افكاري مشتته وموعارفه لنفسي

[كيوت حدي]

السلام عليكم ورحمة الله وبركاته

اول شي ماادري اذا كان هذا القسم المناسب ولا لاء فاعذروني


ثاني شي مشكلتي بسيطة صعبة بنفس الوقت

مشكلتي صايره افكر كثير بحكم الفراغ اللي عايشته هاليومين

ولان تخرجت وعارفة بالسعودية انسى كلمة وظيفة دخلت الكلية وهدفي بس اخلص منها
لدرجة مااهتميت ولامرة بفكرة ان اجيب معدل ومامعدل
هدفي اتخلص من الكلية المقرفه بانظمتها
ولان من الاساس داخلتها باسم اتخرج بشهادة وبس
هنا عانيت اكثر من مرارة الانظمة والتدريس الغير منطقي
لان الكلية اصعب من الجامعه وماله داعي اشرح اكثر


لكن يوم خلصت حسيت بفراغ كبير لدرجة اصبت بالارق

مشكلتي احب اسوي وعندي طموحات بس مافي شي يشجع و ماادري اش ابي بالزبط

ولاعندي هدف امشي عليه عشان ارتاح غير كذا احس بكسل بس لمجرد التفكير

يعني بالعربي مادري ايش ابغى بحياتي

مجالي اللي تخرجت منه يفرض اكون مدرسة بيني وبينكم مالي شغل تحضير وتدريس وقومة صبح

ولكن ودي ادرس عشان يكون لدي وظيفة ومكانه بالمجتمع


لكن طموحي اكون سيدة اعمال حره

او وظيفة مكتبيه لكن الاهم ابيه يكون ممتع لي اكثر

من فكرة الدخل المادي لان هدفي اكون منتجة اكثر من مستفيده


هنا تجي الفكره لكن ماااااااااادري ايش انا شاطره فيه

نفسي اعرف مواهبي ابي نقطة البداية وانا راح اشتغل على نفسي لان بصراحه ودي

اكون منتجة بالمجتمع لي كياني واهتماماتي

بصراحه احس ماني شاطره غير بالفلسفه على اللي حولي وكلامي دايما يكون محل اعجابهم

لكن انا مااعرف انصح نفسي ولااعرف حتى لنفسي

ادري بتسئلون نفسكم شنو المطلوب مننا

انا بنفسي ماادري لكن حبيت افضفض

يمكن وحده يكون لها تجربه اتعلم منها

يمكن وحدة تدلني شلون اصقل مواهبي بشكل عملي
لان مليت قراءه ومااطبق
ابغا شي سهل ومرن يوصلني لاعماقي
اعرف مواهبي احدد اهدافي وابني طموحاتي
وانجح لاني فاهمة نفسي وحابه ومستمتعه بشغلي

و

مشكورررررررين على القراءة

​

 

[}وردة{]

حبيبتي..
محد بيدلج على توجهج غير نفسج

وأنا أحس أنج ما كنت تحبين تخصصج...طيب ليش دخلتيه؟
بس الحين ما نقدرر نقول لو...الحين لازم تفتحين صفحة جديدة وكللل شي يتصلح بإذن الله!


في أشياء كثييييرة كثييير
وما تقولي...إنسي ما بتلاقي وظيفة؟ ليش؟
الوحد يحسن الظن بالله :39:
قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) .

أحسن شي تسويه أجلسي جلسة هاذئة
وجيبي ورقة

شو المجالات اللي تحبين تطورين نفسج فيها: -ناحية روحانية -ناحية جسدية -ناحية شخصية

مثلاً تريدي تضعفي وتنزلي وزنج أكبي تحت الجانب الجسدي (أشترك في نادي وامارس التمارين الرياضية لمدة نصف ساعة 5 مرات في الأسبوع)

مثلاً تريدي تطوري نفسك من الناحية الروحانية اكتبي( من الساعة 5 إلى 6 اتحفظ 5 آيات من سورة يس)

بالنسبة للوظيفة

أنا أقترح تشتركين في عمل تطوعي لأن العمل التطوعي يعتبر جزء من الخبرة
وممكن تشتركين في دورات لأن الدورات أيضاً تعطيج مزايا
وفي هذي الأثناء قدمي على عدة أماكن تحبين تشتغلين فيها

ممكن تقدمين على وظايف غير التدريس..وشوفي ...يمكن تشتغلين في مجال غير التدريس! من يدري

