الكاتلوج السحري ... للتعامل مع الشمالي الشرقي

فراولة العين قال:
نصيحتكـــم يا شمــــــآآآليـآآآت

زوجي مهوووس بالشهره ويتمنى من زماان يصير مشهوور

بس هو بدأ في طريق الحرام من وجهة نظري

انه يصور كمودل في فيديوكليباات ،، وياما نصحته ومانفع معاه شي

أهم شي انه يوووووصل للشهره

ومن شوي قـآآآلي انه معرووض عليه يصور برنامج في رمضان

انه يقابل فنانين ومطربين وغيره

شورايكم؟؟

كيف أقنعه بان اللي يسويه غلط من ناحية الشرع خصوصـآآآ

انا تعبت منه

من رايكم اقوله بكيفك انا ما يخصنـي ولا شو ؟؟؟

ساااااااااااااعدوووووووووني الله يسعدكم
أنقر للتوسيع...



مــحد يبــآآ ينصحني !!!

انزين بقوولكم

ريلي خلاص بدآ بتصوير برنامجه اليديد الي ماعرف حكمه شرعـآآ

انزين طبعن بدووون ما ياااخذ رأيي

قلتله بالتوفييق

وبس

بس من داخلي متضااايقه واايد

شوروا علي دخيلكم

والله يوفق اللي بترد علي​
 
فراولة العين قال:
مــحد يبــآآ ينصحني !!!​


انزين بقوولكم​

ريلي خلاص بدآ بتصوير برنامجه اليديد الي ماعرف حكمه شرعـآآ​

انزين طبعن بدووون ما ياااخذ رأيي​

قلتله بالتوفييق​

وبس​

بس من داخلي متضااايقه واايد​

شوروا علي دخيلكم​


والله يوفق اللي بترد علي​
أنقر للتوسيع...
عزيزتي
أتمنى أن تعيدي النظر في نمط زوجك
شمالي شرقي أم شمالي غربي؟
لأني منذ قرأت مشاركتك وأنا أحس بالتناقض
الشرقي يدرس ردود أفعال الناس قبل الإقدام على أي خطوة
ثم إنه يفضل المهن التي تُظهر هيبته وتحافظ على برستيجه
موديل وشمالي شرقي !!! << لم أستوعب هذه النقطة
 
رماريمو قال:
عزيزتي
أتمنى أن تعيدي النظر في نمط زوجك
شمالي شرقي أم شمالي غربي؟
لأني منذ قرأت مشاركتك وأنا أحس بالتناقض
الشرقي يدرس ردود أفعال الناس قبل الإقدام على أي خطوة
ثم إنه يفضل المهن التي تُظهر هيبته وتحافظ على برستيجه
موديل وشمالي شرقي !!! << لم أستوعب هذه النقطة
أنقر للتوسيع...

امبلا اختي متأكده انه شمالي شرقي

هو اول ما قالي بالموضوع قلتله رايي ،،

بس بعدها يسوي اللي براسه ومايحب احد يعانده وهذا الي يخليني اغلب الاحيان أسكت وما اقووول شي

ويمكن هو يشوف ان مهنة التمثيل تظهر هيبته مثل ما قلتي ،، لانه مهووس بالشهره

واحيانا يقوولي ان يصور عشان يكسب ويقضي وقت فراغه

!!!!!

شوورايج اختي ريم​
 
كلامك حوسه مو مفهوم مره زوجك موديل مره ممثل مره مذيع مشهور وفوق هذا شمالي شرقي يلجأ للحرام بإهانة نفسه!!!
الشمالي الشرقي يحترم نفسه جدا ويبني شهرته بطريقه تظهر هيبته وإحترامه
يمكن يلجأ للحرام بإنوه يظلم ويتجبر ويهين ويقسو قسوه مبالغه
تأكدي أكثر من النمط الشرقي عند زوجك

جاوبتك الأخت على قدر مافهمت من كلامك الغير مرتب

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الله يصبرك عليه وإدعي له دائما بالهدايه

 
وهووجة قال:
هلا اخواتي​

حبيت اتاكد اذا حد رد ع استفساري،، ولكن ضعت بين الصفحات وكثرة الردود..​


حابة اعرف شو الامور اللي يتفق ويختلف عليها الشمالي الغربي والشمالي الشرقي،، ​
أنقر للتوسيع...


