هل يمكن الإستغناء عن الخادمة؟؟

الحالة
مغلق و غير مفتوح للمزيد من الردود.
د

دلع وغنج

New member
إنضم
2007/10/29
المشاركات
428
السلام عليكم ورحمة الله

احترت وين احط موضوعي قلت بما إن هذا ركن الديكور فهو مختص بالمنزل:23:

عندي أربع أطفال أكبرهم ثمان سنوات وأصغرهم ست شهور أو سبع:11:

وأفكر استغني عن الشغالة حاليا ما عندي وحده وأفكر إني ما أجيب

بس حاسة إن الموضوع صعععععععب جداااااا

خصوصا إن أطفالي كسالى
قلييييل يساعدون وفوضويين مررررررره وأنا إنسانة عجازة (( اللهم إني أعوذ بك من العجز والكسل))
وما عندي القدرة على التنسيق بين بيتي والتكشخ لزوجي صايرة دائما حوسة

هل فيكم وحده مثل ظروفي وقدرت تستغني عن الشغاله وما تأثر زوجها
إذا فيه ودي تعطيني نظامها في الترتيب والتنظيف؟؟
 
والله انا مثلك وشغالتي بتسافر والفيزة غاليه وشايله هم


لان اعيالي مايحبون الخدامة وانا عجاززززززززززززززززة

ايش الحل
 
أه ياقلبي جيتي عالجرح والله ..

اكرهم ياناس ما اوطنهم من أول ماتدخل الخدامه بيتي وانا نفسيتي زفت واخلاقي قافله وعندي صداع مزمن ... حتى شكلي يتغير ما اصير حلوه حتى لو اهتم بعمري لاني مضغوطه نفسياً متوتره ... بالعربي أنا ما أثق فيهم طول يومي اشك فيهم وما أئمنهم على بيتي وزوجي .. وبصراحه هما كيدات اذا تحس زوجك يحبك وشايلك او تسمع اي شي خاص بينكم لو صوته وهو يمزح معك او يبوسك تقفل اخلاقها وتصير تتمنى يفكر فيها ...احس ماعندهم ذمه ولا ضمير ودها تشاركك بزوجك .. ودها تجرب مثلك ودها يكافئها على تعبها في البيت بشي من الي بالي بالك >> انا هذا رأيي فيهم وهذا احساسي تجاههم وما اشوف فيهم اي وحده تعرف ربها صح ...

انا افكر استغني عن خادمتي ونهائي ماعاد يدخلون البيت لاكن اجيب غسالة مواعين وكوايه كبييييييييره كهرب .. طبعاً الغساله اتوماتيك وبس ... بصراحه افكر بجديه وقاعده استخير لاني لو سفرتها زوجي بيحلف ماعاد يجيب طفشته استقدم واسفر بعدها بكم شهر ماخليت جنسيه ماجبتها ههههه بالرغم انهم يمشون عندي على الألف والناس تحسدني على انضباطهم بس انا ما ارتاح لهم واحس لو اغفل عنهم دقيقه يسوون بلاوي .. خادمتي لها يومين قالبه وضايق صدرها ؟؟! تتوقعين ليش .؟؟ لاني طلعت ارواب نوم عندي اول مره تشوفها فخمه وحلوه وشكل الموضوع ازعجها ماتعودت .. دايم اغسلهم انا وبعدين قلت ليش خل احطها قدام الأمر الواقع تشوف تعبت وانا اخبي واداري وحسي ما يطلع يا تشوف وارتاح ياتذلف ...! وبعدين شغاله تقلدني صايره استنساخ مني تقلد مشيتي تقلد كلامي حتى بشرتها تهتم فيها صايره قريبه من بشرتي !! بالله هالحركات ليش اذا هي فعلاً جايه تشتغل .... انا استغرب اذا كثير حريم تقول مستحيل استغني عنها لييييييييييه .. يدي ولا رجلي !... استغني عنها وعن ابو ابوها بعد ...

المهم طلعت برا الموضوع بس اتمنى تناقشوني بكلامي الي قلت ... وبالنسبه لك حاولي تستغنين عنهم فتره وتجيبين كل شي اتوماتيك وعيشي حريتك في بيتك ...ياليت فيه تاجير بالساعات من جهه رسميه والله والله ما استقدم ابداً بس الزنقات الي نمر فيها شنسوي ياارب ,,,,
 
المدينة

الله يعينني ويعينك

ملكة رغم الصعاب

الله يصبرك على شغالتك
لقيت يمنيه عايشه كل عمرها بالسعودية ورضت تجي عندي يومين في الإسبوع بس لما انقل للبيت الجديد تبقى مشكلة غسل المواعين وهذي شغله أكرههههههههههههههها شكلي بجيب غسالة مواعين
 
أه ياقلبي جيتي عالجرح والله ..

