اهلين وسهلين والسلام عليكم جميعا..
انا لي 4 شهور ونصف تفريبا والا الان وانا وانا اواجه صعوبات واحاول اتاقلم يقولون
مع الوقت راح تتأقلمي الله كريم المهم زوجي الله يصلحه دايم يطلع من البيت بعد صلاة
العصر بعد الغداء الى 10 تخيلوا اذا كنت في البيت واذا كنت طالعه يجي تقريبا 12 ونصف
وحده واستحي اذا كنت طالعه عند اهلي توصل وحده وزود وهو لسى ماجى لدرجة انه احيانا
ينام في المزرعه وادق اصحيه اذا تاخر علي يقول جلست وراحت علي نومه من هالكلام احيانا
ينامون اهلي وانا جالسه استنى واحاول اشغل نفسي في شئ خصوصا اذا كان في وسط الاسبوع
ودائما معه هالجوال 24 ساعه يكلم اصدقائه ويكثرهم ماشاء الله وتقريبا كل اربعاء او خميس انام
عند اهلي يكون عنده شغل من الصبح او الفجر ويطلع مع خويه اقوله خذني معك يقول لا مايصلح
حريم الله يهديه ومره صار لي موقف دق علي الساعه 10 في الليل قال مانزلتي لاهلي قلت لا ولو
ولو نزلت راح اقولك قال انا رايح للقصيم والحين بنمشي لازم سبحان تخمه فجأه يروح منا ولا مناك
المهم قلت خلاص يعني تقريبا بالكثير ساعتين ويجي وانتظر وانتظر جت الساعه 1 ولا جاء تروعت
خصوصا اني في البيت وادق عليه قلت يمكن صار له شئ او انه نام في المزرعه ولا يرد وادق تقريبا
5 مرات وقفل جواله انا خلاص قعدت اوسوس جت الساعه 2 وهو ماجاء وافكر وش اسوي ماابغى
اروع اهلي ولا اهله وادق مره ثانيه قلت يمكن مافيه عندهم تغطيه والشبكه مو شغاله زين عشان كذا
طلع مقفل ودقيت ولا نفس الشئ مقفل والاعصاب كل مالها وتثور وقعدت اصيح من الروعه ودقيت على
واحد من اخواني ماعنده دوام وقلت له السالفه وقال وسعي صدرك مافيه شئ تعرفينه باارد قلت ايه بس
مو الى 2 ماقد صارت لا خير ان شاء الله وسكرتها وقعدت استغفر وافكر بهدوء تذكرت ان قد دق علي
بجواله الثاني بس ماحفظته عندي وشفت المكالمات المستلمه ولقيته زلله الحمد ودقيت عليه مره ورد
ولاه نايم تخيلوا برووود مو طبيعي قعدت اتكلم وانا متشرهه من الخوف والروعه قلت وينك قال يالله شوي
وجاي وجاء وانا من التعب يوم عرفت وينه فيه خذت غفوه وانا قاعده وسمعته يفتح الباب ولا قمت جاء
وقومني وقلت له ليش ماعلمتني انك بتتاخر زياده قال وشسوي طفا جوالي ونسم الكفر علينا ورحت المزرعه
ونمت من التعب ورحت ويالله نمت من القهر اعوذ بالله وهو ولا همه نام ويوم جاء من بكره ولا كلمه واحط
الغداء ولا اتكلم بس بيني وبينكم ماصبرت تكلمت عادي وهو يناظرني وراني ساكته وقعدت اسولف وبس
