قروب** رشاقتي بأرادتي**(فوق ال 100)

[ام شدوونه]

بنات دام انتم تكلمتم عن السمبوسه بقولكم على طريقتي
الحشوة ماتحتاج دهن ابد
افرمي البصل واخلطيه مع اللحم وحمريه وحطي عليه الخضار والله يابنات نفس الطعم ولا يختلف بأي شي الا انه اخف من الدهون
والعجين استخدمي الاسمر

 

[دبدوبة الدوحه]

مراااااااااحب ام شدونه ..حالتج نفس حالتي مع الاطفال ليحن مانمت والسبب مودي الله يحفظهم ياربي
قالي الدكتور ماتمشين الا يوم تزلين تحت الميه عشان ظهري
بس اخوي دكتوره قاله العكس المشي واايد زين يقوي الظهر
بس بحاول ارتب قسمي حق العيد تعرفين لازم انفضه واسوي جرد كل يوم بسوي لي شغله عشان احرق شوي سعرات حرارايه واذوب الشحووم ... وغير هذا بحاول اتمرن التمارين مالت العلاج الطبيعي بعد هي زينه بس خفيفه عشان تقوي لي فقرات ظهري ..

 

[دبدوبة الدوحه]

مشكوره ام شدونه طريقة السبمبوسه يبيلي روحه للسوبرماركات
اذا عندج طريقه حق الشوربة بكون لج شاكره وممتنه بس ابيها بدون بطاط ولا جزر ولاشوفان

 

[دبدوبة الدوحه]

شكلكم نمتوااا وانا بعد بروووح اناااااااااااام تصبحون على خير واحلام سعيده عن الرشاقه

 

[ام شدوونه]

دبدوبه الدوحه
هلا فيك
لا مانمت بس ماعرف طريقه للشوربه لاني ماحبها
بس بشوف لك

 

[ام شدوونه]

اي افتكرت شوفي امي تسويها بدون زيت
تخلط في الخلاط
طماطم وبصل وثوم
وتحطها في القدر بعدين تحط اللحم ومويه بعدين تحط الشوفان وتخليها تطبخ
هذي الطريقه الي اعرفها بس ممكن تستبدلي الشوفان بالعدس وتصير شوربة عدس

 

[ام شدوونه]

بكمل الصور

 

[ام شدوونه]

 

[ام شدوونه]

بنات اكثركم قالو الشعار هذا افضل

فياليت كل وحده تنزله بتوقيعها

 

[غلا ريان]

هلابكم بنوتات:icon26: يارشيقات المستقبل <<ان شاء الله يآآرب:c016:
جمعة مبــــــــــــــاركة للجميع ..:3:

أم شدونه ..منقوع حبة البركة ينفع لحرق الدهون وشد الجسم انا قرتيتها هون بالمنتدى ..بفرفر واجيب لك الرابط:10:

الريجيم:
كاستين مويه
وبعدها شاي اخضر

وبعده بساعة باخذ شوي خضار مسلوقه وبشرب بعدها زنجبيل وقرفه
وع التراويح ان شاء الله بكمل مشي لاني مشيت بس نص ساعة لانو:30:مفصل القدم يعورني:30:
وبيكون اغلب يومي بين المويه والشاي الاخضر ان شاء الله


الرياضه الي مارستيها:
المشي لمدة ساعة واليوم بتكون عليها نص ساعة زيادة
كميه الماء:.
:33:ما اعرف احسبها بس ان شاء الله تكفي

الاعشاب او الشاي الاخضر:.
شاي اخضر +زنجبيل وقرفه+منقوع حبة البركة
الاعتناء بالجسم:
خلطة الحنا ع الجسم +ماسك للوجه زبادي وحلبه:39:
ساعات تنظيف البيت:

ما بكذب انا ما انظف البيت ابد:20:






ثانيا طريقة حساب نقاطك

الالتزام بالريجيم =10 نقاط واي تخبيص تاخذي صفر=10

الرياضه ماسويت يعني 0
المشي ساعه=10
تمارين شد الجسم لكل 100 تمرين 10 نقاط<<0
الدرج او الاستبيس لكل ربع ساعه=10 نقاط<<0
جري نصف ساعه=10<<0
اوربيتراك نصف ساعه =10<<0
العنايه بالجسم=10
ماسك للوجه=10
ماسك للشعر=10
خلطه او مرطب للجسم =10
شاور=10
سشوار=10<<0
مكياج =10<<0
تنظيف البيت لكل ساعه=10 <<0

يعني انا خذيت 70:33: لا لا لازم ازيدها
:30:
الله يساعدنا يارب

 

[غلا ريان]