اكرهم ياناس ما اوطنهم من أول ماتدخل الخدامه بيتي وانا نفسيتي زفت واخلاقي قافله وعندي صداع مزمن ... حتى شكلي يتغير ما اصير حلوه حتى لو اهتم بعمري لاني مضغوطه نفسياً متوتره ... بالعربي أنا ما أثق فيهم طول يومي اشك فيهم وما أئمنهم على بيتي وزوجي .. وبصراحه هما كيدات اذا تحس زوجك يحبك وشايلك او تسمع اي شي خاص بينكم لو صوته وهو يمزح معك او يبوسك تقفل اخلاقها وتصير تتمنى يفكر فيها ...احس ماعندهم ذمه ولا ضمير ودها تشاركك بزوجك .. ودها تجرب مثلك ودها يكافئها على تعبها في البيت بشي من الي بالي بالك >> انا هذا رأيي فيهم وهذا احساسي تجاههم وما اشوف فيهم اي وحده تعرف ربها صح ...

انا افكر استغني عن خادمتي ونهائي
أنقر للتوسيع...

كرهوني في حياتي
نفس ماقاعد يصير لك بتالضبط و اردى
استغنيت عنها الحمدد لله
وجبت غسالة صحون ( موحلوه مره بس خففت عني بعض الشي)
بس الموضوع تعببببببب لاكن افضل من وحده تنا فسني في زوجي
واخره وحده ما ادري ليه جايه تبي تنام وترقد وتتسبح مالها خلق الشغل الظاهر قايلين لها انها بتشتغل مدام وانا شغاله لها..........قلبتي المواجع
عموما انا استاجر بالساعه من حريم ياجرون شغالتهم غاليات
اكرهم اكرهم اكرهم
 
اليفه قال:
بس الموضوع تعببببببب لاكن افضل من وحده تنا فسني في زوجي
واخره وحده ما ادري ليه جايه تبي تنام وترقد وتتسبح مالها خلق الشغل الظاهر قايلين لها انها بتشتغل مدام وانا شغاله لها
أنقر للتوسيع...

هذا انتي قلتيها >> تنافسك على زوجك ... ما ادري اش قصتهم ..اقسم بالله احسهم يعدون علينا كم مره نتروش وكم مره ازواجنا ينامون معانا ؟!!

واذا ارتحتي تبي ترتاح واذا انبسطتي مع زوجك يضيق خلقها ... واذا بتروحين تجلسين معه تموت قهر ... اش هالعيشه الله ياخذهم بنات شووارع صراحه ما تربو ولا يعرفون الدين .... حتى اذا زوجي يجيب مقاضي للبيت تنهبل عليه وتووولع وتطالع فيه بحراره >> خيييييييييير زوجك ؟!! .. والله اني حاطه قوانين صااارمه لها لاكن ابي اعرف لو با امرض ولا بنحد عليها بتستمر على النظام الي حاطته لها !! صرت 24 ساعه اذكرها ان اهي شغاله وان بيتها في بلدها وهي هنا مجرد خادمه تاخذ راتب على شغلها ؟!؟ طيب وبعدين ...

انا مستغربه ليش الاستاذه ناعمه في مواضيعها تصر على ضرورة وجود الخادمه ؟! واني اذا خدمت زوجي راح يشوفني مجرد خادمه ... !! طيب اش فيها ؟؟ والله الرجال يعجب ويميل للي تخدمه وتلمع بيته ...! نفسي احد يرد علي ....
 
ناعمة جزاها الله خير تقصد انك تتفرغين لزوجك لأن هذي مهمتك الشرعية

وشغل البيت الحين مو مثل أول
الحين مايقضي تطفشين وانتي تشتغلين
يخلص الطبخ تجي المواعين تخلص المواعين تجي الملابس تخلص الملابس تجي الحمامات وانتم بكرامه
شي يبط الكبد
 
دلع وغنج قال:
ناعمة جزاها الله خير تقصد انك تتفرغين لزوجك لأن هذي مهمتك الشرعية

وشغل البيت الحين مو مثل أول
الحين مايقضي تطفشين وانتي تشتغلين
يخلص الطبخ تجي المواعين تخلص المواعين تجي الملابس تخلص الملابس تجي الحمامات وانتم بكرامه
شي يبط الكبد
أنقر للتوسيع...