طيب،، اذا ممكن تفيدوني بالرابط اللي اقدر احصل منه الجواب

وشكرا​
 
طيب بالنسبه للزوج الشمالي الغربي كيف اتعاما معه ؟
بليز ابي رد
 
مشكوووورين اد الدنيا...وكانكم تذكرون سالفتي ابشركم انحلت الحمدلله عن الطريق



التطنـــــــــــــــــــــــــــــــــــــــــــــــيش ^_^

ريحت راسي وعشت حياتي ورضى من نفسه ....

عندي كم سؤال عن الشمالي الشرقي..
اولا:في حالة انو انتي وزوجك الشمالي الشرقي مسافرين كم يوم رحلة استجمام؟؟وش يكون وضعك يعني مقابلين بعض والا ماتلصقين فيه واهو ما يحب الالتصاق(صارت لي مرتين نسافر نبي ننبسط نرجع واهو ماد البوز :( عشان كذا احسه يتهرب لين قلت له ودي اسافر واغير جو).
للمعلوميه اذا سافرنا اخذ معي كتب ولاب توب عشان انشغل شوي عنه..

ثانيا:حاليا جت لزوجي حاله مال امها داعي يا طفشان يا نايم واذا صار معنا(انا وبنتي) يقول الشرهه مو عليكم الشره على الي يشتغل عندكم (فاتح كمبيوتره واهو بالعاده يشتغل عااادي واحنا موجودين؟؟)..

توقعت انو محتاج عاطفه او حنان(طبعه كذا اذا صار متضايق بدون سبب معناتها محتاج شي^_*) قرربت منه يرد والله انتي فاااااااضيه عطلتي وفضيتي...<<سؤالي ؟تتوقعون انه يغااار كوني في اجازه؟؟ ولهذا السبب معطيني اشكل ويتحلطم؟؟..




للمعلوميه عليه ديون من كم شهر..بس مااتوقع ها الحاله منها لانها لو اثرت في نفسيته كان اثرت من زمان..
 
بنوته ملكه قال:
كلامك حوسه مو مفهوم مره زوجك موديل مره ممثل مره مذيع مشهور وفوق هذا شمالي شرقي يلجأ للحرام بإهانة نفسه!!!
الشمالي الشرقي يحترم نفسه جدا ويبني شهرته بطريقه تظهر هيبته وإحترامه
يمكن يلجأ للحرام بإنوه يظلم ويتجبر ويهين ويقسو قسوه مبالغه
تأكدي أكثر من النمط الشرقي عند زوجك

جاوبتك الأخت على قدر مافهمت من كلامك الغير مرتب

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الله يصبرك عليه وإدعي له دائما بالهدايه
أنقر للتوسيع...


شكـــرآآآ أختي​
 
اختي ريم

زوجي شمالي شرقي

بس الفرق بين الشرقي في شخصيته والغربي

مجرد 3 نقاط فقط

واعذريني تعبتك معاي​
 
جزاك الله خير على طرح الموضوع ..

ياريت تجاوبوني

أنا جنوبية شرقية و زوجي شرقي شمالي (مو شمالي شرقي)

ايش الاسلوب الأنفع معاه...
 
هلا رماريمو..
بصراااحة أنا مثل أم ميس تمامابكل شي لكن فيه فرق واحد إني أعرف هالشغلات والانماط لكن إذا تعبت ومرضت ولا إذا خذلني بموقف كان مواعدني فيه ماااااااااااااااااااااااااااااااااااااااااااااااااااااااااااااااااااا أقدر أستحمله وأخررررررررررررررررررررررررررب كل اللي بنيته وبعدين ولا تزعلون يالشماليات أحقد على هالشخصية العجيبة اللي ماتقدر رفيقها إلا بالمدح وبيان الاحتياجات الطويييييييييييييلة العريضة حتى يقتنع (( بجد صرت أحس بجفاااء شديييد ناحيته ))
الآن من فترة شهر وشوي ماااااااااااااااااااااني متقبلته بتاتا!!!
ياناس ليش مايمشي الا بالتذلل والخضوع والتمصلح أحس نفسي منافقة معه كثير كيف أسوي كذا وأنا شايلة عليه في نفسي ؟؟؟
وللعلم تراه بعد يناقش ليش زعلانة آآآآآآآآآآآآآآآآآآآآآآآآآآآه,,,,,,,,
الله يفرجها علي وعلى كل مسلمة..
 