وهـــــــــــذا رابط موضوع الحبه السودا أو حبة البركة يا ام شدون
http://www.niswh.com/vb/showthread.php?t=269070

 

[ام شدوونه]

حبيبتي غلا ريان
الله يبارك فيك
ومشكوره على الموضوع ومن بكره ببدأ اضيف الحبه السوداء للشاي الاخظر
يومك حلو ماشاء الله كله نشاط بس حاولي تحسبي المويه والشاي او الاعشاب علشان تزيد نقاطك وانتبهي للالزامي علشان لاتتعاقبي
نقاطك ياعسل 80 لانك نسيتي تحسبي الاعشاب الي شربيتيها اذا انتهي يومك ادخلي وسجلي كل شي سويتيه
انا بطلع لاني مسافره وبوصل ان شاء الله الفجر

 

[viana]

السلام عليكم

مرحبااا يا حلوااااات أيم بااااك
الصراااااحة رااااحة خخخ اتحمست و بالقووووو بعد
بقول الصدق أنا ما بديت ريجيم للحين
الصراحة من فتحت عنوناتي عالدنيا و أنا دبدوووبة و دوم يسمووني بطة
بس كنت أتحرى دلع لاسمي و يوم كبرت اكتشفت إنها سبه لأني دبة خخخخ

حتى صرت أحقد على ربيعات ماماه يوم يقولووولي شخبارج بطة أعصب وأبوز بس أحاول ما أبين .. المهم دوووم يقولولي سوي ريجيم و سوي ريجيم.. و لو سويتي ريجيم بتستوي أحلى و ماعرف شوو.. خخ ما أنسى عمي دب مثلي و أكثر بعد فديته يبا يشجعني مرة كان عندنا عرس و أنا لابسة فستان و كااشخة قالي و الله إنج حلوة بس لو تسوي ريجيم و اتخفي بتعقي الطير من السما و بتشوفي الرياييل طوابير وراج .. شفتوو كيف الناس اتحمس هههه
المهم جربت كذا ريجيم أيام الاعدادي مشيت على ريجيم و نزلت عليه أكثر من 15 كيلو و باباه كان فرحااان واايد و كان يتاابع ريجيمي و يشجعني.. بس بالثنوية رديت انتفخت مرة ثانية و يوم دخلت الجامعة أكثر بعد.. الحين من سنة و نص تقريبا انتبهت على المصيبة اللي أنا فيها ..
اممم صرت أحاول أقلل يعني و أحاول آكل أكل صحي بس مب دووم مرات أنسى و مرات أمل.. و بعد لأني مب مستقرة طول الأيام فسكن البنات و فالويك إند أرجع البيت و أنوااع الأكل و ماعرف شووو آكل تعويض خخخ و هذا غير الوجبات السريعة فالسكن الله يعين بس..
أنا خاااطري أنزل و أكسر الثلاث أرقاااام.. كهدف أول ...
إن شاء الله ببدا من اليوم فالسحور باااكل فواااكه و بكثر ماااي
و من باجر بكتب لكم شو كليت و شو سويت من رياااضة
و الله يقدرني على إني أمسك عمري عن أنواااع الأكل فبيتنا السفرة ما شاء الله أنواااع خخخ بصور لكم عشان تعذرووني لو خبصت ههههههههه
عاد أنا ما أستغل فالبيت إلا إذا اتطوعت و دخلت المطبخ طبخت شي من الملل و مرات أجرب طبخة يديدة.. و سوالف التنظيف و الترتيب و الطبخ و تجهيز السفرة كله عالخدم.. يعني الحلوة ما تتحرك أبدا من مكانها ههههه بس أروح أصلي الترااويح ساااعة و أرد البيت و بس قاعدة أو رااقدة و من زوود القعدة ظهري يعورني .. خاطري أتحرك أسوي شي بس عقب أتعاايز و اترووح كل العزيمة عسب جي سجلت وياكم فالقروووب عسب إذا هونت هزبووووني و غسلووو شرااعي بعد


أم شدوونة حبيبتي استااانست على رسالتج زين ذكرتيني نسيت اتصدقين أمس دخلت المنتدى بس نسيت إني سجلت فالقرووب خخخ واايد أنسى ترااني

عالعمووم يا حلووااات

الوزن الحالي و هالسوالف باجر بسجلها كلهم كااااملة عسب بوزن الحين كم بالضبط و سي يوووو ليييتر ^^"
​

 

[تـسسذاتـا « !!]

الريجيم:
الفطور:
شربت لتر مويه+ ثلآث تمرآت+ عصير اناناس



الساعه 12<بآديه شوربه + ثلآث حبآت سمبوسه بر محمره بالفرن

+ كوب شآهي الضيآفه


واللحين اكلت تفآحه خضرا <وهي سحوري

الرياضه الي مارستيها:
المششي لمدة: 90 دققيقه<سآعه ونص

+

السبآحه

كميه الماء:.
2 لتر ومن اللحين لسحور بشرب الثآلث

.

