قالي: احبج حياتي .. قفلت في ويهه

[الويهـ السموحي]

السلام عليكووو ورحمة الله وبركاته

شحاللكووو بنوتااات .. ياربكوو بخير

هههه الموضوع مبين من عنوانهـ .. ياليت وحده عندها خبره تنصحني ..~

الله يسلمكم الموضوع من البدايه .. امي بعد الاربعين مآلي بشهر كانت بتسافر هي وخواني الكبار ومحد بييلس عند الصغار فالبيت ... فقلت لريلي انا بروح بييلس عند خواني قالي لازم قتله يب يب قال اوك .. المهم يلست عندهم سبوع لين ردت امي من السفر .. وبعدها كان هو بيسافر فقالي تمي عند اهلج لاني اعرفج بتضايقين من اليلسه فبيت اهلي بروحج انتي وولدنا ( للعلم انا مضاربه ويا خواتهـ ومابيني وبينهم كلام وانا 24 سآعه فقسمي وفحآلي ... سلام عليك يا جاري انته فدارك وانا فداري ... المهم وهو مايقعد وايد فالبيت 24 سآعه برع بسبب سفرته واشغالهـ .. فكنت وايد اضايق لاني دايما بروووحي ماعندي حد حتى اسولف وياه

المهم الله يسلمكم انا تميت يالسه فبيت اهلي ,, وهو كل كمن يوم يطل علينا وسلام ويروح ...

ندخل في صلب الموضوع والمشكله يؤيؤ

قبل مايسافر باسبوع قتله يا الطيب انا ماعندي مصروووف ,, عطني مصرووف قال ماعندي قتله عيل كيف بتسااافر !!! .. قال ماعندي ولا شي ,, وكل ماكلمه يغير الموضوع
وكثر مازنيت ع الموضوع قلت فخاطري اكيد بيعطيني مستحيل يخليني انا وولده هيك

المهم قبل مايسافر بيومين مايكلمني .. والبارحه اتصلي يقولي حياااتي انا بساافر تبين شي !! قتله ليش انته وين قال انا ع الحدووود ( لا واللله احلا سلام الصراحه ))
قالي شوفيه صوتج
قتله انا مريضه >> (( كنت مريييضه كتير ))
المهم قالي سلامتج وهيك ويلا فداعة الله وانا احبج
قتله زين >>> مب مستوعبه الموضوع وسكر

بعد ثواني صحصحت رديت اتصلتله قتله انته ويييين !! قال انا برع خلاص قتله لا والله ومصرووفي انا وولدي !!!! وليش ماييت سلمت علييينا

قااال كنت مستعيل قتله كيف تجهز من شهر لسفر واحينه مستعيل !!!!! وع الاقل وين مصرووفي ليش تبا تخليني انا وولدك هييييك
قال انا عندي ريااال الحين .. رحت قفلت فويييهه

....

هالموضوع

خوااتي مآعرف شو اسوي حاليا انا فبيت آهلي .. وماريد اطلب اي شي منهم اييي شي .. مش سالفه بخل او غيره .. بس انا وايد مفتشله منهم يسد انهم يصرفون عليه انا وولدي من زماااااان .. فقلت بطرش مسج لابو الشبآب وبقووووله كل الي فخاااطري .. وبعدين بطرشله بقوله انا ببيع التلفون لاسمح الله نقص شي على ولدي ( تعرفون بيبي عمره 3 شهوور وهيك ) ... وشو رايكم .. ياليت وحده تدخل تنصحني تعتبرني اختها الصغيره .. لاني استحي افاتح امي او اي حد من اهلي فهالموضوع .. والله يجزيها خير الي بتدخل وتنصحني

 

[الويهـ السموحي]

مع العلم انه جنوبي شرقي

 

[فداك الجرح]

والله اختي الله يعينج .. ويسخر زوجج لج

 

[alhelwa 24]

حبوبة ما حبيت اطلع بدون رد بس في كذا شي حبيت اعلق عليهن بالقصة الجنوبي مسالم ما يحب المشاكل بس يموت بالعلاقات الاجتماعية واكيد هو متضايق من سالفة خواته بس يمكن ما حب يبين هالشي وبعدين هو اتكالي وايد يعني اذا اتعود حد غير يسد طلباتج ما يهتم والصراحه انت غلطتي لما سكرتي بويهه يعني في 100 طريقة يحولج فيها مصروفج بس انت قلبتيها زعل والحين هو بيسوي فيها زعلان ويمكن يطنشج يعني ما اعرف بس الجنوبي وايد حساس وعاطفي وبالتفاهم تاخذين منه كل شي اما بالعصبية ولا شي والحلو في هالطبع التسامح اعتذري وخليه هو اللي يحولج ولا تبيعين التلفون ولا شي هو لازم يصرف عليج مشكلته ما عنده فلوس ياخذ من اهله ويعطيج مب مشكلتج بس خذي حقج بهدوء اتمنى فهمتي قصدي

