أرجوكن بطرح مشكلتي بس ما أريد سب أو شتم أريد كلمه طيبه ودعوه من القلب لأني فالنهايه أخت مسلمه وتتمنى مساعدتكن
عمري 21 تزوجت من سنه وعشر شهور من واحد متزوج ومعه ولدين وبنت بس هو كانت حجة زواجه
(أنه ما مرتاح مع زوجته لأنها طويلة لسان وغير رومنسيه ومهملة لنظافة البيت والعيال وكل همها تطلع تلف على الجيران صبح وعصر وتتكلم على زوجها بالزور وتعلم أهلها عن كل شي يصير بينها وبين زوجها)
وطلقها مرتين وأهلها غير راضين عن زواجهم
هذا على حسب ما قالي زوجي وعلى حسب ما سمعت من الناس وعلى حسب ما شافت عيني
بس المشكله أمس صارت بينا مشكله وهي دايما تصير بينا
دايما أحصله يكلم بنات ويتركهن ويعتذر وأحيانا ينكر وأكثر من مره أتصل فالبنات وأطلب منهن يتركنه وبالفعل يتركنه بس هو يرجع يراسلهن وحذفت أرقامهن بس المشكله يحفظ أرقامهن
و ليلة العيد حصلته راسل لهن رسايل العيد وأنا زوجته ما رسلي
مع أني والله ماجصرت فيه أكوي وأغسل وأطبخ وأنوع بالأكل له ولأصحابه وأنظف وأبخر وألبس وأتجمل وأساعده ف أغراض العيد وأشتري أثاث للبيت ودايما أشتري له هدايا ف كل مناسبه ومن أغلى الهدايا وأنا من تزوجت ما هداني الا نادر جدا
وكالعاده أمس كنا نتناقش ف موضوع البنات اللي يعرفهن كان يقولي أنتي ما فيك أدب ورضاك أصلا مايهمني وانتي تريدي تفرقي بيني وبين زوجتي وتفرحي إذا صارت مشكله بينا ومن هذا الكلام الساقط
ويقولي مثل ما وقفتي البنات عن مراسلتي برسل لربيعاتك بقولهن مافيكن أدب وما راح أتركلك رفيجه
وبوسط نقاشنا جته رساله كان أقوله جيب الهاتف خلني أقول لصاحب الرساله مافيك أدب
ضربني ورجعتله الضربه ورجع ضربني مره ثانيه وصارت بينا كبيره
رحت الغرفه الثانيه وشلت عندي ولدي وكسرت شريحت هاتفي وطول الليل مانمت أبكي على اللي صار البارحه
مستغربه وين الحب اللي كان بداية زواجنا وصلنا الحين للضرب والسب والهجر
والله لولا عندي طفل منه كان رحت بيت أهلي ولا جلست معه لحظه
ولو أني أحبه وأموت عليه ولا أستغني عنه لحظه بس اللي أشوفه منه كرهني نفسي
وأكثر من مره أقوله طلقني بس هو ما يرضى يقول أحبك ايش نوع هذا الحب أنا ما أعرف شكله موضه يقولوا أحبك بس عشان إذا رجعوا البيت يحصلو أكل جاهز و نظافه وأستقرار
وللعلم أمس كان يوم زوجته بس هي قالت متنازله عن يومي لأنها تريد تجلس بيت أهلها على أساس متعودين إذا أحد منا تنازل عن يومه ما يرجع يعوضنا يعني المفروض اليوم يكون يومي بس راح اليوم معها لما قلتله اليوم يوم من فينا قال يومها قلت ليش يومها راح عني ولا كأني أكلمه لأنه كان جايب أغراض للبيت وهي معه بالسياره
خلاص قررت ما أجيب منه عيال اللي معي يكفيني
أحسه خايف منها ويحبها حتى لو تزوج عليها لأنها متسلطه بلسانها عليه
وزوجي جنوبي شرقي
أرجوكن أريد حل أو دعوه طيبه
عمري 21 تزوجت من سنه وعشر شهور من واحد متزوج ومعه ولدين وبنت بس هو كانت حجة زواجه
(أنه ما مرتاح مع زوجته لأنها طويلة لسان وغير رومنسيه ومهملة لنظافة البيت والعيال وكل همها تطلع تلف على الجيران صبح وعصر وتتكلم على زوجها بالزور وتعلم أهلها عن كل شي يصير بينها وبين زوجها)
وطلقها مرتين وأهلها غير راضين عن زواجهم
هذا على حسب ما قالي زوجي وعلى حسب ما سمعت من الناس وعلى حسب ما شافت عيني
بس المشكله أمس صارت بينا مشكله وهي دايما تصير بينا
دايما أحصله يكلم بنات ويتركهن ويعتذر وأحيانا ينكر وأكثر من مره أتصل فالبنات وأطلب منهن يتركنه وبالفعل يتركنه بس هو يرجع يراسلهن وحذفت أرقامهن بس المشكله يحفظ أرقامهن
و ليلة العيد حصلته راسل لهن رسايل العيد وأنا زوجته ما رسلي
مع أني والله ماجصرت فيه أكوي وأغسل وأطبخ وأنوع بالأكل له ولأصحابه وأنظف وأبخر وألبس وأتجمل وأساعده ف أغراض العيد وأشتري أثاث للبيت ودايما أشتري له هدايا ف كل مناسبه ومن أغلى الهدايا وأنا من تزوجت ما هداني الا نادر جدا
وكالعاده أمس كنا نتناقش ف موضوع البنات اللي يعرفهن كان يقولي أنتي ما فيك أدب ورضاك أصلا مايهمني وانتي تريدي تفرقي بيني وبين زوجتي وتفرحي إذا صارت مشكله بينا ومن هذا الكلام الساقط
ويقولي مثل ما وقفتي البنات عن مراسلتي برسل لربيعاتك بقولهن مافيكن أدب وما راح أتركلك رفيجه
وبوسط نقاشنا جته رساله كان أقوله جيب الهاتف خلني أقول لصاحب الرساله مافيك أدب
ضربني ورجعتله الضربه ورجع ضربني مره ثانيه وصارت بينا كبيره
رحت الغرفه الثانيه وشلت عندي ولدي وكسرت شريحت هاتفي وطول الليل مانمت أبكي على اللي صار البارحه
مستغربه وين الحب اللي كان بداية زواجنا وصلنا الحين للضرب والسب والهجر
والله لولا عندي طفل منه كان رحت بيت أهلي ولا جلست معه لحظه
ولو أني أحبه وأموت عليه ولا أستغني عنه لحظه بس اللي أشوفه منه كرهني نفسي
وأكثر من مره أقوله طلقني بس هو ما يرضى يقول أحبك ايش نوع هذا الحب أنا ما أعرف شكله موضه يقولوا أحبك بس عشان إذا رجعوا البيت يحصلو أكل جاهز و نظافه وأستقرار
وللعلم أمس كان يوم زوجته بس هي قالت متنازله عن يومي لأنها تريد تجلس بيت أهلها على أساس متعودين إذا أحد منا تنازل عن يومه ما يرجع يعوضنا يعني المفروض اليوم يكون يومي بس راح اليوم معها لما قلتله اليوم يوم من فينا قال يومها قلت ليش يومها راح عني ولا كأني أكلمه لأنه كان جايب أغراض للبيت وهي معه بالسياره
خلاص قررت ما أجيب منه عيال اللي معي يكفيني
أحسه خايف منها ويحبها حتى لو تزوج عليها لأنها متسلطه بلسانها عليه
وزوجي جنوبي شرقي
أرجوكن أريد حل أو دعوه طيبه
