المأساه التي نعيشها الان بسبب زواج الاخوين للاختين

[مصاصه بالفراوله]

السلام عليكم و رحمة الله وبركاته ​

الموضوع مضايقني من امس بس من كثر الضيقه ما قدرت افكر و ابغا حل او امكن ما عاد في حل للمشكله لانه خلاص
القلب عاف
و النفس قفلت
والاخلاق ضاقت
من حركات زوج اختى اللي هو اخو زوجي ​

المشكله امس اختى و زوجها تضاربو و وصلت فيه انه شد شعرها و صار يدفها و يتهجم عليها زي المجنون بسبب انه مو طايقها و يبغا ينتقم من مشاكل كثيره هو السبب فيها و سلبيه اختى كانت السبب الاقوى لانها ما وقفته عند حده فتمادى و عرف انها ضعيفه
وهاذي اول نصيحه
لاتكوني سلبيه ولا ترضي بالاهانه ردي عن نفسك ولو بكلمه
وهو طلقها العام الماضي و تعب الين رجعناها له بسبب منشفه ما شالتها من الحمام فطلقها
و ذل اهله رايحين جايين على ابوي يترجوه يصالحهم و ابوي مشى الحكايه و اصلح بينهم ​

طبعا عنوان الموضوع يشرح اني انا و اختى اخدنا اخوان و هاذول الاخوان مختلفين اختلاف الابيض عن الاسود ​

ما رح اذكر تفاصيل كثيرة لانه يصعب شرحها بس المهم في الموضوع الاتي ​

اختى الان تطلب الطلاق و ابويه لا يمكن يرجعها له لانه اخلاقه جددددددددددددا سيئه معاها بشهادة اهله ( الله يحاسب اللي غشونا فيه )​

و عندها طفل عمرة سنه و 8 اشهر معاه من امس ولا رجعه و اختى قلبها زي النار ​

و اهله لا يمكن ياخدو ولده يربوه لانهم عندهم اللي يكفيهم و والدتهم متوفيه
و اختى الان ماهي طايقه تسمع اسمه من الشيء اللي شافته اول زواجها ​

1- نظفي البيت و خليه بيرق وكانها خدامه مو عروسه
2- الاكل لازم ما يخلص يعني اطبخي كل يوم ولا تقولي خلصت البطاطس و لا خلص البصل
3- تشوف الهديا رايحه لبنات اخواته و هي الريال ما يرميه عليها
4- اخلاق عدم - كلام معاها مافي- حوار انسي
5- جالس طول اليوم بالبيت يراقب تنظيفها و حركاتها لو ضحكت مع نفسها يخاصم اضحكي بهدوء
6- العيد بالهم ينزلها و يوم واحد اشتري اللي قدامك و خلاص
7- المناسبات يغثها اذا لاهلها و اذا لاهله احلى علي قلبه مافي ولا يقصر عشان اهله
8- محرومه من زيارات اهلها الا اذا انا رحت تبوس اليد عشان يوافق تروح معاي
9 تمشيات مافي و اذا خرجت يلم بنات اخوة اللاربعه و يجرهم معاها
10- يصرخ عليها في المستشفى قدام الناس ​

و الكلام لا ينتهى من الحركات اللي اهله اتفشلو منها لمن سمعو انه يسويها معاها
و موقع اختى من الاعراب انها تسكت و اذا جات تناقش صرخ و خوفها و تصبر و تبكي فقط
و هو معروف بانه ضعيف حجه و شخصيه
الحمدلله على كل حال
الان هي تبغا الطلاق و هذا مفروغ منه لانه ما نقدر نضغط عليها لانه اخلاقه لا تحتمل و الان معاها واحد بكرة يصيرو خمسه ​