أو ممكن تكونين في مجال العمل الحر

مثلاً ...ليش ما تفتحين مشروع تجاري في مجال تحبينه؟

أتمنى أكون أفدتج ولو بالبسيط

 

[عايده4]

اختي العزيزه انااقترح عليج انج تبدين بتحليل شخصيتج عن طريق الاختبارات الشخصيه اللي عن طريقها بتعرفين نقاط القوه في شخصيتج وبالتالي تقوينهاوتتعرفين على نقاط الضعف في شخصيتج وتتطورينها للافضل
ان شاء الله اكون افدتج ،،،
والله يسر امرج ويوفقج ف حياتج،،،
تحياتي لج،،،

 

[كيوت حدي]

حبيبتي..
محد بيدلج على توجهج غير نفسج

وأنا أحس أنج ما كنت تحبين تخصصج...طيب ليش دخلتيه؟
بس الحين ما نقدرر نقول لو...الحين لازم تفتحين صفحة جديدة وكللل شي يتصلح بإذن الله!


في أشياء كثييييرة كثييير
وما تقولي...إنسي ما بتلاقي وظيفة؟ ليش؟
الوحد يحسن الظن بالله :39:
قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) .

أحسن شي تسويه أجلسي جلسة هاذئة
وجيبي ورقة

شو المجالات اللي تحبين تطورين نفسج فيها: -ناحية روحانية -ناحية جسدية -ناحية شخصية

مثلاً تريدي تضعفي وتنزلي وزنج أكبي تحت الجانب الجسدي (أشترك في نادي وامارس التمارين الرياضية لمدة نصف ساعة 5 مرات في الأسبوع)

مثلاً تريدي تطوري نفسك من الناحية الروحانية اكتبي( من الساعة 5 إلى 6 اتحفظ 5 آيات من سورة يس)

بالنسبة للوظيفة

أنا أقترح تشتركين في عمل تطوعي لأن العمل التطوعي يعتبر جزء من الخبرة
وممكن تشتركين في دورات لأن الدورات أيضاً تعطيج مزايا
وفي هذي الأثناء قدمي على عدة أماكن تحبين تشتغلين فيها

ممكن تقدمين على وظايف غير التدريس..وشوفي ...يمكن تشتغلين في مجال غير التدريس! من يدري

أو ممكن تكونين في مجال العمل الحر

مثلاً ...ليش ما تفتحين مشروع تجاري في مجال تحبينه؟

أتمنى أكون أفدتج ولو بالبسيط

اول شي اشكرك الف شكر انك رديتي علي واعطيتني من وقتك وكلامك كله صح

بس تدرين فين المشكلة الاساسية مااعرف مواهبي مدري انا شنو ابي مااعرف من وين ابدا

وحتى ماادري كيف الناس تشتغل ماعندي خبره ولاعلمونا حتى بالدراسه شي

ماطورنا مهاراتنا ولاخلونا نكتشف مواهبنا كنا ندرس بس عشان نجاوب على ورقة الاختبار

يعني بجد عقول فارغه عن نفسي شايفه اني ممكن احب العمل المكتبي المطلوب مني دورات كمبيوتر

وانجليزي تبين الصراحه ماودي اخسر نفسي ولااكلم حتى اهلي بذا الموضوع لكثرة البطاله

وقتها بتحطم صج فاقول خليني على ما انا عليه احسن

 

[كيوت حدي]

اختي العزيزه انااقترح عليج انج تبدين بتحليل شخصيتج عن طريق الاختبارات الشخصيه اللي عن طريقها بتعرفين نقاط القوه في شخصيتج وبالتالي تقوينهاوتتعرفين على نقاط الضعف في شخصيتج وتتطورينها للافضل
ان شاء الله اكون افدتج ،،،
والله يسر امرج ويوفقج ف حياتج،،،
تحياتي لج،،،

فكره حلوه


وباخذها بعين الاعتبار

الف شكر لمرورك غاليتي
​

 

[كيوت حدي]

بكرا السبت

وفي مجال اني اقدم على المدارس الاهلية اللي في الحي

وماعندي خبره بمجال التدريس ولالالالالا ابي اسوي شي انا مو حابته

لان ماابي نفسيتي تتعب رغم اني مو حاطه لو واحد بالميه انهم بيقبلوني

عشان كذا كنسلت فكرة اني اقدم على اي شي
​