ادري حبيبتي ان هذا قصدها لاكن اذكر في مقال او قصه قالت كيف ينظر لك زوجه وانتي جعلتي من فسك خادمه او شي زي كذا .. وفعلاً الشغل يخلينا ننسى ازواجنا وننسى حتى التفكير في الجنس ..... لكن بالمقابل نصير نفكر في الخدم ومراقبتهم يعني كذا كذا مشغولين وشايلين هم ...وبعدين الخدم صايرين يلمحون بحاجتهم الجنسيه ؟! لو بنظره ...كلههههم والرجال يفهم .... المشكله ان بعض الحريم تدري ان خادمتها مش مضبوطه وتصيدها في مواقف كثير وعادي عندها اهم شي انها تخلص الشغل !! كيف تقبل وحده تفكر في الرذيله قاعده عندها ؟! كيف تقبل وحده تعشق ملابس زوجها عندها ؟! كيف وكيف وكيف .... اهم شي تكون اهي برستيج وجنتل وما يلاقي طريق عليها وبس ...!! والله اني سولفت مع حريم كثير واستشفيت هذا رأيهم ,,
 
لو يفتحون مكاتب تشتغل الشغاله فيها بالساعات كان افتكينا منهم والله ما وراهم إلا الأذيه

بس شر لابد منه لو يسوون خادمات بالساعات تخلص شغلها وتذلف كان احنا براااااااااااااااااحه

ولا ايش رايكم؟؟؟
 
أختي "دلع وغنج" ردي خاص بك

أقصد أنه غير موجه لبقية الأخوات لأنني لا أعرف ظروفهن

أنت ظروفك أقرب لظروفي

أربعة أطفال ربنا يحفظهم .. وآخرهم رضيع هذا شغلة في حد ذاتها ومرهقة ..


الشغالة بلوة في البيت (لآ لآ أغير رأيي عن تلك الفكرة مهما كانت شخصيتها يكفي أنها غريبة في البيت)

أختلف عنك في إني عودت أطفالي على العمل ولله الحمد ... صحيح أحيانا بيجننوني لكنهم ولله الحمد يقدروا يشيلوا بعض ويشلوا أنفسهم

لكن تعبنا

تعبنا فعلا ..

هم تعبوا أكثر مني العام الماضي خاصة بسبب ولادتي القيصرية وبعدها الولد الصغير ..وذاد عليها صحتي تعبت ... وهم أصلا ضعاف البنية وبيتعبوا والدراسة كل سنة بتكون أصعب من السنة اللي قبلها ...

ولأول مرة في حياتي أستقدم شغالة ...

وعلى الرغم من إنها مقرفة وبطييييييييييييييييءة إلا إني أحتفظت بها ... وبتابعها أهون من الشغل بنفسي، وافضل من هلاك الأطفال بين الدراسة وشغل البيت ...

لكن شيئين لا تضع يديها فيهما :

الأكل

وعيالي ولا حتى الرضيع ...

وغرفة نومي برتبها بنفسي وأحيانا بنتي بترتبها

وبترك لها فقط تنظيف الأرض والحمام - الله يكرمك - إذا لم أستطع.

لا تتركي الشغالة الآن على الأقل لما ابنك ربنا يحفظه يكبر ويكمل سنتين​
 
اي والله لازم كل وحده تعلم اولادها مساعدتها في امور المنزل علشان تقدرتستغني عنها يازين الوحده لمن تاخذ حريتا في البيت وياليت كل وحده تقول اش نظامها في اتمام اعمال المنزل للأستفاده
 
ملكة رغم الصعاب قال:
أه ياقلبي جيتي عالجرح والله ..
أنقر للتوسيع...
ملكة رغم الصعاب قال:

اكرهم ياناس ما اوطنهم من أول ماتدخل الخدامه بيتي وانا نفسيتي زفت واخلاقي قافله وعندي صداع مزمن ... حتى شكلي يتغير ما اصير حلوه حتى لو اهتم بعمري لاني مضغوطه نفسياً متوتره ... بالعربي أنا ما أثق فيهم طول يومي اشك فيهم وما أئمنهم على بيتي وزوجي .. وبصراحه هما كيدات اذا تحس زوجك يحبك وشايلك او تسمع اي شي خاص بينكم لو صوته وهو يمزح معك او يبوسك تقفل اخلاقها وتصير تتمنى يفكر فيها ...احس ماعندهم ذمه ولا ضمير ودها تشاركك بزوجك .. ودها تجرب مثلك ودها يكافئها على تعبها في البيت بشي من الي بالي بالك >> انا هذا رأيي فيهم وهذا احساسي تجاههم وما اشوف فيهم اي وحده تعرف ربها صح ...