و الهم الاكبر الان

زوجي

زعلان على اخوه و انه حياته رح تنتهي و انا مقهورة على اختى و لمن ينفتح الموضوع احس اني ابدا اعصب و اتوتر
و يطول الكلام و في الاخر يسكتني ما يبغا يسمع لأن زوجي متاثر من الموضوع و مكسوف من عمايل اخوة مع ارحامه ​

الان انا كيف اتصرف مع زوجي وهو عارف انه اخوة حديث الموسم معا اهلى كل شوي اهلي يتصلو و بيننا كلام ​

اخاف اخسر زوجي و زوجي احبه و مختلف عن اخوة ​

و اختى كيف اتعامل معاها لمن تطلق لانه اسرارنا وحده و ما اقدر بعد كدا اقول لها شيء اخاف اضايقها و اذكرها بنصيبها لانها معتقده انه احنا اللي اختراناه لها بحكم انه من اهل زوجي ​

احتاج مشورتكم و رأيكم ​

 

[هـــــع وبــــس]

الله يجبر بخاطرها وينسيها ومعاها حق تصر عالطلاق
الله يرزقها افضل منه
وانتم ياقلبي اخوات مابينكم هالامور ان شالله
وزوجك لايتفشل ولا شي مو مسؤول عن تصرفات اخوه
كل انسان الزمناه طائره في عنقه

 

[مصاصه بالفراوله]

الله يجبر خاطرك جبرتي خاطري
الله يعوضها خير
مشكورة على الكلام الطيب​

 

[حلا ماركه]

الله يجبر بخاطرها وينسيها ومعاها حق تصر عالطلاق
الله يرزقها افضل منه
وانتم ياقلبي اخوات مابينكم هالامور ان شالله
وزوجك لايتفشل ولا شي مو مسؤول عن تصرفات اخوه
كل انسان الزمناه طائره في عنقه

نفس الرائ والله يعوضها بلي ابرك منه

 

[صاحبةعيالي]

اهم شي انت تكونين هاديه كانه سحابة صيف وعدت
وانتبهي بلاش المكلامات مع اهلك قدامه يعني لاتجيبين سيره عن سالفة اختك وانت تكلمينهم اذا جا وقفي كل شي عيشي حياتك ولا يصير بينك وبين زوجك او اهلك نقاش على اخوه خرجوه من الموضوع بعيدا عن احراجه
اخاف بعدها يتغير على اهلك حتى زيارات مايروح لهم

 

[هيلينا]

لاحول ولا قوة الا بلله واخرتها مع ذول الرجال
والله شي يقهر ظلم في ظلم تناسو وصية الرسول علينا
معليش خيتو نفس الحكايه صارت مع جيرانا اختين تزوج اخوين اولاد خالتهم
تطلقت وحده لان اخلاقه زفت والتانيه عانت من المشاكل في البدايه صبرت
والحين الحمدلله ماشيه امورهم عادي
الله يعوض على اختك بزوج طيب جدا و حنووووووووووووووووووووووووووووووووووووووون

 

[رماني]

الله يفرج همها يا رب ،،، ويعوضها بالأنسان اللي يستاهلها ويعرف قيمتها ويقدرها ،،، أما أنتي خلي الموضوع بينج وبين زوجك عادي كأنها حياتهما الخاصه وهم والاهل يحلوها ،،، وخليج قريبه من اختج وحنونه عليها ،،،

 

[انوار المحبه]

لاحول ولاقوة الا بالله

من جد شئ يقهر انك تكوني في النص مابين زوجك واختك بس خلاص حبيبتي مهما كان سوء اخو زوجك حاولي تقفلي على هذا الموضوع قدام زوجك ولاتسبي وتشتمي هذا مهما كان اخوووووووووه

الله يصبر اختك ويهديه ويصلح لها
خليها تدعي له بالهدايه والصلاح وما ادراك مابين رمشة عين والتفاتتها يبدل الله من حال الى حال


​

 

[أم هيف]

