ياشين الخيانه تقهررر ياناس وش اسوي!!!

[غيـــوض]

أبدأ بكلامي بــ السلام عليكم ورحمة الله وبركاته..

خواتي العزيزات .. اي وحده فيكم لوحست ان زوجها يخونها اكيد راح تتزعزع ثقتها فيه ..
وتاخذ منه موقف.. مراح تنساااه:8:

قصتي مع زوجي:
___ هو دايمآ لافتح جهازه يلعب بلعبة قيمزر(( البلياردو)) ويحبها ..

اكتشفت بأن زوجي يخونني عن طريق النت .. لاني حسيت انه عنده ايميل ثاني غير ايميله العادي..
مادري كذا دخل الفار بعبي وحطيت برنامج لتسجيل المحادثات بجهازه المحمول ..
بعدها كذا بأسبوع وهذا الكلام برمضان !!! اكتشفت وانصدمت انه فيه ايميلات بنااااات بايميله المجهووول
وكان يلعب معاهم بلياردو وبعدها يتعرف عليها وتعطيه الايميل ويضيفها عنده وبعديـــن هااااات ياكلام لين يصير عن الجنس !!!

انا خلااااص مادري وش اسوي .. من بكره الصبااااح ماصبرررت على طووول واجهته وقلتله عن فضايحه
!!!! ضاق صدره بالحيــل وتأسف لي وحب راسي وقال: انا آسف ادري اني غلطت انا حيوان اللي اسوي كذا فيك.. وانا ابكي وابكي من شدة قهري وقلتله خلاص ودني بيت اهلي ماابي اجلس عندك ببيت واحد..
ورفض قال لااا مافيه روحه ما أقدر أعيش من غيرك !!! المهم تصافينا بالأخير وراضاني ورضيت..
(( الشكوى لله وش اسوي !!)):8:


وعشنا في ثبااات ونباااات وحياه حلوه..


بعد مرور سنه تقريبآ:
رجع الفار يلعب بعبي وأشك انه عنده ايميل ثاني .. اكيد كل وحده تصير تعرف تصرفات زوجها وتحس فيه..
المهم .. حطيت وللمرة الثانيه البرنامج اللي يسجل المحادثات وانا خايفه ماودي يصدق احساسي:8:

وفعلآ احساسي ماخااااب .. صار عنده ايميل فيه بناااااات .. والطامه الكبرى كل كلامه يقول :اعرضي لي واشحن لك .. يعني البنات تعرض له عن طريق الكام ويشحن لها . لاحول ولاقوة الا بالله..

وفيه وحده حسبي الله عليها عطته رقمها ودق عليها .. يعني عنده شريحه ثانيه بعد!!!!

ياربي وش اسوي انا !!! والله اني مخنوقه ميته قهرررر...:8:
هو يقنعني بتصرفاته انه عكس هالشي وانه شريف !!!

المشكله زوجي يحبني بقوه ولايقدر يستغني عني وماقصر معي بحاجه .. بس فيه طبع انه يحب الحريم .. يحب يبصبص.. هذي الخصله اللي فيه مجننتني !!!!

الله يجزاكم خيررر يابناااات انا مقهوووره وابي من ردودكم الحــل اللي يفك أزمتي ..

لاحول ولاقوة الا بالله..

 

[غيـــوض]

وينكم يابنااااات اتمنى تردووون علي ..

 

[دمعة الغيمه]

