منآي رضى ربي
New member
- إنضم
- 2010/07/09
- المشاركات
- 4
*بسم الله الرحمن الرحيم *
احم احم شخباركم كيفكم وربي اني احبكم واحب منتداكم الرااقي في كل شيء ماشاءلله ....
طبعا انا قبل لا اكتب والله اني اروح واجي مرات ومرات اكتب المشكله ولا مااكتبها بس المشكله ماتخصني تخص صديقتي بس وربي لانها غاليه حييييييييل ع قلبي وهي اقرب انسانه لي مايهون علي اشوفها كذا ولا اقدر اساعدها مو يقولون الصديق وقت الضيق بس انا ماعندي حكمه بليغه واخاف انصحها على شيء يكون غلط ويغضب ربي بس يوم دخلت منتداكم وشفت مشاكل البنات وحلولكم لهم حسيت انه هاذا المكان الصح الي اكتب فيه المشكله وباذن المولى تقدورن تساعدوني والله اني كلي امل بالله ثم فيكم انكم تعطووني حل انا تعبت مرره مع صديقتي ابي اريحها دايما تشكيلي والعبره بصوتها والي تسويه بعمرها غلط والله غلط بس ماادري وشلون افهمها قبل لا اقول المشكله راح اعطيكم شيء من صفات صديقتي عشان تتفهمون هي ليه تعاني وبالنسبه لها الهم كبير مع انه تقريبا نص بنات العالم عندهم نفس الهم بس هي طبعها وصفاتها يخليه بالنسبه لها هم كبير هي من النوع الي اذا تعلق بالشخص يتعلق فيه بقووووة وتخلص وتوفي بكل ماعطاها ربي مرره حنونه ومرره قلبها طيب وتحب تبين للي تحب انها تحبه مشاعرها على لسانها ع طوول بس مشكلتها اذا حبت شخص ولا قدرت توصله تتعب وتتعذب بقووة هاذا طبعها مررره تخلص وتقدم كل شيء وتضحي بس بعض الاحيان يكون موقعها غلط المووهيم سالفتها انه خالتها دايما تحب تسولف لها عن ولد خالها كل ماقعدت معها سولفت لها عن ولد خالها انه سوى كذا واشترى كذا وبسافر كذا وكل شيء وش يحب وش يكره طبعا هي بحكم انها بنت وعاطفتها حساسه تقوولي صرت خلاص احبه وتعلقت فيه صرت احب اعرف عنه كل شيء تقولي والله غصب عني طبعا خالتها ماتدري تظن انها يوم تسولف لها انه مافي شئ بقلبها له بس مادرت انها تتعذب وبعض الاحيان خالتها تلمح لها وتقوول انه ولد اخوي مايبي يخطب الا منكم ميدها هي وبنات خالاتها طبعا صديقتي تعبت فصرحت لها عن الي بقلبها وقالت لها اني انا حبيته وانتي ياخالتي السبب من كثر ماتسولفين لي صار عندي حب فضول مع كل شيء خالتها طبعا ماتغيرت الى يومكم هاذا وهي تسولف عنه لها بس انصدمت من انه هي تحبه وقالت لها اني انا يوم اسولف لك اسولف ع نياتي ماتوقعت انه راح تتطحين بحبه بس البنت طاحت ولا حد سمى عليها فجاءه كذا تغيرت خالتها وصارت تقول لها انه ولد خالها راح يخطب بنت عمه وانه لا تتأملين انك تاخذينه بس تقولها عن كل شيء عنه طبعا صديقتي محد يدري عن الي بقلبها غيري انا صديقتها وخالتها بس اهلها خواتها مايدرون طبعا زي ماتقولون حب عالصامت كانت حالة صديقتي عاديه وماشاءلله متوفقه بدراستها ومحبوووبه مرره بين الناس بحكم طبعها اجتماعي ومرح مرره وازين شيء فيها خوفها وحبها لربي الكبير والله انا ماانزها بس الي اشووفه منها تحب ترضي ربي قبل كل شيء وتخاااف من ربي هي ماشاءلله ملتزمه وهاذا الي خلاها تخاف من ربي ولا تسوي شيء يغضب ربي مع انه بأمكانها ترووح عند ولد خالها وتقووله اني احبك وتقدر بس هي تخاف من ربي المووضوع هاذا ماكان مرره مأثر فيها صدق تحبه وتتعب ودايما تفكر فيه بس ماكانت مرره مأثر فيها يعني مثل ماهي ومايجي ببال احد انه فيها شيء الا قبل شهر تغيرت صارت تعبانه نحفت حتى عيونها الي يشوفها يقول عندها هم كم وحده مسكتها وسالتها انتي فيك شيء في يعني تخيلو في هاذي السنه الترم الاول اخذت نسبه مرره حلووة ومن فرحتها نزلت دموعها كانت مرره مستانسه الحين بالترم الثاني اخذت نسبه مرره حلوة بعد لكن تعالو شوفو ردت فعلها برودد مرره مع حزن حتى مستواها بدراسه نزل من كثر التفكير دايما كل ماكلمتها