الاعشاب او الشاي الاخضر:.
شآهي الضيآفه

.

الاعتناء بالجسم:
حمام زيت لشعري

كريم ترطيب لوجهي وايديني

.
ساعات تنظيف البيت:
سآعتين

ثانيا طريقة حساب نقاطك

الالتزام بالريجيم =10[10 مااخبصنا

]

الرياضه [الحمدالله 10

]
المشي ساعه=10[مشينا سآعه

وناخذ 10]
تمارين شد الجسم لكل 100 تمرين 10 نقاط[300 يعني 30 ]
الدرج او الاستبيس لكل ربع ساعه=10 نقاط[بكرا ببدا فيه بأذن الله]
جري نصف ساعه=10[ صفر]
اوربيتراك نصف ساعه =10[ صفر]
العنايه بالجسم[ 10]
ماسك للوجه=10[10 ]
ماسك للشعر=10[10 <<مفرووض للي يسون حمام زيت الحلبه 100 نقطه

]
خلطه او مرطب للجسم =10[

الحمدالله 10]
شاور=10[الحمدالله و10 ثآنيه

]
سشوار=10[نو ]
مكياج =10[نو ]
تنظيف البيت لكل ساعه=10

[سآعتين يعني 20]



[130]نققطه

وامس

[50]نققطه

المجموع [180]
كويس الحمدالله

والقآدم آعلى

صبآيا وش سويتوا الليوم

 

[لاريسيا]

http://www.niswh.com/vb/showthread....59#post5845159


اتمنى تشاركونى الموضوع
واشوف ردودكم الحلو..

عاد ما ابقى تجاهل​

 

[تـسسذاتـا « !!]

viana

وللكم يآغآليه وحياك الله معنااا


حي الله آهل الإمآرآت ~>تموت فيهم

ان شاء الله بنكون عوون لك وانتي عون لنااا

بأنتظـآرررك بكرـآ

 

[تـسسذاتـا « !!]

لاريسيا

رآده ع موضوعك منذو مبطي

موضوعك حلو الله يعطيك الف عافيه

 

[دبدوبة الدوحه]

السلام عليكم ورحمة الله وبركاته

اليوم حاولت مااخربط وقاومت الشبسات والسمبوسه وجميع انواع الحلويات والله خواتي قاموو يضحكون علي يقولوون كله مره ماتخلين بخاطرج وتاخذين قطعه من كل حلوو قلت لهم لا هالمره باحاول مااخربط وفعلا قاومت مع ان البيت عامر اليوم جمعه والناس متجمعه الزيارات العائليه حلاتها ويا الاكل :32: المهم هذه هي يومياتي

الريجيم:ثلاث حبات رطب - كاسين ماي- سلطه - صدر دجاج مشوي- الساعه 10 نسكافيه -الساعه12 لبن وثلاث رطبات والساعه 2 كوب حليب قليل الدسم مع خبز رقاق وجبن

الرياضه الي مارستيها : no
كميه الماء : 8 اكواب وزيادة

الاعشاب او الشاي الاخضر : no
الاعتناء بالجسم:تدهنت بزيت اللوز وحطيت كريم الترطيب بوجهي وجسمي
ساعات تنظيف البيتىno

النقاط

الالتزام بالريجيم =10 نقاط
الرياضه
المشي ساعه=صفر
تمارين شد الجسم لكل 100 تمرين = صفر
الدرج او الاستبيس لكل ربع ساعه=صفر
جري نصف ساعه=صفر
اوربيتراك نصف ساعه=صفر
العنايه بالجسم= 10
ماسك للوجه=صفر
ماسك للشعر=صفر
خلطه او مرطب للجسم =10
شاور=10
سشوار=10
مكياج =10
مجموع نقاطي اليوم 60 :8: شوي ..
اووووووه صج ام شادن مشكوره على الصور تقريبا منها اللي اماراسها لاعلاج الطبيعي لظهري ولازمني الدكتور اسويها بس انا كسلانه عنها :40:

 

[قرار ملكي]

يابنات الله ينحفكم من غير شر وقريب ان شاء الله تتخرجون وتجو عندنا بقروب90
مووووووووفقات وبقووووووووووووه يااااااااارب

 

[دبدوبة الدوحه]

وانا كله اكتب اخر الناس
ولكمووو توته شكلج كتبتي وانا اصفق عيالي:a043: ابيهم ينامون خخخخخخخخ
من قدج اعلى النقاط << اللهم لاحسد