محتاجةنصايح حلوة وعقلانية

ياقلبي يابنات تصدقون لي يومين تقريبا وأنا أقرأهالكتالوج الرائع بجد أبي يطيح اللي براسي واتعوذ من ابليس ..
بس ارتحت يوم كتبت الرد السابق وبصراحة ماودي أنشر غسيلي او بالأحرى اتكلم وأنا مشحونة جدا جدا..
المهم ياحلوات أبي منكم نصايح تقومني وتعقلني ..
زوجي أجز قبل فترة وحاولت عدم الالتصاق وهوصدق وانبسط على الآخر وسحب علي سحبة قويييييييييييييية تصدقون يجلس مع عياله الصغار إذا جابالليل وبعدين إذا ناموا يفتح النت بعدين يفتح كتاب ويقرا عشان ينام واذا جيت الغرفة أبي أنام يحاول يتجاهلني ولا يبين إنه يبي ينام وينام قبل الفجر بدقايق واذا نصحته لاينام عشان يصلي يقول أنتي اجلسي قوميني هههههههههه
والله يضحك صحيح !!:10:
المهم جلست على هالحال والموووت إنه مواعدنا بيسفرنا ويقول انتي اللي بزنك تخربين علينا الرحلات فطبقت الكلام ولا قلت له شي أستنى متى بيسفرنا وبعدين خللللللللللللللللللصت إجازته ولا ودانا ولامكااااااااااان ..
الموهم في الموضوع انا أدرس وعندي بحث وشغل وتركته في نصف إجازته خفت إذا مامشيت في رسالتي أعصب واحوس نفسي لكن صار العكس وما استفدت ولا شي !!!!
 
السلام عليكم ..
هذي ثاني مشاركة لي في المنتدى ..
زوجي شمالي شرقي وانا جنوبية شرقية المشكلة الي في زوجي انه 24 ساعة زعلان يرضى كم يوم ويزعل اسبوع .. له 4 ايام زعلان من غير سبب يوم الاحد طلعت مع اهلي المطعم نتعشى بس حريم مامعنى الا اخوي الصغير المهم بعد ماخلصت المبارة جاى ياخذني من بيت اهلي سالني وش سويتو قلتله ابد انبسطنا مره الطلعة تجنن بس طفت علينا الكهربا في المطعم بعدين صار كذا وبعدين صار كذا جالسه اسولف له واستهبل بعدين قلتله صار كذا ولا اقولك خلاص خلاص قال وش كنتي بتقولين قلت له ماكنت بقول شي جالسه استهبل قال لا اكيد صاير شي قولي وش صاير قلت له مافي شي من جد قال انتي كذا جالسه تخليني اشك فيك قلتله تشك فيني ليه انت شكك على طريف كل الي في المطعم كانو بنات وربي ماصار شي المشكله انو عارف اخلاقي وعارف انا ايش ..
قال الشرهة علي الي خليك تروحين انا الغلطان الي وافقت انك تروحين نزلت البيت وطنشته هو الله يهديه ويصلحة فيه شوية شك يعني يفتش الاب توب من وراي يشوف وش المنتديات الي ادخلها يمسك جوالي يفتش فيه طبعا هو مايدري اني عارفة ومطنشة من جد قهرني من بعد كلمته ذي وانا جالسه اعامله برسمية شوي يعني مو زي قبل اسولف واضحك معه جالسه اسوي حقوقه وبس المهم امس نام من جا من العمل يوم صحا جاني يقول انتي منتي طايقة تجلسين معي انا بتركلك البيت رديت عليه لا عادي ليه ماني طايقة اجلس معك المهم طلع طنشت اليوم قلت يابنت خلي الامور تمشي طبيعي دقيت علية الساعة 10 في الليل قلتله خلينا نطلع نتمشى شوي قال انا مشغول بروح لرجال قلت له مو مشكله بعد ماتروحله قال تعشي انا متعشي برا قلتله اوكي مولازم نطلع عشان نتعشى ودي نطلع نغير جو شوي قال بعدين بعدين المهم جا البيت اول مادخل قال كبدي حارة احس بحرقة جبتله شي بارد يشربه المهم انا جالسة على النت شوي يقول اذني مدري وش فيها تعورني قلتله اجيبلك بندول قال لا قمت اشوف حرارته قال قلتلك مابي بندول مافيني شي قلتله ابشوف حرارتك قال مافيني شي بعدي عني مسكت راسه فيه حراره اقوله حرارتك مرتفعه يقول مافيني شي بعدي عني رجعت ماكني وطنشت المشكله ماني عارفة وشلون اتعامل مع هالرجال جنني استعملت معه جميع الطرق مافي فايده صارلنا متزوجين 9 شهور والي الان ماني فاهمه وش انسب طريقة اتعامل معه تكفووووون ساعدوني بليزززززززز ..
فرق السن بيني وبينه 10 سنوات مع ذالك احس اني اعقل منه ..
اي صح فيه نقطة ثانية غير الزعل يحب يرفع ضغطي بالبنات بعلاقاته السابقة كل شوي يتكلم عن علاقاته واذا زعلت وكلمته يقول احب اقهرك !!!!
ايه صح نسيت واذا زعل مايطيق يشوف وجهي ولا يناظر بعيوني ...​
 
