفزين اصبري يوم يومين شهر شهرين صدقيني بيجيه يوم و بيجلس معك ..

حتى لو سويتي هالشي لا تلحين عليه تعال تعال اجلس ذوق و الا تقهوى .. لا قولي انا جالسه بالصاله و مجهزه كذا و كذا اذا لك مزاج تعال و ذوق .. بسسسسس ..

و دايم جهزي عندك سواليف حلوه او نكت او قصص مثيره و ممتعه على حسب اهتمامه ..

او أسأليه عن شي انتي عارفه انه له خبره فيه .. مثلا هو يهتم بالصيد و الا بأي هوايه قولي اللحين وشلون كذا و كذا علمني ..

و اسأليه عن الشيشه كيف طريقتها ليش فيها مويه وشلون تتركب من وين تنشرى و الدخان نوع واحد او انواع ..

و بعدين قولي جيبها فالبيت و علمني كيف اركبها و اسويها لك على نظافه ..

و ادعي ربك يخلصه منها و يكرهه فيها يارب ..

 

[مترو]

و ليش تنامين قبل يجي ..
انتظريه بنفس الجو اللي قلت لك خليه يجي يلقاك سهرانه و مستمتعه على فلم و تشيبس و مكسرات ..

و اذا دخل يلقاك مبسوطه و مبتسمه و سلمي عليه و لا تسألينه عن اي شي احكي له عن الفلم اللي شفتي و كيف كان ممتع ..

و خليه يقول لك عن الافلام اللي شافها و عجبته عشان انتي كمان تشوفينها ...

و اذا انتقدك في اهتمامك و شكلك لا تتحمسين و تعصبين خليك واثقه من نفسك و لا تكثرين الهرج معه ..

و غيري ستايلك مثل ما يعجبه ..

و لا تطولين النقاشات معه او تعاندين عشان ما يشيل بقلبه عليك .. او يطفش من البيت و يطلع و يخليك..
و عشان ما تصير معه حجه كل ما بغى يطلع استفزك و تخانقتوا و طلع و تركك لوحدك ..

و دايم صلي و ادعي ربك يسخره لك و يهديه ..
و اقري البقره دايم دايم .. و ربي بيسمح امورك ..

 

[متزوجه ولكن]

الي عندي يسويها بالبيت واحرق الفرشات
فشلني من الناس اخاف يسألوني وش ذا
وانا ماعلمت احد انه يشيش

 

[لولا111]

و ليش تنامين قبل يجي ..
انتظريه بنفس الجو اللي قلت لك خليه يجي يلقاك سهرانه و مستمتعه على فلم و تشيبس و مكسرات ..

و اذا دخل يلقاك مبسوطه و مبتسمه و سلمي عليه و لا تسألينه عن اي شي احكي له عن الفلم اللي شفتي و كيف كان ممتع ..

و خليه يقول لك عن الافلام اللي شافها و عجبته عشان انتي كمان تشوفينها ...

و اذا انتقدك في اهتمامك و شكلك لا تتحمسين و تعصبين خليك واثقه من نفسك و لا تكثرين الهرج معه ..

و غيري ستايلك مثل ما يعجبه ..

و لا تطولين النقاشات معه او تعاندين عشان ما يشيل بقلبه عليك .. او يطفش من البيت و يطلع و يخليك..
و عشان ما تصير معه حجه كل ما بغى يطلع استفزك و تخانقتوا و طلع و تركك لوحدك ..

و دايم صلي و ادعي ربك يسخره لك و يهديه ..
و اقري البقره دايم دايم .. و ربي بيسمح امورك ..

الله يهديكـ ياختي منها تفرجي افلام ومنها صلي واقري البقره كيف تجي مدري


اقووول صلي واقري البقره واستغفري

واشغلي وقتك باشياء مفيده بس لاتهملين نفسك وحاولي تكوني غامضه وماتعطينه بال بيركض وراك ركضويبي يعرف وش اللي غيرك
ـ
واهم من هاذا كله ادعيله بالهدايه وخلي الاستغفار على لسانـك

 

[NAD08]

الله يهديلك زوجك ويصلح بينكم يارب

 

[NAD08]

الله يهديلك زوجك ويصلح امركم ويجمع بينكم

 

[الورد والياسمين]

الله المستعان