انا افكر استغني عن خادمتي ونهائي ماعاد يدخلون البيت لاكن اجيب غسالة مواعين وكوايه كبييييييييره كهرب .. طبعاً الغساله اتوماتيك وبس ... بصراحه افكر بجديه وقاعده استخير لاني لو سفرتها زوجي بيحلف ماعاد يجيب طفشته استقدم واسفر بعدها بكم شهر ماخليت جنسيه ماجبتها ههههه بالرغم انهم يمشون عندي على الألف والناس تحسدني على انضباطهم بس انا ما ارتاح لهم واحس لو اغفل عنهم دقيقه يسوون بلاوي .. خادمتي لها يومين قالبه وضايق صدرها ؟؟! تتوقعين ليش .؟؟ لاني طلعت ارواب نوم عندي اول مره تشوفها فخمه وحلوه وشكل الموضوع ازعجها ماتعودت .. دايم اغسلهم انا وبعدين قلت ليش خل احطها قدام الأمر الواقع تشوف تعبت وانا اخبي واداري وحسي ما يطلع يا تشوف وارتاح ياتذلف ...! وبعدين شغاله تقلدني صايره استنساخ مني تقلد مشيتي تقلد كلامي حتى بشرتها تهتم فيها صايره قريبه من بشرتي !! بالله هالحركات ليش اذا هي فعلاً جايه تشتغل .... انا استغرب اذا كثير حريم تقول مستحيل استغني عنها لييييييييييه .. يدي ولا رجلي !... استغني عنها وعن ابو ابوها بعد ...

المهم طلعت برا الموضوع بس اتمنى تناقشوني بكلامي الي قلت ... وبالنسبه لك حاولي تستغنين عنهم فتره وتجيبين كل شي اتوماتيك وعيشي حريتك في بيتك ...ياليت فيه تاجير بالساعات من جهه رسميه والله والله ما استقدم ابداً بس الزنقات الي نمر فيها شنسوي ياارب ,,,,
أنقر للتوسيع...



صدقت أعيش كل كلمة كتبتيها

لكني صددت الشغالة من أول لحظة

أعطيتها حدود تلتزمها

ممنوع تتكلم ولا تطلب من زوجي أو ابني أي شيء - على الرغم من ان ابني أصغر من ابنها.

لقيت إن ما عندها مشكلة نكون جالسين في الصالة تطلع تنظف وتمسح - اجتهاد يا عيني عليها - تركتها وآخر النهار دخلت لها وقلت لها زوجي ضايقه وجودك أثناء وجودنا في الصالة وقال ما تشتغل وأنا جالس ..
من بعدها صرت أنزل الصالة بدري وأخليها تنظفها وتمسحا وبعدين أطلع أصحيه .. ولما أناديها تنظف أقول لها بسرعة قبل ما ينزل بسرعة ..............

أخذت فترة كسلااااااااااااااانة وبس تنااااااااام وتاكل وتهتم بنفسها قلت لها: زوجي مصر يرجعك المكتب بيقول ما أدفع راتب نوم ..

كنت طالعة أنا وبنتي والباقيين بيبقوا في البيت فقلت لبنتي روحي قولي لها تستعد علشان طالعين هي بتطلع معانا .. عارفاها بتعترض فقلت لبنتي وقولي لها إذا اعترضت قولي لها ماما قالت لبابا خليها تخلص شغلها هو قال لا لا تتركيها خذيها معاك وشغلها تخلصه بعد ما ترجع ....:10:
أول مرة خرجت مع زوجي وتركتها في البيت مع أطفالي بس دخلت قبل زوجي لقيتها متوضبة - كأنها منتظرة زوجها :9:قمت صارخة فيها : ما هذا؟؟؟ أين جلابيتك؟؟؟

قالت ما ينفع أجلس كدة غاسلة الجلابية!!
قلت لها: لأ ما ينفع .. عندك جلابيتين (عاملة حسابها وجايبة ملابس محتشمة وملابس حدث ولا حرج :30:) قالت غاسلة الاثنين قلت لها : للصبح تظلي في المطبخ إياااااااااااااك تطلعي الصالة كدة ... وقلت لها: ومعاذ شافك كدة ؟! أقصد ابني قالت ل توي ألبس ما لحقت ...

