انصحونـــــــــــــــــــــي يا بنات .

[انا اعترض]

السلام عليكم









شخباركم يا بنات ويا حريم ويا حلوات ..

المشكله هي ان عندي اخ استوى له حادث قبل تقريبا عشر سنوات وما يمشي الا بعكازين بس هو الحمد لله جامعي ومتعلم ويشتغل .. والحين ندور له على عروس ...

بس كل ما كلمنا حد .. من غير حتى ما يشوفونه ما يرضون فيه ... والسبب انه ما يقدر يمشي الا بعكاز ..

حتى ان اخر وحده كلمناها رضت فيه بس عقب ندمت وما كلمنا السالفه ...

فانصحوني شو نسوي ..

او

ادعوله الله يخليكم ..

 

[ليلكيه]

عزيزتي

انا عندي قريبي نفس حالة اخيك

وانرفض كثيييييييييير.........ولكن عندما اراد الله.........يسر له من رضيت به

والان عايش سعيد مع ابنائه وبناته

عليكم بالدعاء

يسر الله امركم

 

[صاحبةعيالي]

اصبري ودوري إلأالله يرضيه ويرضيكم ببنت الحلال
اللي الداريه مثل عينها

 

[شيخة المطران]

هلا والله فيج ما كو الا انكم تزوجونه وحدة من برا مصرية اردنية هذيل الجنسيات يرضون فيه والله اعرف واحد جذيه وتزوج مصرية قايمة فيه قومة هو واهله وحاطتهم على راسها اما مع احترامي مو الكل البعض الخليجيات ما تحمل نفسها عشان تتحمل زوج جذيه وتقبلي مروري.

 

[ايام غربه]

انا لي قريب كذا واخذ سوريه وماشاء الله عليها الله يوفق اخوك ويلقى بنت الحلال الي تسعده

 

[مكنسه كهربائيه]

عليكم بالدعاء له وخليه يكثر من الاستغفار وصدقيني راح يلقى بس لسى ماجاه النصيب

وذكريه بالداعيه عبدالله بانعمه مشلول شلل كامل ووجد من يحتضنه زوجه صالحه عمرها لم يتجاوز 25 عام

 

[نظرةعيوني ذلتهم]

يا قلبي نصيبه للحين ما جاه

اعرف وحدة ماشاءالله جميلة وصغيرة وجامعية تزوجت واحد على كرسي متحرك كان معاها يدرس بالجامعة
وحدة كمان خذت اعمى وعايشين مبسوطيين

وبالعكس بنات البلد فيهم الخير
دوري وبتلقين له ان شاءالله

 

[الجده الصغيره]

لا تيأسين وبتلقين له بنت البلد اللي تقدره.........الله يوفقه وييسر امره.......ويرزقه بنت الحلال اللي تسعده......

 

[احلى التفاصيــل]

انا كلامي مع كلام الاخت الجده الصغيره
لاتياسين وبتلقين باذن اللــــــه

 

[*ملكة الحب*]

اصبروا وبتلقون له باذن الله

 

[كنوزالارض]

نصيبه بيجيه بس اهم شي حسن الاختيار تكون على دين وخلق

ويستخير
انا اعرف وحده اخذه واحد على كرسي متحرك والحمد لله ماشيه امورهم الله يوفقهم ويسهل امرهم

 

[انا اعترض]

عزيزتي

انا عندي قريبي نفس حالة اخيك

وانرفض كثيييييييييير.........ولكن عندما اراد الله.........يسر له من رضيت به

والان عايش سعيد مع ابنائه وبناته

عليكم بالدعاء

يسر الله امركم

شكرا على الرد حبيبتي ولك بالمثل

 

[انا اعترض]

اصبري ودوري إلأالله يرضيه ويرضيكم ببنت الحلال
اللي الداريه مثل عينها

الله يصبرنا ويرزقنا ويرزقكم

 

[انا اعترض]

هلا والله فيج ما كو الا انكم تزوجونه وحدة من برا مصرية اردنية هذيل الجنسيات يرضون فيه والله اعرف واحد جذيه وتزوج مصرية قايمة فيه قومة هو واهله وحاطتهم على راسها اما مع احترامي مو الكل البعض الخليجيات ما تحمل نفسها عشان تتحمل زوج جذيه وتقبلي مروري.

والله يااختي انا ما عندي اي مشكله مع اي جنسيه المهم تكون مسلمه والنعم فيهم كلهم بس انتي تدرين يوم من الاهل غير اتعرفينهم ويعرفونج وتندمجين وياهم ..
ابي اعرف اي فئه من البنات يقبلون الزواج من انسان فيه عيب جسدي ؟؟

 

[انا اعترض]

انا لي قريب كذا واخذ سوريه وماشاء الله عليها الله يوفق اخوك ويلقى بنت الحلال الي تسعده

الله يوفقهم ما عندها اخت انزوجها لاخوي :7:

 

[فلفلة]

الله ييسر له الخير وين ما كان

 

[انا اعترض]

عليكم بالدعاء له وخليه يكثر من الاستغفار وصدقيني راح يلقى بس لسى ماجاه النصيب

وذكريه بالداعيه عبدالله بانعمه مشلول شلل كامل ووجد من يحتضنه زوجه صالحه عمرها لم يتجاوز 25 عام

الله يسر لنا وللجميع شكرا عزيزتي على المرور الكريم

 

[انا اعترض]

يا قلبي نصيبه للحين ما جاه

اعرف وحدة ماشاءالله جميلة وصغيرة وجامعية تزوجت واحد على كرسي متحرك كان معاها يدرس بالجامعة
وحدة كمان خذت اعمى وعايشين مبسوطيين

وبالعكس بنات البلد فيهم الخير
دوري وبتلقين له ان شاءالله

الله يسعدج اختي .. رفعتي معنوياتي اشويه ..

احنا بس كلمنا كمن وحده ويالنا احباط .. اكثر وحده تكسر خاطري هي امي .. تخاف انكلم حد .. لانها عارفه محد بيرضى فيه .. تعيش المعاناه كل يوم .. يوم سوى الحادث والحين كل ما كلمنا حد اتشوفين ويه امي كان اخوي الحين سوى حادث .. الله يعافيكم ..

شكرا يا اختي على ردج .

 

[القلب المهجور]

الله يرزقه بنت الحلال اللي تسعده

 

[شقاوة طفله]

لا تتعبين ولا تيـأأسين

توكلي على الله و ابحثي .. إلا ماتلاقين إن شاءالله