حبيبتي واجهيه بكل حب ليس بالزعل والصيااااااااااح يعني برساله تكتبينها له يجلس فيها مع نفسه
انا جربت خيانة زوجي لي المحب مره واحده كان عندي علم انه يكلم بنت صبرت فتره وفي اجمل الاوقات واحسنها
لبست وتكشخت له كالعاده ولكن هذي المره غير اكثر....مع ان عبرااتي كانت تسبقني لانه فعلا فعلا يموووت فيني
ويحبني ولكن الرجل قلما يخطي وتجيه هفوات وزلات لازم اننا نسامح..
المهم قلت له حبيبي كم مره خنتني؟؟؟ يعني كم مره كلمت بنات؟؟وانا من نظراتي يعرف صدقي وجاوب على طول مره واحده ولا طولت العلاقه مكالمة تلفون ماتدرين شلون تكسر قلبي بس فرحت لمن هو اعترف من طرف لسانه
قلت له سنتين وانا ادري عنك وساااكته عشان العشره والحب (وبيني وبينك قسم ماكنت ادري بس كنت احس)
مع انه ابد ماتغير علي لكن قلب المحب دليله قلت له انا حلمت اني اضيع عباتي او جزمتي كذا مره وفسرته عند الشيخ
قال زوجك يكلم بنت يخونك(انصددددددم) وانا لافسرت ولا شي بس احدى الاخوات هنا كانت تقول نفس حلمي وطلع زوجها يخونها ..
ومن هناااااااا بدأ مشوار الحب من جديد بيني وبين زوجي(رب ضارة نافعه) صار يحن علي مره وزاد حبه لي فديته
بما اني على قولتي صبرت سنتين على خيانته هع وجسمي نحيل وزاد نحف اكثر مو لشي ابداااا بس انا قلت له
من كثر ماانجرحت ولا علمتك نحففففففففت هههههههههه وصار الحين يأكلني ويشرف على غذاائي

ولكن بيني وبينك ماارتحت ابد بس صرت اشك فيه وافتش جواله وماخليت رقم الا اتصلت عليه هع اتأكد بنت او ولد
هههههههه لكن اخذت عهد على نفسي ماافتش لنه فعلا تاااااااااااب وهي زله منه

المهم ارسلت له رساله كتبتها بكل حب ومدح فيه وفي اخلاقه ومن ضمنها حلفته قسم قسم قسم مايكررها عشان ارتاح
من الشك وفعلا(قسم لي على المصحف مايكررها) عشان مااشك فيه واعيش في جحيم الشك وتنهار صحتي

انتي حلفيه على المصحف وبس........

قسما بالله خيانته هذي قربتنا من بعض اكثر......انتبهي لاتبعدك عنه هذي المشكله

 

[ميعاد 2010]

اختي غيوض مايمر يوم الا ونقرا قصة خيانه
الحمد اللة على كل حال
اختي واللة مايفيدك ولا يحل مشكلتك الاربك
ادعي ربك انه يحفظ زوجك ويكرة بالحرام
وكرري سبحان اللة وبحمدة سبحان اللة العظيم استغفر اللة لا حول ولا قوة الا باللة
سبحان اللة والحمداللة ولاالة الااللة واللة اكبر
عدد خلقة ورضى نفسة وزنه عرشة وعدد ماكان ومايكون وعدد الحركات والسكون
بعد كل فريضة وفي كل وقت مخلصة النية للة العظيم وكثري من الاستغفار وراح تشوفي النتيجة
واللة مايخيب من ألتجئ للحي القيوم
بيدة ملكوت السموات ولارض
اذا اراد لشي ان يكون فانه يقول له كون فيكون
الاشجار والجبال وكل شي حي يسبح له
لاتيأسي من رحمته

 

[غيـــوض]

مرحبآ اختي العزيزه دمعة الغيمه

والله فرحت كثيررر بردك لي ربي يخليك لعين ترجيـك
وفعلآ لاخانك زوجك تعيشين بشــك وعدم ثقه .. تحسين لاراح هنا ولاهنا أكيد يكلم وحده غيري او او او او
لين يلعب فيك الشك..

كلامك صحيح حلو اني اواجهه بــود وافهمه ان اللي يسويــه غلط ..


وياليت ألقى كمان وجهات نظر ثانيه ..تفيدني مثل ما افدتني الاخت دمعة الغيمه ..

 

[رياح الود]

نفس الشيء زوجي يحبني ويقدرني بس احس هذا الشئ بدمه مثل الهواية يجيني ويتأسف ويقول اخر مرة واكتشف انه ولا اخر مرة ولا شئ .. بالأخير تدرين وش قالي : قال كل الرجال كذا مافيه رجل مايسوي كذا الا المطوع اللي حيل مطوع.
..وهذا انا متسلحة بالدعاء والاستغفار.. والله المعين..