أعطيتها حبس انفرادي للصباح علشان تحرم ...

المهم الصبح طالعين نعمل لها الكشف الطبي قلت لها تستعد ألاقيها لابسة نفس الزفت :33:قلت لها فين عبايتك (ما هي جايبة كل العدة معها :31:قالت ما ينفع أطلع كدة؟؟
قلت لها تبي زوجي يذبح لو شافك كدة؟!!!لبست عبايتها :24:​
 
بنااااااااااااات بناااااااااااااااات المسألة مسألة تنظييييييييييييييييييييييييم
احنا حياتنا فوضى وقتنا فوضى
سوي جدول معين ونسقي
سيبيكي من التسويف والتأجيل ونظموا نفسكم...
مثلا وقت مايروح زوجك الدوام حطي خلطة لشعرك او حمام زيت ولفي شعرك واشتغلي ابدأي بترتيب المنزل وتنظيفه والكنس وتنظيف الزجاج والارضية وغيره
بعدين اتحممي وامسكي المطبخ غسلي صحون الفطور

حظري الغداء روحي اتكشخي قبل مايجي زوجك وجهزي السفرة
بعد المغرب غسلي صحون الغداء
وبعد العشاء حظري وجبة خفيفة للعشاء
الغسيل والكوي لهم وقت معين
غسيل الصحون لايترااااكم اول باول وجيبي غسالة صحون افضللك
طبعا لاتنسي تعطير المنزل دائما

لو كنتي موظفة وعندك دوام واطفال نظمي جدولك باللي يناسبك بس ابشري بعد دا كله
بالتعب والارهاق واوجاع العظام ههههههههههههههه
بس هذا التعب ولا تجي شغالة في بيوتنا تحسدنا على لقمتنا ولبسنا وماتقدري تلبسي براحتك !!!
اهم شي لايجي نظافتك لبيتك على حساب نفسك
خليكي متوازنة في حياتك ولاتنسي تتغذي كويس عشان ماتطيحي في نهاية اليوم من شغل البيت

خخخخخخخخخ

حبيت اقلكم بافكاري<<<تراها مخطوبة لسة ماجربت هههههه
او احسن شي جيبي شغالة تروح وتجي يعني ماتبات من بنات البلد
تنظفلك البيت وتروح
واقعدي اتفرغي لنفسك
 
أوافق روووني على رأيها
فعلا ً لو كان فيه تنظيم وتعاون أهم شي من الزوج والأولاد
يكون كل شي على مايرام
وبعدين لو حسبتيها بنفسك وجدتي إن مساويء الشغالة أكثر من محاسنها
هاذا فضلا ً إن بعضهم تجيك ظل شغالة .. ماتعرف تسوي شي وتكونين بليتي نفسك بهم جديد

ومو لازم كل الاشغال تتسوى في نفس اليوم
مثلا ً الكوي خصصي له يوم .. والغسيل له يوم حتى يكون اوفر للموية والصابون اللي تستخدميه فضلاً عن لو انك تغسلين كل يوم ..
مسح النوافذ والجدران والابواب وتنظيف المجالس يكون يوم بالاسبوع .. لأن مابيكون عندك كل يوم ضيوف .. وقيسي عليها باقي الاعمال

تكوني كسبتي زوجك وبيت منظم واطفال مربين تربية سليمة ورجيم طبيعي بدون ريجمات كيميائية

جربي وماتخسرين

مجرد رأي

وألف شكر لصاحبة الموضوع

 
السلام عليكن ورحمة الله وبركاته
ارجو منكن قراءة ردي في موضوع( معا لنبدأ حملة لمقاطعة الخادمات ملف ساخن جدا )الصفحة التاسعة
كتبت يومياتي بدون خادمة اكيد رح تستفيدو منها انا كمان عندي اربع الله يحفظهم وبيتي دورين كتبت كلام كتييير مرة لا يفوتكم
 