اهم شي انت تكونين هاديه كانه سحابة صيف وعدت
وانتبهي بلاش المكلامات مع اهلك قدامه يعني لاتجيبين سيره عن سالفة اختك وانت تكلمينهم اذا جا وقفي كل شي عيشي حياتك ولا يصير بينك وبين زوجك او اهلك نقاش على اخوه خرجوه من الموضوع بعيدا عن احراجه
اخاف بعدها يتغير على اهلك حتى زيارات مايروح لهم

نفس اللي جاء في بالي بالضبط الله ييسر اموركم ياعسل

 

[مصاصه بالفراوله]

مشكورين على الكلام اللي زي البرد على القلب
و الله انا كنت فرحانه اننا تزوجنا في اليله وحده و كل شيء سويناه سوا انا و اختى الكبيرة
ومن اول شهر وهي تشتكي بس احنا غلطتنا صبرناها و قلنالها كيف تتطلقي و انتي عروس و الان الحمدلله في يدها طفل و كويس انه ولد
و ربي يعدل حظها في الدنيا و الاخرة ​

 

[اوفر]

الله يفرج كربتها
خليها تكثر من قول لاحول ولا قوة الا بالله
اللهم اجرني في مصيبتي واخلف لي خيرا منها

 

[زمان الوصل]

زوجك ليس له ذنب في تصرفات أخيه
بل يعاني منه ويشعر بالإحراج بسببه
لكنه يبقى أخيه...لايود سماع كلمات غير لائقة عنه
أو إعادة وتكرار معاناة اختك ووحشية أخيه على مسامعه

وأنت لا تجعلي حياة أختك تؤثر على حياتك وعلاقتك بزوجك
إبقي كل الأحداث الخارجية ....خارج دائرة حياتك الزوجية

 

[ice creeem]

الله يعوضها خير وانتي خليك قدام زوجك بعيده ولا تدخلين معاه بنقاش ابدا

 

[المقنعه]

حبيبتي اهتمي بمشاعر زوجك وحوارات ونقاشات مع زوجك بموضوع اختك تجنبيه و اختك الشكوى لله

 

[يابعدي ياأنا]

انت الان اهم شي لا تفتحين الموضوع قداامه

وبس ^_

 

[غروري عاجبني ^^]

الله يعوض اختج خيـــر و يوفقهاا

الله يكون ف عونج و يستر عليج و يبعد عنكم كل شر

 

[ماليزيا]

الله يكون بعونها هذافرقااااااااه عيد الله يعوضها باحسن منه

 

[مصاصه بالفراوله]

جزاكم الله كل خير و سخر لكم كل عبيده
الان رجع زوجي البيت و صارت تطورات مع اهلي و زوجها و انا ساكته ولا ابغا ابين له انه صار شيء عشان لا يسال و يستفسر و ينفتح الموضوع مرة تانيه
احسن اخليه يدري من اهله على الاحداث ولا اقول له انا ولا حيطلع زي المغفل قدام اهله ؟ دلوني​

 

[لمعة أمل]

انا من راي يا حبيبتي
اختك اذا هيا مصره على الطلاق فهذا شي من حقها لانها هيا اللي عايشه معه وذايقة المر منه وهيا الوحيده اللي تقدر تقرر الانفصال او لا
اما بنسبة لكي اذا شفتي زوجك متضايق من عمايل اخوه حاولي انك تفهميه انه لا يشيل هم لان اهلك ما يحملوه غلطات اخوه وانهم يعرفوا ان اصابع يدك مو سواء
واذا صار هو برا البيت تقدري تكلمي اهلك براحتك لكن لازم توصي على اهلك انه طول ما هو موجود في البيت معاكي انك ماراح تكلميهم علشان لا يتضايق ويحس بالاحراج ودايم انتي فهمي انه هو غير و اخوه غير وانك انتي تحبيه واهلك لسى يحترموه و يقدروه
والله يسهل امرك ويوفقكم ويفرج همك وهم اختك
​

 

[بسك دلع]

الله يفرج على كل مهموم