الجنوبي علمني ان الحياه كلها فله ووناسه وحب X حب ورومانسيه
طبعا انا شماليه ماعندي هالسوالف لكن روضني وانااقول روضني لان الشماليه زي المهره صعبه مايسوسها أي احد والجنوبي سايس المهرات
اقولكم الحين كيف روضني ووش علمني ؟
لما شفت علاقاته في الجوال على مختلف خدمات الدردشه والماسنجر زعلت وقاطعته بس مااخرج من البيت وكنت اقاطعه اسبوع ويتوب ويلغي كل شي ونتراضى اسبوع ويرجع ونعيد الكره وفي كل مره يتغير اسلوب الزعل يعني استخدمت كل شي وجلسنا على هالموال مايقارب السنتين وآخرتها تعبت واستسلمت لانه هوقعد على حاله واناتعبت من الزعل ويأست يرجع
ومره كنت محتاره وش اسوي كيف ارضى عليه وعلى أي اساس ارضى بعد ماركب راسه وعنَد يرجع فقرأت موضوع لأختي شغف الله يسعدها ويكتب لها الاجر يارب كانت تتكلم عن الزوج الجنوبي الغربي انه يشوف العلاقات ماهي خيانه هي متعة وتسليه وفله ووناسه واذا حاولتي توقفين في طريقه بطريقه مباشره رح تخصرينه لانه مايبغ احد ينكد عليه وانتي بهالأسلوب تنكدين عليه وتسببين له التعاسه فممكن يفضلهم عليك وتخسرينه مره
فقمت واستعذت بالله من الشيطان ورحت عنده وبدات اتقرب منه ففرح فرح شديد وانبسط وقال ياعمري الدنيا ماتستاهل الزعل والنكد تعالي اعلمكي كيف تدخلين عالم الجنوبي وتفلينها
قلت بس انا ماابغى اصير اناوالي على بالي سوى اناابغ اكون الوحيده في قلبك قال انتي الوحيده والاولى والاخيره بس انضمي الينا وعبري عن الحب والرومنسيه بكل الطرق وخلي حياتنا كلها حب في حب وانا قاعده اقول فبالي الا كلام فاضي في كلام فاضي
بس نفس الوقت اذا رفضت باخسره ويمكن للابد لانه فاتح لي قلبه وكاشف اسراره بحجة انها كلها وناسه
وعقب قالي اول شي ابغاك تكلميني على الماسنجر قلت طيب وكلمته ليله كامله كانه غريب مااعرفه وهو انبسط مره مره وقال على طول كذا
وقال بشحن لك على طول بس ابغاك تراسليني على طول لين ارجع البيت وفعلا صرت مشغوله فيه وهو في البيت وهوبرا يعني ماعندي شغله الاهو والمشكله عندي اطفال وعندي هوايات ماني فاضيه لكن لعل الله يحدث بعد ذلك امرا ومن اول كنت اقعد بالاسابيع من غير شحن ولمااقله يقول ماتستاهلين يخلص رصيدك وانا ماشفت رساله منك
وعنده خدمتين في الجوال للدردشه قال بسوي لك فيها اشتراك عشان تصيرين خويتي ونراسل بعض على طول طبعا انا مابقول لاحد لان افعاله هذي غريبه شوي وبجيب الكلام على نفسي وعلى زوجي بس لكم انتم
قلت له والي عندك اقصد البنات لان عنده يمكن عشر يكلمهم ويراسلهم قال ماعليك فيهم انتي اهم منهم وهم خليهم يحبوني وش خسرانه انتي انا مااقدر اسحب عليهم على قولته يحبوني وبيتعبون لو اسيبهم وبعدين هم يمدحوني مو مثلك
وفعلا ياحبيباتي صرت اكلمه عن طريق الدردشه من يوم يروح الدوام لين يرجع وهو مبسوط حيييييييل وصرت اقرا رسايلهم له في الجوال من غير مايدري طبعا يقولون له صرت تطنش وتتغلى ومعد تسال ووحده يمكن 5 رسايل تبكي فيها وتترجاه مايتركها والحمدلله على نعمة العقل والدين
وعلمني شي ثاني رح تستغربون اذا قلتلكم
الدلع والخجل
كان دايم يكلمني بلهجه فيها دلع يبغاني اكلمه بنفس الاسلوب
ويحاول فيني اقلده حتى في سوالف عاديه بس شماليه مستعصيه
واذا طلب مني شي ومارديت عليه يقول خجلانه اكيد تستحين صح بالعربي زيا لي وده وانا كذا بس ماكنت افهم لا وكمان اقوله لا ماني مستحيه عادي بس ماابغ
ومن يعد ماصرت اقرى في منتدانا الحبيب والغالي على قلبي
فهمت ولما بدات بخطوات بسيطه جدا لا تكاد تذكر صار معد يناديني الا الدلوعه الخجلانه
والله فضايح الرجال يحاول يعلمني وانا ولا عنده
بس كان له الفضل بعد الله ثم منتدى بلقيس
وهذا هو الجنوبي الغربي الي عندي وهذا الي علمني هووانا ماقدرت اعلمه من افعال الشماليين شي
