الزواج من القصير

[انسه طفشانه]

السلام عليكم والرحمه

محتاره وابغى راي البنات والمتزوجات والمخطوبات

انا عمري 20 او 19
جاني عريس ومررررررا كويس
الكل يمدحوه بدينه واخلاقه وشهادته ووظيفته واهله
وانا متردده عشانه قامته
هوا قصير بصراحه
يمكن طولي او اطول بشوويه لكنه وسيم
طولي 156
اخاف ارفض واحد بهالمواصفات واندم
واخاف اقبل واتضايق من نظرات الناس وكلامها

ساعدوني وعطوني رايكم بجد محتاجتكم
لو وحده مكاني بتوافق؟

 

[..الأماكن..]

استخيييييييييييييييييييري اولاً واخيراً ورددي دائماً "اللهم لا تكلني إلا نفسي طرفة عين"


وربنا يوفقج لما يحب ويرضااه

اسمحيلي وتقبلي مروري

 

[~ على نياتها ~]

استخيري

واذا كنتي مرتاحه واهلك موافقين وعاجبهم

توكلي على الله

الله يوفقك ويسعدك

 

[بردوود الثلج]

بتردينه لجل طوله

ليه تبين تشاركين به بمسااابقه اجمل عارض ازياء ولا ملك جمال الرجال لابد يكون طويل

هذي خلقة الله

اعرف كثيرات متزوجات اقصر منهم وبسعااااااااااااااااده

مدري لو عشتي لاقدر الله بنكد وش ينفعك الطوووووووووووول فيه

 

[hooor2010]

رد

هلا اختيه

اهم ما في الرجل دينة و خلقة لا تنظرين لشكل او كلام الناس لانهم ما راح ينفوك في الشي و اذا ع الناس م يعيبهم شي و ع كل شي يعيبون

شو الفايدة تاخذين رجل طويل و سيم في المقابل ما يحترمج او يحبج

اهم ما في الرجل اخلاقة و دينه

في النهاية استخيري الله في كل امورك كانت صغيرة ام كبيرة:7:

 

[انسه طفشانه]

نسيت اقووول اني استخرت
بس ماحسيت بحاجه
ويوم الثلاثاء بيكون النظره الشرعيه

دعواتكم

ربي يرزقكم الجنه على ردودكم

 

[مَلآمِحْ حُلمْ]

مو لازم يكون طويل و الحمدلله انها جات على الطول
وافقي مادامه يخاف ربه و يحافظ على صلاتهو ما يدخن هذا أهم شيء من مواصفات العريس لان الجمال و الطول ما تنفعك في المستقبل أهم شيءدينه
والله يوفقك ,,​

 

[بووسي]

حبيبتي الطوول مو هو السعادة بس انتي ما تحطي المشكلة هذي عائق في حياتك ودامك استخرتي

ان شاء الله ما يجيكي الا الخير

بعدين شوفي الملك عبدالله والملكة رانيا وفرررررق الطول بينهم لو رفضته عشان طولوا

ما كان احد سمع عنها ولا انا غلطانة

الله يوفقك ويختارلك الخير يارب

 

[دنيولا]

عمة زوجي ملكة جمال ماشاء الله وزوجها مو قصير إلا أقصر منها وهي طويلة يعني إنتي نعمة نفس طوله

والحمد لله راضية الآدمية ومرتاحة ...

ياحبيبتي بعد الزواج فيه أمور أهم من مسألة الطول والقصر زي مسألة العشرة الطيبة والمودة ...

إنتي أستخرتي ماعليك إلا تدخلي الشوفة ماتدرين فين نصيبك يالغلا ...

الله يوفقك يارب ..

 

[خايفه من دنيتها]

حبيبتي ماأشوف هذا الشي عيب
اذا الرجال كامل في كل شي
لا تحطين هذا الشي عيب
ولا تهتمين من كلام الناس <~~ أسأليني أنا والله مت من كلام الناس

أستخيري وربي يكتب لك اللي فيه الخير

 

[شنهاز]

مو لازم يكون طويل و الحمدلله انها جات على الطول

وافقي مادامه يخاف ربه و يحافظ على صلاتهو ما يدخن هذا أهم شيء من مواصفات العريس لان الجمال و الطول ما تنفعك في المستقبل أهم شيءدينه

والله يوفقك ,,​

كلامك عين العقل​

 

[snoora]

ان جائكم من ترضون دينه وخلقه زوجوه

القصر والطول ما مقياس ابدا باي طريقة المهم التعامل معش كيف بيكون

 

[ام سارهـ]

بقلك شئ امي تزوجت ابوي
ابوي طويييل جدا حول 180 طوله تخيلي
والله عذب امي ماجلست معاه سنه وحده وطلقها

تزوجت زوجها اللي الحين اقصر منها لكن والله معيشها في سعاده حنون وطيب
اهم شئ دينه وخلقه واتوكلي على الله

الله يوفقك ويسعدك يارب

 

[مييم]

انتي قلتيها طولك او اطول شويه يعني موب اقصر منك وهذي نعمه احمدي ربك اقول وتوكلي عالله

 

[AUDI]

الله يكتب لك الي فيه خير آآآآآآآآآآآآآآآآآآآآمين

 

[& رنيم &]

الطول او القصر ماهو عيب اهم شي دينه ثم اخلاقة

موفقة,,

 

[ياكثر حبي له]

والله ياقلبي اهم شي الا خلاق والمعامله الحسنه بس حاولي تقتنعي انو شكله كذا ماراح يتغير واذا مااقتنعت من الحين متاكده انو ماراح تقتنعي بعدين لانو كذ مرت علي زي هذا المشكله والله يسخر لك الا فيه الخير

 

[عطر الأنوثه]

حبيبتي القصر مو عيب ياما بنات أخذوا طوال وكشخه وحياتهم جحيم
دام مواصفاته زينه لاتردينه وألا بتندمين بعدين
وأهم شي الآستخاره
وربي يوفقك حياتوووو ..

 

[ياربي انصرني]

انتي خايفه من كلام الناس ------اذا قبلتي به----- وهل الناس ينفعونك اويضرون اهم شئ التوفيق

وان يكون على خلق ودين

 

[انسه طفشانه]

اااخ بس
بكرا النظره الشرعيه<<<<خايفه
الله يوفقني وياكم
واكيد بستخير مرا ثانيه وثالثه

مشكورات