مشكورين :))

السلام عليكم _شلونكم بنات وربي يعينا ولنا الاجر ان شاءالله :22:
زوجي شمالى شرقي وبصراحه لما قريت الكاتالوج اكتشفت انى كنت اتصرف صح ببعض الشغلات وياه مثال :
1- اذا كان راد من برا وهو معصب كنت ما اناقشة ولا اساله شفيك لانى احترم خصوصيته وجربت ببدايه زواجنا اسال وعصب زيادة فصرت ما اسال كيفه يزعل ويرضا بروحه ويقعد ايام ما يكلمنى وعادي انا اعيش حياتى واللى مساعدني انى اداوم فانشغل بدوامي وبعد فترة يرد عادي ويسولف وكان مافيه شي وبروحه يقولى ترا كنت متضايق وماحبيت اضايقج وياي عشان جذي انعزل عن الناس قلتله على راحتك . (اكتشفت ان الشمالى مايحب يتشكى ويبين ضعفه جدام المراه واذا انشغل باله بشي خلاص ينسى اى شي ثاني ويصير محور اهتمامه )

جربت وياه اسلوب التطنيش والاهتمام بنفسي اذا جانى ياهلا ويا مرحبا واذا طنشني مايشوف شر اشوف انا شغلى وهالشي تعلمته منكم الله يجزاكم خير
مثال :تونى طالعه من نفاس وجانى مرة وحدة وعقبها قام يتهرب منى طبعن انا ولا كانه فى شي عايشة حياتى اكشخ والبس احلا لبس وشاغله نفسي احط اكله وشغله وعقب اقعد يا على اللابتوب او بالتلفون وقعدت تقريبا اربع ايام كل يوم البس واكشخ حق نفسي وانا ولا كانه موجود اذا سولف معاي سولفت وان سكت انشغلت باي شي عشان مايصير محور حياتى والله يابنات انصدمت جانى وكان ملهوف علي ويقولى ضعفتى ماشاءالله قلتله اى ضعفت انا مهتمه بروحي ولا ماشفت شي هذا ولا شي عندي مخططات وايد وضحكت وسكت وقالى انا بعوضج خير عن شغلات وايد قلت مثل شنو ؟ قال بتشوفين بالمستقبل وضحكت وكانه عادي مابينت نفسي ملهوفه لووول وانا ميته بعرف بس حبيت ابينله انه انا مستانسه على الوضع ومرتاحه عشان مايحس بالضغط (على قوله الاستاذة ناعمه ان العشيقة لا تضغط على الرجل اذا جاها يا هلا وان غاب تعيش حياتها وانا ابي اتبع معاه اسلوب العشيقة لانه ينفع ويا ريلي بالذات )
اكتشفت الشمالى الشرقي ما يحب الحنه واللزقه يحب هو يلحق المرة مو هى اللى تلاحقه
نصيحه لايصير محور حياتنا الرياييل لانه بنتعب خل يصير مكمل لج انا قاطعت اغلب رفيجاتى وماعدت ازورهم ومجابلته بس الحين ناوية اتغير برد علاقاتى وبخصص يوم بالاسبوع لرفيجاتى زوارة او طلعه وياهم وبديت احمله مسئوليه عياله شوى يا اخليهم عندة واطلع يا اهوا يطلعهم وياه وانا اخذ راحتى بالبيت بروحي بدون ازعاج وربي يعينا ويعينكم