التعديل الأخير:
لو اطاوعين الشغل مراح يخلص يخلص العمر او شغل البيت ما يخلص
مش لازم يصير البيت كانه ماسه تلمع من النظافه كل يوم سوي شغله او الله لا يحوجك لي الشغاله
طبعا و فري غساله الأواني او شركات التنظيف ما تقصر جبيها في الشهر مره تنظف لك البيت من إلى
و لا تسكني في بيت مثل القصر سكني في بيت يلمك انت و اعيالك مثل الدبلكس او اذا عندك حديقه في البت خلي زوجك تفق مع عامل مزرعه يجي مره في الأسبوع او كل ما احتجتيه يدق عليه ينظف حديقة البيت
او مقاضي البيت تعاوني مع اعيالك في ترتيبها

الطفل يجي جاهل اوانت تأسسينه اسسيه صح يمشي صح ة

او طبعا خليلك غرفة لضيف او دورة مياه خاصه لل يستخدمهاد ا افر البيت

 
والله يابنات اناجربت الخدم بس الحمدلله ما مريت ولاشفت الي شفتوه انتواا

بس انا اعتقد لو اتيبين اندونيسيه او فليبينيه اوا ثيوبيه هذيله ينخااف منهم اما لو يبت هنديه او من بنغلاديش والله هذيله احسن بوايد من الفلبن وربعهم والحمد انا ما عانيت من خادمتي ابذا اتعرفين هالاشكال الهنود وربعهم بس يخلصون الشغل ويقعدون حطيلهم الذش الهندي وانتي بسلام بس ما ادري عنكم في ناااس ما اتحب الا الاندونيسيات او الفلبينيات اونهم نظاف شو فايدة النظافه والقلب مليلن حقد على مدامت البيت

والله خدامتي كانت اتسوي كل شي في البيت وانا كنت متفرغه لعيالي وزوجي وهي بعد كنت اطلعها وما احب اتأمر على الخادمه طووول عمري احسه مرض نفسي .. اول ما اتيج الخادمه علميا على نظامج الخاص ...

وانتوا حاولو يا بنات الي اتحس نفسها من جد هي محتاجه خادمه اتييب من الجنسيه الهنديه او البنغاليه بس اتكون مسلمه وعامليها باحسان تعاملك باحسان واذا شديتي هي بعد بتشدفي النهايه هي انسانه ....
 
حبيباتي .. بقول لكم على نقاط جداً مهمة ..
انا عايشة في امريكا .. و اشوف كيف الناس هنا عايشين بدون الخدم .. و ما عندهم مشاكل ..

أولاً العوائل هنا ما يجيبون عيال كثير مثلنا .. لأن البيت الصغير يضيق بهم مع كثرة العيال .. يعني بتضطر العائلة تعيش في بيت كبير .. و البيت الكبير يحتاج شغل .. و هم عارفين جداً الفوضى و البهدلة و الوساخة اللي تأتي مع الأطفال .. عدا عن ان الاطفال محتاجين رعاية و اهتمام كبيييير .. فالعدد المحدود من الأطفال هو أفضل حل لهم ..

ثانياً.. كل شيء لتوفير الشغل متوفر لديهم .. غسالات الصحون .. و الغسالة و النشافة مع بعض .. بحيث ما تحتاجين لنشر الغسيل في الخارج ..

ثالثاً.. عندهم خدم تستأجرينهم بالساعات .. تجي الخادمة تنظف البيت و تكوي الملابس ..

و اذا حبوا الأم و الأب يطلعون مكان يجيبون بيبي سيتر .. تجلس مع الطفل تهتم فيه لحد ما يجون الاهل ..

و مع التنظيم ممكن الوحده تخلص عدة أمور..
و أيضاً.. التنازل عن بعض المتطلبات ضروري .. يعني مش لازم يكون البيت نظيف و يلمع دائماً.. لابد مع الأطفال من تقبّل بعض الفوضى ..
و يجب على الزوج المشاركة مع زوجته في بعض الأعمال ..
و اذا تعلم كل طفل يرتب غرفته قبل ما يطلع منها .. و يرجع صحنه للمطبخ بعد ما ينتهي من الأكل .. و العيال الكبار يغسلون صحونهم بنفسهم .. هذا الشيء ممتاااااز ..​
 
الحالة
مغلق و غير مفتوح للمزيد من الردود.
عودة
أعلى أسفل