 

[حرم سوووسووو]

ماشاء الله على الاخت دمعة الغيمه ربي يسخره لك وفعلا الكثيييييييييييير الكثييييييير نسمع عنهم بعد الخيانه يتقربون من بعض اكثر واكثر وعلى سبيل المثال الاخت فاطه ربي يوفقها
والامثال كثيره بس بشرط حسن التصرف من المراه والتاني والدعاء وربي يوفقكم يااااارب

 

[دلع قلبه]

الله يفرج همك ويبرد على قلبك
عزيزتي لحل الخيانه لازم نعرف السبب
واذا ماكان السبب تقصير فيك
والمشكلة فيه فاالله يعينك تتحملين وتصبرين او تتخذين اسرع طريقة وتتخلصين منه!!
اذا كانت المشكلة في زوجك انه دنجوان نساء
اقرئي موضوع الاستاذه ناعمه عن هالحاله
واستخدمي الايحاء معاه
مواجهتك له المرة الاولى ماجابت نتيجه
اذا هالمرة لاتواجهين!!
بس خليه يشوفك وانتي على سجدتك تبكين وتدعين ربك بصوت عالي يحفظه من الحرام
واذا سألك سوي انك عاادي تدعين له وشككيه انك تعرفين وماتعرفين
دايم رددي على مسامعه انك انسان نظيف وتقي وانا احمد ربي انك ابو عيالي اثق فيك وفي اخلاقك وفي صلاحك
واعرف لوحطيتك في غرفة مليان حريم خوفك من ربي ومن ثم خوفك على بناتك واولادك بيردعك من الحرام
وهكذا الين مع الوقت لو اختلى بنفسه وفكر يخونك الكلمات بتتردد في راسه وبخاف ويستحي على دمه
دايم قولي له حبل الكذب قصير واذكري قصص ومواقف ومن بينهم قصص خيانات مثلا وتكلمي عادي وكانك ماتعرفين..
الدعاء الدعاء سلاح فتاك للقضاء على اقوى المشاكل واكبرها
لان من ابتلاه بهذا الابتلاء قادر على نزعه من قلبه بين عشية وضحاها..

 

[رولالان]

الله يعينك

 

[غيـــوض]

اختي ميعاد 2010

جزاكـ الله ألف خيررر .. كلامـــك لا غبااار عليــه..
والله اني ادعي ربي أقول اللهم أغني واغن زوجي بحلالك عن حرامك واجعلني ماء عينه ..
وايماني بالله قوي ولله الحمد..

بس ماادري احيانآ اقول اواجهه واحيان أقول لا أصبر بشوووف بعد وش تاصل له الخيانه !!!
لاحول ولاقوة الا بالله

أجدد شكري لكـ اختي العزيزه على ردك الحكيــم

 

[تباشير المطر]

قالو للحرامي احلف قال جاك الفرج حلمو انهم يتوبون عن الخيانه عشم ابليس بالجنه لا وبعد حلف على القرآن
ما شالله ماشالله تبارك الله بحق اذا ما لقيتيه مكررها الله يعينك ويعيني ويعين كل وحده متعرضه للخيانه

 

[دمعة الغيمه]

كمان حبيبتي كنت بوجهه ادعي له وهو طالع من البيت او ارسل على جواله
داائما(استودعت الله سمعك وبصرك ياحبيبي) والله اشوف الحزن بعيووونه
حسسيه بحبك له كل يوم وانك خااايفه عليه....

الله يسخره لك يارب

 

[دمعة الغيمه]

قالو للحرامي احلف قال جاك الفرج حلمو انهم يتوبون عن الخيانه عشم ابليس بالجنه لا وبعد حلف على القرآن
ما شالله ماشالله تبارك الله بحق اذا ما لقيتيه مكررها الله يعينك ويعيني ويعين كل وحده متعرضه للخيانه

لو مااعرف ان زوجي صاادق وعلى وعده لي ماحلف لي مع اني كنت ابكي ليش اخليه يقسم
بس كنت ابغي ارتاح من الشك وانا واااثقه مايكررها عشرة 9 سنين كفيله انك تعرفين زوجك ان كان
صاادق او كذاااااااااااااب وزوجي ماانكر انه كان يكلمها على طول جاوب غيره يماطل ويقول لا والله مااكلم

 

[غيـــوض]

رياح الود مشكوووره ياقلبي على ردكـ والله يعيننا على بلوانا ..
الله يصبرنا ويجعل ازواجنا لايرون غيرنا بهذه الدنيا..

