شوفي ياقلبي
راح اتكلم عن خبرة لي
اولا؛
وحطي ببالك حاجة وحده انتي مرة ولدهم
ماهو بنتهم يعني غريبة..
.
الرسمية احسن حل بالذات لكم يالجنوبيات
لان الشماليين قووين والجنوبية تروحون فيها
ثانيا؛
1_ لاتتدخلين بشؤنهم عليكم من زوجك
تهوشواقدامك تكلمواعن موضوع يهمهم
مالك دخلللللللل خليك صامتة
2- كلامك قليييل وان تكلمتي
بثققققة + كلمة موزونة + بمحلها
3_ خليك غامضة صامتة
لاتتكلمين عن اخبار الناس قدامهم
لاتتكلمين عن خوات زوجك قدام
زوجات اخوان زوجك
((الشمالين مايحبون القيل
والقال وعندهم قدرة يواجهون الناس
ببعضها وانتي بجنوبيتك ماتقدرين
تواجهينهم ))
اهلك غلفيهم بخصوصية + امدحيهم
لاتتكلمين عن مشاكلهم وبيني انك
مبسوووطة ببيت اهلك ومدلعينك
4_ زوجك لايدري وش يصير ببيت اهله
بغيابه او عن تصرفات زوجات اخوانة
طبعافي اشياء عادية لكن الشي
الي تحسين انه يجيب لك مشاكل اسكتي
(((الباب الي يجيك منه ريح سده واستريح))
5_ احترمي امه قدريها مهماقالت اسكتي
واصبري (لان الشماليين مايتحملون زعل امهم)
فاموقف ماانتي قده لاتدخلين نفسك فيه
لانه بينصرامه عليك حتى لوانتي مظلومة
6_ لاتقصرين بالهدايا على امة
ولابواجبك تهنئة زواج عزا خليك دايم
انتي من يوجب اذا هم يوجبونك
خواته وحريم اخوانه غير كذا لا !
7_ اهتمي ببيتك وطبخك وزوجك
اولادك دايم مرتبين وانتي دايم
ظبطي عمرك فية مناسبة والالا !
8_ اذاهم بنفسك منطقتك اعزميهم
وخلي لسانك عسسسل اخدميهم ببيتك
وان رحتي لهم خوذي معك صينية حلى عشاء
عندهم مناسبة ساعديهم قهوي وقدمي
بالذات قدام الناس (( علشان لوبيقولون شي
من وراك الناس تكونين انتي كذبتي كلامهم ))
9_ اخبارك انتي رزوجك لايدرون عنها
سمعتي شي من برى لاتسوين نفسك
الي يقول سبق صحفي لا خليك ماكانك سمعتي شي !
10_ دخلتي مطبخهم تسوين لك حاجة
نظفي كل غرض تطلعينة حتى لوفيه شغالة
ومالك دخل بشغالتهم !
خليك قوية واااااثقة من نفسسك
لاتهزك اي كلمة منهم وان قالواشي لك
ردي عليهم لاتسكتيين ماهوبانفعال وزعللل
لابهدوووووء لاتكرفين عمرك علشانهم
وتحاولين تكسبين رضاهم لا
خليك ماشية عدل وماعليك من احد
لاتتنازلين عن حقك
خلي لك راي مستقل وثاااابت
ماهومع الخيل ياشقرا ..
حمولتي كلهاشماليةوالحمدلله
ماشية اموري معاهم
بكل هدوووء ومطبقة ماكتبت لك
خليك لك ميزة عن سلفاتك
وانتي ادري بالنقص عندهم
خلي لك بصمة عند حمولتك
الشماليين دقيقي ملاحظة وبينتبهون لكل شي "
امممممممممممم هذا الي يحضرني الحين
واي سؤال حاضرة
اتمنى ياقلبي تستفيدين ..
