شنو الحل برايكم..؟

[انا وحبيبي]

السلام عليكم ورحمة الله وبركاته..
يمكن البعض يشوف مشكلتي بسيطة..
لكن السؤال هل هناك حل..؟

مشكلتي ببساطة اني متزوجة من العايلة.. وساكنه في نفس البيت مع اهل زوجي.. والمشكلة الاكبر اني عايشة في غرفة وحده انا وزوجي وعيالي الخمسة..
كلمت زوجي في الموضوع مو مرة ولا مرتين ولا ثلاث يقولي :
اولا انا ماني قادر ماديا اجر بيت..وهذا صح..
ولايمكن اطلع من بيت أهلي..
واذا فيه فلوس راح ابني لكم شقة في الدور الثاني..
وماادري متى تجي الفلوس ولدي الكبير بيكمل 7سنوات وانا استحي احيانا البس قمصان نوم اذا كان قاعد
لا كل هذا كوم ولما تلبس بنتي واخوها قاعد بالغرفة (وياماما خليه يطلع بره انا بغير ملابسي..
شنو الحل من وجهة نظركم..:34:

 

[مناكير وردي]

اصبري
وبعدين خلي عيالك يسرحون بالبيت وقت النوم عودي ولدك الكبير ينام مع اعمامه او جدانه مافيها شي دام زوجك ضروفة صعبة اصبري اكيد هو بعد مو مرتاح للوضع مثلك

 

[وســــــن]

خلي ولدك الكبير ينام بغرفه ثانيه بالبيت لازم تتوسعون او مع اخوان زوجك اذا له اخوان ماتزوجو

 

[انا وحبيبي]

اصبري
وبعدين خلي عيالك يسرحون بالبيت وقت النوم عودي ولدك الكبير ينام مع اعمامه او جدانه مافيها شي دام زوجك ضروفة صعبة اصبري اكيد هو بعد مو مرتاح للوضع مثلك

مشكورة حبيبتي على الرد
قبل فترة قال لي ولد حماي الصغير ان زوجي تكلم في موضوع بناء الطابق الثاني
حسيت انه صج متضايق من الوضع اللي احنا فيه

 

[انا وحبيبي]

خلي ولدك الكبير ينام بغرفه ثانيه بالبيت لازم تتوسعون او مع اخوان زوجك اذا له اخوان ماتزوجو

راح احاول مع انه احيانا يروح ينام عند جدته ونص الليل يجي ينام عندي

 

[فوفو عمرييي]

اسأل الله ان يفرج عنك لكن مرة مرة حاولي ان تناقشي الموضوع وليس كل يوم لكي لا يتضايق منك

 

[انا وحبيبي]

اسأل الله ان يفرج عنك لكن مرة مرة حاولي ان تناقشي الموضوع وليس كل يوم لكي لا يتضايق منك

شاكرة لك ردك حبيبتي وكاني قاعد احاول معاه

 

[حناااان الكون]

دام انك ببيت اهل زوجك ساكنه والعيال كبروا من حقك تتوسعين يعني يعطونك غرفتين زيادة وحده للأولاد والثانية للبنات .... ابنائك في طور التربية لزوم يتعلمون الخصوصية ما يصير البنت تلبس وتبدل والولد موجود ... خلي بنتك تبدل جوات دورة المياه وانتي بالكرامه لين ربي يفرجها عليك ......... بعدين بناء الطابق الثاني كم بيكلف زوجك ؟؟ بدل البناء خلي ياخذ غرفتين من بيت اهله للعيال وفلوس البناء يزودهم ويشتري لكم بيت ملك الى متى بتجلسون بيت اهل زوجك ؟؟​

 

[غنج السعوديه]

الله يعينك بس انشالله مع الدعاء والاستغفار الله يحقق اللي ببالك يارب
وانتي اصري لاتسكتين بين كل فتره وفتره

 

[سهر الليل]

الله يفرج لكم من عنده ... اصبري واجرك على الله ..

 

[حلم سيكون]

ماشاء الله البنات ماقصروا
واصبري على زوجك الله يرزقكم

 

[روحي واو]

ماراح يكلفه البنآء الا 100 الف ..
يأخذه قرض من البنـك ويحط لكم طابق ثاني ../

اما انه يبني لكم بيت خاص هذا راح يكلفه 350 الف بيت صغير

يعني طابق ثاني افضل واريح والله يوفقكم

 

[اصغرزوجة]

حبيبتي خلي زوجك يطلب من اهله غرفتينزيادة الين ربك يفرجها وعليك بالدعاء والاستغفار

 

[ياقلبي ترك الحس]

اصبري والله يغنيكم ويسهل اموركم

 

[وســــــن]

دام انك ببيت اهل زوجك ساكنه والعيال كبروا من حقك تتوسعين يعني يعطونك غرفتين زيادة وحده للأولاد والثانية للبنات .... ابنائك في طور التربية لزوم يتعلمون الخصوصية ما يصير البنت تلبس وتبدل والولد موجود ... خلي بنتك تبدل جوات دورة المياه وانتي بالكرامه لين ربي يفرجها عليك ......... بعدين بناء الطابق الثاني كم بيكلف زوجك ؟؟ بدل البناء خلي ياخذ غرفتين من بيت اهله للعيال وفلوس البناء يزودهم ويشتري لكم بيت ملك الى متى بتجلسون بيت اهل زوجك ؟؟​

والله كلامها صحيح