بصراحه انا فقدت الاخت خطيبه نبيل مادرى شصار عليها ونصيحتى لها دامها بالخطبه للحين تنتبه من خطيبها اذا هذا اولها ينعاف تاليها وياليت تشغل روحها باي شي ثاني وتحاول ما تطرش نهائي حق خطيبها اى شي لا خبر ولا عتاب ولا شي تشيله من حياتها بهالفترة لانه تصرفه يوحي انه يبي يبتعد عنها لان الريال مهما صار ما يقدر يبتعد عن اللى يحبهم واذا ابتعد معناته فى شي جديد بحياته وربي يعينها وياليت تطمنا عنها
 
مشاء الله تبارك الله.... الله يعطيك العااافيه
ياريمو عندي استفسار انازوجي شمالي شرقي تنطبق عليه كل الصفااات اللي ذكرتيها
والحمدلله قدرت اتفهم نمطه بدري ولا كااان خربت مالطة لانه بصرااااحة صمته يقتل يخليك تتدورين حوالين نفسك والله لو ما هالمنتدى كان ماقدرت اتاقلم ابد على اطابعه ...
انا جنوبيه شرقيه ...عندي استفسار
انتي تقولين الشمالي الشرقي يخااف عليك ويشعر بالمسؤليه ووقت المرض يوقف مع زوجته
يعني باختصار في الازمااات رجل ...
انا زوجي تنطبق عليه كل صفات الشماليين الشرقيين الا الخوف عليا والوقفة معااي بالعكس هو اول من يتخلى عني وقت مرضي واذا شافني تعبانه وابكي من التعب يعصب عليا ويجرحني بالكلام ولايحن ابد ويروح ويخليني اتمنى يوقف معااي وقت حاجتي وهاذي اكثر نقطه متعبتني فيه.....ايش تفسيرك لهذا التصرف؟؟
​
 