حرم سوووسووو تسلميـن خيتوو على ردكــ ربي يوفقكـ


أختي العزيزة دلع قلبه.. الله يخليـ ماقصرتي ياعزيزتي على كلامك الجميــل وفعلآ راح اطبقه ان شاء الله لأنه اذا شافني وانا ادعي ربي راح يستحي على دمه شوي ..

الله يوفقك ويرزقك ..

أختي رولالان مشكوره ياقلبي على ردكـ

 

[القمر الخجول]

حبيبتي لاتهتز ثقتك بنفسك ولاشي
صدقيني صار هاموضوع عدي في هالزمن
أنا بس توني طالعة من معمة الخيانة خيانة وماأعظمها من خيانة
لكن تدري هالشي على ماقد ماضرني على قد مافتح عيني على أشياء كانت غايبة عني
إعتبري هاشي إمتحان وبتلاء من رب العالمين وغتنمي هالفرصة في التقرب إلى خالقك وخالقه
ساعدك الله وفرج عنك

 

[ام زياد1111]

اصلا اتبيش من زمان مابشت تدرون ليه اشتري راحتي مع الوقت زهق شيطاني الي يقول رجلتش يكلم وفعل وترك بس توسيسن في بكيفه ربه يحاسبه واذ شكيتي بتهتمين ولاهوب سائل فيك لو اعتذر بقول عادي دعو الخلق لخالقه وشرايكم بالراحه سو زيي وحطي اذن من طين واذن من عجين اهم شيء العيال ماثر فيهم

 

[غيـــوض]

تباشير المطر.. الله يفرج همومنا وييسر امورنا ويسخر لنا ازواجنا يارب..
ومشكوره ياعزيزتي على ردك..


دمعة الغيمة ..
ياقلبي الله يخليك والله انك عطرتي الصفحااات بردكـ ..

 

[غيـــوض]

حبيبتي لاتهتز ثقتك بنفسك ولاشي
صدقيني صار هاموضوع عدي في هالزمن
أنا بس توني طالعة من معمة الخيانة خيانة وماأعظمها من خيانة
لكن تدري هالشي على ماقد ماضرني على قد مافتح عيني على أشياء كانت غايبة عني
إعتبري هاشي إمتحان وبتلاء من رب العالمين وغتنمي هالفرصة في التقرب إلى خالقك وخالقه
ساعدك الله وفرج عنك

تسلمين ياعزيزتي على ردكـ والله اني ارتحت ..
اول كنت احس اني لحالي بهالدنيا .. بس بعد ردوكم والله اني رميت الكم الهائل اللي كنت شايلته
وربي انكم احلى اميرات.. ماشاء الله دليل على الوعي اللي فيكم
اجدد شكري لكـ عزيزتي القمر الخجول

 

[غيـــوض]

اصلا اتبيش من زمان مابشت تدرون ليه اشتري راحتي مع الوقت زهق شيطاني الي يقول رجلتش يكلم وفعل وترك بس توسيسن في بكيفه ربه يحاسبه واذ شكيتي بتهتمين ولاهوب سائل فيك لو اعتذر بقول عادي دعو الخلق لخالقه وشرايكم بالراحه سو زيي وحطي اذن من طين واذن من عجين اهم شيء العيال ماثر فيهم

فعلآ الراحــه الحين نبي نشتريها .. الكــل سبحان الله شاقي بهالدنيــا
مافيها مستريـح..
ربي يوفقك اختي ام زيــاد

 

[زهووور الامل]

ياقلبي الله يرد لك زوجك ردا جميلا ويبعد عنه بنااااااات الحرام الله يصلح حاله ويهديه لك