ما شاء الله عليك حبيبتي """" يا عمري ابيك """""
استفدت كثيـــــــــــــــــــــــــــر منك ياغالية
اجا دوري هسة
انا متملكة صارلي فترة وكاعدة اشتري جهاز العروسة وغيره والفلوس مو مكفيتني وكلما افاتح خطيبي بالموضوع يقولي ما عندي فلوس ولما يصير عندي ما اقصر عليك واغرقك بالفلوس والذهب واللبس (( كذبة كل الشباب ))
لان خطيبي عنده مصلحة (( بزنس مشترك )) وينقط الفلوس علي بالقطارة بحيث والله العظيم تجي علي ايام اكرهه لاني ما اطيق الانسان البخيل مع العلم معروف عنه بالكرم !!!!!
تخيلو اشترى لبنت اخوه لعبة بـ 70 دولار بنفس اليوم اللي طلبت فيه بس 20 قلت له محتاجه هالمبلغ ضروري .. للعلم انا بالعادة اخذ اكثر بس مر علي ظرف طارئ محتاجه فيه هالمبلغ البسيط
ولا حياة لمن تنادي
واكثر من مرة اكعد معاه يا ابن الناس انا محتاجه فلوس اجهز والسوق غالي واللي تعطيني مو مكفيني وطلبت زيادة ويظل يقولي بس الله يرزقني مع اني لما قلت له اريد زيادة قالي من عيوني ولما اجيت اريد استلم مصروفي قلت له وين الزيادة قال من الله يرزقني
وقلت له العيد جاي واريد ملابس العيد قالي من يجي العيد الله كريم !! ادري رب العالمين كريم مافي اكرم منه بس متى بلحق اشتري انا اشتري ملابس العيد ؟؟!!!
يعني حسيت نفسي كاعدة اتشحد منه !!! وكرهت نفسي من ورا هالاحساس
ومرة من المرات طنشت وقلت خليني ما اطلب اشوف شو يسوي
طلع الوضع عاجبه ومتناسي سالفة المصروف !!!!!!!!!!!!
يعني اذا اطلب ينقط علي واذا ما اطلب واثقل يتناسى الموضوع من اساسه
حتى مفكرة بهذا العيد ما اروح واعايد اهله ولا ازورهم لاني عن جد ما في فرحة بقلبي واذا سألوني راح اقولهم ما اشتريت لبس العيد وما الي نفس اطلع
مع اني انا مشترية ملابس جديدة بس مخبيتها لبعد العرس ان شاء الله يكون عندي شغلات جديدة البسها
بس والله العظيم مقهورة على نفسي ليش لحتى اطلع من ملابس شنطة الجهاز والبس بالعيد مع انو سي السيد مو معايدني ولا مشتريلي شي ؟؟
ما ادري شسوي !
ساعدوني