تقوولي انا تعبت انا خلاص مااقدر اتحمل والي زاد عليهاالطين بله وخلاها كذاانه تقريبا قبل شهر جاء اخوها عندها وقلها انه في واحد ارسلي قصيده وقالي اعطيها لك وانه هو تعب ويبيك تسمعينها وانه قالي ماعاد افتح المووضوع معه المووهيم تقوول هي انا ماجاء ع بالي انه هو نفس الشخص الي احبه كانت المشكله انه هو نفس الشخص الي تحبه ارسلها القصيده وكانت اذا كنتم تعرفونها لحامد زيد غرام احباب طبعا هي عقبها تعلقت فيه بزياده وهاذا الي اتعبها وصارت بس تفكر فيه وصارت قبل لا تنام لازم تسمع القصيده حفظتها صم طبعا هاذي السالفه محد يدري عنها حتى خالتها الي كانت سبب كل الي صار بس ع فكره خالتها هاذي مرره قريبه منها يعني صديقتها وهي تحبها مرره الموويهم هي صارت محتاره هو يحبها يعني يبادلها نفس الشعور طبعا هاذا السؤال مالقيت له جواب وكل ماقالت لخوها او سالتها يقولها اخوها انه هو قالي لا تفتح الموضوع معي وتسكت هي والله لو تشوفون حالتها صعبه واذا قلتلها انسيه تقول مااقدر احاول وادعي ربي كل يوم انه ارتاااح وانساه بس هاذا شعور غصب عني مااقدر اتحكم فيه وزي ماقلتلكم هي اهم شيء عندها بالحياه ترضي ربي المشكله الي هي فيها انه تقدم لها اكثر من شخص وترفضهم عشان هالشخص الي ماتدري هو راح يتقدم لها ولا لا هو توه بالجامعه وهي صديقتي الحين توها متخرجه من الثانوي لا وعلى كذا اثنين من اعمامها يبونها لعيالهم وهاذا الي مشيلها هم انه واحد من اعمامها كلمته قويه يعني لو يقول انتي لولدي خلاص مافي نقاش هي تقوول انا مااحب عيال عمي ولا ارتاح لهم وفي نفس الوقت تنتظر الشخص الي تحبه عشان يتقدم لها صراحه انا تعبت ماادري وش اقولها مشكلتها مرره متعلقه به الشخص والله مااتتخيلون لدرجة انها موب صديقتي القويه الي كل الناس يضربون المثل فيها صارت ضعيفه دموعها بعينها مع انها من النووع الي مستحيل تنزل دمعتها بسهوله دايما اذا كلمتني صوتها فيه نبرة حزن قويه دايما تقولي انا تعبت ابي اهرب من الهم الي انا فيه شسوي تعذبت تعبت ابي ارتاااااح ابي خبر يريحني ابيه يخطبني دايما تقولي ادعي انه يخطبني وبحجزني هو توه مو سن زواج يعني ب2 جامعه فعشان كذا احسها بتقعد تنتظر واخاف يتغير تفكيره ولا يتقدم لها انا تعبتت ابي اعطيها شيء يريحها لو شيء بسيط تكفوون مع العلم انه قبل مايرسلها القصيده قبلها بفتره طويله صار لها مواقف معه بملاهي بس عاقله طبعا يعني نظرات وكذا بس فيها شيء يبين انه هو يحبها يعني حركاته كانت تميل لها يعني حتى انا يوم قالت لي المواقف حسيت انه يميل لها تكفوون في اسئله صديقتي محتاره فيها تبي لها جواب
اول شيء هو يحبها ولا لا؟؟
ثاني شيء تقعد تنتظره ؟؟
الي تسويه صح ولا غلط؟؟
نصيحه تقدمونها لها او بالاحرى حل حل الله يخليكم؟؟
ع فكره انتو اسمعو القصيده الي مرسلها لها هي كل ماجاء بباليها سؤال تلاقيه بالقصيده وهاذا الي معذبها اكثر
وانا بعد انصحوني وش اسوي وشولون اساعدها بعض الاحيان اتحمس معها واقول ايه يحبك واندم اذا قلت لها كذا احس اني غلطانه والي اقوولة غلط تكفون طلبتكم ابيكم تعطوني حل وتجاوبون على الاسئله هي تعبت وكرهت عمرها وبعض الاحيان تتمنى تموت وتقوول مافيه شيء يوسع الصدر احسها تفقد الامل بسرعه الله يريحكم دنيااااا واخره عطوني حل يريحها ويريحني معها امكن تظنون همها عادي بس وربي مابالغ حالتها النفسيه تعبااانه لدرجة مايعلم فيها الا ربي ماعمرها كانت كذا تكفوون ابي شيء ينسيها اياه بس المشكله كل ماحاولتت تنسى تجي خالتها وتفتح المووضوع عنه اصلن هي مو قادره تنساه بس حياتها الحين جحيم مو مرتاحه ابد
انتظر رايكم
ولكم خالص دعاااائي بظهر الغيب ...
انتظركم بفارغ الصبر لا تطنشوني الله يخليكم ابي حكمتكم لاتحرموني ...
