بنات جاوبوني بسرعه يحق لي ازعل عليه والا لا قبل لاتكبر زياده!َ!

[القنوت]

مساكم عود وريحان





بنات قولولي انتم زي اخواتي يحق لي ازعل اولا



كنا جالسين قبل شوي مع عمتي وحماتي اخت زوجي ثالث ثانوي وجالسه تقول عندها حفله مع صحباتها حقت تخرج باستراحه ومن ضمن صحباتها وحده اخت زميل زوجي فسال زوجي اخته قال بتجي فلانه اخت صاحبي قالت لا تقول ماحد راح يجيبها قام قال قوليلها اذا رفضوا يودونها تقولك عشان ادق على اخوها واقوله لاني امون عليه




طبعا هنا خلاص الانبير حقي ولعععععععععععععععععععع تعرفون من ايش مقهورة انا اعرف انه نيته مي وسخه بس غيري مابيفهم كذا وبالذات انهم بنات مراهقات واذا شافت زوجي اهتم بيفهمون بطريقه وسخه


ونزلنا شقتنا وقمت وصارخت عليه وقلت انت ولي امرها ولا ايش صفتك عشان تتوسط لها

طبعا زعلت ودخلت غرفتي وهويتابع مباراه والحين قاعده اكتبلكم هاه اشرايكم

 

[كان الحب لك]

خذي حقك بالحكمة
العصبية ضدك

 

[روعـة حيـآتي ~]

لو أنا في مكانك طنش تعش تنتعش

وأكثري من الاستغفار

 

[القنوت]

وينكم بنات

 

[القنوت]

بنات وش هالطناش 80 مشاهده ومافي الا ردين ياراسي وانا اقول اخوات الله المستعان

 

[انثى تنتصر]

عادي ما يحق لك تزعلي ابد يمكن مرا يعز صاحبه
هونيها يابنت الحلال

 

[تميمية(1)]

بصرااااااااحة زعلك ماله داعي..
انت بس لفتي نظره لشغلة هو غافل عنها...
يعني شفيها لو كلم اخوها او مرها..
ما راح تكون لحالها صح؟
و بعدين مين الي بيفهمها بطريقة وسخة؟؟
اذا هم ناس و متربين ماااااااااااااا يضر ان شا الله

 

[روقية]

يابنتي طنشي مو كل شي تدققين عليه تري الدنيا ماتستاهل وانتي خلاص بينتي زعلك اكيد بيراضيك عاد لاتصيرين ثقيله .

 

[جسدبلاروح]

بصرااااااااحة زعلك ماله داعي..
انت بس لفتي نظره لشغلة هو غافل عنها...
يعني شفيها لو كلم اخوها او مرها..
ما راح تكون لحالها صح؟
و بعدين مين الي بيفهمها بطريقة وسخة؟؟
اذا هم ناس و متربين ماااااااااااااا يضر ان شا الله

كلام سليم انا معك في الرأي
وسعي صدرك وبس ولا تفتحين عينه

 

[ام احلى بنت]

اولا واخر انتي صارختي عليه وبكذا طلع شكلك وحش قدامه مو انثى تذكري ان الصوت العالي يسلبك انوثتك وثقتك بنفسك وطالعي نفسك بالمرايه وانت تصارخي عليه
بعدين كان قدرتي تعاتبيه بااسلوب احلى مثلا كان قلتي حبيبي ترا كلامك ضايقني ادري انك مومهتم لها لكن شتبي فيهم ليه تتوسط عند اخوها رح تفهم البنت انك معجب فيها

 

[ملكة في قلبه]

اقول بس لايكثر وشوله تزعلين عشان ذا الكلمه صدق بعض الحريم ماتنعطى وجه !!!!!!!!!!!!!!!!!!

 

[ريشة وردية]

شوفي حبيبتي يحقلك تزعلين لكن شكل الموضوع بسيط لا تكبرين اكثر من كذا وإن شاء الله بيجي يراضيك وقولي له لو جاءت أخته وكلمته عن صاحبتها أنه ماراح احد يجيبها يرد عليها بأنه كان يمزح وأنه ماله ومال هالأمور .....وانتي روقييييييييييييييي

 

[ملكة العفاف]

هونيها وبتهون

لا تصيري نكدية ، واكيد إنه ما يقصد شيء ، وإلا ما تكلم وإنت جالسة ...!
وبعدين والله إن الدنيا ما مستاهلة ، كلها يومين نعيش فيها وبعدين على التراب ...!
وليش الوحدة تنكد على نفسها أولا ، وعلى زوجها ثانيا مع علمها إن زوجها هو الباب إللي من خلال طاعته بتدخل الجنه ...؟
:32::32::32::32::32::32::32::32::32::32::32::32::32:
إحسبيها صح ياختي ، ووقومي راضيه إنتي الحين ، واكوني حريصة إنه ما ينام وهو زعلان أبدا ، استشعري الأجر من الله ....!!

 

[لقيت نفسي فيك]

الله يعينك ما احد يقدر يلومك لو اي وحده كانت بمكانك اكيد بتسوي اكثر من كذا
بس لو تمالكت اعصابك
وقلت اللهم اني استودعتك زوجي
افضل من طريقة الصراخ لان الرجال اذن من طين واذن من عجين
ولا كانو صاير شيء
​

 

[الحب حبي]

والله هوشي يقهررررررررررررررر
بس محا تستفيدي من الصراخ
فكلميه بلين وقوليله إنك زعلتي من حبك ليه ومن غيرتك عليه بس حقك عليه وكلمتين حلوة
ورووووقيي ترى الرجال لما يشوف مرته على الرايحة والجاية تزعل
أول شي يفكر فيه يفتح بيت تاني يلاقي فيه الرااحة
فخلي بيتك هو مكان راحته
ودمتي في حفظ الرحمن

 

[القنوت]

فديتكم تسلموننننن ع الردود والحمدلله عدت ع خيييييييير

ماقصرتو






ملكه بقلبه

فلتقل خيرا اولتصمت

 

[طاطا]

لا ماتزعلى افرضى لكى صديقة تبغاكى تروحى مكان وزوجك مو موافق وزوجها قالها انا راح اقوله عادى مافيها شئ انتبهى لطريقة عتابك معه وربى يكتبلك الخير