 

[الطائر الهادى]

الله يعيييييييين

عادي اخذي من اهلك الي تحتاجييين

واذا جااا قولي تفشلت وخلينا بموقع يفششل وهالكلام

وبرطمي عليه احسن بس ياليتك ما سكرتي بوويهه التلفون

 

[اشراقه جديده]

الله يعينك يبيله هدؤء وراحة وطولة بال
ارسلي له انك كان نفسك تودعيه وتضميه وصعبان عليك فراقه ومن ها الحكي واذا جا على خير وسلامه اخذي منه الاولي والتالي وقولي انا استدنت من صديقه لي وحطي ببالك انك دايم تجمعي لك مبلغ ولا يدري عنه ولا بياخذه منك للوقت الونقه ينفعك وعوديه بهدؤ على المصروف
موفقه

 

[الويهـ السموحي]

والله اختي الله يعينج .. ويسخر زوجج لج

تسلمين حبيبتي والله جد انا محتاجه ه الدعاوي

 

[الويهـ السموحي]

حبوبة ما حبيت اطلع بدون رد بس في كذا شي حبيت اعلق عليهن بالقصة الجنوبي مسالم ما يحب المشاكل بس يموت بالعلاقات الاجتماعية واكيد هو متضايق من سالفة خواته بس يمكن ما حب يبين هالشي وبعدين هو اتكالي وايد يعني اذا اتعود حد غير يسد طلباتج ما يهتم والصراحه انت غلطتي لما سكرتي بويهه يعني في 100 طريقة يحولج فيها مصروفج بس انت قلبتيها زعل والحين هو بيسوي فيها زعلان ويمكن يطنشج يعني ما اعرف بس الجنوبي وايد حساس وعاطفي وبالتفاهم تاخذين منه كل شي اما بالعصبية ولا شي والحلو في هالطبع التسامح اعتذري وخليه هو اللي يحولج ولا تبيعين التلفون ولا شي هو لازم يصرف عليج مشكلته ما عنده فلوس ياخذ من اهله ويعطيج مب مشكلتج بس خذي حقج بهدوء اتمنى فهمتي قصدي

الصراحه من جهة اتكااالي .. فهو واااااااااااااااااااااااااااااااااايد اتكالي .. همممم يعني احينه شو اسوي خلاص قد قفلت فوييهه تراه نرفزني من متى وانا ارمسه ع الموضوع تبع لمصروف ومسوي طاف .. عالعموم بسوي الي قلتيلي عليه بطرشله مسج اعتذار وبقولهـ طرشلي مصروف .. وتسلمين حبيبتي والله ريحتيلي بالي بردج

 

[الويهـ السموحي]

الله يعيييييييين

عادي اخذي من اهلك الي تحتاجييين

واذا جااا قولي تفشلت وخلينا بموقع يفششل وهالكلام

وبرطمي عليه احسن بس ياليتك ما سكرتي بوويهه التلفون

اما برطمي ههه اذا برطمت من اليوم لين بكرا .. بيقولي انتي ليش زعلانه بكل بروود (( انته شرايك بابا ))

عالعموم تسلمين حبيبتي

 

[الويهـ السموحي]

الله يعينك يبيله هدؤء وراحة وطولة بال
ارسلي له انك كان نفسك تودعيه وتضميه وصعبان عليك فراقه ومن ها الحكي واذا جا على خير وسلامه اخذي منه الاولي والتالي وقولي انا استدنت من صديقه لي وحطي ببالك انك دايم تجمعي لك مبلغ ولا يدري عنه ولا بياخذه منك للوقت الونقه ينفعك وعوديه بهدؤ على المصروف
موفقه

بسوي هالي قلتيلي عليه .. وانشالله ايجيب نتيجه معاه .. ببشركوو .. اما سالفه المبلغ الي اجمعه واايد عيبتني بسويها انشالله .. وتسلمين حبيبتي

 

[مزوح وتروح]

ارسلي له رقم حسابك أو حساب أبوك وقولي حولي المبلغ الفلاني لاني بحاجة فلوووووس !!
وقولي له لاتفكر ان حكاية انك تسافر بدون ماتمرنا أنا ولدك وتودعنا وتدينا المصروف راح تمر بسلام !!