chocochocola قال:
الشمالى الشرقى غير مسرف او نستطيع القول ان يده ممسكة فى موضوع النقود فهو حريص يعمل حساب المستقبل لان به عزة نفس ولا يحب مد يده لاحد فيستكفى بما معه و يدبر به جميع اموره و يقتصد منه ايضا تحسبا لاى موقف طارئ قد يمر به ... يعشق الجودة و من الممكن ان يشترى شئ واحد او اثنين فقط .. لكن يكون شئ قيم و لا يهم ساعتها سعره طالما قيم .
بحكم شماليتى و شرقيتى معا ... لا اهتم باشكال الناس و لا تأخذنى المظاهر و انما اركز على المضمون ... يعجبنى الانسان الطيب القلب و يأسرنى كرم الاخلاق و لا يفرق معى الشكل ابدا ... بل يكفى ان يكون مقبولا .
اعشق الذكاء و العاب العقل .. اقدر سرعة البديهة و لكن انفر تماما ممن ليست له اخلاق ثابتة وواضحة فى التعامل او من كانت له نفسية سوداء تنبع منها تصرفات خبيثة تؤذى الاخرين .
دائما شعارى ( لا اهتم بحب الاخرين او كرههم لى ... و انما اهتم بالاحترام ...) .
تحملى لشخص ما ليس ابدا ضعف ... و لى من الصبر الطويل ما قد يغرى من امامى اننى ضعيفة ... لكن كل الموضوع اننى اتحمل الشخص و لا اوجهه بما فعل و ذلك رغبة منى فى عدم جرح مشاعره و لترك له الفرصة ليفهم مكنون صدرى ( و هذا من ضمن العيوب اذ كيف سيفهم من حاله !! ) و تكون النتيجة ان اجمع له الاخطاء الخطأ تلو الاخرفى ملف له ، حيث ان من ضمن عيوبى عدم النسيان ... و حينما اصل لمرحلة من الالم تفوق احتمالى و ايضا اليأس من صلاح حال هذا الشخص ، فيمتائ الملف الى ان لا يكون به مكان لقصقوصة زيادة ، فانفجر فيه او اتركه و ارحل بلا عودة .
و اعترف بأن هذا عيب قاتل لانه كان من الممكن و بمنتهى البساطة ان اتعلم كيف اوجه اخطاء الاخرين فى حقى او حتى ان استفسر منهم على تصرف ما قد صدر و ذلك حتى لا اسئ الفهم و احكم خطأ ... فالمواجهة اول باول و عدم خشية جرح الاخرين و لكن بذوق و هدوء ، يقوى العلاقة و يزيل ما بها من مشاعر سلبية قد تتراكم لتحدث ثورة البركان و خسارة اناس قد يصعب تعويضهم .
فدرهم وقاية خير من قنطار علاج .
الشمالى الشرقى اذا احب فهو يحب من اعماق قلبه ويتمسك باسرته و بشريك حياته و يضحى من اجلهم ايضا .
لكن محتاج دائما للتقدير و للمدح و الشكر على ما يفعل و يقدم .
لا يستطيع التعبير عما بداخله سواء مشاعر جميلة او سلبية و اذا كان مضغوط فانه يكون عصبى الى ابعد الحدود .
لى عودة مرة اخرى .
أنقر للتوسيع...
كأنك توصفين زوجي بالضبط سبحااان الله
طيب ايش الصفات اللي نقدر ببساطة نأسر قلبك يا الشمالية الشرقية؟
 
رماريمو قال:
أحب أن أشير إلى نقطة مهمة
ألا وهي :
الشمالي الشرقي شخص لايحب الوحده
يرغب في الإحساس بشريك حياته بجانبه دائماً
شديد التعلق بمقتنياته الثمينة
إذا ابتعدتِ عنه أحس بالفراااغ من حوله
وهذا تفسير رغبته في عودتك للبيت بعد أسبوع واحد فقط من ولادتك
فالدوافع الجنسية مستبعدة هنا
فأنتِ لازلتِ متعبة ويعلم تماماً أنه لايمكنه الحصول على الجنس الكامل
أنقر للتوسيع...



اول شي تسلمين يا الغلا على ها الموضوع الراااائع ... والله يعطيج الف عافيه ..

انا اليوم بس طحت على ها الموضوع .. ووصلت لها المشاركه الي استغربت منها .. انا زوجي شمالي شرقي ..

ويحب شي اسمه وحـــــــــده .. لما يسمع بسفره مع اهلي يقولي روحي ابا ايلس بروووووحي .. وحتى لماايلس معاه في الصاله اشوف التلفزيون يقولي انتي ليش لصقه !!! مع اني مب شايفتنه طوووول النهار بس يلست وياه ها الوقت !!!

واعترف وقالها بالحرف انا ارتــــــــــاح لما اكون وحيد !!!


هل زوجي حاله شاذه والا كيف ؟؟!!
 
سؤال لك يا ريم {{{في وقت الزعل}}}}

الشمالي الشرقي الذي يحقر ويجرح ويحكي للغريب عن الاسرار الزوجية و يكذب

ماهذفه من هذه التصرفات في نظرك؟؟؟؟؟؟و عن ماذا تعبر ؟؟؟؟؟

و في{{{ وقت الانسجام}}}

يبالغ في المدح ويعبر عن حبه ويكون رائع

ننتظر جوابك وجواب البلقيسيات
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل