آه مـــن الجــــنــــوبـــي الـــغــــربـــــي شـــلــحــــــل......؟

ينقل

قسم الاستشارات الزوجيه

ويغلق هنا
 
حمره ورديه قال:
بسم الله الرحمن الرحيم

اللهم صلي وسلم علي سيدنا محمد

احترت وتعبت مع زوجي الجنوبي الغربي لاحول ولاقوة الابالله أعترف اني غلطت بس احس مافي مجال للتراجع الفاس طاح بالرس زوجي كان مسافر يومين ورد صار بينا خلاف بسيط بنفس يوم ردته وآنا السبب

يعني الى الحين مع النتيجة اللي صارت تشوفين انج ماتقدرين تعطين طاااااف ؟؟ اكيد غيرتي رايك وحاسة بالندم..وتشوفين هالشيء وعدم صبرك وداك بستين داهية ؟كل زوج بعد السفر يتمنى يرجع لبيته ويحس انه في جنة لكن انت خليتي يحس إنه جنته مكان للنكد !!

كان في مجال اتراجع وعطي طاف عالسبب التافهه بس ابليس حسبي الله عليه المهم زعل زوجي وطلع من البيت دقت عليه قلت له اذا ماردت ماراح ابطلك الباب من حرتي لشني حسيت انه ماقدر يتحملني ولايطيق لي كلمه قالي لاتبطلين وماني راد بعدها

تهددين زوجج بإنج ماتبطلين الباب ..؟ماعتقد إن فيه زوج مهما كان نمطه يرضى بالتهديد ؟؟ولا احنا الزوجات مانرضاااها فمابالج بنمط جنوبي غربي حساس وباقل شي ينجرح ؟؟
وهل تعتقدين إن التهديد رح يخلي زوجج يتراجع عن قراره ؟بالعكس انتي كانك تدفعينه للهروووب منك وتشجعينه ؟؟لأن مو الإنثى الرقيقة اللي تهدد ؟والجنوبي الغربي حلمه يعيش مع إنثى رقيقة ؟
بساعتين رد وبطلت له لباب وتميت مطنشه فيه واهو بعد ليلتها لمني ونومني بحظنه

ماشاءالله تبارك الرحمن هذي بحد ذاتها نعمة
مع إنك غلطانة لكنه جا واعتذر بطريقة غير مباااشرة ونادرماتلقين زوج حنون بهالشكل واعتبره تصرررف ممكن يغفر له خطاءه اللي سواه


وثاني يوم كان حاجيني ومارد عليه وانا مكشره:30:زعل وطلع

ياحبنا يالحريم للنكد !!معقولة بعد الحناااان وبعد ماجا حظنك تقابلينه بالإساءة ؟؟وش كنت تنتظرين منه أكثرررر؟

طنشته واهو طنشني بس بالليل طلبت ايوديني السوق اول رفض وتالي دق علي وقال تزهبي بطريجي للبيت بس بعد السوق واضح إن زوجك طيب وحنون لأنه هنا مو قادر يرد لك طلب حراااام تخسرررررينه وناظري ايجابيااااته وغضي بصرك عن سلبياااااته اللي هي قليلة قالي نزلي انا بروح ياربي انحريت وتهاوشنا بالسياره عل شان يدش البيت معاي
وليش اسلوووب الحرة والهووووواش وين اسلوب الرقة والدلع اللي يلين الصخر مو بس الإنساااااان هذها بحد ذاته سلااااااح فعال مع الجنوبي الغربي

الله يهديه طلعاته كثره واناني يحب اونس نفسه وبس انا وعيال نطر منه الطلع واليوم وباجر واذا طلعنا ساعه وردنا للبيت ياربي كنت دايمن افهمه بئسلوب ان طلعاته زادت عن حدها ولازم ايخفف اشوي عشان الموضوع ماتطور بينا لاحياة لمن تنادي غلطة عليه
غلطتـــــــــــــــــــــــي عليه !!

شفتي هو ماسواها من هنا والطرررريق لا إنت اللي خلتيه يسويها ؟؟

يعني انت اللي تعتذري قبله مو هو ؟؟صحيح غلطه كبير بس لكل فعل ردة فعل ؟؟؟
ونزل من الساره وطقني بالشارع جدام الناس ونا لحين ابيت اهل وعيالي عند ابوهم كل وم انام ودمعتي علي خدي ابيهم الحين صارلي 11 يوم ابيت اهلي جاني للبيت وتفهم مع أبويا الجنوبي دايمن يتهرب من مشاكله ماواجه لو مادري ان ابوي بيروح له لبيته جان ماجاني

تأكدي إن الجنووووبي عمره مارح يتعب نفسه عشان يرجع زوجته ومارح يتحرك الا اذا بادرتي إنت !

تدرون عاد اشقالي
{انا مو غلطان ومو متحسف وردي عشان عيالج} قلت له بعد كل هلكلام متوقع اني ارد معاك ليش مالي كرامه
شسوي معاه ......؟
الجنوووبي يقول كلام لايعيه عند المشااااكل فلا تهتمي
كان قلتي له طالع من ورا قلبك عاااارفة إنك ماتقدر تستغنى عني وشوفي وش رح يرد عليك !

ليش يقولي انتي ماتحترميني...؟ آنا طايح من عينج...؟أحس ماعنده ثقه بنفسه وأهو يقول آنا واثق من نفسي
هذا احسااااااسه وانت اللي حسستيه بهالشيء شوووفي ليه هو قالك كذا !! اكيد في شيء خلاه يقول ؟؟

ليش مايطيقلي كلمه...؟دايم ايقولي مالج اهميه بالبيت اي خدامه تقدر اتقوم بدورج...؟
برضو هنا هو اكيد ماقالها الا ويلمح لشيء إنت اتحديه بينك وبين نفسك خليه يجي ويقول انت هواي اللي اتنفس به وماقدر اعيش من دونه !!!!مانتهت الحياة عند هالكلمة بيدك تحولينها بعون ربي ؟


تعبت منه لي متي اتحمل واصبر

هالجملة رح تغيرينها لمن تدخلين منتدى المشكلات الزوجية وتتطلعين على مصايب غيرك !!

شنو الحل مع الجنوبي الغربي شلون اخليه ايردني لبيتي وكرامتي مرفوعه وخصوصا انه اقولي ماراح اعتذر وانا ماغلطة



الله يرزقها سعادة الدارين ويوفقها دنيا وآخره ويصلح لها بالها ويهنيها
اللي تخفف علي وتعطيني الحل
أنقر للتوسيع...

إنت ابدائي اتصلي عليه وابدائي بالكلام معه بنبرة حزينة بإنك لا تستطيعين البعد عنه بسبب شوووووقك له ثم إعتذري منه ثم تكلمي عن الألم اللي سببه لك بسببالضرررررب وخليه يعتذر منك لأنه يحس بتأنيب الضمممممير ؟..



تصدقين كنت جاااية اكتب مشكلتي مع زوجي ولقيتني انصحك بعد ماشفت كلامي اقول وطيب وانا ليه مااسوي كذا !!!

مدري ليه لجات المشاكل الواحد ينسى كل هذا ؟؟

دعواتك لي بالسعادة

وربي يهنيك يارب ..

 
إرزقني يارب قال:
إنت ابدائي اتصلي عليه وابدائي بالكلام معه بنبرة حزينة بإنك لا تستطيعين البعد عنه بسبب شوووووقك له ثم إعتذري منه ثم تكلمي عن الألم اللي سببه لك بسببالضرررررب وخليه يعتذر منك لأنه يحس بتأنيب الضمممممير ؟..



تصدقين كنت جاااية اكتب مشكلتي مع زوجي ولقيتني انصحك بعد ماشفت كلامي اقول وطيب وانا ليه مااسوي كذا !!!

مدري ليه لجات المشاكل الواحد ينسى كل هذا ؟؟

دعواتك لي بالسعادة

وربي يهنيك يارب ..
أنقر للتوسيع...


اختي اشلون اتصل فيه وهو لم جاني ايقول آنا مو غلطان ومو متحسف واذا بتردين ردي لعيالج اشلون ادق عليه بعد اللي قله لي
تعبت منه حسه قاسي ومرات حنون مو عارفت له
دايمن ايقط اللوم علي واني انا غلط واهو صح كان المفروض ايقول اثنينا غلطنا مو يقط اللوم كله علي هذا لصح

...................................

اختي آنا مو عارفه شنو مشكلتج بس اذا لمشكله تافهه حاولي تلطفين الجو بينكم بس بدون ماتعتذرين بشكل مباشر ويارب ماتكون مشكلتج معقده مثل مشكلتي
والله يصلح بالج ويهدي زوجج ويصخره لج ويحنن قلبه عليج يارب
 
أنفاس الليل قال:
مرحبا اختي .. بس ماقلتي ايش نمطك ؟؟ اتوقع انك شماليه
شوفي ياقمر الجنوبي الغربي بالذات مايحب كثرة الانتقاد ويحب المدح بشكل كبير
مشكلتك من كلامك انك دايم تنتقدينه والهواش بينكم بسبب وبدون سبب
مع ان الجنوبي الغربي من كلمة حلوة منك يهدا علطول وينسى كل غلطه غلطتيها بحقه ..
انتي لازم تتطلعين اكثر على صفات الجنوبي الغربي عشان تعرفين الطريقه اللي تتعاملين فيها معاه
وصدقيني اصحاب هذا النمط سهل جدا التعامل معهم لانهم حساسين ورومانسيين والكلام الحلو يجيبهم ويوديهم
بس انتي طولي بالك واتركي العصبيه الحياة ماتمشي باسلوب الحرب خصوصا ان بينكم عيال
ولازم تعودين نفسك على اسلوب اذا شد انتي ترخين واذا ارخى انتي تشدين ..
واذا على موضوع زعلتك وجلستك ببيت اهلك انا معك انه لازم يجي لبيتكم ويراضيك عشان ترجعين بيتك
بس انتي بعد ماقصرتي عطيتيه من الكلام اللي خلاه يعاند زياده عشان مايعتذر لك
لكن انا من رايي تكتبين له مسج عتاب واذا اتصل عليك ردي عليه وتفاهمي انتي وياه بهدوء
وابعدي عن اسلوب الانتقاد لان هالاسلوب راح يطفشه ويخرب بيتك ...
الله يسخره لك ولعياله ويحنن قلوبكم على بعض ..
واعذروني على الاطاله ................
أنقر للتوسيع...
كفت ووفت عين العقل
 
الله يهدي سرك ياقلبي العبرة بالنتيجة الجنوبي الغربي مايجي بالتهديد والعناد ولا الطناش لانه بيطنش ويعااااااااااااااااااااند
وماراح يواجه المشكله انا اعف انه غلط عليك بالشارع بس هو ماسواها من الباب للطاقه انتي ضغطتي عليه
والجنوبي الغربي مايجي بالضغط وان شاف انه حاول يرضيك ولا فاد بعد كذا عمره ماراح يرضيك

وصدقيني زوجك يحبك لاتخلينه يحقد عليك جيبي راسه بالكلام الناعم حسسيه بتانيب الضمير على اللي سواه
اصبري كم يوم ان سوى بادرة تجاوبي معه وحسسيه انك تحبينه بيحطك فوق راسه وان مثلا ماسوى بادرة خلي احد من اهلك يتدخل يحل الموضوع
وادعي الله انه يسخر لك زوجك ويصلحه لك وانتبهي تضغطين عليه
 
نجدية وكلي فخر قال:
الله يهدي سرك ياقلبي العبرة بالنتيجة الجنوبي الغربي مايجي بالتهديد والعناد ولا الطناش لانه بيطنش ويعااااااااااااااااااااند
وماراح يواجه المشكله انا اعف انه غلط عليك بالشارع بس هو ماسواها من الباب للطاقه انتي ضغطتي عليه
والجنوبي الغربي مايجي بالضغط وان شاف انه حاول يرضيك ولا فاد بعد كذا عمره ماراح يرضيك

وصدقيني زوجك يحبك لاتخلينه يحقد عليك جيبي راسه بالكلام الناعم حسسيه بتانيب الضمير على اللي سواه
اصبري كم يوم ان سوى بادرة تجاوبي معه وحسسيه انك تحبينه بيحطك فوق راسه وان مثلا ماسوى بادرة خلي احد من اهلك يتدخل يحل الموضوع
وادعي الله انه يسخر لك زوجك ويصلحه لك وانتبهي تضغطين عليه
أنقر للتوسيع...



مع الأسف صح كلامج عن الجنوبي ولما أطنشه ايطنشني ومايوجه مشاكله أو يدور لها علي حل ايحاول ايسلي نفسه انسان اناني
للأسف ماحاول انه يرضيني أوحتي يطلع نفسه غلطان دئما هو البرئ المغلوب علي امره
مشكوره اختي والله يجزاج خير
 
اللهم آتنا في الدنيا حسنه وفي الآخرة حسنه وقنا عذاب النار

اليوم قعدة بالحوش ابجي اذكر عيالي والله ولهت عليهم حتي الحين خنقتني العبره
عزة علي نفسي ليمتي نظل تحت رحمتهم ليمتي يتحكمون بمصيرنا بغيت ادعي عليه
ليشنه بعدني عن عيالي والله العظيم ولهااااااااانه عليهم صرة اذكر لعبهم وهوشهم
اليوم اتصلت امه علي امي اتقولها كانت تبي تجي معاه عشان اتردني واهو منعها
ايقول راح اتغثج لاحول ولاقوة الابالله آنا أغث امه ليش هالتصرف
ويقولون ان الجنوبي حنون وآنا أقول قااااااااااااسي لبعد الحدود لما اذكر زوجي عادي مايهزني بس من أذكر عيالي تنزل دموعي علي طول وقص بالعبره
شنو الحل مع هالانسان
 
الله يهديه ويرجعك لبيتك \\
حبيبتي تحلي بالصبر
بس الضرب في الشارع قدااااااام الناس قوية
 
الله يفرج همك ويسعدك ويفرح قلبك
واسال الله العظيم رب العرش العظيم ان يرد لك زوجك ردا جميلا عاجلا غير آجل
 
اللهم اغفر للمؤمنين والمؤمنات والمسلمين والمسلمات الأحياءمنهم والأموات

الله يرزقكن السعاده الدائمه وراحة البال علي تصبيركم لي

مادري ليش قلبي من ناحية زوجي بااااارد ومافكر فيه كلش لابخيره ولابشره
مو عارفه السبب مستغربه من نفسي ليش الفتور اللي آنا فيه من ناحيته ....؟
بس عيالي يارب اتردني لهم معززه مكرمه يارب افكر فيهم وكل مافكرة انزلت دمعتي أحاول اقطع التفكير وأقنع نفسي اني بفترة ايجازه لازم استمتع فيها
خصوصا اني عافه جنوبيي انه مايفكر فيني ومطنشني ويحاول ايسلي نفسه والله يستر بس موبالحرام لانه له سوابق
ارزقني يارب اي حياتي قرية كلامج كله
 
السلام عليكم بصراحه انتي غلطانه ليش يوم شفتيه معصب ماسكتي انا كنت مثلك والله الرجال كلهم بغض النظر عن الانماط اذا عصب ابعدي عن وجهه يعني نومك بحضنه بعد ماتهاوشتوا ومع ذالك طنشتيه والله الحياه يبي لها تنازلات وبعدين تقولين وداني السوق طيب ليش ياعمري تهاوشتي معه هذا بدال ماتشكرينه الله يهديك والرياجيل كلهم مثل بعض لازم يطلعون ويشمون هوا ولاتبينه اربع وعشرين ساعه مقابلك خليه يروح وانتي اشغلي نفسك بعيالك تدرين خلت زوجي وربي مراه تعجبني من جد اذا جت من ديرتها عند اختها ام زوجي وربي مطنشه لزوجها وهو نفس الشي خلي زوجك يشتاق لك لاتسالينه خليه يطلع اكيد هذي فتره بيمل من البيت جربي انك تطنشينه وشوفي
اسفه طولت عليك بس ابي اوضح لك الي ابي اقوله
اما عن سالفة الطق وانك فبيت اهلك انتي اكيد انسانه واعيه وتعرفين وش راح تسوين الله يفرج كربتك ويسعد قلبك
 
ماشاءالله لاقوةالابالله......لاحول ولاقوةالابالله
اختي الغاليه {مليت أقول ياليت} لاماطولتي عادي ونسني ردج
من دشيت هالمنتدي وآنا مطبقه نظرية الطناااااااااااش تبينه يحس يمل مستحيل علي حاله وصار يزود يعني يهظم حقي وحق عيالي اذا نبي نطلع مايحس علي دمه ويقول زوجتي مخليتني علي راحتي من حقهم أونسهم صار ايزود ويفضل نفسه لينا .....واهني انفجرة زهقني زوجي صايع صايع مو طلعات بعقل

ياربي الامتحانات قربت لسبوع الجاي وأحاتي عيالي شسوي ياربي اهو عايش لنفسه يعني ادق عليه اقوله تعال خذني مايصير والله مايصير
 

مرحبا اختي

أنا مابزيد عليك ومابقول انت السبب وووو لأنه خلاص اللي صار صار..

الحين انت أم ..انس سالفة انك زوجة..فكري بعيالك وامتحاناتهم وبس..

والامتحانات فرصة تصلحين وضعك..لذلك جهزي أغراضك وخلي اخوك يوديك بيتك..

ايه روحي بيتك... ولما يجي ويشوفك لا تكلمينه نهائي واتركي له بطاقة أو رسالة على جواله مضمونها:

أنا رجعت عشان امتحانات عيالي لأن عيالي رقم 1 بحياتي وبعد الامتحانات برجع بيت أهلي..

وخلال فترة الامتحانات عاد عليك بكيد النساء اللي يجيب راسه الأرض ويخليه يبوس راسك ويطيب خاطرك وتنسون كل شي صار..

ترى الجنوبي يحب الزوجة الحنونة على أولادها ويعجب باهتمامها بعيالها جدا..

وشي ثاني ياليت بعد هذا تغيري معاملتك مع زوجك لأنك جدا متحاملة عليه ..يعني خليك مرنة ومقدرة لأي شي يعمله عشانك..

ربي يوفقك ويرجعك بيتك ويجمعك مع عيالك


وطمنينا ع أخبارك

.
​
 
شوفي حبيبتي انا مثلك تماما جنوبيه شرقيه وزوجي جنوبي غربي وكل خميس وجمعه عند اهلي يارايح مع ربعه

ياعنده شغل يعني خميس وجمعه انسى اني راح اجلس في البيت يعني صرت ادور ناس انام عندهم صرت مره عند

اهلي ومره عند عمي ومره عند عمتي يعني اخذتها على ساعة صدر وش اسوي مع اني ودي اصير مثل العالم مستقره

بس اكتشفت ان هذا الشئ مستحيل وصرت اقول لاهلي اني ودي انام والحمدلله طبعا استانس اذا نمت عندهم وغير كذا

صرت اقول لاهلي اذا حسيت انه بيروح بنام عنداهلي وبنام عند فلان وعلان عشان مايحس اني متضايقه ولو حس

مافيه امل يتغير مع اني لسى ماكملت سنه معاه بس الشكوى لله واهلي يستغربون اني كل خميس وجمعه نايمه عندهم

مع قبل كنت ابين اني متضايقه واقول ابغى اروح معك بس تعبت لاحياة لمن تنادي كاني انفخ في قربه مشقووقه

على قولهم وهالجووال ارحمه مايمل مكالمات بس حسيت انه خف شوي من المكالمات اشوى من قبل واقوولك وانا

الان عند اهلي نايمه عندهم ..

وحبيت اقوولك اني متضايقه من هالحاله مثلك بس طبع سبحان من الصعووبه تغيييره ..


 
بنت فاطمة قال:
مرحبا اختي​

أنا مابزيد عليك ومابقول انت السبب وووو لأنه خلاص اللي صار صار..​

الحين انت أم ..انس سالفة انك زوجة..فكري بعيالك وامتحاناتهم وبس..​

والامتحانات فرصة تصلحين وضعك..لذلك جهزي أغراضك وخلي اخوك يوديك بيتك..​

ايه روحي بيتك... ولما يجي ويشوفك لا تكلمينه نهائي واتركي له بطاقة أو رسالة على جواله مضمونها:​

أنا رجعت عشان امتحانات عيالي لأن عيالي رقم 1 بحياتي وبعد الامتحانات برجع بيت أهلي..​

وخلال فترة الامتحانات عاد عليك بكيد النساء اللي يجيب راسه الأرض ويخليه يبوس راسك ويطيب خاطرك وتنسون كل شي صار..​

ترى الجنوبي يحب الزوجة الحنونة على أولادها ويعجب باهتمامها بعيالها جدا..​

وشي ثاني ياليت بعد هذا تغيري معاملتك مع زوجك لأنك جدا متحاملة عليه ..يعني خليك مرنة ومقدرة لأي شي يعمله عشانك..​

ربي يوفقك ويرجعك بيتك ويجمعك مع عيالك​


وطمنينا ع أخبارك​

.​
أنقر للتوسيع...
انا مع الاخت والله كذا انت رحتي علشان عيالك وبكرامة وما فية احد بيقول ليش الا بالعكس كلن بيشوفك بحترام انه علشان مصلحة اعياله كل شي يهون
وانت بس صلي استخارة وفكري والله يسخركم لبعض
 
شوفي اختي مردكم بتتصالحون بإذن الله ..

وقتهاا وش مصير عيالكم ..؟ وحالتهم النفسيه والدراسيه ..؟

والإختبــــــــــــــــــــارات ............؟

لاتضيعوون عيالكم عشان اخطائكم .. تراا مالهم ذنب ..

تعووذي من ابليس وانا مثلك زوجي جنوبي وقعدت عند اهلي 10لاايام

تراسلناا بمسجات عتاب ومره تفاهم وتراهم يعااااااااااااااااااااااااااااندوون

كبرت عقلي وتنازلت بدون مايحس خليته يجي يعتذر لي وبكذاا

رجعت الحمد لله .. خليه يروووووووووووووووح لأصحابه احمدي ربك

ماله بالبنات ولا كلام فاضي زوجك حنووووووون اكسبيه بالكلام الحللوو

ايه صح شوفي مثلآ وصيه على لاتنسى غطي فلان .. تراه يبرد ..

انتبه لايدخلون المطبخ .. و و و و و و و ......... وانتبه لنفسك يابوعيالي ..

شوووووووفي وش كثر تأثرر عليه هالكلمه ..

وتراا ياعيووني كثررة الضغط يولد الإنفجــــــــــــار ... انتبهي ورجعي زوجك لحضنك ..

بالتوفيق وطمنينـــــــــــا .........؟
 
ماشاءالله لاقوة الابالله...اللهم اغفرللمؤمنين والمؤمنات والمسلمين والمسلمات الأحياءمنهم والأموات


بنت فاطمه ...وكل البنات ماقصرتوا الله يرزقكم الفردوس الأعلي ويصلح لكم ازواجكم وعيالكم ويهديهم يارب


أحس صعبه ردتي جذي مع اخوي وراح يتمادا زوجي اعرف طبعه مايقدر هالشي او ايقول تصرفها صح بالعكس ممكن ايعايرني فيه بعد
بس مقتنعه بكلامكم وايد خصوصا اني هالايام صرت ما آكل كلش وأنام باليوم
3ساعات من كثر تفكيري بعيالي...بئذن الله بستخير علي هالشي

الله يوفقكم ويوفقنا دنيا وآخره
 
الحمدلله والشكرلله كماينبغي لجلال وجهه وعظيم سلطانه

اقوولكم آخر التطورات... قبل اشوخالتي ام زوجي جتني للبيت تبي اتردني
وانتهزت الفرصه عشان ارد لعيالي خصوصا ان الامتحانات باجيلها يوم وبنتي ماتعرف اذاكر ابروحها الحين خالص نويت ارد

بس اشرايكم بموافقتي
كانت صح ولا غلط....ابي رايكم بكل صراحه
وطبعا مستحيل احاجيه او حتي اقعد معاه بمكان واحد لين احس انه
متحسف.... وخصوصن اني من النوع اللي اضحك ابسرعه وعلي اتفه سبب
طبعي وصعب اغيره

ناطرتكم حبيباتي
 

عين العقل والله يجمعك بعيالك ويسخر لك ابو عيالك..

ارجعي وعاااااااادي اضحكي مع عيالك وانبسطي ولا كأنه موجود

ولا تكشري أبدا... وبنفس الوقت لا تكوني جافة معه..يعني لو كلمك قولي أنا راجعة عشان هالمساكين اللي مالهم أي ذنب..وانت اعتبرني مازلت ببيت أهلي ..

قوليها بشكل عادي بدون صراخ..خليك مرحة جدا عشان ينتقد نفسه إنه كبر الموضوع بدون سبب..

وربي يسخره لك

.
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل